‏يا سرعها سرعاه دورات الايام
العام كنّه شهر ،، واليوم ساعه

اعمارنا في نقص عام ٍ بعد عام
وتزيدنا سود الليالي ،،، بشاعه

تلبّس الصادق من الوهم هندام
وتلبّس الكاذب ،، ثياب القناعه

وتقول للصاحي ترا الوعد قدام
وتقول للمجنون سمعاً وطاعه

سعيد_العلياني

‏بين عامٍ يروح وبين عامٍ يجينا
ياالله انك تجملنا بحسن الختام

يوم نرحل من الدنيا ويبكي علينا
كل غالي عزيز و كل راعي مقام

فايز المنصوري

‏ما عاد لي في تالي العمر ٠٠حاجه
إلا صلاةٍ ٠٠مع جموع المصلين

ستين عام وكننا فـي ٠٠عجاجه
نركض ورا الدنيا مع الناس لاهين

راح الشباب وراح وقت ٠٠ابتهاجه
والشيب لاح بعارضي والكبر شين

وبان الظهر لا قمت فيه انعواجه
وصار النظر مهب بعيدٍ عن العين/

الله يا سرع الليالي والايـام
‏راحت سنه من عمرنا مادرينا

‏قبل امس اذكر توّنا بأول العام
‏واليوم بالعام الجديد ابتدينا

‏لا هين بالدنيا على حمر الانعام
‏نضحك على الدنيا وتضحك علينا .

نطوي سنه مرت بها ضيق وافراح
‏ونبدي سنه فيها العلوم السعـيده

‏يالله تجعل مامضى العام ينزاح
‏ونلقى السعاده في سـنتنا الجديده .

عامٍ رحل مسرع مثل سرعة الطير
‏يالله ترحم ميت الناس ، والحي

‏وتجعل خواتيم العمل كلها خير
‏و حسناتنا يارب تقضي على السي .

يالله تجعل ما مضى العام ينزاح
‏ونلقى السعاده في سنتنا الجديده .

الناس ما خلقت لجل ترضي الناس
‏من دوّر رضاها يطيح بزعلها

بعض البشر تلقاه صدفه وتغليه
حتى القلم يمه يحب الكتابه
ٰ
أفرح وأهلي فيه يوم التقي فيه
وشكرت حظ ساقني له وجابه

ترا اختلاف الناس نعمه على الناس
" لو مجتمع فالناس دم ونسابه "

الله مقسّم كل الارزاق بـ قياس ..
ماتبور سلعه ، والسلع ما اتشابه ..