‏الوقت ما يضمن على الزين والشين
والناس فوق الارض جايع ، وشابع

اهل الكلام حدود ( سـبعة مـلايـين )
واهل الـفعـول نـعـدّهـم بـ الاصابع ،

سلمان بن دبسان

‏عليك بالـقـرآن لا صـرت مـهـمـوم
ويزيح عن صدرك جميع الهمومي

وصل الصلاه بوقتها دايـم الدوم
تــرا البـشـر والعـافيـه مـاتدومي

*سلمان بن دبسان

‏تسامحوا ياناس عن كل مافات
يالله عسى المعبود يقبل عملكم

العفوا خير وفيه للرب مرضاة
مافيه داعي لايطول زعلكم

تجاهلوا عن كل غلطه وزلات
وخلوا طريق المصطفى هو مثلكم

انتم بشهر المغفره والمسرات
واطلب عسى المولى يحقق أملكم

سعود عايد العلوي الحربي

‏والله ان الادمي طول عمره في صراع
والحضيض يعيش جهده لـ ربّه ساخره

*ياإلهي سجدتي لك خضوع وارتفاع*
*الخضوع لهيبتك كنزي اللي ذاخره*

*والضياع اللي يسمونه العالم ضياع*
*غفلة الانسان عن موعده فـ الآخره*/

‏الذيب لامنه عوا عالي الحيد
يجاوبه من يسمعه من ذيابه

وانارفعت الصوت واقول واعيد
وحدك ولارفقة خوي النشابه

خطو المهبل تفتخر بالمناقيد
لاتتخذ منهم لراسك عصابه

رافق قوي العزم من غيرتحديد
ينفعك لو مايملك إلا ثيابه

ابوخالد

‏زمان اول تحوّل غصب ولّا طوع ؟
‏ابي اعرف متى وشلون يتحوّل !
‏ٰ
‏يغيّر هالزمن و الحلو فالموضوع..
‏انا اللي ما تغيّر .. من زمان اول

عذرك هزيل وسالفتك أجوديه
بعض الحكي ماهوب مفروض ينقال
ٰ
ان كان قصدك بالخطا طيب نيه
لا تصير طيب حاول تصير رجال

ما حسبنا للزلايب ولا هرج الرخوم
خشمٍ نقدر جنابه وخشمٍ نلطمه

ومن علينا يحمل سلاح ويحرش خصوم
والله ان نسلب سلاحه و نخلع محزمه

علي حقوق أهل الوفا ماتعديت
ولا الردايا امرهم واتعدا
ٰ
ياكثر ماغمضت عيني وصديت
مااحب اشوف الطيّب اليا تردا

لا شفت من يزعل بليّا خطا منك
‏حاول عن اسباب الزعل لا تقصّى

‏أمّا لقى نمّامٍ مسولفٍ عنك ..
‏و الّا على ما قيل " خبلٍ موصّى " !

حي فالي دام ربعي حاضرين
شامخٍ كني على طلعة كرا
ٰ
لاني بضايق ولا صدري حزين
دامني فـ وجيهكم وانتم ذرا

أمشي على طيب الفكر والنوايا
وان طابت النيه ترى سعيها طاب

لاصارت الحاجه بـ ايدين الردايا
اقفيت أردد ، منة الناس بـ تراب

خذ راحتك ياصاح واللي ما يبينا مانبيه
ماحدك الله صوبنا والله بعد ماحدنا

ماكل من يقلب علي ياصاحبي بقلب عليه
انا مثل كلمة "انا" لو تنقلب تبقى : انا

غريب والدنيا تجيبك مع اغراب
‎" مره يخدمونك ، ومرات خادم "

مره تكوّن لك علاقات واصحاب ،،
‎ومرات موقف "يصنع انسان نادم"

الناس واجد بين صادق وكذاب ..
‎" وبين الصبور وبين نادم وعادم "

مختلفه العالم بها روس واذناب
‎" لو كلنا .. نرجع لـ حواء و أدم "

ما حرك التفكير الا على اعجاب
‎شوف السحايب في سماها ترادم

" مايرتفع مغتاب لا صار يغتاب "
‎وماتنطوي صفحه على كف هادم

الاجمل إليا جاك يفتح لك ابواب
‎واكيد في صبرك يبي يكون قادم

غيّر ليا شفت التغيّر بـ الاسباب
‎مجرّد انك ؛ لا تواجه تصادم ..

الطيب بذره ، والاوادم من تراب
‎والتجربه تحرث ، تراب الاوادم ..

ارتح من صدوف المقادير وامن
‏واضحك وعيش المقبلات بشقاوه

‏عاد انت لو تدري مسمّى على من
‏من الفخر عطيت ابوك السماوه ..

ملاقيف خلق الله تلّقف على الموجود
‏يعس الكلام إلين ، يعرف مدى حدوده
‏ٰ
‏مع الناس تلقى صاحي الناس والمقرود
‏وبتلقى من المقصوده الغير مقصوده ..

لاتترك اللي خوته تجلب الطيب
أحرص على قربه لو الفقر غطاه

واحذرمن اللي خوته تجلب العيب
لوكثر ماله و اعتلى سور مبناه

الصنف الأول يرفعك بالمواجيب
والصنف الآخر للمذمات ممشاه

هذي تجارب من علا راسه الشيب
واصبح خبير في صواديف دنياه

لاتزعجون الناس بافعال الاموات
كفـوا.. وقفـوا.. كاسبين الجميلـه

عد انت وش سويت من فعل بالذات
اما كسبت النـعم والا .. بديلـه

سعود_العتيبي