ﻛﻠﻤﺎﺕ ﺍﻏﻨﻴﺔ : ﺇﺣﺴﺎﺳﻲ ﺑﻴﻚ
ﺍﺣﺴﺎﺳﻲ ﺑﻴﻚ ﻟﻮ ﻋﺎﺭﻓﺎ
ﻳﺎ ﺳﺖ ﺍﻟﻌﻴﻮﻥ ﻣﺎ ﺑﺘﺴﺮﺣﻲ
ﻣﺎ ﺗﺰﻳﺪﻱ ﻧﻴﺮﺍﻧﻲ ﺍﻟﻌﻠﻲ
ﻗﻠﺒﻲ ﺍﻟﺮﻫﻴﻒ ﻣﺎ ﺗﺠﺮﺣﻲ
ﻋﻴﻨﻚ ﺳﻔﺮ ﻣﺸﻮﺍﺭ ﻋﺬﺍﺏ
ﺍﺭﻫﻖ ﺧﻄﺎﻳﺎ ﻭﺍﺗﻌﺒﺎ
ﻟﻮﺿﻌﻴﺘﺎ ﻓﻲ ﺳﻜﺔ ﻫﻮﺍﻙ
ﻓﻲ ﺍﻟﺪﻧﻴﺎ ﻧﺎﺱ ﺍﻟﺤﺐ ﺷﻘﺎﻫﺎ
ﻭﻏﻠﺒﻬﺎ
ﻓﻲ ﺍﻟﺪﻧﻴﺎ ﻧﺎﺱ ﺍﻟﺤﺐ ﺷﻘﺎﻫﺎ
ﻭﻋﺬﺑﻬﺎ
ﺧﻼﻫﺎ ﻓﻲ ﺍﺭﺽ ﺍﻟﻮﻃﻦ ﻣﺘﻐﺮﺑﺔ
ﻋﻴﻨﻴﻚ ﺑﺪﻭﺭ ﻓﻴﻬﺎ ﺍﻟﺴﻔﺮ
ﺑﺴﺮﺡ ﻣﻊ ﻋﻴﻨﻴﻚ ﻛﺘﻴﺮ ﻭﺍﺗﺎﻣﻼ
ﻋﻴﻨﻴﻚ ﻛﻮﻥ ﻳﻨﺒﻮﻉ ﺷﺠﻮﻥ
ﻟﻤﻦ ﺗﺘﻮﻩ ﻣﺎ ﺍﺟﻤﻠﻬﺎ
ﻛﻴﻔﻦ ﻳﻬﻮﻥ ﺍﻗﺴﺎ ﻭﺍﺧﻮﻥ
ﺍﺟﻤﻞ ﻋﻴﻮﻥ ﻭﺍﺗﺠﺎﻫﻼ
ﻭﺣﻴﺎﺕ ﻋﻴﻮﻧﻚ ﺍﻧﺎ ﻣﺎ ﺑﺨﻮﻧﻚ
ﻻ ﻻ ﻭﺍﻟﻒ ﻻ .......

في عيونك ديل..
أنا شفت الويل..
ويمين ما ليك..
في قلبي شريك
يهديك.. يرضيك الله..
يهديك.. الله يخليك
و يشيل من عمري أنا..
ويديك.. الله يخليك

مزيكة الحواري/ محمد المهدي عبدالوهاب

مانى غرقان فى التمنى
ولانى سارح بالأمانى
زارنى خاطراً... بلّ شوقى ..وإحتوانى
النخل إتلاقى .. غنى
وردد النيل الأغانى
النجوم لامع بريقا
الورود النايمة .. فاقت
عطرت كل الجزاير بى رحيقا
الندى الراقد بفوقا
صفّقت جنحاتو غنت .. لى هوايا

دقوا مزيكة الحوارى
رقصوا البنوت .. أعرضوا
النخل زايد فى عرضو .. وفى علاهو
البيوت غرقت وراهو
وبرضو زايد فى علاهو
يحكى للدنيا الجميلة
سر عظمتو .. وسر بهاهو

ضى عيونك يا بنية
يضوى من بلداً بعيدة
تحملك لينا الغمامة
ويكتمل للروح .. نشيدا
وفى الدروب اللّيك تودى
بنسرج الخيل العنيدة
والحزن من نور عيونك
يلبس الفرحة الجديدة

وأنا راكب يامراكب
لا الرياح توقف خطايا
لا الجبال .. تحجب رؤايا
ست شموس الكون .. منايا
ليك مسافر
ومن كتير الزاد .. مسافر بى غناي
نوصل الشمس البعيدة..
نبقى عيدا
نزرع الحب البيوقد.... للنهاية

صخر

يا طيبة الأخلاق.......
فراق حبيبي الما بنطاق
الريد يا طيبة الأخلاق
ليه يا دنيا تختاري
تشيلي حبيبي من جواري
أنا القدمت تذكاري
وليه حطمت آمالي
معاك يا طيبة الأخلاق
قادر ربنا الخلاق
أداكي الخلقة والأخلاق
هايم وليك حبيب مشتاق
ويا تومتي الزمن فراق
كلام الناس كتير هوه
كتير لا حوله لا قوه
وحبنا في الفؤاد جوه
يا ربي تنصف الخوة
معاك يا طيبة الأخلاق
أنا جسمي الكلفته أنسلب
وانا قلبي الغذيته انجذب
جبت الجمر فرشته
وتوب الصبر فصلته
عملت تياب وفصلته
معاك يا طيبة الأخلاق
ليه يا حنينة بت أمي
أموت نشفانة من دمي
أموت سهيانه في همي
أموت وتعزو ناس أمي
أموت ريدي معاك تمي
معاك يا طيبة الأخلاق

لغالي وأسامحك لو نسيت
ودعت من يهواه قلبي يقربك مهما نأيت
كم مرة كم حاول يفرق بينا حاسد أو عزول
كم مرة قالوا جنيت علي بدلت ضو أيامي ليل
لكني يانور العذاب أنا مابغير حبي قول
تلقاني دايما فى رجاك تلقاني فى حبك أصون
أسأل عليك الليل ونجموا وكل أنوار الصباح
و كل طائر في سماهوا في شريعتو الحب مباح
أسأل مشاعرك عن هوانا وليه حنانك لي راح
خليني في غاية الألم وحبي تزروه الرياح
حيران أسائل نفسى إيه كان السبب أصل الخصام يمكن يكون فى حقك إتلومت فى ساعة ملام
لكن دة ما معقول يكون أنا قلبى ليك حفظ الغرام

كلمه منك حلوه كنت مستنيها
للامل والسلوى من زمان راجيها
في عيونك كانت كان خلاص خجلانه
فى خدودك بانت ازدهارالوانه
اللسان طاويها لما يوم قلتيها
لاتحاولى رجوعها فى الفؤاد مرساها
بحياك ولوعه كلمتك برعاها
لاتخافى عليها كلمه لى قلتيها
ديمه صاين عهدك وعهدي عندك غالى
يا هناي وسعدى عالى صدرك عالى
كم جلالك فيها كلمه لى قلتيها

عندما تقفو الأزاهر في الربى
والنسيم الحلو يهفو رطبا
والندامى يسكبون العنبا
يرشفون الكأس حببا حببا
أذكري صبا صريعا مستهاما
لم تعد كأساته إلا حطاما
يا سقاة الراح عن خمري سلاما
أصرفوا الكاسات عني والمدامى
خمرتي في الحب كرم قد تسامى
عجزت عن عصرها أيدي الندامى
خمرتي في الحب أجفان الظبا
يا لقلبي من تباريح الصبا

لو خلاص انكرت حبي..
في النهاية .. لا وحبك
لا وحبك لن تكون ابدا نهاية ..
انت عارف نظرتك كانت بداية
و ما اتغيرت..
ما بتغير حبنا.. ناس قالو وشاية
انت وحدك يا حبيبي اخترت قلبي
و كنت حابك..
كنت تتمنى اطيب حسنك
و ازدهي شبابك..
رحت تغريني ..
تغريني بحنانك ومرة تغمرني بعتابك..
كنت في قمة شعوري ..
قلت فيك اجمل غنايا ..
فجأة يتبدل مصيري ..
القا احلامي وسمايا..
لا لا لاوحبك يا وحيدي ..
مستحيل نرضى النهاية..
حبنا اكبر من الدنيا و اطول من سنينا..
فيه من وطني المسالم كلو طيبة و اغلى زينة..
فيه من عاطفتي معنى الكلمة و العشرة الامينة..
نبني للعشاق منارة وتفرح الحزينة...
و برضو يحصل..
تنسى عشك ..
في النهاية ..
لا وحبك لن تكون ابداً نهاية..

ناس لالا ناس لالا ناس لالا
خلو الاالا والاالا في حالها
خلو الماخطر زول علي بالها
يا ناس لالا ناس لالا ناس لالا
المهموم ومحسود علي همي
المظلوم ومهدور دوام دمي
من الحب ابتليت غير الصد ما لقيت
من النار اصليت من ناس لالا ما سمعت غير لالا
خوف الدنيا جايلها .... جايلهااا
المهجور ومجبور علي هجرو
المغدور ومكتوب علي غدرو
بين الحب واي فاء الاخلاص والوفاء
سهران وحيران وما نايل .. ولهان وهيمان وما طايل
السمارن يوم طول الليل ما بنوم من النوح والهموم
من ناس لالا ناس لالا ناس لالا

لى متين يلازمك في ... هواك مر الشجن
ويطول بايامك سهر ... ويطول عذاب
يا قلبى لوكانت ... محبته .. الثمن
يكفيك هدرت عمر ... حرقت عليه شباب
لكن هواه أكبر ... وما كان ليه ثمن
والحسرة ما بتنفع ... وما بجدى العتاب
أحسن .. تخليه ... لى الليالى والزمن
يمكن يحس ضميره ... ويهديه لى الصواب
لكنى اخشى عليه ... من غدر الليالى
وأخشى الامانى تشيب ... وعشّنا يبقى خالى
وهو لسع في نضارة ... حسنه فى عمر الدوالى
ما حصل فارق عيونى ... لحظة او بارح خيالىما اصلها الأيام مظالم والعمر غمضة ثواني
واصبر على جرحك ... وإن طال الألم
بى جراحنا بى أشواقنا ... بنضوى الزمن
انا عارفه بكره بيعود ... فى رعشة ندم
ننسى الحصل بيناتنا ... والسهر اللى كان
تصبح حياتنا نغم ... وعشنا يبتسم
وتعود مراكب ريدنا ... لى بر الأمان

ﻣﺎ ﺑﻴﻦ ﺯﻣﻨﺎ ﻣﺘﻤﻨﻴﻬﻮ
ﻭ ﺯﻨﺎ ﻣﻨﻚ ﺯﺍﺩﻧﻰ ﺃﺳﻴﺔ
ﻃﻔﺖ ﺍﻟﺪﻧﻴﺎ ﻋﺸﺎﻥ ﺃﻧﺴﺎﻙ
ﻭ ﺃﻧﺴﻰ ﺍﻟﺤﺰﻥ ﺍﻟﻄﺎﺭﺩ ﻟﻴﺎ
ﻛﺎﻥ ﺍﻟﺒﺤﺮ ﺍﻟﻤﺎ ﺧﻼﻧﻰ
ﺃﻋﻴﺶ ﺑﺮﺍﻧﻰ
ﻛﺎﻧﻮﺍ ﺃﺧﻮﺍﻥ ﻓﻰ ﺍﻹﻧﺴﺎﻧﻴﺔ
ﻗﻌﺪﺕ ﻣﻌﺎﻫﻢ ﻭ ﺇﺗﻔﺎﻛﺮﻧﺎ
ﻛﻢ ﻟﻔﻴﻨﺎ ﻭ ﻛﻢ ﺳﺎﻫﺮﻧﺎ
ﻭ ﻛﻢ ﻣﺎﺯﺣﻨﺎ ﻟﻴﺎﻟﻰ ﺍﻟﺼﻴﻒ
ﻭ ﻛﻢ ﻏﻨﻴﻨﺎ ﻟﻰ ﺍﻟﺤﺮﻳﺔ
ﻭ ﻛﻢ ﺩﺍﺭﻳﻨﺎ ﺍﻟﺤﺰﻥ ﺍﻷﻛﺒﺮ

يا سر مكتوم في جوف أصداف …
فتشت عليك بقليب نزاف أبحرت ليك بلا مجداف
لا خبير يهدي ولا دليل وصاف يا سر مكتوم في جوف أصداف
راجياها الريح وكتين ما تطل على موجه تمرجح زهرة فل تشيلها تروح والدنيا تنوح على قمراً مات في مطر الليل يتم نجمات بكاها السيل
يا عمر مرسوم في كف أقدار ياخطايا الطال بيها المشوار محسوب ليك تمشي براك خطى الأحزان
مكتوب ليك آه ودمعة شوق ظمأن
مرسوم ليك سهر العاشقين وليك سهران
ياسر مكتوم في جوف أصداف الريح القاسية عنيدة تمام طفت القنديل الكان مقدوح من دمع الليل
رمت القنديل الكان نديان في جوف النيل
رسمت أحزان وسؤال حيران في عيون أيتام
يا سر مكتوم في جوف أصداف

كل ماتباعد بينا عوارض
كل ما هواك يا طيبه مكنى
تلد الغربه القرب الواحد
وبيكى أسمى الشوق وأكنى
لما أفوتك من دون خاطر
أو دون خاطر مني تفوتي
بلقي حبايب في كل حته
وكل بيوت الفقرا بيوتي
لا غيرت وراك الجته
لا بدلت ملامح صوتى
لا غافلنى وهادن فني
غامل المدن الما عرفتني
للأرياف الكم وفتني
وللأطفال الناشفه ضلوعها
ونازفه بغني
أهدي دموعها وأطمن روعها
بي بسمة بكره الماها تمني
ولا مصنوعه...
أغني لشعبي ومين يمنعني
أغني لقلبي اذا لوعني
مخير دربي الما رجعني
اذا طلعني نخلة القرب
ولا الغربه الكدروميه
تنزل غنوتي بي قمريه
أو وقعني في بطن الجب
بطلع يوسف بالأغنيه
أغني الناس المابتسمعني
المني بعيده..المبعده عني
النادى نشيدها وكنت المعني

عارفني منك
لا الزمن يقدر يحول قلبي عنك
لا المسافة ولا الخيال يشغلني منك
وتحرمني منك
والمواعيد لا بتجيب منك تودي
لا الزمن قادر يشيلنيعليك أعدي
لا التحايا ولاالمشاعر الحية في جوه الحنايا
لا رسالة تجيني منك لا خبر طمني عنك
وأنت سايئ فيني ظنك
رغم انك إنت عارف انو منك
لا الزمن يقدر يحول قلبي عنك
لا المسافة ولا الخيال يشغلني منكوتبقى أنت الظالم القاسي النسى
وغصب عني أزيح ظنوني
وأقول عليك أنت المسامح
فوق شجوني
أعيش زمان بالفرقة جارح
وفي احتمالي وبالي منك
أنت سايئ فيني ظنك
رغم انك إنت عارف انومنك
لا الزمن يقدر يحول قلبيعنك
لا المسافة ولا الخيال يشغلني منك
يا هوى الألم النعيم
خليك على الوعدالقديم
وخليني في الشجن الأليم
وأبقى في كل المداين
سكتي وسفري الجحيم
تبقى إيه الدنيا من بعدك تكون
وأبقى إيه بعدك أكون

كان نفسى أقولك من زمان
مدسوس سنين
بى الشايلو فى عيني معزّة
وفى القلب
زاملنى زى خاطر الفرح
وكتين يقاسم الهم .. عزا
وكتين مدامعى تكون جِزا
وتفتح مباهج الليل .. ظنون
كان نفسى أقولِّك من زمان
سطوة محاسنك عندى ما كسرة ..جفون
وكت العيون تعبرنى زى خاطر المسا
سطوة محاسنك ما الرخام .. الفى الحري وكت الثغير يفجعنى.

سطوة محاسنك عندى وكتين كبريائك ينهزم ..
لى طيبتى .. بى لفظة حنان
تنفح قلبى بى رعشة أمان
وكتين شوقى يصبح فى هواك
ليل عزّة
ما بتعرف هوان
كان نفسى أقولك من زمان
عينيك وحاتك غربتى .. وأهلى
وبلادى الفيها ضايع لى زمن
عينيك وحاتك شوقى لى زولاً ولوف
من بعدو ساب عينى .. سهن
وانا كنت داير من زمان
أشرح حكايتى معاك ألف
أحكيك .. وأزيد القول .. إلِفْ
وأتمنى لو قلبك عرف
كان من زمان
من قبل ما فى قلبى يتحكّر

  مصطفى سيد احمد »  صفوة عشقك
صفوة عشقك كلمات

قلت ليها وايدى فى ايدها دمعه حزن سالت
جاى منك وماشى ليك
يا مدائن غربه طالت
لو مدارات نجمى ضلت
سكه السفر استحالت
كونى فى دربى الحقيقه الديمه ليها مشاعرى مالت
قلت ليها وكنت راجع لعينيها
من اسى الزمن المسافر
بالمشاوير العصيه
من متاهات الاماسى الفى مداها
الحزن مضناها وحبيبه
بينى لا بينك مزار لا محطات انتظار
هدهدى الصبر الجميل وامسحى الحزن المخيم فى المدارات الرحيبه
قلت ليها الحقيقه الضايعه بين قلبى وعيونك انى لا قادر افوتك لا اجيك
وانى ما عارف بدونك ابقى كلمه حب تزف البشرى فى ساعه مجيك
انتى عارفه وقلت ليك
يانى اكتر زول بريدك يانى صفوه عاشقيك
يا نى اكتر زول بريدك يانى راكز الحيل عليك
يانى اكتر زول بريدك ولسه بى بحبك متيم مبتلى
الا ريدك زادنى حيره على العلى
لا مراكب القدره ختن قلبى عندك
وانتى لا قلبك نسانى ولا خلا
ابو نورا