⚠️ عدم تفاعلك مع المنشورات يجعل القناة تتراجع
و مُجرد تفاعلك مع المنشور يدعمنا 👍

حيرت افكاري معاك بصوت العملاق الكاشف

الحان الربيع معرض الزهور غني ....
غني يا طيور غني
غني يا طيور نغمك الحنون يشرح الصدور ... غني
غني .. غني يا طيور غني
وغني يا طيور روضك النضير يبعث السرور
غني .. غني يا طيور غني
غني يا طيور حولك الورود فتحت زهور
غني .. غني يا طيور غني
فتحت ثقور من ضياءها نور زي صدى البدور
غني .. غني يا طيور غني
الربيع . .. الربيع .. الربيع ... يزيد الرياض جمال
ويمنح النفوس قوة احتمال

عني مالم .. صدو اتوارو
حظي عاكس .. ولا هم جارو
جفت العين .. والمنام بدري
الحبايب بي .. لو تدري
راعو انصافي .. وجليل قدري
وبعدما طال .. الغياب جارو
عني مالم .. صادو اتوارو
حظي عاكس .. ولا هم جارو

اغاني عشة الفلاتية نحنا حبايب نحنا..ونور الشوق صابحنا
عشان الحب في قلوبنا..أهو جينا واتصالحنا
ودموعنا الكانت سايلة بقت ضحكاتم عالية
الدنيا محال يا غالي..يوم تبسم لي من غيرك
وانا عارفة قلبك طيب.. كبير ونبيلة شعورك
مهما الايام تبعدنا.. ترجع في يوم تسعدنا
امالي معاي تكون.. ياغالي مصيرنا
نبني علشان أزماني..في عمري نفورك داني
يسعدني ويفرح عمري ويتحكم في هجراني
ويحصل واتخاصمنا او دهرنا كان علمنا
دا الحين الحب علمنا..على انو هواك منالي

يا بلال تزورنى مرة
يوم قالوا ليك قالو ما عليك
و انت جافى انا راضيه بيك
يا بلال تزورنى مرة
كلام الاهل سبب زعل
و انت وزه انا ليك بحر
يا بلال تزورنى مرة
قلبى حباك ما لى بقساك
وانت صوره ولا بس ملاك
يا بلال تزورنى مرة

قصة اغنية حزينة جدا
قصة اغنية حتي الطيف رحل خلاني
قصة اغنية في وجدانى
كتب بروف هاشم مساوى - استشارى علم الامراض
قبل سنوات .... زارنا الفنان محمد كرم الله في بيت اختنا علوية مساوي في السجانة ... اشتهر باغنية الطيف ... من اروع الالحان و اعجب بها عدد من الفنانين وتغنى بها وردى سألت عنها محمد كرم الله عليه رحمة الله و كان وقتها متوقف عن الغناء ... اى تاب .... فقال لى لن اغنيها لك و لكن احكي لك قصتها ...
و انا شاب يافع كنت ازور اختي في كورتي في الاجازات ... و انا داخل على البلد قابلنى صديق عزيز من ابناء البلد راكب لوري في طريقه للخرطوم ... و قال لى ... (استناني بمشي و اجيك باكر) ... و كان مسافر ليحضر اسبير لوابور الزراعة .... لكن تاني يوم فجعت بخبر انقلاب اللوري و وفاته ....
حزنت شديد و كنت اردد في كلامه (انا لا تقولي كدا استناني بمشي و اجيكا باكر ... امكن انا ما الم فيك تاني مين عارف المصاير) ... و هذه الكلمات الوحيدة التي رددتها باستمرار ثم اكمل الشاعر محمد سعيد دفع الله الباقي و هكذا كانت اغنية الطيف مشتركة بين وجدانين ... مولودة في جوف الحزن ... من اعمق الاغاني السودانية لحنا و اداء .
الطيف
كلمات / محمد سعيد دفع الله
غناء / الراحل محمد كرم الله
حتى الطيف رحل خلاني
أي قليل يا طيف أقيف وارجاني وين فايتني عابر
وأنا شن حارس وراك أنا تاني ياني معاك مسافر
وين حتى الطيف رحل خلاني ما طيب لي خاطر
الليلة لاتقولي هيّ كدي استناني بمشي بجيك باكر
يمكن أنا ما ألم فيك تاني من عارف المصاير
وين حتى الطيف رحل خلاني ما طيب لي خاطر
الليلة هاك أسمع رنين ألحاني أبقى معاي سامر
خفف لي قليل أحزاني ياما أنا عشت صابر
وين حتى الطيف رحل خلاني ما طيب لي خاطر
الليلة شوف كيفن يسوي زماني ديمة علي جاير
آه مر العذاب وراني سهمو في قلبي غاير
وين حتى الطيف رحل خلاني ماطيب لي خاطر
الليلة شوف كيف بستاني الكان باشي ناضر
من حر السموم بيعاني طيرو يفر يهاجر
وين حتى الطيف رحل خلاني ماطيب لي خاطر
الليلة جفّ يبس صبح صناني لافح حرو كافر
عدمان الضليل سواني مجنون قالوا شاعر
وين حتى الطيف رحل خلاني ماطيب لي خاطر
الليلة كل ما تمر تعدي ثواني منو أسراب تغادر
رحل الفيهو صر وحداني نازل ومر سادر
وين حتى الطيف رحل خلاني ما طيب لي خاطر
أنا بحوم وأرجع وأصد بكاني مقطوع راسي حاير
وين أحبابي وين خلاني آه يالله قادر
وين حتى الطيف رحل خلاني ماطيب لي خاطر
الليلة ما عارف العلي تراني فوق كرعي ساير
وأسكت وأسوي في أوزاني أشعار مالا آخر
وين حتى الطيف رحل خلاني ماطيب لي خاطر
الليلة وإت ياطيف عليك أحزاني لي شويه كابر
عشان خاطر قليبي عشاني لحظات بس تخاطر
وين حتى الطيف رحل خلاني ماطيب لي خاطر
أما النوم أبى وجافاني وأصبح داجّي ساهر
وين حتى الطيف رحل خلاني ما طيب لي خاطر

يا دنيا شوفي البينا خليك حنينة علينا
شوفينا ادردرنا في الريد سنين وشقينا
يا دنيا حلفناك بالريدة حلفناك بعد الفراق لمينا

يا دنيا ديل دنيتنا كل ريدنا ديل بهجتنا
ديل دنيا جابت دنيا شايلة الحنان وسقتنا
أيامنا لو ظلمتنا غيرك منو براعينا

يا دنيا نحنا اثنين شايلين عذاب قلبين
حاضنين هوانا برانا شايلنه لينا سنين
ليه يعني ليه يادنيا لو تاني لميتينا

ما أجمل الأيام يا دنيا لما تحني
وتجيبي لي حبيب غاب بالشهور عني
أصله الحصل والكان لا منه لا مني
يا دنيا لمينا في ريدنا سيبين

لا ما تقول نسيتك وما ممكن ده يحصل
ونحن البينا عامرة زي ما كنا أول

أسأل قلبي تلقى مكانك هو هو
وأملي في اخضراره وما لغيره سلوى
ما خنتك يا غالي وبعتك لليالي
ولا استهواني فاتن قلت عليه أجمل
ونحن البينا عامرة زي ما كنا أول

ليه خليت غرامك يخضع للظنون
ما هماني غيرك ومين زيك يكون
لا ما هان علي أغيب عنك شوية
وأرجع يوم أقولك فؤادي خلاص تحول
ونحن البينا عامرة زي ما كنا أول

أنت أماني عمري وكيف أقدر أخونك
وكيف تسعد سنيني غير ما أشوف عيونك
يا البسكر عبيرك أنا ما لي غيرك
وغالي عهودنا باقية مهما بعادنا طول
ونحن البينا عامرة زي ما كنا أول

وحياة المحبة واشواقى وحنانى
وحبى الليك نابع منى روحى وكيانى
ترجع يا حبيبى ترجع لى تانى
ترجع تملا دربى بالحب والامانى
يا حبيبى
و حياة المحنة والعطفة النبيلة
و ليالى التلاقى وذكراها الجميلة
و حياة شوقى ليك وقلبى بين ايديك
ما كان بعدى عنك لو بايدى حيلة
يا حبيبى
ما بنساك وربى لو لحظات شوية
حبك مالى قلبى و باين فى عينية
دربى و حاتك اظلم ربى وحاتك اعلم
و انت بحالى دارى وما سائل على
يا حبيبى 

الطريف الشايل سيف رمش جراح
صالح عبدالسيد ابو صلاح
الطريف الشايل سيف رمش جراح ....غافر در الفاطر والمسك والراح
**********
جفني مالك ساهر وين منامك راح........شوقي يصبح زايد ووجدي ماله براح
حظي مسجون هجرك أطلقيه سراح.....يا ريحانة قلبي وزهرة الأفــــراح
*******
يا النسيم المسكر للغصون رناح ....يا جيب لي روح مسكيه وزود الامناح
يا بليبل طيبه يا الهـــزار النـــاح ....ليك أصير متشكر لو تعيرني جناح
********
يا النسيم المروى البى الروايح فاح .........هب جمر اشواقى الملكته الاصفاح
قلّ صبري ودور في القلوب لفاح ........اصلو اذاى عنابه وطبي في التفاح
*******
يا النسيم الخصر المن مرورك ماح ....صد ليه واطلب من تنيه سماح
الفويـــطر يقـــدح والبريق لمــاح .......قلل أمطار دمعي الاندفق طماح
**********
زورنى طيف يا الساكن جزائر الواح ........يا المنوره داخل في القلوب سواح
في الجبين مكتوبه الريده بالألواح ............زيدنى حبا فيك يمازج الأرواح
************
ما الهتينه دموعه الليل على الاصباح ........القوافي انجلت والمعاني تباح
كم جمالا ماشى كم جــــرى ونباح .......ما قبض رأس ماله يطالب الأرباح
************
ما الخليع العامل للجمال مداح .......... في بكاه يحكى البلبل الصداح
كم عزول يا ملكة وكم حسود رداح ......خلى دمعه يهتن والزناد قداح
**********
ما لحقت الطائر يا المكسر زاح ........لا تهتن دمــــعك يغرفو النـــزاح
هند بنت الجان الفى الكنايه مزاح.....إن بكيت بنسامحك وتانى مافى مزاح

أسمعنى نشيدك
ورينى كمان فى الفن تجديدك
يا حمام الدوح
أسالنى أفيدك
عن حالى البى وأحسبنى شهيدك
ولهى ما بفيدك
أبقالى رسول أو خذنى فى أيدك
أترك تهديدك
أسمعنى درر وواظب ترديدك
وين القى نديدك
يا جالى الهم زيد شجوى وأزيدك
عقب تغريدك
يا ساجع الدوح خلينى أريدك
وأًلا ليه بريدك
وألبس روحى يا حمام فى وريدك
لا تخش هجيرك
سافر يا حمام مولاك يجيرك
سارع فى سيرك
لو لى جناح أنا كنت وزيرك
رحماك فى صعيدك
أندب حظى وأدنى لى بعيدك
يوم عيدى وعيدك
يوم الأيام لديارى تعيدك

لَيلَة بِروقه تَلوح فِى غَمامَه بانَه تَمِيس وتَغَنَّى حَمامَه

غَوَانِى تَمِيسْ والبَهْجَه أَمَامَه هَا هِى النِّعْمَه وهَا إتْمَامَه
قِلُوبْ هَايْمَاتْ ويَقُودِه زُمَامَه الهَوَى العُذْرِى الهُوَّ إِمَامَه

نِجُوم فِى نهور وبدور إتْمَامَه والطَّل فَتَّح للرُّوض أكْمَامَه
نِفُوس تَايْقَات وقلوب هَمَّامَه وتَاج العِز تَمْتازْ بُه حَمامَه

مِى حَمَامة جَوْ دِى حَمَامَة رَامَه حَمَامه حِمُوها لِيُوث وكِرَامَه
بَعِيد يَا بَانِى عَن الأَهرَامَا طَنْ إبْرِيز يرْجَحْ بُه جُرَامَه

سُلالْة العِز مِن نِسْل هُشَامَا شَانَه عَزِيز عَن قُول خُشَّامَه
التَّعبِير لَى ذَاتَه غَشَامَه لَها فِى جُوفْ كُل عَاشِق شَامَه

شَمِس فِى نِيل وزِلاَل فى جَامَه صَباحْ فِى لَيل وشُهُب رجَّامَه
دِيَباج مِن غُوفْ وثِمارْ أعجَامَه يَمُوج وتَمُوج ودِمُوعْنا سَجَامَه

خِدُودْ ضَاحكَات لكن سَمَّامَه عِيُون رايْقَات وعِيُون جَمَّامَه
لَيلَه لَها بالضُّحَى إلْمَامَه فَرْق عَظِيم إكْسِير لَى تُمَامَه

لَيلَه أيَادِى الحَظ خُدَّامَه ذَوَات الشَّانْ والشَّانْ نُدَّامَه
رَافْله ثِيَاب العِز الدَّامَ ونَصر الدِّين يَخْتِل مِقْدَامَه

لَيلَه يَتِيمَه سِرُورَه تَهَامَى صَبا نَجْدِ جَاب زَاكِى تُهَامَه
غَاضَّه عِيُونَه الرَّاشْقَه سهَامَه زِيدْنا يَا رَب مِن نَبْلِ سِهَامَه

َحَّجه وتَجْرَه وعُوده سَلاَمَه حَوَى الحَرمَين مِن كُل آلامَه
لاَبسَه التُّوب الما هُو عَلامَه تاجْ العِز وحَيَا الإِسلاَمَا

زهرة السوسن
اعبد العال السيد
---------
          _
زهرة السوسن
عطرك الفواح
للنفوس مسكن
يا زهرة السوسن
    ++++
قلت ليك طلى
وحى لو امكن
قلتى لا لا
فى الربيع احسن
والربيع اهو فات
وإنتى ما جيتى
حزنت الساحات
وجرحى صحيتى
فيها ايه لو يوم
مره طليتى
يالنسيتينا
وقلتى مانسيتى
    ++++
الظروف شاغلاك
ولا شاغلك ايه
ولا قلبى الطال
شوقو جرتى عليه
زهرة الحانى
الربيع لو زار
خلى يغشانى
مواسم الازهار
خايفو ينسانى

طولت ما رديت
طولت ما رديت
بعدين معاك لو جيت
لازم نسيت العهد
حاولت تبدي الصد
عارف شعونا جميل
نحوك حبيب لو جيت
لو جيت
ولو
الله لو جيت
رد الجواب قاسى
ولا إنت متناسى
عارف عدم ردك
بمرض قلوبنا شديد
شديد شديد

اقبل سلامي كتير
ما تحاول التقصير
لو عدت مقصودنا
يا غاية التقدير
لو جيت
ولو
الله لو جيت

طولت ما رديت
طولت ما رديت
بعدين معاك لو جيت
لازم نسيت العهد
حاولت تبدي الصد
عارف شعونا جميل
نحوك حبيب لو جيت
لو جيت
ولو
الله لو جيت
رد الجواب قاسى
ولا إنت متناسى
عارف عدم ردك
بمرض قلوبنا شديد
شديد شديد

اقبل سلامي كتير
ما تحاول التقصير
لو عدت مقصودنا
يا غاية التقدير
لو جيت
ولو
الله لو جيت

يا الكل يوم معانا و ما قادرين نقول ليك
انك في قلوبنا و كم نشتاق لي عينيك
حنانك يا حالم
عشناك في الاماني و انت قريب معانا
فيك سر الغرام عشناك بالاماني
و اهديناك اغاني تنبع من دمانا
ترمز ليك دوام فيها زهور جنينة
في قلوبنا الحنينه الراجياك دوام
كل ما ندور نصارحك يتجمد بيانا
يغلبنا الكلام و كم نشتاق لي عينيك
حنانك يا حالم
حراسك يا حالم الحياء و الفضيله
و الوعي المبكر و العاطفه النبيله
و امانيك عذاري تتجمع في ليله
فيها زغاريد و حنه فيها بخور و شيله
فبها الناس تبارك الحب و الحليله
فيها الناس تغني للزين و العديله
ده الحالم في قربو زي راس القبيله
وكم نشتاق لي عينيك و كم نشتاق لي عينيك

جدي العزاز
ابراهيم العبادي

جدي العَزاز الجيدو قزاز
ياعُزاز انا نومي خَزاز
تسعة الحزَّاز والرقبة قزاز
حُقّ الابزاز بالمرَّة لُذاذ
احوروافقل ان شفتو وقل
طيّو مَرقَّل بشيش يتنقل
الخصرو هضيم لا جوع لاضيم
خـاتي عِضَيم المـا نِضِّـيم
من تبَّ حشيم المـاهوغشيم
فيهو رشيم لقلوبنا يشيم
لونو تبر في صفارنا قبر
يالمابي تبر انا جنِّي كبر