Dr. Eyob Mamo

ጥያቄ፡-

በጣም ሚያሳስበኝ:- ሰዎች የሚያደርጉትን ነገር እኔም ሳደርግ ሰዎቹ የሚበልጥ ክስ እና ወቀሳ በኔላይ ያወርዳሉ። እራሱ ግለሰቡ ሚያረገውን እኔ ሳደርግ እኔላይ ተቃውሞ ያደርጋል። አንዳንዴማ አኔ የተለየሁ ሰው ነኝ ወይ? ለምን በትኩረት ይከታተሉኛል? ብዬ እጨነቃለሁ። አመሰግናለሁ!

መልስ፡-

ሰዎች የሚያደርጉትን ነገር አንተ ስታደርግ ስለዚያ ተግባርህ ሰዎቹ የሚወቅሱህ ከሆነ ምክንያቱ

ከሚከተሉት አንዱ ሊሆን ይችላል፡-

የሰዎቹ ችግር፡-
በዙሪያ ያሉት ሰዎች በሙሉ እነሱ ያደረጉትን መልካም ነገር ሌላው ሰው ሲያደርግ የሚቀኑ ወይም ደግሞ እነሱ የሚሰሩትን ስህተት እንደመልካም ነገር እያዩ፣ ያንኑ ስህተት ሌላው ሰው ሲሰራ ደግሞ እንደስህተተኛ የሚያዩ አስመሳይ የሆኑ ሰዎች ናቸው ማለት ነው፡፡ ይህ ሊሆን ቢችልም አብዛኛውን ጊዜ ግን የማይከሰት ሁኔታ ነው ብዬ አስባለሁ፡፡ አንደዚህ የሚስቡ ሰዎች ካሉ ግን የአካባቢ ወይም የጓደኛ ለውጥ ማምጣት አስፈላጊ ነው፡፡

ሁል ጊዜ ሰዎችን መቅዳት (ኮፒ ማድረግ)፡-
ሰዎች የሚያደርጉትን አንተ ስታደርግ የሚበሳጩ ከሆነ ምናልባት ሁል ጊዜ ሰዎች የሚያደርጉትን እየተከታተልክ ያንን ብቻ የምታደርግ አይነት ሰው ትሆን ይሆናል፡፡ የራስህ የፈጠራ ነገር ከሌለህ ወይም ደግሞ ሁሉም የሚያደርገውን በራስህ መንገድ የማታደርግ ከሆነ ሰዎች ሊቃወሙህ ይቻላሉ፡፡ ጉዳዩ ይህ ከሆነ በራስህ ነገር ላይ አተኩር፡፡

አንድን ነገር ካደረክ በኋላ ሁል ጊዜ ምላሽ መጠበቅና መጠየቅ፡-
አንድን ነገር ካደረክ በኋላ የሰዎችን ሃሳብ፣ አድናቆትና የተለያዩ ምላሾች የምትጠይቅና ሰዎችን የምትነዘንዝ ከሆነ ሌላ ምንም ምላሽ አትጠብቅ፡፡ ደግመህ እንዳትጠይቃቸው ሲሉ ደስ የማይልህን ነገር ሊነግሩህ ይችላሉ፡፡ አሁንም የራስህን ስራ በራስህ መንገድ ስራና በራስህ ተራመድ፡፡

ሰዎች ምን እያሰቡ ነው የሚል የስነ-ልቦና ቀውስ፡-
ሁል ጊዜ ስለሚያደርጉት ነገር የሰው ሃሳብ ምን ይሆን ብለው የሚጨነቁ ሰዎች፣ ሌሎች ሰዎች ምንም ሳይሏቸውና ሳያስቡባቸው እነሱ ግን ገና ለገና “ተብያለሁ” እና “ታስቦብኛል” የሚል ጡዘት ውስጥ ይገባሉ፡፡ ይህ ቀውስ ወደከፋ ደረጃ ከደረሰ የስነ-ልቦና ምክር ሊጠይቅ ይችላል፡፡

https://www.tg-me.com/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/