Бугун, Бош прокуратура ҳузуридаги Иқтисодий жиноятларга қарши курашиш департаментида Жиноий даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича Идоралараро комиссиясининг навбатдаги йиғилиши бўлиб ўтди.

Комиссия йиғилишида Олий суд, Давлат хавфсизлик хизмати, Ички ишлар вазирлиги, Божхона қўмитаси, Марказий банк, Истиқболли лойиҳалар миллий агентлиги, Иқтисодиёт ва молия вазирлиги ва бошқа идораларнинг соҳага масъул раҳбар ва ходимлари иштирок этди.

Йиғилишда “дропперлар” (шахсий маълумотларини жиноятчиларга тақдим этаётган шахслар) орқали содир этилаётган жиноий схемаларга ҳамда крипто-активлардан фойдаланиш орқали содир этилаётган молиявий жиноятларга қарши курашиш масалалари муҳокама қилинди.

Шунингдек, иштирокчиларга Евроосиё гуруҳининг 42-Ялпи мажлиси ҳамда Жиноий фаолиятдан олинган даромадларни легаллаштиришга қарши курашиш бўйича молиявий чоралар ишлаб чиқувчи гуруҳ (ФАТФ) нинг навбатдаги йиғилишида кўриб чиқилган масалалар юзасидан маълумот берилди.

Йиғилиш якунида назорат органлари ва идоралар зиммасига ФАТФ тавсияларини миллий қонунчиликка имплементация қилиш бўйича топшириқлар берилди.

Комиссия йиғилиши якуни бўйича тегишли қарорлар қабул қилиниб, ижрога қаратилди.

👉@Department_uz

Бош прокуратура ҳузуридаги Департамент делегацияси Туркий давлатлар ташкилотига аъзо мамлакатлар Молиявий разведка бўлинмаларининг II Форумида иштирок этди

Ўзбекистон Республикаси Президентининг 2024 йил 8 июлдаги ПФ-99-сон Фармони билан халқаро ҳамкорликни таъминлаш юзасидан белгиланган вазифаларга асосан Департамент бошлиғининг ўринбосари Ш.Алиризаев бошчилигидаги Департамент делегацияси жорий йилнинг 26 июнь куни Қирғиз Республикаси Иссиқ-Кўл туманида бўлиб ўтган Туркий давлатлар ташкилотига аъзо мамлакатлар Молиявий разведка бўлинмаларининг Форумида иштирок этди.

Мазкур халқаро тадбирда 6 та давлатдан (Венгрия, Озарбайжон, Туркия, Қозоғистон ва Қирғиз Республикаси) ташриф буюрган молиявий разведка бўлинмалари ҳамда Туркий давлатлар ташкилоти ва ЕХҲТ каби халқаро ташкилотлар вакиллари қатнашди.

Форумда иштирокчилар томонидан жиноий даромадларни легаллаштириш ва терроризмни молиялаштиришга қарши курашишда рақамли технологиялар ва виртуал активлар масаласи муҳокама қилинди, шунингдек мазкур соҳасидаги хавфларни бартараф этиш юзасидан тажриба алмашинди.

Бундан ташқари, Форум доирасида Департамент делегацияси томонидан Венгрия Молиявий разведка бўлинмаси билан икки томонлама учрашув ташкил этилиб, идоралараро ҳамкорликни кучайтириш ва ўзаро тажриба алмашиш мақсадида англашув Меморандуми имзоланди.

Департамент делегациясининг ушбу Форумдаги иштироки кўп томонлама идоралараро ҳамкорликнинг янада ривожланиши ҳамда илғор хорижий тажрибаларни алмашишга хизмат қилади.

👉@Department_uz

Хоразм ва Наманган вилоятларида валюта савдоси билан шуғулланган шахслар ушланди

Бош прокуратура ҳузуридаги Департаментнинг Хива шаҳри ва Қўшкўпир тумани бўлимлари томонидан ИИБ ходимлари билан ҳамкорликда ўтказилган тезкор тадбирларда фуқаро А.И. фуқаро Б.К.дан 6 200 АҚШ долларини 77,7 млн сўмга, фуқаролар Б.А. ва М.А. фуқаро У.Э.дан 4 100 АҚШ долларини 51,2 млн сўмга сотиб олган вақтида ашёвий далиллар билан ушланганлар.

Шу каби, Департаментнинг Наманган ва Давлатобод тумани бўлимлари томонидан ИИБ ходимлари билан ҳамкорликда ўтказилган тезкор тадбирларда фуқаро А.А. фуқаро И.Ю.дан 3 600 АҚШ долларини 45,7 млн сўмга сотиб олган вақтида, фуқаро А.А. 4 000 АҚШ долларини 50,8 млн сўмга сотган вақтида ашёвий далиллар билан ушланганлар.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Андижон вилоятида қалбаки акциз маркали алкоголь маҳсулотларининг савдоси аниқланди

Бош прокуратура ҳузуридаги Департаментнинг Асака тумани бўлими ва ИИБ ходимлари ҳамкорлигида ўтказилган тезкор тадбирда ЯТТ “У.Ю.” “Қадрият” МФЙ ҳудудидаги хонадонида белгиланган тартибда давлат рўйхатидан ўтмасдан, алкоголь маҳсулотларининг савдоси билан шуғулланиб келаётганлиги аниқланиб, ундан 934 дона қалбаки акциз маркали алкоголь маҳсулотлари ашёвий далил сифатида олинган.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz