‏"طالما هناك امرأة رائعة..سيوجد الشِّعر".

"‏لا تكحّل يا اريش العين وشهوله
الله اللي يا حبيبي مكحلها

الهدب ليلٍ كسى الخد من طوله
تنكسر شمس الضحى يوم ظللها".

"‏من يلوم القلب يا ناس قولوا له
القلوب الميته ما نجادلها

يا بعد عمري والازوال يا زوله
لا اقبلت ما ودك الا تقابلها

كل ما نقّض جروحي بـ مجدوله
جيت مع عفر القصايد اهوبلها".

"‏بسألك وانتِ مداه وحادي الغيث وزهابه
كم بقى من دهشةٍ تجزل عليه من المثوبة؟".

"يطوي العمر بخطوط يديك سجّادة رحابة
كلّ ما يرفع أذان الصبح في مجهم دروبه".

"حوريةٍ قِل الكلام بثغرها
يغنيك عشر سنين عن باقي الهرج".

‏الفجر أشبه بالرفيق الذي قال عنه منيف الجراش:.
"من شيمته يقطع عليك التفاصيل
ماوده يقلّب..عليك المواجع".

‏"أنا لي بالعمر مبدأ ثبت بي،والسنين تدور
مِلبسني لباس المنتصر والنفس مغلوبه".

‏"يجمّلني بضحكة في صداها خاطرٍ مكسور
يغنّي في شماله و الدموع تهِل لجنوبه".

"‏رياضك الخضرا قفر ورياضي الخضرا قفر
من حقنا نرعى خزاماها ونارد بيرها".

"‏اومت بليلٍ فوق..الامتان ميال".

"‏عفري هنف للضلوع وجالهن حنّه
واستانست له فياض القلب ورجومه

لبى جبينه اليا ارتج الغطا كنّه
برقٍ يصب الرفيف بكبد ديمومه"
- مساعد الرشيدي.

"‏يالله عسى نوٍّ مراهيشه تقود
من يمة المنشا يجي له رفايا

ناصع بياضه فوق ربانه السود
مثل القصور الشامخات العلايا

كن يتفجر فيه تفجير بارود
وكن يتطلق من عروضه شظايا

سقياه بالرحمه وممشاه بركود
بالدافق الرافق مزونه ملايا

وليا تغشى نجد ببروق ورعود
كنه على الصمان معطى وصايا".

"‏جعل همال الرفايا ومنقاد الخيال
ينفتق صدره ويرخي على القاع نحره

نور برقه يكشف الستر من سود الليال
وتجفل البل من رعوده ومن خبط مطره

تطمن مزونه على مرتع طوال السبال
كل ملحا راهية عظم صافيت اوبره

ذود عود لاتوكد من سيول الشمال
شد واهل البل الى شد شدو في ثره".

"‏أحبّه..ولا أبغضته على شيٍ يسويه
ولا زالت رقاب الرجـا فيه منعاجه

عسى منزلٍ ضمّه حقوق الوسم تسقيه
وتضحك له الدنيا وهو يضحك حجاجه".

"‏كل ما ينزل مسا شعرك على الطرف الكحيل
أفهقيه،إلى تمعّنت النظر فيك..أفهقيه

أنتي وجهك تمتمات الشوق من خل لـ خليل
لذةٍ ما عاشها إلاّ،من يطوْل الشوف فيه".

"‏بك وقار الصمت لاخيّم على الشخص النبيل
وإن تكلمتي؟ماعاد أحسّ فـ الدنيا نبيه

كيف أعرفك وأرتضي من بعد عرفك في بديل
وأنتي أغلى من دموع الحق ومياة الوجيه".

"‏لين طلت من عيونك شمس و أضوت بالحنايا
‏و إنتهى ليل حنينه رث،و جروحه نديه".

"وأنضحي للخزامى والنفل والثمام
قبل ما تمحل الضحكة بوجه الصبي

كل صبحٍ ترسْب تحت جفنك ونام!
لا رمشتي ركض من كحل عينك ظبي

وكل حزنٍ تشكّل في ثيابك غمام
كن برقه على الأكمام يحبي حبي!

شكّلي طينة الظلما بنور الزحام
لا تخلينها سودا..سواد العِبي".

‏"يا مزنة خيلت والبرق يسرجها
يوم أظلم الليل قامت تلعج لعاجي

على مرابي خشوف الريم مدلجها
ريحة ثراها إلى هب الهواء فاجي

الى فاح ريح الثرى مع ريح عرفجها
تجلا عن الكبد همٍ بالحشا لاجي".