‏يا ليتني في أرضِ مكّة أبتغي
فضل الإله مع الحجيج أُنادي

لبّيك يا الله جئت ملبّيا
جردت من كلّ الحياة فؤادي

ماجهلنا في علوم المراجل ماجهلنا
‏من بحور الطيب والعز ارتوينا
‏ٰ
‏للعلا نرقاء سماء وان رقينا مانزلنا
‏والثرى لاهل الثرى والثريا في يدينا

تلزمني الخوه ويلزمني الطيب
‏لو هي على فنجال والا بياله

‏ولا التفت فـ مدورين العذاريب
‏خل الحسد يقضي عليهم لحاله

يدور الزمان ويثبتون الكبار كبار ..
على مرجلة وفعول وسلوم ومروة
ٰ
ماكل من ناداك يستاهل المشوار
ولا كل من خاواك يستاهل الخوه .

ياما حلا المسيار في وقت حله
يم الرفيق اللي يعزك اليا جيت

يفرح ليا منك دخلت بمحله
ويكره اليا منك تغربت وابطيت

يا رب تجعل خواتمنا صلاح العمل
‏ندعوك .. ونفوسنا بـ ذنوبها غارقة .

جيتك ورق مكشوف مافيه تمثيل
حفظت حبك مثل حفظ الأمانه

مارحت أسولف فيك للقال والقيل
حتى ولو بيني وبينه " ميانه " !!

أصبر على زلة رفيقك ليا جتك
‏لو كان مضربها بوسط المعاليق
‏َ
‏وتجاهل الهرجه ليا من تعدتك
‏وصم المسامع عن هروج المطافيق

مانسيتك والقلم حبره جمد
في معاريض الخلايق للغرام

انت قلبك ينكتب له " يعتمد "
وينكتب لقلوبهم حسب النظام

‏المجد يذكرنا وحنا له من الذاكرين ،،
‏والسيف وارماح الوغا والخيل واعنانها

‏لي لابةٍ عند اللقى شرٍ من العالمين ..
‏عشت اسباعٍ فالخلا جودٍ لـ عقبانها

‏‌ عام_هجري_جديد ١٤٤٧

‏العمر يمضي والليالي مديدة
‏عام انصرم والعام الاخر لفانا

‏وش رايكم نبدا بصفحة جديدة
‏عنـوانها👈🏼نبغا نعدل خطانا

‏‌ علي_الشريف ⁩

‏انتهى عام وبدينا بعامٍ جديد
‏يالله العفو والغفران بالي مضى
‏
‏ندعي الله كل مانذكراليوم الوعيد
‏ماندور غير دعوى وكسب الرضى
‏
‏⁧

‏نطوي مع الايام عام ورا عام
تمر ساعات الفرح في دقايق
..
ايام راحت بالعمر مثل الاحلام
يوم بها زعلان وايام رايق
..
درست من دنياي واتعبت الاقدام
وبدلت عن بعض الطرايق طرايق
..
وكفخت بافكاري كما الطير لاحام
وما عاقني عن ماكر العز عايق!!

مطلق_الثبيتي

‏علم اللـي كل واحد مايشوف الثاني
ماتفيد العيشه اللـي ماوراها جمعه
٠
يابنادم لـو يطـول العمر عمرك فـاني
كل عام يمرتطفي من سنينك شمعه
٠
لو تـدورنـي بـعـد مـده ولا تـلقانـي
وش يفيدك بعد موتي لوتهل الدمعه
٠
وان رحلنا ياعسانا نفوز بالـ أحساني
وياعسانا مانخلي غيرطيب السمعه
٠

فهد_الشبلي