كان هناك شخص أسمه ' المنطق ' والثاني أسمه ' الحظ '
راكبين بالسيارة
وبنصف الطريق تعطلت السيارة
وحاولوا أن يكملوا طريقهم مشيا على الأقدام قبل أن يحل الليل عليهم وعلهم يجدون مأوى ولكن بدون جدوى
فقال المنطق لـ الحظ سوف أنام حتى يطلع الصبح وبعدها نكمل الطريق .
فقرر المنطق أن ينام بجانب شجرة
أما الحظ فقرر أن ينام بمنتصف الشارع .

فقال له المنطق : مجنون !
سوف تعرض نفسك للموت .
من الممكن أن تأتي سيارة وتدهسك
فقال له الحظ : لن أنام إلا بنصف الشارع
فعسى أن تأتي سيارة فتراني وتنقذنا !
وفعلاً نام المنطق تحت الشجرة والحظ بمنتصف الشارع
بعد ساعة جاءت سيارة كبيره ومسرعة
ولما رأت شخص بمنتصف الشارع حاولت التوقف ولكن لم تستطع
فانحرفت بإتجاه الشجرة
ودهست المنطق
وعاش الحظ

وهذا هو الواقع ،
الحظ يلعب دوره مع الناس أحيانا على الرغم من أنه مخالف للمنطق .. ربما لانه قدرهم .. وربما لانه حلمهم و دعؤهم ..
وليس الصواب دائما حليف المنطق .. فهناك امور وردود افعال واحتمالات كثيييرة لا يمكن حسابها بالمنطق..

_ فعسى تأخيرك عن سفر. خير
_ وعسى حرمانك من زواج بركه
_ وعسى ردك عن وظيفه. مصلحه
_ وعسى حرمانك من طفل خير
_ وعسى أن تكرھوا شيئاً وهو خيرٌ لكم
•• لأنه يعلم وأنت لا تعلم ••
.. فلا تتضايق لأي شئ يحدث لك ..
•• لأنه بإذن الـلـِْ♡̨̐ـِْہَْ خير ••

عملائنا الكرام .. ياريت اللي بيستفيد من البوستات وكلام استاذة اسراء او حضر معاها كورس واستفاد يوضح رأيه في اللينك تحت ..
ممكن تعملوا ريفيو للصفحة من هنا .. عشان الفيسبوك بينقص عدد المتابعين للصفحات اللي مش بيتعملها ريفيو
شكرا جزيلا لكم ..
لينك ال review

https://www.facebook.com/pg/lifecoachingwithesraaharoun/reviews/

من الازمات اللي بنعاني منها في مجتمعنا " ازمة التقدير "
مش بنعرف نقدر بعض صح
الام والاب مش بيقدروا اولادهم صح
الزوج مش بيقدر زوجته صح ولا الزوجة بتقدر زوجها صح
المدرس مش بيقدر الطالب صح والطالب مش بيقدر المدرس صح
واقولكو على حاجة اصعب : الشخص نفسه مش بيقدر نفسه صح
وهكذا .. كل همنا النقد واللوم .. واننا نقول للشخص اللي قدامنا هو مقصر في ايه مش هو مشكور عمل ايه ..
اننا نبينله النقص اللي فيه .. مش نمدح ونقدر مميزاته ..
نتصيد لبعض الاخطاء .. ونعمى عن روءية السلوكيات الجميلة ..
وزي ما بنتعدى على غيرنا بالنقد واللوم والاتهامات بنسمح لهم بالتعدي علينا بنفس الشكل لاننا مش بنقدر نفسنا صح
مع اننا لو جربنا بس نقدر بعض شوية ونقدر نفسنا .. هتتحسن احوالنا كتيييير
التقدير احتياج للانسان .. وركن اساسي من اركان الاشباع النفسي اللي هو اساس الاتزان النفسي واساس للثقة بالنفس والتعامل الراقي مع النفس والغير
ابدأ بنفسك .. اعرف محاسنك وعالج عيوبك .. قدرها صح ..
قدر شريك حياتك .. اولادك .. اصحابك .. جرب يوم بس تبطل نقد ولوم وتستبدله بالتقدير والكلمة الحلوة وشوف الفرق
#اسراءهارون
#عيشهاصح

- كابتن محمود الخطيب ..
مره بيحكي إنه راح هو وأصحابه يزوروا الشيخ الشعراوي ...
الخطيب بيقول إنهم أكلوا عند الشيخ,
و كان هو اللي بيخدم عليهم رغم كبر سِنه ..
فلما حسوا إنهم تعبوه وطولوا قالوا هنمشي ..
ف الشيخ خرج يستقبلهم عند الباب وكان واقف بيسلم
عليهم نفر نفر ..
الخطيب بيبص علي الشعراوي لقاه باين عليه الارهاق والتعب فقعد علي كُرسي جنب الباب,
وكان الخطيب هيخرج آخر واحد واللي قبل الاخير جه
يمد إيده للشيخ ويسلم قبل ما يمشي ..
فـ الشيخ مكانش قادر يقف فقام ماسك إيد الشخص اللي بيسلم عليه وباسها ! وقاله :
دي بدل وقوف يا إبني ..
مش قادر اقف أسلم عليك هبوس إيدك تقدير ليك .. الخطيب بيقول : أنا إتصدمت من أدب الشيخ وإحترامه
وإن شخصيه عظيمه زيه يبوس إيد شخص مننا بس لأنه مقدرش يقوم يسلم عليه,
فالخطيب بيقول طبعًا وأنا خارج مرضتش أمد إيدي
وأسلم لأني خوفت يبوس إيدي أنا كمان فمسكت راسه وبوستها وودعته ..!!❤

- زي ما الفوار بيهدي أي حرقان في الصدر ..
- زي ما اللحاف الفيبر بيدفي الواحد في عز التلج
- زي ما شوية البنزين من غيرهم العربيه تقف وبيهم بتمشي ..
كذلك التقدير .. بيهدي أي مُشكله .. بيدفي العلاقات ويحتويها .. بيمشيها ميوقفهاش ..
عُمرك كتبت بالجاف علي ورقه وعرفت تمسحه ؟
التقدير برضه مبيتمحسش لأنه بيعلم بالجاف في قلب اللي قدرته ..
ضحكه لإبنك وهو بيذاكر وقوله " ربنا يوفقك " إنت كده قدرته ..
تكلم صاحبك أو مراتك او تكلمي صاحبتك وإنتي
بتبصيلها مُش بتبحلقي في التليفون ده برضه تقدير ..
جوزك داخل عليكي ولو بكيس عيش تطبطبي علي صدره وتقوليله الله مايحرمنيش منك ..
تقول لصاحبك الطقم اللي عليك شياكه ..
إتأخرت علي ميعاد مفيش مشكله إعتذر ..
ساعتها هتطفي نار الزعل في قلب اللي قدامك لأنك قدرته ..
حتي وإنت معدي الطريق هتلاقي عربيه بتهدي واللي فيها بيشاورلك ويقولك عدي .. بيقدرك ..
قدره إنت كمان وارفعله إيدك وابتسم وقوله شُكرًا ..
ساعتها هيكررها مع غيرك ..
قوم إعمل لنفسك شاي وقول لوالدتك او اختك الصُبح : محبتش أصحيكي لأني حسيتك همدانه .. هتفكرهالك .. حتي ربنا سُبحانه وتعالي بيحب العبد اللي بيقدَر فبيقول : لئن شكرتم لأزيدنكم ..
قدر النعمه وإشكرني ساعتها هزيدك .. فعلاً رجاله وستات مستعدين يشقوا ليل نهار وينسوا اي شيء بيبذلوه مقابل كلمة تقولها الست لراجلها " دنا غرقانه في خيرك وعايشه بحسك " و الست كذلك مُش مستنيه تقوم تاخدلها الهدوم فومين, مستنيه بس تقولها الشقه متروقه وآخر جمال .. الهدوم نضيفه تسلم إيدك، تطيب خاطرها ...
شكسبير بيقول : لا تُبادلني الإهتمام فقط أقنعني أنك تستحقه !

لما تشوف ست جامده و ب ١٠٠ راجل ...
اعرف انها قابلت ف حياتها ١٠٠ راجل قبل كده مايعرفوش اى حاجه عن الرجوله والمسئوليه وخلوها تخلق من نفسها الراجل الأفتراضي اللى مالقتهوش في اللى حواليها ..

لما تلاقي ست قلبها زي الحجر تبقي اتحطت في ١٠٠ موقف كسرو قلبها واضطرت بعدهم تقسّي قلبها لحد ما الجروح عملت عليه قشره جامده قوي .. بس لِسَّه من جوه ضعيف جداً ..!!

لما تلاقي ست ما شفتلهاش دمعه في أشد المواقف ..
اعرف انها باتت ليالي طويله دموعها علي خدها لحد ما نشفت وخلصت خلاص فالدمعه بقت بتنزل جوه قلبها مش من عينيها ..

لما تلاقي ست شايله كل اللى حواليها اعرف انها احتاجت ال يشيلها زمان قوي ومالقتش ..!!!
وعلشان كده بقت هيه اللى بتشيل علشان خايفه علي اللى حواليها من خيبة الأمل ..

لما تلاقي ست واخده دور الراجل مش الست ..
اعرف انها عاشت مع ذكور وقابلت ذكور بس ما عاشتش مع رجاله ولا قابلت رجاله ..!!
🙂
لما تلاقي الست دي ..
يا تسترجل وتحسسها انها ست الستات .. فترجعلك ست وتسلمك الزمام وهي راضيه وسعيده علشان تسوق انت ..
يا تمشي وتخرج ومع الف سلامه يا فندم ✋👌

منقووول

كن نفسك .. لا تتصنع ولا تتكلف ..
خليك على طبيعتك وبتلقائيتك الجميلة ..
لما بتتصنع غير طبيعتك انت كدة بتخلي الناس تقبل وتحب الصورة اللي انت راسمها او الوش اللي انت لابسه .. مش تقبلك وتحبك انت ولا ذاتك الحقيقية .. وده عمره ما يريحك ولا يسعدك .. ودايما هتحس انك قلقان ومش مشبع عاطفيا .. ومش مرتاح
خليك على طبيعتك واللي عايز يقبلك على كدة هو ده اللي بيحبك بجد .. هو ده اللي بيقدرك .. وهي دي الناس اللي ممكن تجدد طاقتك وتشحنك بطاقة ايجابية ومشاعر جميلة ..
عشان كدة حاوط نفسك بيهم واتمسك بيهم ..
كن نفسك ..
لان نفسك دي هدية ربنا ليك .. ينفع حد يديك هدية وانت قدامه تقعد تداريها او تكسر وتغير فيها عشان تعجب الناس او تقبل تسمع حد بيعيب فيها او تستعملها في غير مكانها او تهينها ؟؟؟!!!!! ما بالك بهدية ربنا ..
كن نفسك
عشان غير كدة مرهق جدا .. واي علاقة هتبقا فيها مش انت ومش على طبيعتك هتكون مرهقة وصعبة وبتتسمى علاقة سامة toxic relationship .. بتمتص منك كل طاقتك واقبالك عالحياة و شغفك بالاشياء ..
كن نفسك
واللي بيحبك فعلا وعايزك جنبه هيأقلم نفسه عليك وهتأقلم نفسك معاه ..
كن نفسك
واثبت ذاتك وخليك موءمن و متأكد من صنع الله ( ولقد خلقنا الانسان في احسن تقويم ) ده مش شكلا بس انما شكلك و مضمونك وشخصيتك ووضعك في الحياة كمان .. خلقتك دي ومكانك ده .. هما احسن تقويم بالنسبالك ..
كن نفسك
وقدرها صح واقبلها زي ما هي وقول الحمد لله .. واسعى لتحسينها ومعالجة عيوبها عشان تكون افضل وتسعد بيها اكتر ..
كن نفسك
عشان متبقاش مسخة .. ولا نسخة
#اسراءهارون

https://m.facebook.com/story.php?story_fbid=2608780552487567&id=816408068391500&sfnsn=mo