Dr. Eyob Mamo

ጥያቄ፡

ሰላም ዶክተር በቅድሚያ ስለምትሰጣቸው ምክሮች ላመሰግንህ እወዳለሁ...... የምክር አገልግሎት ፈልጌ ነበር የመጣሁት ጾታዬ ወንድ ነው፡፡ ወደ ጥያቄዬ ስገባ አሁን የጊቢ ተማሪ ነኝ። ጊቢ ከመግባቴ በፊት በእንጀራ አባቴ በተደጋጋሚ የመደፈር ጥቃት ደርሶብኝ ነበር ከዛ በኋላ እኔም ከተለያዩ ወንዶች ጋር ግንኙነት እፈፁም ነበር።

አሁን ይሄ ሁሉ ነገር አልፎ ከእንደዚህ አይነት ልምምድ ውስጥ ከወጣሁኝ አንድ አመት ሆኖኛል። ግን በቅርቡ ጊቢ ገብቼ ከተዋወኩት ጓደኛዬ ጋር ተጣልተን አንድ ላይ መሆን አቁመናል። በጣም ነበር የምንዋደደውና የምንተሳሰበው እርሱ የራሱን ዶርም ትቶ ከእኔ ጋር አንድ አልጋ ላይ ነበር የምናድረው አንድ ላይ ነበር ምንቀሳቀሰው ልጁ በጣም ጥሩ ልጅ ነው። ግን ከተጣላን በኋላ ሁሉም ነገር ሲቀየር እኔ በጣም እየተጎዳው ነው፡፡

አንድ class ስለሆንን ሳየው በጣም ይከፋኛል ዶርም ገብቼ አለቅሳለሁ፡፡ እርሱ ግን በመጣላታችን ምንም አልመሰለውም፡፡ እኔ ግን የሌለ ድብርት ውስጥ ገብቻለሁ ብዙ ነገር የማደርገው ከእርሱ ጋር ስለሆነ አሁን ብቻዬን ስሆን እንኳን በጣም ይከፋኛል። ዶክተር መፍትሄው ምንድነው ምንአልባት የበፊት ህይወቴ ተጽእኖ አድርጎብኝ ይሆን እንደዛም ነው ብዬ እንዳልል ደግሞ ልጁን በንፁሁ ጓደኝነት ብቻ ነው የምቀርበው ሌላ ነገር አስቤ እንኳን አላውቅም። እና ከልጁ ጋር ከመጣላቴ ብቻ የእኔ እንደዚህ መሆን ትክክለኛ ነገር ይመስልሃል???

መልስ፡

ከደረሰብህ የወሲብ ጥቃትና በማገገምህና ከዚያም የመውጣት ምልክት በማየትህ እንኳን ደስ አለህ፡፡ ሆኖም፣ አብሮህ ከሚማር ልጅ ጋር ያለህ ትስስርና የገለጽካቸው ሁኔታዎች ጤናማ የግንኙነትን ቅርበትንና ሂደትን አያመለክቱም፡፡

1. ተመሳሳይ ጾታ ያላቸው ሰዎች አንተ በምትለው መልኩ ሊለያዩ እስከማይችሉ ድረስ “መጣበቃቸው” የጥሩ ጓደኝነት መልክ የያዘ ቢመስልም ሚዛኑን የሳተ ነው፡፡

2. ከዚህ በፊት ከነበረህ የተመሳሳይ ጾታ የተሳሳተ ግንኙነት አንጻር ሲታይ፣ ከአንድ ወንድ ጋር በዚህ መልኩ አብራችሁ እንከማደር ድረሰ መቀራረብህ አንተ በማታስበው መልኩ የተመሳሳይ ጾታ ትስስርና ፍላጎት እንዳለ ጠቋሚ ነው፡፡

3. ይህ ተማሪ ጓደኛህ ሲለይህ ስሜታዊ መሆንህ፣ ብቻህን ሆነህ ማልቀስህና ኑሮ አልገፋ ማለቱ የሚጠቁመው ሁለት ተቃራኒ ጾታ ያላቸው ሰዎች ያላቸው ግንኑነት ሲቋረጥ የሚሳዩት አይነት ባህሪይ መኖሩን ነው፡፡ ይህ ደግሞ ፈጽሞ የተበላሻ ልምምድ ነው፡፡

4. “ልጁን በንፁሁ ጓደኝነት ብቻ ነው የምቀርበው ሌላ ነገር አስቤ እንኳን አላውቅም” የሚለው አባባልህ ፈጽሞ በተመሳሳይ ጾታዎች መካከል ሊታሰብና ሊነሳ የማይገባ አገላለጽ በመሆኑ፣ በውስጠ-ሕሊናህ የምትታገልበት ነገር እንዳለ አመልካች ነው፡፡

ሲጠቃለል፣ ከተመሳሳይ ጾታ ጋር በዚህ መልኩ ተስስር (attachment) ውስጥ መግባትህ ጤናማ አይደለም፡፡ ከዚህም በተጨማሪ ከዚህ ወጣት ጋር ስትለያይ ዞር በማለት የራስህን ሕይወት መከተል ሲገባህ ተሰብረህ መቅረትህም ጤናማ አይደለም፡፡

1. ከነበረህ ተገድዶ የመደፈር ጠባሳ ትክክለኛውን ሂደት በመከተል ነጻ የምትወጣበትን መንገድ ፈልግ፡፡ እንደዚህ አይነት ልምምዶች ከስር መሰረታቸው እስካልነቀልናቸው ድረስ ተደብቀው ብቅ የማለት ባህሪይ አላቸው፡፡

2. ከዚህ በፊት የነበረህ የወንድ-ለወንድ ግንኙነት ያስከተለብህ በርካታ የስነ-ልቦና ቀውስ የመኖሩን ጉዳይ በመቀበል እርዳታ በማግኘት መለወጥህን እርግጠኛ ሁን፡፡

3. ከቀድሞ አጉል ተጽእኖ ሙሉ ለሙሉ ነጻ እስከምትሆን ድረስ ከወንዶች ጋር ያለህን ግንኑነት በጥቃቄ ብታደርገው መልካም ነው፡፡

4. ወደ መንፈሳዊ እምነትና ልምምድ ቀረብ ብለህ ራስህን ብትለውጥም ጥሩ ነው፡፡

በዶርም ለሚኖሩ ተማሪዎች እግረ-መንገዴን የምለግሰው አጠቃላይ ምክር

1. ከተቃረኒ ጾታ ጋር ያላችሁ ግንኙነት በመርህ የሚመራና ዋናው ትኩረታችሁ ሊሆን ከሚገባው ከትምህርታችሁ የማያስጓጉላችሁ መሆኑን አስታውሱ፡፡

2. ከተመሳሳይ ጾታ ጋር አብራችሁ ውላችሁ ካላደራችሁ ስሜታችሁ የሚጎዳ ከሆነ ይህንን ጤና-ቢስና የተለያዩ ስሜቶች የተደበላለቁበትን ትስስር በሚገባ እንድታጤኑትና አስፈላጊውን ማስተካከያ እንድታደርጉ ትመከራላችሁ፡፡

https://www.tg-me.com/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/