Joriy yilning 14-sentabr kuni Buxoro tumanida yashovchi fuqaro X.S. tomonidan viloyat IIBning 102 qisqa raqamiga qoʻngʻiroq qilib, oʻziga tegishli boʻlgan “Iphone” rusumli telefonini sotish uchun internet tarmogʻiga joylashtirgan e'lon boʻyicha, unga notanish boʻlgan fuqaro telefonni sotib olishini bildirib, u bilan telefon orqali gaplashib, oq rangli “Neksia 3” rusumli, davlat raqam belgisiz, oynalari qoraytirilgan avtomashinada kelib, pulini avtomashinadan olib berishini aytib, avtomashinaga oʻtirib telefonni olib ketib qolganligini bildirgan.

Mazkur holat boʻyicha soat 02.30da Buxoro viloyati boʻyicha davlat raqam belgisiz boʻlgan “Neksia 3” rusumli transport vositasini “Toʻsib ushlash” rejasi harakatga keltirilgan.

Olib borilgan tezkor qidiruv surishtiruv ishlari natijasida, “Neksia 3” rusumli avtomashina, Buxoro shahar I.Karimov koʻchasida harakatlanib yurganligi aniqlangan. Soat 04:41 larda mazkur transport vositasini boshqargan 2003-yilda Buxoro tumanida tugʻilgan Buxoro shahar “Foshun” mahallasida yashovchi M.A., IIOlari xodimlarining qonuniy toʻxtash ishoralariga boʻysunmasdan bir nechta transport vositalariga texnik shikast yetkazgan.

Mazkur holatni sodir etgan haydovchi va transport vositasi ushlanib, Buxoro viloyati IIB TB tomonidan Oʻzbekiston Respublikasi JKning 219-moddasi 2-qismi hamda 166-moddasining 3-qismlari bilan jinoyat ishi qoʻzgʻatilib Oʻzbekiston Respublikasi JPKning 221-moddasi tartibida M.A. qamoqqa olingan.