https://www.tg-me.com/Fergay_Zanst

هێشتا کەسی بە هیممەت و بەتوانا ماوە!

خوێندنی زانستی شەرعی زەرورەتترین کارێکە
موسوڵمان هەوڵ و کۆششی تێدا بخاتە گەڕ ، ئەزموونی هەر یەکێک لەم مەیدانە پیرۆزەدا دەکرێ بکرێتە ئەزموون و هاندەر بۆ کەسانی تر؛ منیش هیواخوازم ئەزموونم ببێتە هاندەر بۆ کەسانی دی، جا ئەگەر یەک کەسیش بێت زۆرە.
دەمێکبوو دەمویست زانستی شەرعی بخوێنم و لە زەرورەتی ئەو کارە بەرزە ئاگاداربووم ، بەڵام بەهۆی ئەوەی نیشتەجێی لادێ بووم و تەنها بۆ کاتی خوێندن و بەکاتی لە شار دەمامەوە بۆیە نەم دەتوانی لە هیچ جێیەک بخوێنم ، بەڵام گەر ئینسان نییەتی خۆی اخلاص بکات بۆ خودای میهرەبان بێ گومان کاری ئاسان دەکات ، چەند مانگێک پێش ئێستا لەڕێی ئازیزێکەوە ئاگەداربوومەوە کە خولێکی خوێندنی زانستی شەرعیی دەکرێتەوە؛ الحمدللە، بەڕاستی خۆشترین هەواڵبوو بۆم ، دیسانەوە نە خەتم بوو نە هیچ ، بەڵام هەر بەشداریم کرد و سوپاس بۆ خوای گەورە ئەوەشی بۆ ئاسان کردم.

من وەک بەشداربوویەکی فێرگەی زانست بۆ فێربوونی زانستە شەرعییەکان بەشداریم کردووە لە قۆناغی یەکەم سوپاس بۆ خوای گەورە پاشان مامۆستا بەڕێزەکان سودێکی زۆرم بینیوە لە زانستەکانی: [بیروباوەڕ ، فەرموودە ، فیقهـ ، تەفسیر ، تەجوید ، ژیاننامە ، پەروەردەی ئیسلامی ، زمانی عەرەبی ]، بۆیە داوا لە بەڕێزتان دەکەم لەجیاتی کات بە فیڕۆدان لە شتی بێ سوود کە هەمووی لێپێچینەوەی لەسەرە بۆ قیامەت! فەرموون ئەم دەرفەتە زێڕینە لە دەست خۆتان مەدەن و کاتەکانتان بە فێربوونی زانستی شەرعی ببەخشن و لە ئایینەکەتان شارەزابن ، کە لەڕاستیدا هیچ کات ئەو هەموو زانستە ئاوا ئاسان نەبووە ، لەیەک کات لەماڵی خۆت یان لەشوێنی کارەکەت بەبێ بەرامبەر گوێ لە وانەکان بگریت و فێری ئەو هەموو زانستە بەسوودە ببیت کە بە زمانی شرینی کوردی دەوترێتەوە لە لایەن چەند مامۆستایەکی بەڕێز بە پێی بەڵگەکانی قورئان و سوننەت ، گرنگی زانستی شەرعی لەوەدایە فێر دەبین چۆن خوای گەورە بپەرستین کە لەپێناو ئەو ئامانجە گەورەیە دروستیکردووین و هەموو ئەو ئەرک و مافانەی لەسەرمانە جێ بەجێیان بکەین بەو شێوازەی کە خۆی لێمانی دەوێت و دەبێتە مایەی سەرکەوتنی دونیا و دواڕۆژمان پشت بەخوا.

من دانیشتووی ڕواندزم و دەرچووی بەشی دەرمانسازیم ، هەر لە سەرەتای پێگەیشتنم فێربوونی زانستی شەرعیم لا خۆشەویست بووە ، بەڵام تاوەکو تەواوکردنی خوێندەنەکەم نەمتوانیوە پێیبگەم ، جا بە هۆی کەمتەرخەمی خۆمەوە بووبێ یاخوود بارودۆخ ، بەڵام دوای بەدەستهێنانی بڕوانامەی پزیشکی سەفەرم کرد بۆ سلێمانی تاوەکو لەوێ بە خزمەت مامۆستایانی شارەزا فێری زانستی شەرعی بم ..، کەچی لەوێش بەهۆی بارودۆخی ماڵەوەمان و کارو کەسابەت نەمتوانی بەردەوام بم ، ئیتر هەستم بە بێ هیواییەکی زۆر کرد ، هەرچەند ئەمویست لە کەناڵی یوتیوب چەند دەرسێك دەستنیشان بکەم وەکو مەنهەج لەسەری بڕۆم ، بەڵام دیسان تۆزێك بۆم زەحمەت بوو ، بەڵام الحمدللە دوای ناسینی فێرگەکەتان و بەشداری کردن لێی هەست بە ئارامی دەروون ئەکەن ، بە جۆرێك ئەو سوودەی لە فێرگەکەتان ئەبینم وای لێکردم ئەگەر بە پارچەیەك نووسینیش بێ سوپاستان بکەم و هیوای بەردەوامیتان بۆ بخوازم .

#وتەی_زانایان_دەربارەی_زانست
بزانە هەنگاوەکانت لەگەڵ کێیە.

لە جوان تێگەیشتنی كەسێك ئەوەیە كە هەمیشە
ڕێكردن و هاتووچۆ و دەرچوونی لەگەڵ زانایان و
هەڵگرانی علمدا بێـت.

قال أبو الدرداء: " مِن فقه الرجل ممشاه ومدخله ومخرجه مع أهل العلم "
ئێمە لە تیلیگرام:
https://www.tg-me.com/Fergay_Zanst

#وتەی_زانایان_دەربارەی_زانست
ئێمە لە تیلیگرام:
https://www.tg-me.com/Fergay_Zanst
عەتای کوڕی ئەبی ڕەباح دەفەرمووێت:
جاری وا هەیە گوێ لە گەنجێك دەگرم كە باسی فەرموودەیەك دەكات بە جۆرێك كە نەمبیستبێت,لەكاتێكدا پێش ئەوەی ئەو لەدایك بووبێت من بیستوومە و دەیزانم.

قال عطاء بن أبي رباح :
" إني لأسمع الحديث من الرجل وأنا أعلم به منه فأُريه من نفسي أني لا أحسن منه شيئاً "

#وتەی_زانایان_دەربارەی_زانست
ئێمە لە تیلیگرام:
https://www.tg-me.com/Fergay_Zanst
نابێ فێرخواز
زیاد لەتوانای خۆی وەربگرێت, بەڵكو
بەو ئەندازەیە زانست وەربگرێت كە توانای
لەبەركردن و جوان تێگەیشتنی هەیە لێی.

قال الخطيب البغدادي: "ولا يأخذ الطالب نفسه بما لا يطيقه، بل يقتصر على اليسير الذي يضبطه ويُحكم حفظه ويُتقنه".

بسم الله الرحمن الرحيم
(سندوقی هاوکاری مانگانە بۆ فێرگەی زانست).
بەڕێزان وەکو ئاشکرایە لای ئێوەی بەڕێز کە فێرگەی زانست بەبێ جیاوازی خزمەتی ژمارەیەکی زۆر لە فێرخوازان دەکات لە سەرجەم ناوچە جیاوازەکانی کوردستان و دەرەوەی کوردستانیش لە ڕێگەی کردنەوەی خولی دووساڵەی زانستە شەرعییەکان.
دیارە بەشداری کردن لە خولەکەدا بێبەرامبەرە، وەفێرگەش لەهیچ لایەنێکی دیاری کراوەوە هاوکاری مادی ناکرێت.
بۆیە فێرگەی زانست ئەرکێکی دارایی زۆر دەکەوێتە سەری بۆ تۆمارکردن و مۆنتاژکردن و بڵاوکردنەوە و هەڵگردنی سەرجەم وانەکان و ڕێکخستنی لیستی گوێگردن لە وانەکان و پڕۆگرامی تاقیکردنەوەکان و پێدانەوەی بڕوانامە بە بەشداربووان لە کۆتایی هەر خولێک (هەموو ئەمانەش ستافێکی تۆکمە و کارای دەوێت) بەتایبەت لە ئێستادا پێویستە سەرجەم وانەکانی قۆناغی سێیەم و چوارەمیش تۆماربکەین لە گەڵ کردنەوەی سایتێکی پێشکەوتوو بۆ فێرگە، لەگەڵ کۆمەڵە پێداویستیەکی تری زۆر زەروور بۆ فێرگە.
بۆیە داوا لە ئێوەی بەڕێز دەکەین بۆ ئەوەی بتوانین بەردەوام بین و خزمەتێکی باشتری سەرجەم موسڵمانان بکەین هاوکارمان بن بە بەشداری کردنتان لە سندوقی مانگانەی هاوکاری بۆ فێرگەی زانست.
گرینگ بەشداری کردنتان و بەردەوام بوونتانە مانگانە بە بڕە پارەیەک کە خۆتان دیاری دەکەن بەپێی توانای خۆتان، بۆنمونە مانگی (٥) هەزار دینار .
یاخود فێرخواز دەتوانێت (ئەگەر خۆشی لە توانای نەبێت) مانگانە بڕێک پارە لە ناسراوەکانی کۆبکاتەوە و بینێرێت بو فێرگە.
بەمە ئێوەی بەڕێز بەشداردەبن لە ئەم  بانگەوازە و پشتیوان بەخوای گەورە دەبێتە خێرێکی نەبڕواوە بۆتان.
موسڵمانان لە ناوەوە و دەروەی کوردستان دەتوانن بەشداربن.
خوای گەورە لە هەمووتان ڕازی بێت و پاداشتان بە بەهەشت بداتەوە.

بۆ ناوتۆمارکردن و بەشداری کردن ئەم لینکە پڕبکەنەوە:
https://forms.gle/UgNdU9Me8oN4jWTZ7
لەکاتی هەبوونی هەر پرسیارێک دەتوانن پەیوەندی بکەن بەم ژمارە تەلەفونەوە:
07714343408
يان لە تیلیگرام نامە بنێرن بۆ تیلیگرامی هەمان ڕەقەم.

#وتەی_زانایان_دەربارەی_زانست
لە تیلیگرامەوە لەگەڵمانبن
https://www.tg-me.com/Fergay_Zanst
سوفیان دەفەرمووێت:
من دەڕۆیشتم بۆ لای ئەعمەش و مەنسوور و گوێبیستی تەنها چوار فەرموودە دەبووم و پاشان دەڕۆیشتم لە ترسی ئەوەی نەوەکە زۆر کۆ بکەمەوە لە دەستم بڕوات.
عن سفيان الثوري قال: "كنت آتي الأعمش ومنصوراً فأسمع أربعة أحاديث، خمسة، ثم أنصرف كراهة أن تكثر وتفلت"