مشيت الدرب لكن مدري انا ويني
يا خطوة فالهوى ماكنت حاسبها

ماعاد الليل وضي الليل يغريني
وماعاد النفس تستحمل متاعبها

كتبت من القصايد ما يعنّيني
عسى يتبل صدري من سحايبها

اخاف الخوف في وجهي يعرّيني
واضيع في لوم خلق الله ومعاتبها

حبيبي والهوى اجمل عناويني
ومشاعر عمري لك صافي مشاربها

هقيت بـ ظني الطاهر وتخميني
لكن ياكبر هقواتي ومساهبها

خذت مني الأماني راحة سنيني
وضاعت راحت سنيني بـ سبايبها

بعد ما بانت الدمعة على عيني
جفيت الناس حاضرها وغايبها

هذا الصباح مأهول بالتكرار
‏بأزلية الإحتمالات
‏هذا الصباح يتكسَّرُ تعبًا

تكابر .. يا بهي القد والأطلال
وأنا أكابر على جرحي وتخميني
دروبي فالصبر طالت وصمتي طال
وهبايب خوفي بدربي .. تلاحيني
سريت ولا دريت ان الليال.. ليال
لين أنصب الدجى في دربي وفيني
رجيت المزنة.. بـ عذبٍ قراح زلال
عسى رعّادها يدوي .. ويسقيني
وراحت خطوتي ضميا سراب اللال
يا وجهٍ ما هو بمثل البشر .. طيني
تبختر من غرور ومن حسن تختال
وقصرت مْن المدى يا هقوة سنيني
لك القلب المعنّى يا هني البال
مع أن صدّك في كل ليله.. معنّيني
لك ايامي عمر والصدر لك منزال
لو يطول الهجر والصد يضنيني
خفاف الشوق من تالي .. علي ثقال
ولا ادري بس على وش هو مجافيني
واذا فزّز دمع عيني قساك وسال
لا عاد تسأل عن دروبي .. انا ويني

لو كنتُ أعلم أنّ الحبَّ يقتلني
‏أعددت لي قبل أن ألقاكِ ⁦أكفانا⁩

- بشار بن برد .

هبوب الشوق ماخلت غصن خوفي
وسحايب لهفتي تاسع مرابعها

خذيني يالمشاوير بهوى شفوفي
لك ضلوعي من اضيقها إلى اوسعها

لا تغريك الوعود .. وكثرة حلوفي
عيون الود ما جفّت منابعها

مع أن الصمت اشوف اصدق من حروفي
خصوص ليا صدقت نفسي مواجعها

رحيلك ما يغيّر حاجة بجوفي
لو تجوب الأراضين وبقايعها

تباريح السهر والبال وحتوفي
ما صدّت نفسي عن باقي مطامعها

لو أحلام العمر لأحبابها توفي
ما كان أحبابها .. توفي مدامعها

مُتعب مني ولا أقوى على حملي
"وداعاً"

يضيق صدري من خطا كل غالي
لا صارت الهقوة في روس النوايف

الزلة اللي مالها اول وتالي
دمحتها ماكنيّ اللي بشايف

صدري من اللوعات ماهو بـ خالي
ياهملالي يالعتب والحلايف

ولا تنشد عيوني في سود الليالي
من الليالي السود شايف وعايف

للشعر في صدري محبّة وترحاب
أقدرّه والله عطاني قبوله

لا صرت مستامن ولا صرت مرتاب
أجيه وأعيشه على أربع فصوله

لا تشرهون بكثر صمتي يالأحباب
البال مطلق للطواري رحوله

درب الفرح غدت مناكيفه غياب
وصدر السما خالي بعرضه وطوله

مشيت والخطوة مشاريه وعتاب
وأغلب مشاويري ليالي سدوله

حدب الحنايا جرحها مابعد طاب
والقلب ما وّفت بوادر حلوله

جفلنيّ المشروه من بعض الأصحاب
ونفس البن آدم ياحبيبي جفوله

أخذيني بالاسباب ومن دون الاسباب
قربك ملاذ العمر وسبّة ميوله

ليلي فقد بدرٍ على سود الاهداب
وصبحي فقد شمسٍ ضياها تعوله

ولا ضاقت الحروف للصمت أبواب
الصمت يقول اللي مانقدر نقوله

دربٍ سفاه السافي والخطوة مقيض
من بعد ما كان بمفاريعه .. ندي

كانت مواري ديمته فالارض فيض
في نوض براقٍ ومصبوب بردي

كيف استعيد الودّ.. والهجران غيض
على اللي قدره كان في نجم الجدي

المترف اللعوب .. أبو طرفٍ غضيض
العسجد اللي ما درى أنه عسجدي

في عوده المجمول .. قافي يستهيض
لا جيت أبوصف قلت يا وين أبتدي

كنت أحسب اني في مراتيعه حظيظ
وأشوفه المرام وغاية مقصدي

ما كنت اعرف ان الليالي في نقيض
لين انقضت جرحي وخلتني وحدي

‏تعرّفك على أغاني جديدة أفضل من إنك تتعرف على أشخاص جدد .

للعمر وسنينه وحبي أقترفت
‏ذنبٍ على ليلة معقبّها القمر

‏ونفسي خذتني للندم حتى عرفت
‏أنك من سنين العمر "زلة عمر"

لي خطوةٍ ما هابت الدرب الحليك
ولي قلب ماهو يانديمي يشتكي

وش هو يخلي وافر المعنى ركيك
سواء عيونٍ ما تعرف إلا البكي

خل الحكي الله يرضى لي عليك
الصمت بعض احيان احن من الحكي

ما يزجر النادره من القوافي زجر
وتصير مثل السحابة في سماي ارْهَجا

الا ملامح رصوفٍ ما تحب الهجر
رعبوبةٍ ما تخيّب لهفةٍ من رجا

تسجر طواريق خوفي فالليالي سجر
فيها مدحت الليالي .. واعتزلت الهجا

يا سايق اللوم لو القلب صم الحجر
ما كان لا مرّه الميّاس .. ضاق وشجى

أن هزّت الرّيح في ليلة غصون الشجر
ما هزّ قلبي سواء .. نظرات عين دْعجا

كن النحر لا هما فوقه .. جديلٍ غجر
مناض برّاق في ليلة سرقها الدجى

في شوفها لذةٍ كنها ملذّة الاجر
رقراقةٍ ما وراء رقراقها ملتجى

هي فكرةٍ بكر جتني مع نسيم الفجر
حثيت فيها القصيدة والقوافي إسرجا