سحابةٍ ناض بارقها وهل ماها
فالأرض مدلوقها يشبب الشايب

على القلوب اللي راح العمْر فـ أرضاها
ما سرنّي حالها .. يا لوعة الغايب

هذي صواديف دنيا.. شفت مجراها
تقدّي المخطي وتضيّع الصايب

والله مدري عن الايام وش جاها
لكن الايام منها خاطري طايب

تدعيني العتمة اللي طال مسراها
واقول يا ليلي الحزين وش جايب

كم ليلة والطواري السقم ترعاها
لكن ظنيّ على نفسي ماهو خايب

وإن ضاقت بدودها وضاق مسعاها
انا على دروبها .. اجرّي الهايب

محبوبتي السمراء

ينقّض الليل جرحٍ ما وقف نزفه
هذي وسومه ما بين الصمت وسهادي

في زومة الطاري اللي عاصيٍ عسفه
ماهو بيعسف ولا بينحدي حادي

ورحت للقاف واعتصمت في حرفه
من بعد ما شفت ظلم الواهيه بادي

من حط في فوادي الغرام واللهفه
كيف يتطاول على سلامة فوادي ؟

أثر الليالي بدون احبابها .. صلفه
نسيمها موجع وطريقها غادي

يا مستغيض الشعور وجاهلٍ وصفه
لا يغرّك الصامت المتماسك الهادي

صحيح سيل الوله متعاليٍ جرفه
وانا تهايمت به في اسفل الوادي

من حب يلقى على هذا الصددْ حتفه
ما حب يلقى حياةٍ نهجها عادي

على بهى غرّةٍ في ليلها تحفه
بديت فيها قصيدي بعد ميلادي

بين المواعيد والأحلام والصدفة
مسافة جروح ما تسمعك يا منادي

من وحشةٍ في خطاويها قبل أُلفه
غنّا بها الشادي وفوّح بها الكادي

والحين من بيني ومن بينها وقفة
وقفة عمر ..جرحها فالروح متمادي

‏لو يكذب اللسان ماتكذب العين
‏والانفس أما بائسة أو سعيدة

‏لا تجرحين وانتي بجرحي ماتدرين
‏مع كل جرحٍ منك مطلع قصيدة

يا مخضبّة الأطراف والليل هنّاك
بأعجوبةٍ من بعد سبع العجايب

شفتك وقاف الشعر شافك وغنّاك
والذنب ماني عنْه جايز وتايب

هذا الحسن يا ربة الحسْن عنّاك
حتى تسيّدتي فـ قلوب الحبايب

حسدت نحرٍ في جديلك تهنّاك
وأناملٍ تمسك نسيم الهبايب

يوم أختلط لونك على لون حنّاك
كنها خيوط الشمس بين السحايب

عيدكم مبارك يا أحبه
وعساه يعود علينا وعليكم بالخير

مابين شوق الفجر وبين ضيق العصر
مشاعرٍ ضاع فيها كل قلبٍ دليل

الأيام ما يعيدها درب وثمن
‏والوقت ما ياوي على نزيعته

‏طبيعة الفيافي غيّرها الزمن
‏إلا ولدها .. ما ترك طبيعته

تجاهد حياة كاملة عشان تنسى وبالنهاية يذكرك كوبليه أغنية أو زاوية مكان .. صدق مساكين

لو ضاق صدري ليلةٍ قلت لا باس
لي فالعيون وفالليالي مهابة

يارب لا تجعلني تبّاع للناس
اجعلني تابع للنبي والصحابة

خمس حواس يا الله والحب في وطننا عبارة عن مكالمة هاتفية.. أي عذاب هذا!

الغدير اللي تبعته في الحقيقة هو سراب
وانا من طبعي التمعّن والفراسة والحذر

والرحيل اللي أخافه كيف يغشاه الضباب
ما وراء الصباح شمس ولا وراء الليله قمر

كل قافٍ منْه سال وكل حلمٍ فيه غاب
وكل ضحكة منْه تربك لي مشاوير العمر

المترف اللعوب أبو طرفٍ غضيض
العسجد اللي مادرى أنه عسجدي

عافاك ربّي يالعيون الحيارى
دام المساري ما وراها معاذير

قامت علي هموم بقعا تبارى
في ساعةٍ فيها عشاء ذيبٍ وطير

لا نفسي بجزوع ولا هي تمارى
لا صار يجدع دونها نافخ الكير

ماكنت اعرف أهل المحبة سكارى
إلا بعد ما ضيّع العاقل السير

يا وجهك اللي مستحيل يتجارى
من الشفق والغيم وكل الغنادير

ويا عودك اللي فيه ناسك تطارى
لا جابوا اللي دايمٍ فارق وغير

في خصرك الفقير شعبٍ فقارى
وفي ردفك الغني أكابر وأباطير

أداري قلوبٍ ماهيب بتدارى
كيف انتي وقلبك ضيا صبحٍ وخير

لا صرتي جافيه عيوني سهارى
ولا صرتي راضيه دروبي تباشير

كل ما سريتك ليل نجمك توارى
وكل ماكتبتك قاف طالت مشاوير

‏"تواريخ الميلاد كذبة، يولد الانسان مرات أخرى بعد كل مشهد لم يستعد له."