Бош прокуратура ҳузуридаги Оҳангарон шаҳри бўлими, ДХХ ва божхона ходимлари ҳамкорлигида ўтказилган тезкор тадбирда фуқаро Б.М. хонадонида 1 835 дона “Регопен” номли кучли таъсир қилувчи дори воситасини кейинчалик дорихоналарда яшириб сотиш мақсадида “L-ARGININE” дори идишларига қадоқлаб қўйганлиги аниқланиб, ушбу дори воситаси ашёвий далил сифатида олинган.

Шунингдек, Департаментнинг Конимех тумани бўлими, ДХХ ва ИИБ ходимлари ҳамкорлигида ўтказилган тезкор тадбирда фуқаро Т.Ш. фуқаро Х.П.га 250 дона “Бензонал” номли дори воситасини сотган вақтида ашёвий далиллар билан ушланган.

Департаментнинг Жалақудуқ тумани бўлими ва ИИБ ходимлари ҳамкорлигида ўтказилган тезкор тадбирда кучли таъсир қилувчи дори воситалари савдоси билан шуғулланиб келган М.С. фуқаро С.Р.га 10 дона “РЕГАПЕН” ва 10 дона “ТРОПИКАМИД” номли таркибида кучли таъсир қилувчи моддалари бўлган дори воситаларини 5 млн сўмга сотган вақтида ашёвий далиллар билан ушланган.

Бош прокуратура ҳузуридаги Департаментнинг Қува тумани бўлими ва Божхона ходимлари ҳамкорлигида ўтказилган тезкор тадбирда тамаки маҳсулотларининг ноқонуний савдоси билан шуғулланиб келган Н.Б.нинг “Chery Tiggo 8 PRO” русумли автотранспорт воситаси кўздан кечирилганда, салони ва юкхонасида хорижда ишлаб чиқарилган, келиб чиқиши ва сифатини тасдиқловчи ҳужжатлари бўлмаган умумий баҳоси 97 млн сўмлик 7 500 қути акциз маркасиз тамаки маҳсулотларини сотиш мақсадида олиб келганлиги аниқланган.

Жорий йилнинг 6-8 октябрь кунлари Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти бошлиғининг 1-ўринбосари М.Э.Юнусов бошчилигидаги делегация Озарбайжон Республикаси Молиявий мониторинг хизматига ташриф буюрди.

Ташрифнинг асосий мақсади, жиноий даромадларни легаллаштириш ва терроризмни молиялаштиришга қарши курашишда Озарбайжон тажрибасини ўрганиш, мазкур соҳадаги илғор тажрибаларни миллий тизимга татбиқ этиш ва икки давлат молиявий разведка бўлинмалари ўртасидаги ўзаро алоқаларни янада ривожлантиришдан иборат.

Ташриф давомида Озарбайжон Республикаси Молиявий мониторинг хизмати бошқарув раиси Заур Фатизада билан икки томонлама учрашув бўлиб ўтди. Унда, жиноий даромадларни легаллаштириш ва терроризмни молиялаштиришга қарши курашиш соҳасида шубҳали операциялар тўғрисидаги хабарларни тактик ва стратегик таҳлил қилиш, молиявий разведка бўлинмаси фаолиятини рақамлаштириш, соҳадаги хавфларни баҳолаш, шунингдек халқаро стандартларни миллий қонунчиликка имплементация қилиш фаолияти билан боғлиқ масалалар кўриб чиқилди.

Бош прокуратура ҳузуридаги Департаментнинг Ҳазорасп тумани бўлими ходимлари томонидан ўтказилган терговга қадар текширувда “H.P.” ишлаб чиқариш кооперативи масъул шахслари экин ер майдонидаги сув насоси ва бошқа жиҳозларини электр тармоғига ўзбошимчалик билан улаб, 504,2 млн сўмлик электр энергиясидан ноқонуний фойдаланганликлари аниқланган.

Шунингдек, Департаментнинг Чиноз тумани бўлими ва ИИБ ходимлари ҳамкорлигида ўтказилган тезкор тадбирда фуқаро Н.А. “Яхшиният” МФЙ ҳудудидаги хонадонида умумий фойдаланишдаги электр тармоғига ҳисоблагичдан ташқари тўғридан-тўғри уланиб, 150,8 млн сўмлик электр энергиясидан ноқонуний фойдаланганлиги аниқланган.

Департаментнинг Олтиариқ ва Бағдод тумани бўлимлари томонидан ўтказилган терговга қадар текширувларда “S.Sh” ҳамда “Х.Р.” фермер хўжаликлари раҳбарлари Н.М. ва Р.Х. тижорат мақсадида сув насосларини умумий фойдаланишдаги электр тармоғига ўзбошимчалик билан улаб, жами 157,1 млн сўмлик электр энергиясидан ноқонуний фойдаланганликлари аниқланган.

Вазият 24 | Сурхондарё вилояти

Ахборот 24 | Самарқанд вилояти

Махсус репортаж | Тошкент вилояти

Бош прокуратура ҳузуридаги Департаментнинг Пастдарғом тумани бўлими ходимлари томонидан ўтказилган терговга қадар текширувда “К.О.” МЧЖ масъул шахслари “Мирзо Улуғбек” МФЙ ҳудудидаги биносида тижорат мақсадида электр тармоғига ўзбошимчалик билан уланиб, 165,5 млн сўмлик электр энергиясидан ноқонуний фойдаланганликлари аниқланган.

Вазият 24 | Андижон вилояти

Бош прокуратура ҳузуридаги Департаментнинг Нукус шаҳри бўлими ва ДХХ ходимлари ҳамкорлигида ўтказилган тезкор тадбирда фуқаролар Ш.Р. ва С.К. Элликқалъа тумани “Мустақиллик” ОФЙ ҳудудидаги хонадонда яширин равишда қўлбола усулда алкоголь маҳсулотлари ишлаб чиқарганликлари аниқланиб, улардан 2 215 дона қалбаки акциз марка, 1 357 дона қопқоқ, 2 800 дона целлофан қадоқлар, 1 539 дона лента, 700 дона бўш шиша идишлар, 205 дона қўлбола алкоголь маҳсулотлари, 6 дона ампициллин дори воситаси ва ишлаб чиқаришда фойдаланилган бошқа маҳсулотлар ашёвий далил сифатида олинган.