#Dolzarb_90kun #Bektemir #Taqdirlash

“Dolzarb 90 kun” – yangi bilimlarni egallash uchun qulay fursat!

Muhammad al-Xorazmiy nomidagi Toshkent axborot texnologiyalari universiteti tomonidan Toshkent shahrining Bektemir tumanidagi 358-son umumiy o‘rta ta’lim maktabida “Dolzarb 90 kun” loyihasi doirasida navbatdagi yirik tadbir tashkil etildi.

Davlat rahbari tashabbusi bilan yo‘lga qo‘yilgan mazkur loyiha yoshlarda innovatsion tafakkurni shakllantirish, zamonaviy texnologiyalarga qiziqishni oshirish, ularni kelajak kasblariga yo‘naltirish hamda yozgi ta’tilni mazmunli tashkil etishga qaratilgan.

Batafsil: https://gov.uz/oz/edu/news/view/67520

Bizni kuzating

Facebook | Instagram | YouTube | Telegram

OTM axborot xizmatlari raqamli transformatsiya sari

Oliy ta’lim, fan va innovatsiyalar vazirligi tomonidan Oliy ta’lim tizimi kadrlarini qayta tayyorlash va malakasini oshirish institutida tashkil etilgan “Axborot xizmati faoliyatida zamonaviy tendensiyalar: raqamli texnologiyalar, PR instrumentlar va sun’iy intellekt” mavzusidagi o‘quv-amaliy seminarning ikkinchi chaqiruvi ham yakunlandi. Unda yurtimizdagi 30 dan ortiq oliy ta’lim tashkilotlari matbuot kotiblari ishtirok etishdi.

Seminar davomida tinglovchilar axborot xizmatlari faoliyatini bugungi davr talablariga mos tarzda takomillashtirish, raqamli texnologiyalar va sun’iy intellektdan samarali foydalanish, PR strategiyalarni puxta shakllantirish, ijtimoiy tarmoqlarda samarali kontent siyosatini yuritish borasida muhim ko‘nikmalarga ega bo‘ldilar.

7-9 iyul kunlari malakali mutaxassislar, soha ekspertlari ishtirokida yuqori saviyada o‘tkazilgan mazkur kurs yakunlari bo‘yicha barcha tinglovchilarga Oliy ta’lim, fan va innovatsiyalar vazirligining maxsus sertifikatlari topshirildi.

#Seminar_trening #Malaka_oshirish

Bizni kuzating

Facebook | Instagram | YouTube | Telegram

Toshkent davlat iqtisodiyot universitetida bitiruvchi yoshlar uchun bo‘sh ish o‘rinlari yarmarkasi tashkil etildi

10-iyul kuni Toshkent davlat iqtisodiyot universitetida oliy ta’lim muassasalari bitiruvchilarining bandligini ta’minlash va ularni kasbga yo‘naltirishga qaratilgan uchrashuv va bo‘sh ish o‘rinlari yarmarkasi bo‘lib o‘tdi.

Tadbir Oliy ta’lim, fan va innovatsiyalar vazirligi, Toshkent shahar hokimligi, Bandlik va kambag‘allikni qisqartirish vazirligi, Savdo-sanoat palatasi, Yoshlar ishlari agentligi, “O‘zmilliybank” AJ, “Kelajakka qadam” markazi va 50 dan ortiq xususiy tadbirkorlar hamkorligida tashkil etildi.

Tadbirda 2 ming nafardan ortiq bitiruvchi talaba-yoshlar, yirik tadbirkorlar, OTM rahbarlari va sohaga aloqador tashkilotlar vakillari ishtirok etdi. Uchrashuv davomida ochiq muloqotlar, “Biznes marafon” doirasida motivatsion seminar-treninglar va bo‘sh ish o‘rinlari yarmarkasi tashkil qilindi.

Shuningdek, “O‘zmilliybank” AJ tomonidan yoshlarga biznes boshlash bo‘yicha moliyaviy va huquqiy maslahatlar berildi, ishga joylashish imkoniyatlari haqida amaliy tavsiyalar taqdim etildi.

#Biznes_marafon #Bitiruvchi_2025 #Seminar_trening

Bizni kuzating

Facebook | Instagram | YouTube | Telegram