لي خطوةٍ ما هابت الدرب الحليك
ولي قلب ماهو يانديمي يشتكي

وش هو يخلي وافر المعنى ركيك
سواء عيونٍ ما تعرف إلا البكي

خل الحكي الله يرضى لي عليك
الصمت بعض احيان احن من الحكي

أم جديلٍ غجر :)

انا خطوة .. مناصيها منافيها
وانا دربٍ يخاف الحزن والتلويح

وانا كلمة.. محد يقدر ينافيها
وانا دمعة عزيزة حالفه ماتطيح

سلام يا مزنةٍ وبّالها ما قصر
الغصن منها نديّ والارض منها تسيل

وهيّضت قاف عذب ما يشح ويصر
قافٍ خطف درةٍ على بحور الخليل

يوم المنايا تهوش القلب لزّم واصر
يوّقف بوقفةٍ ماهي بوقفة ذليل

مابين خوف الهزيمة وبين حب النصر
النفس شهواتها مابين حطٍ وشيل

وكل ماتجيني الطواري دون حد وحصر
خذيتها للطريق الجرهدي الطويل

من وين ما ألد بعيوني وامد البصر
ما فيه غيرك على سبع الاراضي مثيل

انتي حكاية زمن او مدري فتنة عصر
بس الأكيد أنك الخيال والمستحيل

وجهك من الحسن والجمال بالمختصر
أبهى من اللي خطر وأبلغ من اللي قيل

مابين شوق الفجر وبين ضيق العصر
مشاعرٍ ضاع فيها كل قلبٍ دليل

وعلى وساع العيون الدعج وضيق الخصر
قصايدٍ "عقدها منضود" في كل ليل

قلبي يا لوّامة مثل ماتعرفين
هذي مساهيبه وهذا طريقه

شاخت بي الأوهام والعتمة سنين
وانا ادور بس .. "وجه الحقيقة

قالت في ليلة صمتنا لا يطوّل
قلت الكلام اللي قبل .. وش حصيلة

قالت غلاك اللي في قلبك تحوّل
قلت الدروب اللي في عينك طويلة

ولا ضاقت الحروف للصمت أبواب
الصمت يقول اللي مانقدر نقوله

سحابةٍ مدلّهمة سالت مزابير ماها
الارض فيها تباشر والغصن منها تثنا

ماتدري أنها بصدري متفانيه في عطاها
تفتّق جروح منا وتداوي جروح منا

سنة جديدة
22/12
كل عام وأنتم بخير 🤍

‏لو يكذب اللسان ماتكذب العين
‏والانفس أما بائسة أو سعيدة

‏لا تجرحين وانتي بجرحي ماتدرين
‏مع كل جرحٍ منك مطلع قصيدة

الله يبيّض وجه غُر السحايب
خلتني "أرد الوفاء" يوم سالت

على رحيله مساهيب القوافي سرت
في ليلةٍ في مناكفها ملام وغيا

والناس وعيونها درت بي او ما درت
اهم حاجة مايدخل فالمشاعر ريا

جروحي لو السنين تمر .. لا مابرت
على موادع كريمٍ فيه طيب وحيا

ملامحه فالعيون وفالدروب ان طرت
تبدّد العتمة .. وتجيب كل الضيا

صدره رحيب بـ رحابة السما لا أمطرت
ووجهه بشوش بـ بشاشة الأرض بعد الحيا

‏طريقي اللي أعترى زيفه وضوح
‏ماكني فيه من الصبر رحت وسلكت

‏كان الحنايا ساتره كل الجروح
‏ليه الجروح تبين لامنيّ ضحكت؟

حافظ على بساطتك.