✅ Gʻamginmisiz, istig‘for ayting!

✅ Qarzdormisiz, istig‘for ayting!

✅ Faqirmisiz, istig‘for ayting!

✅ Bemormisiz, istig‘for ayting!

✅ Zaifholmisiz, istig‘for ayting!

✅ Bo‘ydoqmisiz, istig‘for ayting!

✅ Befarzandmisiz, istig‘for ayting!

📿 Zero, yechim - Istig‘fordadir...

@falsafasi_hayot 🍃

🌿 Suratdagi ayol Obamaning kotibasi. Undan kiygan kiyimi, hijobini qoloqlik emasmi, bu kiyim sizning ilmimngizning darajasini aks ettirmaydi, deb so'rashganida, u "ilk asrlarda insonlar yarimyalang'och kiyingan, insonning fikri rivojlanishi bilan kiyim kiya boshladi... bugun men kiygan kiyim insoniyatning asrlar osha taraqqiy etgan fikrining cho'qqisidir, bu qoloqlik emas... kiyimsizlik esa inson fikrining qoloqligi va ilk aslarga qaytishining belgisidir. Agar kiyimsizlik rivojlanish bo'lganida hayvonlar eng rivojlangan bo'lardi" deya javob berdi..

@falsafasi_hayot 🍃

🌿 Qiyomatli doʻst...(hikoya)

Bir kuni ishdan chiqib, bir taksiga o‘tirdim. Haydovchi, sochi oppoq yoshi ancha ulug‘, qariya otaxon kishi ekan. Men ularga:
- “Amaki, farzandlaringizni qarzidan qutilib, hammasini uyli-joyli qilib bo‘lmaganmisiz”, - deb so‘radim. Ular menga:
- “Ha, o‘z farzandlarimni hammasini oilali, uyli-joyli qilib bo‘lganman, ammo, yana 2 ta qiz farzandlarim bor, ular uchun ishlab yuribman,” - dedi. Bu javobdan yana hayron bo‘ldim. Shunda ular menga:
- “Alloh uchun qiyomatli do‘st tutingan jo‘ram bor edi. Juda qadrdon edik. U qazo qilayotganida menga o‘zining 2 ta qizini vasiyat qilib, ularni yaxshi joyga uzatishimni so‘ragan edi,” — deb tushuntirish berdi. – “Do‘stim - juda yaxshi edi. Men oilamdan uzoqda yurgan vaqtlarimda u mening farzandlarimni o‘ylab bozor qilib eshikdan kirmasdan, farzandlarimga oziq-ovqat yetkazib, ulardan doim habar olib yurgan. Biz Allohning roziligi uchun, oxiratimiz uchun - do‘st tutinganmiz"- dedi. Taksist amaki, yana: “Shu do‘stimning 2 ta qizlarini uzatmagunimcha, Alloh meni jonimni olmay tursin, mana ishlab ularni to‘yiga ancha sep sarposini yig‘ib qo‘ydim, hammasi tayyor bo‘lib qoldi, InshaAlloh endi yaxshi joyga nasib etsa, ularni uzatib olsam, keyin yorug‘ yuz bilan do‘stimni oldiga borsam deb umid bilan yashab, Allohdan rizq so‘rab yuribman,” - dedi.
Men yig‘lab yubordim. Ha, hali shunday imoni mukammal insonlar oramiz borda. O‘shalar borligi uchun bu dunyo - shuncha razolatlar bilan ham qiymat bo‘lmasdan turibdida, deb o‘yladim.
O‘sha amaki bilan xayrlashar ekanman, ularga juda havasim keldi. Chunki, uning haqiqiy IMONI bilan birga - qiyomatli, vafodor do‘sti bo‘lgan ekan.Bu insonlarga havasim keldi. Qiyomatli do‘stlar ko‘paysin.

@falsafasi_hayot 🍃

🌿 Surat sohibi aytadi: Tuyaning hovuzda o‘tirib, so‘ngra o‘rnidan turib bo‘talog‘ini emizayotganini ko‘rib, hayratda qoldim va tuya sohibidan buning sababini so‘radim.

Tuya egasi: Bunday jazirama kunlarda tuya bolasini emizishdan oldin sutini sovutish uchun hovuzga o‘tiradi, so‘ng o‘rnidan turib, bolasini emizadi, deb javob berdi.

«Ular tuyaning qanday yaratilganiga nazar solmasmi?»

@falsafasi_hayot 🍃

Vafotidan oldin ota o‘g‘liga shunday dedi:

— Mana bu soat sening kattabobongdan qolgan. Bu buyumning yoshi 200 yildan ortiq. Ammo uni senga berishimdan oldin, bor, birinchi ko‘chadagi soat do‘koniga kirib, «otam bu soatni sotmoqchi», degin. Qani, ular qanchaga baholashar ekan.

O‘g‘il aytilgan joyga bordi va qaytib kelib dedi:
— Soat uchun faqat 5 dollar taklif qilishdi. Chunki u eski ekan.

Ota shunday dedi:
— Endi borginda, uni qahvaxonada ko‘rsat.

O‘g‘il borib kelib dedi:
— U yerda ham shuncha berishmoqchi — 5 dollar.

Ota yana dedi:
— Endi uni muzeyga olib bor.

O‘g‘il muzeyga borib, qaytib kelib dedi:
— Ular bu zanglagan temir uchun bir million dollar taklif qilishdi!

Shunda ota dedi:
— Men senga shuni ko‘rsatmoqchi edim: har bir narsa, har bir inson haqiqiy qiymatini faqat to‘g‘ri joyda topadi. Noto‘g‘ri joyga tushib qolsang, kimsan, qiymating qancha — hech kim bilmaydi..

Qiymatingni bilganlar bilan bo‘l.
Chunki o‘sha yerda qadr topasan.

©️ Sarvar Rahimiy tarjimasi

@falsafasi_hayot 🍃

🌿 -Bor, gulim, kirib uxla. Bolaga oʻzim qarab turaman. Men-ku uxlab oldim, sen esa tuni bilan mijja qoqmading... Qara, oyoqda zo'rg'a turibsan, ko'zlaring to'la uyqu. Kun yorishguncha biroz uxlab ol. Hali kuni bilan bolaga qarashga kuch kerak bo'ladi... Peshin payti uxlaganida sen ham mizg'ib olgin... Sal kattaroq bo'lsin, bu uyqusizliklar unutilib ketadi...

***
Muhabbat - bu yoringdan oladigan ruhiy ko'mak, quvvat... Yelkama-yelka turib, birgalikda farzandlarni oyoqqa qo'yish...

@falsafasi_hayot 🍃

🌿💚...

- Ba'zida judayam injiq, ba'zida yigʼloqi boʼlib qolaman. Aybga buyurmang...

- Injiqliklaringni men koʼtarmasam, kim koʼtaradi, gulim?. Uyqingning tayini yo 'q. Sogʼligingdan, halovatingdan kechib, joning azobda qolib... farzandlarimni dunyoga keltirding... Ularning hamma erkaliklarini ogʼrinmay koʼtarasan. Nega endi men sening arzimas injiqlaringni ko tarolmas ekanman?!

@falsafasi_hayot 🍃

Men va telefonimdagi, bir kunimga yarab qolar deb, internetdan saqlab olingan suratlar ))

Kimda yana shunaqa? Reaksiyalaringizni qoldiring ☺️

@falsafasi_hayot 🍃

🌿 Xalifa Umar ibn Xattob roziyallohu anhu sutga suv aralashtirib sotishni taʼqiqladi. Xalifaning qarori musulmonlar orasida eʼlon ham qilindi. Qonun kuchga kirdi.

Umar ibn Xattob odatiga koʻra tunda koʻcha aylanib fuqaro holini oʻrganar ekan, banogoh bir hovli oldida ikki ayol – ona va qizning suhbati quloqqa chalindi. Ona qizga:

Sutga tezroq suv aralashtir saxar vaqti boʻlib qoldi—der edi. Qiz esa:
Yoʻq. Xalifa Umar bu ishni taʼqiqlagan—dedi.
Xozir seni Umar koʻrib oʻtiribdimi, tezroq boʻl vaqt oʻtyapdi…
Umar koʻrmagani bilan Umarning Rabbisi koʻrib turibdi Ey Ona! Umardanku yashirarman, lekin Rabbisidan yashira olmayman. Shunday ekan, bugundan boshlab sutga suv aralashtirib sotish yoʻq—deb qatʼiy javob berdi qiz.
Qizning qatʼiyatligi, itoati, halolligi, taqvosi, shariat amrini moddiy manfaatidan ustun koʻra olishi, oxirati uchun dunyosidan voz kecha olishi moʻminlar amiri Umar ibn Xattob roziyallohu anhuni lol qoldirdi.

Erta tong. Umar ibn Xattob Oʻgʻli Osimni yoniga chaqirdi va: falon mahallaga borib, falon xonadonga uchra. U yerda bir qiz bor, uni soʻrab-surishtirib kel—dedi. Osim otasi aytgan manzilni topib bordi va qiz haqida soʻrab-surishtirib keldi. Otasiga kelib aniqlaganlarini aytdi. Umar ibn Xattob: endi seni oʻsha qizga uylantiraman—dedi. Ikki yoshning fotihasi oʻqildi, ikkovlari oila qurishdi. Ularning birinchi farzandi qiz boʻldi. Qizaloqqa Laylo deb ism qoʻydilar. Laylo binti Osim ibn Umar ibn Xattob.

Xalifa Umar ibn Xattob roziyallohu anhuning bu nabirasi Laylo honimga Abdulaziz ibn Marvon ibn Hakam uylandi. Ulardan esa tarixda “Ikkinchi Umar” nomi bilan mashhur xalifa Umar ibn Abdulaziz rahimahulloh tugʻildi.

Bir qizning iymoni, taqvosi, eʼtiqodi, halolligi va shariatga itoati uni ikki dunyo saodatiga musharraf qildi. Qiz arzimas harom boylikdan voz kechgani uchun Alloh uni xalifaga kelin qildi, to qiyomatgacha musulmonlarning qalbidan oʻchmaydigan odil amir—Umar ibn Abdulazizga ona qildi! Halollik bilan baxt topdi! Ilohim Laylo honim kabi muslimalar koʻpaysin!

- Abu Muhammad Abdulloh
“Siyratu Umar ibn Abdulaziz”

@falsafasi_hayot 🕊

🌿 – Ketyabman... - dedi erkak. Ayol yig'ladi.
Xojasining bo'ynidan quchdi.
– Qaramang!.. - dedi qat'iy, ammo past tovushda.
– Kimga, jonim? - deya so'radi erkak. Titroq ovozda ohista shivirladi ayol:
– Jannatdagi hurlarga!
Er tishini-tishiga qo'yib chuqur "uh" tortdi.
Og'ir-og'ir so'zladi:
– Sen mening jufti halolimsan. Boshqalar birodarim!.. Seni jannatda kutaman!

©️seni jannatda kutaman, kitobidan.

Nomahram uchun olingan postdan rozi emasman!

@falsafasi_hayot 🍃

🌿💔... Xabar

-tez yetib keling ayolingizni ahvoli og‘ir!
Said katta qiziga qolgan uch qizini tayinlab shosha-pisha yo‘lga chiqdi..
"Nima bo‘ldi ekan? Hech qaysinda bunday bo‘lmagandiku? O‘zi qaysi qizida tug‘ruqxonaga boruvdi..ayolini qiz tug‘ding deb kaltaklagani qancha?"
Ayoliga qayta qayta qo‘ng‘iroq qildi..o‘chiq!
-o‘lmas..tug‘ib kim o‘libdi!-dediyu baribir yuragi orqaga tortib ketaverdi..

🌺🌺🌺🌺🌺

-ayolim...
-siz Xonzodani erimisiz?
Hamshira uni boshqa xonaga yetakladi
-ayolingiz vafot etdi! Bir qancha hujjatlar va chaqaloqqa kerakli narsalar...
Said hushini yo‘qotay dedi..ko‘z oldidan munisgina mushtipar ayoli gavdalandi..ko‘zidan yosh oqdi
"Sensiz menga o‘g‘il nima kerak? Bizni nega tashlab ketding?"
Atrofidagi rang tasvir chaplashdi..

-ma’zur tutasiz! Yangi hamshiramiz adashibdida..uzr Xonzoda ismli ayol ikkita ekan! Hamshirani bugunoq ishdan bo‘shatamiz!
-yo‘q shart emas..u menga katta saboq berdi!-dedi Said quvonchli yoshlarini berkitib..ichkarida ayoli bir shiringina beozor qizaloqni undan qo‘rqib quchib turganini ko‘rib shaxdam qadam bilan borib chaqaloqni bag‘riga bosib ayolini qo‘lini mahkam siqdi..
-boringga shukur onasi!
Ayolning qo‘rquvdan oqargan yuzida minnatdorlik va baxt aks etdi...

Tamom.

@falsafasi_hayot 🍃

🌿 Qalb g‘iybati haqida eshitganmisiz?

Bu rasmda keksa kishi qo‘ylarini g‘ildirakli qo‘ra bilan olib ketyapti.

Qo‘ylar uchun to‘siq yasalib, ostiga g‘ildirak o‘rnatilgan.

Buni ko‘rgan ba’zilar otaxonning aqli joyidamas, u noodatiy ish qilibdi deb o‘ylashibdi.

Ba’zilar otaxonni keragidan ortiq ehtiyotkor, qo‘ylarini o‘g‘ri olib ketishidan shunday saqlagan deb o‘ylashibdi.

Ba’zilar otaxonni qo‘ylari yo‘lda xatarga uchrashidan qattiq qo‘rqib, vasvasaga uchrabdi shekilli deb o‘ylashibdi.

Boshqalar otaxonning xayoliga mutlaqo kelmagan narsalarni o‘ylashibdi.

Yo‘lovchilardan bittasi otaxondan nega bunday qilganining sababini so‘raganda, keksa otaxon «Qo‘ylarim odamlarning o‘t-o‘lan, ekinlarini yeb qo‘yishidan, insonlarning bundan xabari yo‘qligidan va Alloh taoloning huzurida qo‘ylarim qilgan ish uchun men javob berishdan qo‘rqaman» debdi.

Odamlar qanday fikrdayu otaxon qanday o‘yda.

Insonlar haqida yomon gumon qilishdan tiyilaylik! Zero, yomon gumon qalbning g‘iybatidir.

@falsafasi_hayot 🍃

🌿 — Avvallari ota o‘tirgan uyning tomiga chiqilmagan.
— Ota-ona va yoshi ulug‘lar o‘tirgan paytda bola yonboshlab yotmagan.
Qo‘shnining bolasi o‘ynagani chiqqanda, dasturxondan nasiba berilgan.
— Non yopilganda qo‘shnining dimog‘iga hidi kirgani uchun, ikki dona non chiqarib berilgan.
— Qo‘shnini qiblasini to‘sib, baland uy qurilmagan, shamoldan to‘silmagan.
— Uy qurilganda tarnovini qo‘shnining yeriga tushmasligini tadbiri qilingan.
— Dehqonlar hosil olganda, qovunmi-tarvuz yo‘l bo‘yiga musofirlar uchun nasiba olib chiqarib qo‘yishgan.
— Otalar o‘smir qizchalarini yigitlari bor uylarga narsa so‘rashga chiqazishmagan...
— Bosh kiyim - kiyimlarning boshi bo‘lgan! Erkaklar do‘ppisini yechmagan, erli ayol-ro‘mol, qizlar-do‘ppi, eri o‘lgan kampirlar yorining oq ko‘ylagini yopinib yurishgan. Xalq o‘rtasida «qizi yuzini yerga qaratdi» degan iboraning kelib chiqishiga ham do‘ppi mavzusining aloqasi bor. — Qizi yomon ish qilgan otalarning do‘ppisi xalq ichida boshidan olib yerga tashlangan.
— TVda ko‘rganimiz - ayolu erkak aralash askiyavozlik - bu operatorlarning ijod mahsuli xolos. Ayollar erkaklar bilan kulishish tugul, ikki erkak o‘rtasidan kesib o‘tishi odob sanalmagan.
— Xovlidagi har bir daraxtning pishgan mevasidan qo‘shniga nasiba ilinishgan.
— Qur’on qo‘yilgan tokchaga, qiblaga va kattalar o‘tirgan tomonga qarab oyoq uzatilmagan.
— Har uyning mehmonxonasida qiblani bildiruvchi mehroblari bo‘lgan, tokchalar Mushaf qo‘yilishi uchun beldan tepada qilib qurilgan.
— Mehmonning izzati uch kun! Bu rasmiy birlik bo‘lib, mehmondan «qachon ketasiz?» deb so‘ralmagan.
— Qizlar «turmushga chiqish, erga berish» mavzulari ochiqlangan davralarda o‘tirishlari uyat hisoblangan.
— Yigitlar ota bo‘lganda, hayo sababli farzandini ota-onasi oldida erkalatmagan.

@falsafasi_hayot 🍃

Go'zal qalb qissasi..!

Bir kuni bir badavlat kishi kambag'al odamga bir savat aynigan ovqat berdi. Kambag'al odam yuzida tabassum bilan savatni olib, qasrdan chiqib ketdi. Borib, savatning ichidagi narsalarini bo'shatib, tozaladida, unga eng chiroyli gullardan solib, yana qasrga qaytdi. Gul solingan savatni haligi badavlat kishiga berdi. Badavlat kishi bundan ajablanib, "Men senga savatda aynib qolgan ovqat bergan edim, sen bo'lsa savatni chiroyli gullar solib qaytaribsan?" dedi. Shunda kambag'al: "Har bir inson qalbida borini ulashadi. Qalbi go'zal bo'lsa go'zallikni, qalbi qabih bo'lsa qabohatni ulashadi", deb javob berdi.

@falsafasi_hayot 🍃

🌿 Ichingizdagi og‘riq, iztiroblarni ,,MEN YAXSHI,, deb pardalashni doim udda qilib kelgansiz... Siz doim yaxshiman deysiz, ammo ichingizni ko‘rish mumkin bo‘lganda edi uncha-muncha odam undagi og‘riq, iztiroblardan dod deb yuborgan bo‘lardi... Yaxshisi shu bo‘lsa, yomoni qanday bo‘larkin... Hammaga yaxshilik sog‘inasiz, hech kimga dardingizni doston qilmaysiz... Alloh quvvat bersin, ajr-savobini ko‘paytirib bersin.... Mehnatlaringizning rohatini ko‘ring... Siz yomonam yaxshisiz, muslimam...

@falsafasi_hayot 🍃

​​👑 Sultonimga...

💞 Ey qalbimning sultoni 👑
Meni, xato qilsam hadeb ularni yuzimga solib, mulzam qilavermang, xatolarimni unuting, o‘zimni emas...
Oila a’zolaringizga yomonlamang, ularni mendan ko‘nglilarini qoldirmang...

👑 Ey umrimning podshohi,.
Menga qo‘l ostingizdagi qulingizdek, cho‘ringizdek qaramang, malikangizdek qarang... Boshqa ayollarni menga maqtamang, fazilatlarini aytmang, meni boshqalarga qiyoslamang.
Men — qizg‘onsa, begonasirab, o‘zini ortiqcha his qilib, uzoqlashadigan, yuragi muzlaydigan, nafrati qo‘ziydigan hilidanman... 💔

👑 Ey hayotimning homiysi..
Ishga ketayotganingizda, ko‘chaga shoshayotganingizda, men bilan quyuq xayrlashing. Baqirib-chaqirib uyni tark etmang. Chunki siz kun davomidagi kayfiyatimning omilisiz. Siz ko‘chada insonlar bilan ovora bo‘lib, meni unutishingiz mumkin, ammo mening sizdan boshqa ko‘nglimni hushlaguvchi yo‘q...

👑 Ey ko‘nglimning ko‘chasini yashil bog‘chasi... Men ko‘chadan kelishingizni to‘rt ko‘z bilan kutaman, ko‘chadan kelib meni e’tiborsiz qoldirmang. Kichkinagina bo‘lsa ham shirinlik qistirib keling qo‘ltig‘ingizga. Chunki men muhabbatni hadyalar bilan his qiladigan fitratda yaratilganman.

👑 Ey jannatimning rahbari...
Menga so‘kinishlar bilan, haqoratlar bilan, yomon hulqli ayollarga ishlatiladigan so‘zlar bilan tanbeh bermang, chunki men muslimaman, farzandlaringizni onasiman, qalbim so‘kishlarga o‘rganib, beparda so‘zlardan iymanmaydigan, hulqi buzuq ayolga aylanib qolmay. Quloqlarimni fahshdan qutqaring, unga o‘rgatib qo‘ymang. Siz menga qilayotgan muomalani men farzandlarimga qilaman.
Men sizning, farzandlarimiz esa mening takrorimdir...👨‍👩‍👦‍👦


✨ Post sizga yoqqan boʻlsa, reaksiyalaringizni kutaman 🤗

@falsafasi_hayot 🍃

​​🌿 “OYATAL-KURSIY”ni o‘qigan qiz.

Angliyaning Manchester shahri shimoliy- sharqida joylashgan Rochdeyl shaharchasi mahalliy gazetasida bir xabar paydo bo‘ldi. “O‘tgan oqshomda baland binolar orasidagi qorong‘u tor ko‘chada ikki ayolning nomusiga tegishdi”...
...Tahminan shu vaqtning o‘zida yoshgina bir muslima qiz uyiga kollejdan qaytayotgan edi. Kech bo‘lib ketganligini yaxshi anglagan holda u uyiga tezroq qaytish uchun tez-tez qadam tashlab borardi. Onasining qanchalik qattiq xavotir olishini tasavvur qilib yo‘lda shoshardi. Yarim yo‘lga yetganda qiz bir qiyin tanlovga duch keldi.
Masofani qisqartirish uchun tor qorong‘u joydan kesib chiqish yoki yorug‘ va havfsiz bo‘lgan uzunroq yo‘lni tanlash. Kechikayotgani uchun onasining xavotir olishini ko‘z oldiga keltirgan qiz qisqa yo‘lni tanladi... Yo‘lda yurib borarkan uzoqdan u tomon
kelayotgan bir kishining qo‘rqinchli, qop-qora siymosini ko‘rdi. Qiz qadamini tezlatdi va Allohdan asrashini so‘rab ichida Oyatal- Kursiyni o‘qiy boshladi... Erkak ko‘zlarini olaytirgancha unga yaqinlashib kelardi.. va nimadir bo‘ldiyu qizning yonginasidan o‘tib ketdi. Qiz uyiga yetib olgach bo‘lgan voqeani ota-onasiga aytib berdi. Ertasi kuni gazetadagi nomusiga
tegilgan ayollar haqidagi mudhish xabarni o‘qigach ota-onasi qizga polisiyaga borib qorong‘uda ko‘rgan odam haqida aytib berishini so‘rashibdi. Qiz polisiyaga borganida undan barcha tafsilotlarni so‘rab, notanishning tashqi ko‘rinishi haqida ma’lumotlarni olishibdi. Bir necha kundan so‘ng qizni polisiyaga chaqiribdilar.
Uning qarshisida bir qancha erkaklar tizilib turardi va ularning ichidan o‘sha qorong‘u ko‘chada ko‘rganini tanlashi lozim edi. Tajjubki, muslima qiz ham, nomusiga tegilgan ayollar ham bir odamga ishora qilibdilar. Polisiya xodimlari tushunolmay sarosimada qoldilar va zo‘ravonga savol beribdilar:
- Nega sen anovi ikki ayolga tashlandingu, mana bu bittagina qizga tegmading?
Muslima qiz haqida tushuntirish berganida zo‘ravon shunday javob beribdi:
- Qanday qilib men u qizga tashlanishim kerak? Axir uning ikki yonida bahaybat ikki erkak bor edi... “Muslimaning yonida paydo bo‘lgan ikki erkak kim edi?” degan savol tug‘iladi. Shubhasiz bu Alloh tomonidan himoya uchun yuborilgan farishtalar edi...
Sabab? Chunki qiz o‘zini Allohning panohiga to‘liq topshirib “Oyatal-Kursiy”ni o‘qib borardi...

@falsafasi_hayot 🍃

Oʻrgan...

Yigʻi paytida ham kulishni oʻrgan...
Mayli, seni gʻamdan “oʻlmadi” desin...

Kimgadir tasalli berishni oʻrgan...
“Bu tabib hech kasal boʻlmadi!” desin...

Soʻlish paytida ham gullashni oʻrgan...
“Gʻunchalari ayoz koʻrmadi!” desin...

Yiqilganni mudom qoʻllashni oʻrgan...
“Yuzga boqqulik hol qolmadi!” desin...

Uyalsin, uyalsin... Qilganlaridan...
Seni mudom yerda- hor koʻrganlaridan...

Sabring omon boʻlsin, soʻylama- ohing...
Alloh oʻzi boʻlsin- sening panohing...

@falsafasi_hayot 🕊

Yer yuzida ikkita omonlik bor edi. Biri ketdi, biri qoldi. Ketgani Rasululloh sollallohu alayhi va sallamdir, qolgani esa istigʻfordir...!

Ali (r.a.)

🍀 Astag‘firullohallaziy laa ilaha illa huval Hayyul Qoyyuumu va atubu ilayhi.

@falsafasi_hayot 🕊