بەفەزڵی خوای پەروەردگار پاشان هەوڵ و تێکۆشانی ئەم مامۆستا بەڕێزانە ئێمە لەناو ماڵەکانی خۆماندا دەرس دەخوێنین، دەتوانین لەو کاتانەی کە مەجالمان هەیە گوێبیستبین لە وانەکان، ئاسانکاری زۆر کراوە لە ڕووی شەرحکردنەوە لە لایەن مامۆستا بەڕێزەکانەوە، کاتی پێویست ئەدرێ بە فێرخواز کە کۆششی زیاتر بکات و ئامادە بێت وەلایەنی زۆر باشیش ئەوەیە کە وانەکان ڕیکۆرد کراوە کە ئەمە خاڵێکی ئیجابیيە، هەلێکی زۆر زێڕینە کە بەبێ بەرامبەر بەبێ چونەدەر لەماڵ لەناو ماڵەکەی خۆت گوێ دەگری هەرکات مەجالت بوو، زۆر حەیفە لەدەست خۆمانی بدەین، ئێمە کە مسوڵمانین چی ڕێگرە بەوەی کە تۆ خۆت شارەزا ناکەی! لەکۆتایيدا دەڵێم خوای پەروەردگار لێت دەپاڕێینەوە بەناوە جوان و سیفاتە بەرزەکانت خودایە نییه‌تی هەموومان خالص بکە و بەرەکەت بخەرە زانست و تەمەن و ماڵ و منداڵی ئەم مامۆستا بەڕێزانە خوايه گشت لایەکمان عاقیبەت خێر بکە.


ئاگادارکردنەوە:
لە ئێستادا ناوتۆمارکردن لە خولی دوو ساڵەی زانستە شەرعییەکان لە فێرگەی زانست کۆتایی پێهاتووە، لە چەند مانگی داهاتوودا بۆ جاری چوارەم دەرگای ناوتۆمارکردن دەکرێتەوە، هەرکەس خوازیارە بەشداری لە خولەکە بکات با چاوەڕوانبێت و بچێتە نێو کەناڵی تایبەت بە فێرگە زانست لە تیلیگرام، کاتی ڕاگەیاندنی خولەکە دادەنرێت.
لینکی کەناڵەکە لە تیلیگرام:
https://www.tg-me.com/Fergay_Zanst

"53 ســــــاڵ"
#وتەی_بەشداربووانی_خولی_دوو_ساڵەی_زانستە_شەرعییەکان
تەواوی وتەکە بخوێنەوە:
من دانیشتووی شاری هەولێر تەمەن 53 ساڵ، وەکو فێرخوازێکی زانستی شەرعی لە ناخی دڵەوە سوپاسی خوای گەورە دەکەم کە ئارامی پێبەخشیم بۆئەوەی بتوانم لە ماوەی شەش مانگ قۆناغی یەکەم ببڕم بەسەرکەوتوویی لە فێرگەی زانست، هەروەها زۆر سوپاسی یەکە بە یەکەی مامۆستایانی فێرگە دەکەم کە بێ بەرامبەر ئەرکی وانە گوتنەوەیان گرتە ئەستۆ مەبەستمە بڵێم ئەم فێرگەیە جیاوازی ناکات لە نێوان پیاو و ئافرەت هەروەها جیاوازی ناکات لە تەمەن وە لەگەڵ کات و ساتی هەموو کەسێک دەگونجێت و لە شوێنی مەبەستی خۆت وانەکان دەخوێنی و هیچ بیانویەک نادات بەدەستتەوە بۆ ئەوەی شارەزانەبیت لە ئاینی ئیسلام وە هەروەها وانەکان لەلایەن مامۆستایانی زۆر شارەزا دەگوترێنەوە من لە قیامەت شاهێدی دەدەم کە زۆر زۆر سوودم لە هەموو وانەکان بینیوە تەنانەت ئێستا وانەکان بە تایبەت الممتع في شرح الآجرومية دەڵێمەوە وەکو مامۆستا، لە کۆتایيدا دەمەوێ بڵێم هەلێکە خوای گەورە بەهەر کەسێکی بەخشیوە ئەگەر کەسەکە خۆی ئارەزووی زانستی شەرعی هەبێت .

ژیانی خۆیان بگۆڕن بۆ باشترین"
#وتەی_بەشداربووانی_خولی_دوو_ساڵەی_زانستە_شەرعییەکان
تەواوی وتەکە بخوێنەوە:
من وەک ئافرەتێک چەندین ساڵە بۆم نەگونجابوو فێری زانستی شەرعی ببم. الحمدللە خوای گەورە بۆی ئاسانکردم لەڕێگەی فێرگەی زانستەوە توانیم بەشداری لەخولی دووساڵەی زانستە شەرعییەکان بکەم، الحمدللە زۆر سوودم بینی، وەک فێربوونی حوکمە شەرعییەکان کە پێشتر نەمدەزانی، گرنگیدان بەکات و بەفیڕۆنەدانی وە چەندین بابەتی زۆربەسوود. داوا لە هەموو خوشک و برایەکی بەڕێز دەکەین کە بتوانن ئەوانیش بەشداری ئەم خوولە زێڕینەیە بکەن و ژیانی خۆیان بگۆڕن بۆ باشترین.
ئاگادارکردنەوە:
لە ئێستادا ناوتۆمارکردن لە خولی دوو ساڵەی زانستە شەرعییەکان لە فێرگەی زانست کۆتایی پێهاتووە، لە چەند مانگی داهاتوودا بۆ جاری چوارەم دەرگای ناوتۆمارکردن دەکرێتەوە، هەرکەس خوازیارە بەشداری لە خولەکە بکات با چاوەڕوانبێت و بچێتە نێو کەناڵی تایبەت بە فێرگە زانست لە تیلیگرام، کاتی ڕاگەیاندنی خولەکە دادەنرێت.
لینکی کەناڵەکە لە تیلیگرام:
https://www.tg-me.com/Fergay_Zanst

#وتەی_بەشداربووانی_خولی_دوو_ساڵەی_زانستە_شەرعییەکان
تەواوی وتەکە بخوێنەوە:

من لە قەزای سید صادقەوە بەشدارم لە خولی دوو ساڵەی زانستە شەرعیەكان لە فێرگەی زانست، كەسەرەتای ڕاگەیاندنی ئەم خولە بەهۆی سەرقاڵی بەماڵ ومنداڵەوە هەستمكرد ناتوام بەشداری بكەم، بەڵام لەڕێی هاندانی هاوسەرەكەمەوە الحمدللە پێكەوە توانیمان قۆناغی یەكەم زۆر بەسەركەوتوویی تەواو بكەین كە خۆشم بڕوام نەئەكرد ئەوەنە سەركەوتووبم تێیدا گەورەترین نیعمەتبوو كە خودا ئەمساڵ بەمنی بەخشی كە توانیم ببم بە خوێندكاری ئەم فێرگەیە تا كاتەكانم لەڕێی خوادا تەرخان بكەم و تاڕادەیەكی باش دوور بكەومەوە لە ڕێگەكانی شەیطان، من زۆر زۆر سوودمەند بووم بەهەموو وانەكان بەتایبەت فقه و حديث وتربیة الاسلامية و سیرە، هەروەها زمانی عەرەبیشم زۆر باشبووە الحمدللە، داواكارم لە هەموو ئەو بەڕێزانەی ئەم هەلەیان بۆ یەتە پێشەوە بێ دودڵی بەشداریبكەن چونكە واجبە لەسەرهەموومان شارەزای شەریعەتی دینەكەمان ببین داواكارم لەخوای گەورە بە باشترین پاداشت پاداشتی ئەم مامۆستا بەڕێزانە و ستافە بەڕێزەكەیان بداتەوە

#وتەی_بەشداربووانی_خولی_دوو_ساڵەی_زانستە_شەرعییەکان
تەواوی وتەكە بخوێنەوە.
بەڕێزان من يەكێكم لە بەشداربووانی خولی دوو ساڵەی زانسته شەرعيیەكان، من له دووز خورماتووه بەشداريم كردووه زۆر سوودم لێ بينيوه، من هەرچەنده نەمدەزانی عەرەبی بە باشی بخوێنمەوه، چونكه خوێندنی سەرەتايم تەواو نەكردووە، بەڵام ئێستا زۆر باش بووم، نەك خويندنەوەی عەرەبی واتاكەشی فێردەبم، ئێستا خولەكه تەواو بووه، زۆر ناخۆشه وادەزانم شتێكم بزركردووە، چاوەڕوانی خولی دووەمين پشتيوان به خودای گەوره ئەگەر خودا تەمەن بدا، زۆر دەستخۆشی لە مامۆستايانی بەڕێز دەكەم، هيوادارم بەردەوام بن بەڕاستی مامۆستاكان زۆر زۆر زيرەكن له بابەتەكان هيوای تەمەن درێژيتان بۆ دەخوازم، زۆر سوپاسی هەموو فێرخوازان دەكەم خودا جەزای خێريان بداتەوه.

من وەکوو دەرچووی قۆناغی یەکەم پیشەم پزیشکە و شەو و ڕۆژم لەسەر یەک دانابوو بۆ ئەوەی بگەمە ئەو ئاواتەی خۆم کە کولیەی طب بەدەستبهێنم، خوای گەورە فەزڵی خۆی پێ یبەخشیم بووم بە پزیشک، بەڵام بێ ئاگا لە علومی شەرعی، خۆ الحمدللە لەسەرەتای تەمەنمەوە داپۆشراوبووم و فەڕزەکانم جێبەجێ کردووە، بەڵام عیبادەت بەعیلمەوە زۆری فەرقە لەگەڵ عیبادەتێک بەبێ عیلم، جا خەڵکی عەوامیش ئەگەر ئافرەتێک حیجاب بوو یان منقبە بوو وا دەزانن زانایە بۆیە زۆرجار لەنەخۆشخانە نەخۆشەکانم پرسیاری شەرعیيان دەکرد دەربارەی سوڕی مانگانەیان یان پرسیاری نیفاسیان دەکرد لەڕووی پزیشکیيەوە وەڵامم دەدانەوە، بەڵام لەڕووی شەرعیەوە نەم ئەزانی زۆرم پێناخۆش بوو الحمدللە خوای گەورە ئەم فێرگەیەی پێناساندم و هیدایەتی دام تاوەکو ببم بە قوتابی فێرگەی زانست ،ئەم فێرگەیە بوو بەدەروازەیەک بۆ فێربونی زانستی شەرعی، إن شاء اللە بەردەوام دەبم، بۆیە داوا لەخوشکانی موسڵمان دەکەم مەڵێن دەواممان هەیە یان کاتمان نییه‌ بەهۆی ئیش و کاری ناوماڵ و منداڵ، ئەو فێرگەیە زۆر کارئاسانی کردووە بۆمان لەناوماڵی خۆمان دەخوێنین و کاتمان ناگرێ بەپێی مەجالی خۆمان دەخوێنین و وانەکانمان بۆ تۆمار دەکرێ.

من پەرستارم لە شاری کەرکوک، بەشداریم کرد لە خولی دووساڵەی زانستە شەرعیيەکان، بەڕاستی زۆر سوودم لێی بینی و ڕەنگدانەوەی زۆری هەبوو لەسەر ژیانم، لە دەوام کاتێ کە ڕێستم هەبوایە گوێم لێی ئەگرت لە ماڵیش بەهەمان شێوە گوێم لێی ئەگرت و ئەمخوێند لە جیاتی ئەوەی کاتە بەتاڵەکانم بەشتی پڕو پوچو قسەی ئەملاو ئەولا بە فيڕۆ بدەم، بووە هۆی ئەوەی کات بە فیڕۆ نەدەم و ڕێز لە کات بگرم، هیوادارم هەموو موسڵمانێک بەشداری بکات، چونکە خولی لەم شێوەیە پێویستە بۆ هەموو تاکێکی موسڵمان، بەتایبەتی لەم سەردەمەدا کەسەردەمی فیتنەیە بۆ ئەوەی نەکەوینە داوی ناموسڵمان و مولحیدەکانەوە.

لەشارۆچکەی تەوێڵە بەشداری ئەم خولەم کردووە، خولێکی باش و سەرکەوتووانەیە هیوادارم هەموو کوردانی پارچەکانی تر بەشداری بکەن، وەك پێشنیارێك هیوادارم بە دیالێکتی کرمانجی و هەورامی و دیالێکتەکانی تر وانەکان بوترێتەوە بۆ ئەوەی زۆرترین کەس بەشداربن تێیدا.

#وتەی_بەشداربووانی_خولی_دوو_ساڵەی_زانستە_شەرعییەکان
السلام علیکم ئەز ژ دەڤەرا بادینان ژ قەزا باتیفا سەر ب باژێرێ زاخو ڤە. بەشداری خولا دوسالییا زانستێ شەرعی ببم و الحمدللە شییان ب سەرکەفتیانە سالا ئێکێ بدوماهیک بینن سەرەرای وان هەمی. شول و کارێن من هەین هەرچەندە هەمی شولێن مال د ستویێ من دا بین و سەرەرای هندێ من ل صەیدەلیێ ژی شول دکر بەس هەر من دەست ژ خاندنا زانستێ شەرعی بەرنەدا. ڤێجا ئاموژگارییا من بووان ئەوێت بڤێت بەشداری ڤێ خولێ بن. بلا دەستا ژێبەرنەدن ئەگەر چ چێبت خودێ دێ بو هەمی تشتا بەدەل ڤەکت هەر موەفەق بن.

من کە بەشداربووم لە خولی دوو ساڵەی زانستە شەرعیيەکان لە شاری سلێمانییه‌وە ھەر لەسەرەتاوە خولیای ئەوەم ھەبوو کەوا لەدوای تەواوکردنی خوێندن بچمەوە بخوێنم بۆ زانستە شەرعییەکان، الحمدلله ئەم خولە دەرگایەک بوو بۆ فێربوونم لەشارەزابوون لە بابەتە شەرعیيەکان و ھاوکارێکیشە بۆ فێربوونی زمانی عەرەبی لەگەڵیدا، کەوا ھۆشدارییەکە بۆ کۆمەڵگە لە بابەتە فیقهیيەکاندا کە لەخۆوە حوکم نەدرێت، وادەکات حەقو مافەکان بزانی کەوا دینی ئیسلام دادپەروەرییە بە شەڕ نەھاتوە بەداخەوە ئەم دەستەواژە زۆر بەکاریەت لەلایەن نەیارانەوە، خوای گەورە پاداشتی سەرجەم ئەوانە بداتەوە كە هاوكاری بەشداربوان دەكەن .

#وتەی_بەشداربووانی_خولی_دوو_ساڵەی_زانستە_شەرعییەکان السلام عليكم من له قەزای داقوق بەشداريم كردووه لەڕێگەی تيليگرامەوه، پەيمانگام تەواوكردووەو وەكو هەموو ئافرەتێك هەر خەريكی ماڵ و منداڵم و هيج كاريكم دەست نەكەوت هەموو ڕۆژێك ژيانێكی ڕۆتينی و دووبارەم هەبوو، به بەشداریكردنم لەم خوله بەڕاستی سوودێكی زۆر زۆرم لێ بينی زۆر زياتر شارەزا بووم و له هەموو ڕووەكانەوه له (فقه و حديث و سيرة) بەڕاستی زۆر زۆر سوودی هەبووه، داواكارم لەهەموو خوشكان كاتی خۆيان بەفيڕۆ نەدەن تەنها به كاری ماڵ و منداڵ، دەبێت بەشێك له ژيان و كاتی خۆيان تەرخان بكەن بۆ فێربوونی زانستی شەرعی، چونكه بەڕاستی ئەگەر هەوڵ نەدەين بۆ فێربوونی به هیچ شێوەيەك له ژيانماندا سەركەوتوو نابين، چونكه فێرى ئەوەمان دەكات چۆن بژين چۆن ماف بدەين چۆن هەوڵ بدەين و چۆن چارەسەری كێشەی خۆمان بكەین، بەڕاستی ئەو كەسەی كاتی خۆی له فێربوونی زانستی شەرعی تەرخان دەكات بەرەكەت و ئاسوودەيی ڕوو دەكاته ژيانييەوە، تەنها ئەم عيلم و كارەمان بۆ دەمێنێتەوه لەدواڕۆژ إن شاء الله خوای گەوره تەمەن بدات بتوانم قوناغى دووەميش ببڕم.

#وتەی_بەشداربووانی_خولی_دوو_ساڵەی_زانستە_شەرعییەکان

هــــەمــــــــوو وتــــەكـــە بــخــــوێــنـــەوە.


من لە سلکێکی ئەمنی دەوام ئەکەم، وەکو سوود سوودی زۆرم لە فێرگەکەتان بینیوە ئەزموونی من لەگەڵ فێرگەکەی ئێوەدا لەوەوە دەستی پێکرد کە لە تۆڕی کۆمەڵایەتیدا پۆستێکم بەرچاو کەوت ڕیکلام بوو بۆ ئەم خولە دوو ساڵیيە، سەرەتا شتەکەم بە ئاسایی وەرگرت وردە وردە بۆم ڕوون بویەوە کە ئەم خولەی ئێوە جیاوازە لە خولەکانی کە، چونکە هەم مامۆستای بە ئەزمون و شارەزای تێدایە هەمیش جدییەتێک لە کارەکانتان ئەبینم ئەوەبوو بۆ کۆمەڵیك هاوڕێ و دۆستم باس کرد پێش ئەوەی دەرگای ناوتۆمار کردن دابخەن الحمدللە ئەوانیش بەشدار بوون لەم خولە پڕ ئەزمون و بەرەکەتدارەدا، سوپاس بۆ خوای گەورەو پاشانیش دەستی ماندوو بوونی هەموو مامۆستا و ستافە ماندوو نەناسەکەتان ئەگوشم.

سلام علیکم من مامۆستایەکی شاری کەرکوکم بەشداری خولە بووم سوپاس بۆ خوای گەورە زاستە ڕاستەقینەکەی پێناساندین، إن شاء اللە ئەیکەین بەکردەوەی ژیانمان و منداڵانی داهاتووی پێ پەروەردە دەکەین، هەریەک لەوانەکان بەرچاو ڕوونی وشارەزاییەکی باشی پێمان بەخشی هەر لەدونیا بەرهەمی ماندووبوونمان بینی سوپاس بۆ خوا سوپاسی یەک بەیەکی مامۆستاکانم دەکەم، مەگەر هەرخوای گەورە پاداشتی بەڕێزیان بداتەوە بەردەوام لەکاتی وانەکان و ئێستاش دوعای خێریان بۆ دەکەین، داواکارم هەموو تاکێکی کۆمەڵگەو بەشداربن و سوودمەند بن لەم زانستی ڕاستەقینە، من بەڕاستی سوودی ئێجگار زۆرم بینی پێم خۆش بوو دانە دانە باسی بکەم، پڕ بەدڵ حەز ئەکەم یەک بەیەک سوپاسی مامۆستاکان بکەم .خودایە خۆت پاداشتی بەخێریان بدەی بەتایبەت مامۆستا سەرداری زۆر بەڕێز جگە لە سوودگەیاندنی وانەکان وتەکانی ئامۆژگارییەکانی زێر بوون بۆ من، هەرکاتێ هەستم بە قورسی بکردایە لەژیانی خۆم کە چەند ئەرکێکم لەسەرە، بەڕێزیان بەوتە پڕ نرخەکانی ورەی هەمومانی بەرز ئەکردەوە، من هیوام بۆ ئەگەڕایەوە زیاتر گورجو گۆڵ ئەبووم، الحمدللە توانیم قۆناغی یەکەم تەواوکەم خوای گەورە یارمەتی دەرمان بێت

#وتەی_بەشداربووانی_خولی_دوو_ساڵەی_زانستە_شەرعییەكان

مامۆستای بەڕێزم من ناتوانم نامەيەك بنووسم بۆ كەسانێك كه بێنه ئەم خولە، بەڵام ئەزانم ئەم خوله جوانه قوتابى زۆر به جەرگ و زيرەكى تيايه بۆ نوسينى نامەكان تاوەكو هاندەرێك بێت بۆ خوشكان و برايانمان، من وەكو خۆم سوودێكى ئێجگار زۆرم بينيوه لەم خوله، هەرچەنده زروفى تايبەتم نەيهێشت كه ئيمتحانى وەرزى دووەم بكەم بەڵام خۆم ئاماده كردووه كه دووباره بەشدار ببمەوه، من لێرەوە زۆر زۆر سوپاسی مامۆستاكان دەكەم بەتايبەت مامۆستا سەردارى بەڕێز، چونكه دواى هەر وانەيەك كه ئامۆژگارى ئەكردين من ورەم بەرز دەبوویەوه، دووباره بەهێزتر دەبووم بۆ وانەكانم، هەرچى بنووسم بۆفێرگه هەركەمه، بەڵام دايمه له كۆتایى وانەكان دوعا بۆ مامۆستاكانم ئەكەم، چونكه ئەمانه باشترين مامۆستا و گەوهەرن.

#وتەی_بەشداربووانی_خولی_دوو_ساڵەی_زانستە_شەرعییەكان

من لەکەلارەوە بەشداری ئەم خولە بەسوودە بووم، خوێندکاری زانکۆم لەھەمان کاتدا خول وخوێندنی تریشم ھەبوو دەستپێک و ئاشنابوونی من بە دوعایەک بوو، لەنوێژەکانم زۆر دەموت خوایە شارەزام بکە لەزانستی بەسوود ئەوەبوو ئاشنای کردم بەم خولە، بەڵێنم بەخوای خۆم دابوو ئەبێت ھەر واز نەھێنم الحمدللە شتانێکی زۆر فێربووم،پاشان وانەی فقه بۆخۆی بەتەنیا بەسبوو تا ئیستفادەم لێکرد لێوە فێربووم ، جا ئەبێت ئەوەش بڵێم ماشاءالله لەعیلم و لێھاتوویی مامۆستاکان ئەوەنە ئاسانی ئەکەنەوە بۆت نەبێتەوە، ئەوەشی تێناگەیت لێیان دەپرسیت زۆر جوان بۆت ڕوون دەکەنەوە، ھەوڵ بدەن بەشداری ئەم خولە بن، ئەمەش فەرزبکە بەسەر خۆتدا کەدەبێت بەشداری بکەم، بەڕاستی فێربوونی عیلمی شەرعی فەرزە، لەسەردەمێکداین عیلمت نەبێت دەکەویتە نێو گومڕایی و بیدعەوە، بەتایبەت ئامۆژگاریم بۆخوشکانمە دایم سکاڵای ئەوەمان ھەیە وەک پیاوان دەرفەت نەڕەخساوە بۆ ئافرەتان بۆ عیلمی شەرعی، دەی ئەمە باشترین دەرفەتە تەنھا لەمۆبایلەکەتەوە شتانێکی زۆر فێردەبیت، کۆمەڵگا پێویستییان بەئافرەتە، بە عیلمەکانە، با ڕازی نەبین ھەمیشە ھەر بەنەزانی بمێنینەوە.

#وتەی_بەشداربووانی_خولی_دوو_ساڵەی_زانستە_شەرعییەكان
بەندە وەك مامۆستايەك لە شاری هەولێر سوپاس بۆ خوا لە ماوەی دوو وەرزی خوێندن فێرگە توانیم بەشدار بم لەگەڵتان، بەهۆی لایكی پۆستەكانتانەوە لەلایەن هاوڕێیانمەوە پۆستەكانتانم بینی و پاشان بەشداربووم، پاشان بەهۆی ماڵ و منداڵەوە نەمدەتوانی بڕۆمە ناوەندێك بۆ فێربوونی زانستی شەرعی، بەڵام سوپاس بۆ خوا بە مۆبایلەكەی دەستم ئاسانكارییەكی ئێجگار زۆرم بۆ كرا توانیم بەشداربم، زیرەكی مامۆستایان و ستافەكەتان توانی بەردەواممان بكات بە فەزڵی خوا. لەكاتی كاركردنمدا گوێم لە وانەكان گرتووە واتە هیچ كاتت لێ نابات هەموو كەس ئەتوانێت بەشداری بكات، بە پێی توانا بەخەڵكم گەیاندووە و وتوومە فێرگەیەكی وا هەیە بۆ ئەوەی خەڵكانی تریش بەشداری بكەن، لە كۆتاییدا داوا لە خوای گەورە دەكەم پاداشتتان بداته‌وه‌ بە فیردەوسی ئەعلا.