Бош прокуратура ҳузуридаги Департаментнинг Пискент тумани бўлими томонидан ўтказилган тезкор тадбирда тамаки маҳсулотларининг ноқонуний савдоси билан шуғулланиб келган М.А. фуқаро Ф.Қ.га хорижий давлатларда ишлаб чиқарилган 5 турдаги 3 080 қути акциз маркасиз тамаки маҳсулотларини 2 500 АҚШ долларига сотган вақтида ашёвий далиллар билан ушланган.

Бош прокуратура ҳузуридаги Департаментнинг Жондор тумани бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда фуқаро Х.С. (муқаддам фирибгарлик жинояти учун судланган) “X.I.” МЧЖ таъсисчисининг ишончини суиистеъмол қилиб, ёқилғи–мойлаш материалларини олиб бериш учун корхона ҳисоб рақамидан 995,7 млн сўмни ўзининг пластик картасига ўтказиб олишга эришиб, тадбиркорнинг жуда кўп миқдордаги пул маблағларини алдов йўли билан қўлга киритганлиги аниқланган.

Вазият 24 | Сурхондарё вилояти

Бош прокуратура ҳузуридаги Департаментнинг Янгиҳаёт ва Сергели тумани бўлимлари томонидан ўтказилган тезкор тадбирларда “М.М” МЧЖ дорихонаси сотувчиси Д.Р. 200 дона ҳамда “G.P.” МЧЖ дорихонаси сотувчиси С.С. 150 дона “Бензонал” номли кучли таъсир қилувчи дори воситасини шифокор рецептисиз сотган вақтида ашёвий далиллар билан ушланганлар.

Шунингдек, Департаментнинг Андижон шаҳри бўлими ходимлари томонидан ўтказилган тезкор тадбирда кучли таъсир қилувчи дори воситалари савдоси билан шуғулланиб келган С.М. фуқаро Х.Х.га 10 дона “Тропикамид” ва 10 дона “Регапен” номли дори воситаларини 3,7 млн сўмга сотишга келишиб, шундан 10 дона капсуладаги дори воситасини берган вақтида ашёвий далиллар билан ушланган.

Бош прокуратура ҳузуридаги Департаментнинг Чироқчи тумани бўлими ва ИИБ ходимлари ҳамкорлигида ўтказилган тезкор тадбирда фуқаро Ш.Б. “А.Темур” МФЙ ҳудудидаги хонадонида қонунга хилоф равишда қўлбола усулда ясалган жувоз ускунасида истеъмолга яроқсиз ёғ ишлаб чиқараётганлиги аниқланиб, ундан 55 литр ёғсимон маҳсулот, 392 кг чигит ва ишлаб чиқаришда фойдаланилган бошқа маҳсулотлар ашёвий далил сифатида олинган.

Шу каби, Департаментнинг Шўрчи тумани бўлими томонидан ўтказилган терговга қадар текширувда “Б.” МЧЖ раҳбари Ф.С. “Олатемир” МФЙ ҳудудидаги хонадонида ёғ ишлаб чиқараётганлиги аниқланиб, ундан 937 кг чигит ва ишлаб чиқаришда фойдаланилган бошқа маҳсулотлар ашёвий далил сифатида олинган.

Ахборот 24 | Сурхондарё вилояти

Бош прокуратура ҳузуридаги Департаментнинг Қўрғонтепа тумани бўлими, ДХХ ва ИИБ ходимлари ҳамкорлигида ўтказилган тезкор тадбирда фуқаро А.И. ва бошқалар ўзаро тил бириктириб, фуқаро К.А.га 19,8 млн сўм қалбаки пулларни 10 млн сўмга сотган вақтида ашёвий далиллар билан ушланганлар.