"للغمام اللي نسانيسه من الغربي تسوقه
‏⁦ ديمةٍ⁩ يروى بها الضميان من ممحل ثرانا

‏مرحبا به ماهمل وبله وما لاحت بروقه
‏ و ماتهادى صوت ⁦ رعاده⁩ مع الليل وغشانا

‏ لانتهض مقدم سحابه وأسبل لوبله حقوقه
‏ كن زبد سيله رغو درٍّ على الطاس إيتحانا".

"‏تسوق العباير لين تقبل على البلعوم
‏و أكفكف طوارفها و تدويي لها لجه

‏و تلجلج مثل وردٍ على عيلمٍ معلوم
‏راع المال يقرع نصفها ونصفٍ يهجه
‏ㅤ
‏عفى الله عن زولٍ ترك في الضمير رسوم
‏يزوّل لعيني وين ما روح و أوجه
‏ㅤ
‏عليه الفؤاد من التوجاد فيه ثلوم
‏وعليه العيون تجمع الدمع و تمجّه".

‏"يتوارى عن عيون البشر لانه كتوم
‏ولا أنا لولا الحيّا كان جيته في حماه

‏أدري انه يسمع الشعر وتجيه العلوم
‏ويدري انه من نصيبه قراه أو ماقراه".

"أقترح أن يكون التداويّ بالقصايد كـ أحد فُروع الطب البديـل"
‏-اسأل مجرب.

"ياعظيمة كل شي له حدود وله نهاية
لكن انتي ما وقفتي عند حدّك ياعظيمة".

"‏حايلٍ من دونها حول وشويّه
مير مالله حايلٍ دون ذكراها"
- مدغم ابو شيبه.

"‏عسى السحاب اللي غشى الدار توّه
يسقي ثرى قبرٍ نحبه ونغليه".

"‏تبسّام ثغرٍ لا تبسّم..جلى همّي".

"‏ابو لبة ٍ تشدي لـ نور القمر لا بان
وعين ٍ على ذبح المهاوي مضريها".

"‏كنها تمشي على زل وحراير
جت تهزع في بلاط الهاشميّه".

"‏لو يسام الحسن والتيه بجنيه وريال
مابقى في سوق غيرك لا ريال ولاجنيه".

‏"لو إن خدرات العيون قصرانا
كان الليالي بيض وأيامنا عيد".

"‏كحل العيون الثمل العسجديات
في خمرها سحر الانوثة تصبى".

"‏يابنت منهو مقدمٍ للسناعيس
فكاك عقدات النشب والطلايب".

"بعد ما هوى نجم وبدى نجم ليل وغاب
تجافت جنوبي والعزايم شفاويه

تمادى السهر والطاري اللي فتح له باب
خذ النوم في دربه ولا عاد له جيّه

وقلب الولع مافيه حيله وطب اطباب
سوات الوحش لافر من كف راعيّه

وانا عيني لمزن تغشى شعيب نصاب
نخيله وحنا فاهقين النعيريه

تضاحك بروقه ويتراكا له الهباب
يداعب سحابه لين ينفض مخاليّه

مجاهيم سحبه لا غشت وبله المنساب
جديل يغشيه الهوى جيد ريميه

مسيله على وجه الثرى حافر سرداب
تهدم مهد السيل من سيل واديه

والى فصل الباذر على قاعة الجلباب
وفلت نسانيس الهوى كل مطويه

تجودل له البدوان وتطول المعزاب
وفي شف ابلهم كل ليل على نيه

شعته العسوس بعلمها والهوى غلاب
وجاتك تزاعج للربيع ومفاليه

رعاياً تبارى تطوي البعد طي ثياب
تشابه سرايا الجند في يوم حربيه

عطايا الله خيار المكاسب هوى الالباب
غنات الرجل غاية هواه وعزاويه

خيار العطا ستر اللوازم كرم لاشناب
عطايا العرب تخليص دين ودفع ديه

على صوت راعيها ولايف وعوج ركاب
تعرفه ولو هو بين عشرين جنسيه".

"نديمة مباهيرٍ من الخصر مزويه".

وصولاً الى:.
"ونارٍ على جمر السمر تشعف الشباب
نديمة مباهير من الخصر مزويه

دلال بهن من صامد الكيف للشراب
هوى جرت المنكوس والا الهجينيه

لهن عاتق الغرنوق والجنب جنب غراب
على اركايهن للنار صبحٍ وعصريه".