#وتەی_بەشداربووانی_خولی_دوو_ساڵەی_زانستە_شەرعییەكان
من بەشداربوویەکی شاری هەولێرم، کۆلێژی هونەرە جوانەکانم تەواو کردووە بەشی سیرامیک.(بە ویست و ئارەزووی خۆم ئەو کۆلێژەم هەڵبژارد)، لە قۆناغی دووی کۆلێژ بڕیارمدا كه شارەزابم لە دینەکەم سەرەڕای ئەوەی موسڵمانم و لێی تێبگەم ئیتر بەشداربووم لە خولێکی درێژخایەنی علوم شەرعی لە پەیمانگای ژیار و الحمدللە لەگەڵ کۆلێژ تەواوم کرد لەماوەی ئەو دووساڵە بە شێوەیەکی زۆر زۆر چاوەروان نەکراو سوودم پێ گەیشت و گۆڕانکاریم لێ دروست بوو، بە شێوەیەک کە بڕیارمدا ئەگەر زەواج بکەم مارەییەکەم دەبێت خوێندنی هاوسەرەکەم بێت لە علوم شەرعی و بانگخوازی و علوم حدیث، الحمدلله کە خوای گەورەش ڕێک وای کردە قسمەت، و ئەوساڵ خۆم و هاوسەرەکەم بەژدار بووین لە خولی فێرگەی زانست و هەرگیز هیچ بابەتێک بۆم دوبارە نەبوو لەبەر ئەوەی پێشتر خوێندوومە بەڵکو زیاتر و زیاتر بەرچاو ڕوونیم دەست کەوتووە.

#وتەی_بەشداربووانی_خولی_دوو_ساڵەی_زانستە_شەرعییەكان
من لەقەڵادزێوە بەشداربووم قۆناغی یەکم تەواوکرد الحمدللە، بەڕاستی یەکجار زۆر سوودم لەدەرسەکانتان بینیوە الحمدللە، کەخوای گەورە ئەم زانستەی پێ ڕەوا بینیم لای بەڕێزتان بیخوێنم بەڕاستی زۆر شتی گۆڕی لەژیانم، چەندی دوعاتان بۆبکەم کەمە هیوادارم هەموان بەشداربن لەخوێندنی زانستی شەرعی، بەڕاستی ڕێکخستنی ژیانی دونیاو قیامەتتانە ئەم زانستە شەرعیانە، خوای گەورە تەواوی مامۆستایان و ئەو بەڕێزانەی کاری مۆنتاژو وێنەگرتن دەکەن موفەقیان بکاو تەمەنیان پڕخێرو بەرەکەت بێت، سەرەڕای مەشغوڵیم بەکاری ماڵ و منداڵەوە ناتوانم دەستبەرداری ئەم زانستە بم، پشتیوان بەخوا هەموو قۆناغەکان دەخوێنم .

#وتەی_بەشداربووانی_خولی_دوو_ساڵەی_زانستە_شەرعییەكان
من دانیشتووی شاری (سلێمانی)م ئەمە بەسوودترین ئەزموونی ژیانم بووە کەیەکێکم لە فێرخوازەکانی فێرگەی زانست بۆ خولی دووساڵەی زانستە شەرعییەکان، بەخۆشحاڵییەوە قۆناغی یەکەمم تێپەڕاند الحمدللە و بەردەوام دەبم لە قۆناغی دوو إن شاء اللە، داواکارم لەخوای گەورە یارمەتی وپاڵپشتی مامۆستایانی فێرگەکە وئەندامانی بێت کە ئەم دەرفەتەیان بۆ خوێندکارانیان ڕەخساند بێ ماندوبوون و بێبەرامبەر، کە بەوپەڕی دڵسۆزییەوە هەوڵیانداوە تاخەڵکی گشت چین و توێژە جیاوازەکان لەسەر زانستە شەرعییەکان بەرچاوڕوون بکەن وشارەزایان بکەن،وەکو پێغەمبەرمان ح دەفەرموێت: ((هەرکەس خوای گەورە بیەوێت تووشی خێری بکات، شارەزای دەکات لەزانستە شەرعییەکاندا))،داواکارم بەزوویی نیه‌تی خۆتان یەکلابکەنەوە و پەلەبکەن لەبەشداری کردنی ئەم خولە، چونکە بەڕاستی بۆ تەواوی ژیان بەسوودە و زۆر هەمەچەشنە لە بوارەکانی (پەروەردەی منداڵ + مامەڵەکردن لەگەڵ دەورووبەر + ئەرکەکانی کۆمەڵگا + بیروباوەڕی پاک + ژیاننامە...هتد} گەورەترین پاڵنەرە بەئاسانترین ڕێگا بۆ شارەزابوون لە زانستە شەرعییەکان..جزاکم اللە خیرا

#وتەی_بەشداربووانی_خولی_دوو_ساڵەی_زانستە_شەرعییەكان
خوای گەورە پاداشتی خێرتان بداتەوە لەدونیا و قیامەتدا، بەڵێ من زۆر سوودم بینیوە لەهەموو بابەتەکان، هەر کات بابەتەکە لەسەر (سیرە) بووایە من دەگریام کەباسی ئەو هەموو نەهامەتییانە بەسەر پێغەمبەر و هاوەڵانی هاتووە، بەم شێوەیە گەیشتووەتە دەستی ئێمە، زۆر زۆر سوودی هەبوو، هیوادارم بەردەوام بن.

من وەک فێرخوازێک هەرچەندە بەفەزڵی خودا پێشتر چەند کتێبێکم لەم زانستانە خوێندبوو، بەڵام وەک هیممەت و حەزم بۆ طەلەبی عیلم بەشداربووم لەم خولە جوانە، بەڕاستی زۆر سوودم لێی بینی و زۆر شتی نوێ فێربووم، بەهۆی ئەم خولەوە گەڕانی زیاترم کرد بۆ تەواوی بابەتەکان و موطالەعەی زیاتری کتێبی دەرەکیشم کرد بۆ زیاتر دەوڵەمەندکردنی ئەوەی لەو خولە فێری بووم، ئەوەی سوودی ئەم خولە جیادەکاتەوە لە خولەکانی تر ئەوەیە کە بازنەی زانستی فراوانترەو تەرکیز نەخراوەتە سەر یەک زانست بە تەنها وەک (تەجوید یان فقە یان عقیدە )، بەڵکو تەواوی زانستەکانی بۆ کۆکردووینەتەوە لە چەند پەرتوکێکی کورتدا، کە مشتێک لە خەرەمانێکت پێ ئەبەخشن تا موسڵمان بۆ ژیانی ڕۆژانە و عیبادەتی لێیان سوودمەند بێت، ئامۆژگاریم بۆ تەواوی ئەو براو خوشکانەی کە ئەم نوسینە ئەبینن بەشداری بکەن لەم خولە جوانە، چونکە ئەم خولە هیچ مەسرەفێکی ناوێت هاتن و ڕۆشتن بۆ لای هیچ مامۆستایەکی تیدا نییه،‌ لە مۆبایلەکەتەوە هەر کات بتەوێ گوێ لە وانەکان ئەگریت و موتالەعەی دەرسەکانت ئەکەیتەوە، دەرسەکان زۆر ئاسانن دڵنیابە هەر گوێ لە چەند دەرسێک بگریت خۆت زیاتر حەزو خولیات بۆی دەچێت.

#وتەی_بەشداربووانی_خولی_دوو_ساڵەی_زانستە_شەرعییەكان

من وەک خوێندکارێک لە شاری سلێمانی بەشداریم کردووە بەهۆکاری ئیشەکەم نەمتوانیوە وەک پێویست لە شوێنەکەوە دەست پێ بکەم، شارەزایی دینی ئیسلام ببم الحمدللە لە ماڵی خۆمەوە بەئاسانترین شێوە و بەرنامەیەکی پڕ تۆکمە و لە ڕێگای کۆمەڵێک لە مامۆستایانی دڵسۆز و شارەزا لە ڕێگەی ئۆنلاین بە فەضلى خوای گەورە سوودێکی بەرفراوانم بینیوە، لە چەندین حوکمی شەرعی سوودم وەرگرتووە، ئەزمونێکی خۆم ئەخەمە ڕوو ئەویش چۆنیه‌تی دەستنیشانکردنی کاتی نوێژی خەوتنان بوو، خۆم ئەوانەی کە ئەمناسین زۆربەی کات نوێژی خەوتنانمان کردووە لە دوای سەعات 12 شەو چونکە هیچ زانیارییەکمان نەبوو کە زۆربەی زانایان ڕایان وایە کە لە سێ یەکی شەو بکرێ باشترە، خوای گەورە بەرەکەت بخاتە علمتانەوە جەزای خێرتان بداتەوە.

#وتەی_بەشداربووانی_خولی_دوو_ساڵەی_زانستە_شەرعییەكان

من دانیشتووی قەزای چەمچەماڵم پیشەم ئەندازیارە، یەکێکم لە بەشداربووانی خوولی دوو ساڵەی زانستە شەرعییەکان لە فێرگەی زانست، لە مێژە ئاواتەخواز بووم ئەو زانستە شەرعییانە بخوێنم، بەڵام دەرفەتێکی وام بۆ نەڕەخساوە لە ڕێگای فەیسبوکەوە ئاشنای ئەم خولە بووم، زۆر بە دڵخۆشی بەشداربووم و بەردەوامم، إن شاءالله تا کۆتای بەشدار ئەبم، داواکارم لە موسوڵمانان بەشداری بکەن چونکە زۆر زەرورە بۆ موسوڵمان ئەم زانستە شەرعییانە بخوێنێت، خوای گەورە پاداشتی خێرتان بداتەوە.

#وتەی_بەشداربووانی_خولی_دوو_ساڵەی_زانستە_شەرعییەكان
زۆر سوپاس بۆ خوای گەورە کە یارمەتیدام بتوانم بەشداری ئەم فێرگە جوانە بکەم و دواتر مامۆستایانی بەڕێز کە زۆر پێمانەوە ماندوو ئەبن، من خۆم ئاواتم بەشی پزیشکی بوو جگە لە زانستی شەرعی وتم کە پۆلی دوانزە ببڕم دەستدەکەم بە خوێندنی زانستی شەرعی، بەڵام نەمزانی لە کوێ بخوێنم، سبحان اللە بەو فێرگەیە ئاشنابووم واللە هێندەی دڵم بەم فێرگەیە خۆشە هێندە دڵم بەو بەشە پزیشکییە خۆش نییه‌ کە ئاواتی دوانزە ساڵەم بووە، هێندەی وانەکانی فێرگە گرنگی پێ ئەدەم ئەوەندە گرنگی بە وانەکانی کولێژ نادەم، جگە لەمەش، من خۆم پێشتر زانستی شەرعیم ئەخوێند بەڵام لە کتێبی کوردی، نەمئەزانی چۆن لە کتێبی عەرەبی بخوێنم، بەڵام فێرگەی زانست ئەم دەرگایەی بە ڕوومدا کردەوەو ئێستا الحمدللە ئەتوانم لە سەرچاوەی عەرەبیش بخوێنم، الحمدللە بەڕاستی هێندەی باسی ئەم فێرگەیە بکەم هەر کەمە، کاریگەرییەکی وەهای لەسەر ژیانم هەبووە وەسف ناکرێ،بۆیە ئامۆژگاریم بۆ سەرجەم خەڵکی ئەوەیە کە ئەم دەرفەتە لەدەست خۆیان نەدەن، تۆی بەڕێز گەر فێرخوازی زانستی شەرعیت یان فێرخوازیش نیت لەهەر تەمەنێک بیت کاتێکی ژیانت بۆئەم فێرگە تەرخان بکە.

دەمێک بوو دەمویست دەست بە خوێندنی زانستی شەرعی بکەم و نەمدەتوانی لەبەر زۆری خوێندن بە حوکمی ئەوەی زانستی شەرعی زۆر گەورەو فراوانە، لەوانەبوو نەمتوانیبایە بەردەوام بم لەسەری و نەشارەزایم لە زانستەکە وتووشی سەرلێشێوان و پەرتەوازەیی ببم، بۆیە هەر کە بڵاوکراوەی فێرگەی زانستم بینی لە فەیسبووک یەکسەر زانیم ئەمە ئەو سەرچاوەیە کە چەند کاتە لە دوای دەگەڕام و دەستم نەدەکەوت، بە خۆمم دەوت باشە چۆن ئەبێ من پەیڕەوی دینێک بکەم کە نەزانم ناوەڕۆکەکەی چیە و هیچ مەعلوماتێکم لەسەری نەبێت، بۆیە کە بڵاوکراوەکەم بینی یەکسەر خۆم ناونووس کرد مامۆستاکان زۆر بە جوانی و سادەیی و لەسەرخۆیی وانەکانیان شی دەکردەوە، خوا جەزای یەک بە یەکیان بداتەوە، بێ ماندوو بوون و بەبێ دەرچوون لە ماڵ و بەبێ بەرامبەر بە پێی ئەو کاتەی کە هەمبووە و پێمان کراوە وانەکانمان خوێندووە و بەردوام بووین . کە خوای گەورە ویستی لەسەربێ إن شاء اللە ویستمان هەیە لە قۆناغەکانی تریش بەشدار بین و هەموو قۆناغەکان ببڕین و بەتەواوی خۆمان شارەزای ئاینی ئیسلام بکەین، خوا جەزای مامۆستایان وڕێکخەران وهەر کەسێک کە دەستی هەبووە لە دانانی ئەم خولە و ماندوو بووە بە زیادەوە بداتەوە،

#وتەی_بەشداربووانی_خولی_دوو_ساڵەی_زانستە_شەرعییەكان

سەلام وڕەحمەت و بەرەكەتی اللە بڕژێ بەسەرتانا برایانی ماندوونەناسم من چەندین ساڵە هەوڵمداوە لە شاری خۆم لە بنکەیەك هەوڵی فێربوونی شەریعەت بدەم، بەڵام بەچەندین هۆكاری خێزانی و كۆمەڵایەتی و جەهل نەمتوانیوە تەنانەت یەك مانگیش بەردەوام بم، بەڵام بەفەزڵی اللە و پاشان كەناڵەکەی بەڕێزتانەوە توانیم بەشداربم لەم ئاستە بەسەرکەوتوویی، ٳن شاء اللە بەردەوامیش دەبم تا هەردوو ساڵەكە تەواو دەكەم بەئیزنی اللە و پاشان یارمەتی ئێوەی بەڕێز و خۆشەویست، من لێرەوە دەمەوێ بڵێم بەڕاستی زانکۆیەكی شەریعەتە لەماڵەكاندا و بەئاسانی دەتوانن فێری حوكم و ئەحکام و وانە شەرعیەكان ببین بارك اللە فیكم جمیعا.

#وتەی_بەشداربووانی_خولی_دوو_ساڵەی_زانستە_شەرعییەكان
من بەشداربوویەكی ئەم خولەم، بەڵێنم داوە بەردەوام بم تەمەنم 57 ساڵە لە فەرمانگەیەك دەوام دەكەم، سەرەڕای ماڵ و دەوام بەبەردەوامی كاتەكانم دابەشكردووە، وا هەست ئەكەم ئەو تەمەنەم بە فێرۆ ڕۆیشت، بەڕێزان ژیان هەوڵ و خەباتێكی بێ وچانە لە پێناو گەشتنی مرۆڤ بە خەونەكانی، تەمەن خەسارە گەر زانستی شەرعی نەزانی ئەم فێرگەیە دڵخۆشی كردم وەك چرایەك بوو بۆم، لەڕێگای ئەو مامۆستا ماندوو نەناسانە وایان لێ كردم كە خوا و پێغەمبەر صلی الله علیه وسلم زیاتر بناسم.

#وتەی_بەشداربووانی_خولی_دوو_ساڵەی_زانستە_شەرعییەكان
السلام علیکم من خۆێنکاری خولی دوو ساڵەی فێرگەی زانستم لە شاری سلێمانیم و پیشەم ئەندازیارە، لەم ساڵەدا الحمدلله هێواش هێواش الله زانیاری زیاد کردم بە هۆی ئەم مامۆستا بەڕێزانەی فێرگە، کە سەرەڕای کار و هیلاکەتی ڕۆژانەی خۆیان ئەوەندە بەجوانی و لەسەرخۆ و بەشێوازێکی جوان و هەموو بابەتەکانیان ڕوونکردۆتەوە، کە بەڕاستی ئێمە ناتوانین پاداشتان بدەینەوە تەنها دەپاڕێینەوە لە الله جەزاتان بەبەهەشت بداتەوە.

#وتەی_بەشداربووانی_خولی_دوو_ساڵەی_زانستە_شەرعییەكان
السلام علیکم من ساڵی ڕابردوو کاتێ هاوسەری بەڕێزم بەشداری فێرگەی زانستی کرد، داوای لێکردم بەشداری بکەم، منیش لەبەر ئەوەی هەستم ئەکرد کاتم نییە و ناتوانم پابەندبم بەوانەکانەوە ڕەتم کردەوە کە بەشداری بکەم، الحمدلله بەشداریم كرد خوای گەورە بەردەوامم بکات لەگەڵ هەموو خوشک و برایانی بەشداربوو، بەشداریکردن لە حیفظی قورئانی پیرۆز، و وتنەوەی ئەو زانستە شەرعییانە بە منداڵان و بەشداریکردنم لە دیبلۆمی وەرگێڕان، كە ئەمە بەرەكەتی بەشداریكردنم بوو لەم زانستە کە بۆ من دەستکەوتێکی زۆر بەنرخە و خەڵاتی خوای گەورەیە، وەکو هەموو خەڵاتەکانی دیکەی، هەروەها بەرەکەتی ڕزق، خوای گەورە کردمی بەخاوەنی زۆر شت کە پێش بەشداریکردنم لێرە هەر لەخەیاڵیشما نەبوو، داواکارم لەهەموو ئەو کەسانەی ئەم پەیامەی من ئەبینن یەکسەر بێ دوودڵی بڕیاری بەشداریکردن بدەن و بگەن بەوەی لە دڵتاندایە، لە هەموو بەرەکەتێکی خوای گەورە لە ڕووی دین و دونیاوە، گرتنەبەری ڕێگەی خوای گەورە بەختەوەریتان بۆ ئەهێنێت إن شاءاللە تعالی.

#وتەی_بەشداربووانی_خولی_دوو_ساڵەی_زانستە_شەرعییەكان
سوپاس و ستایش بۆ پەروەردگاری میهرەبان کە بەهۆی میهرەبانی خۆی بەم خولەی ئاشنا کردم، دواتر سوپاس و پێزانینم بۆ هەموو مامۆستایانی ئازیز و خەمخۆر، کە بەهۆی ئەوانەوە توانیم زیاتر شارەزاو چاوکراوە بم لە دین و دونیا و ماف و ئاکار و ئادابەکان، هەروەها شارەزاتر ببم بە ژیانی پێغەمبەری ئازیزمان و ئەو هەموو بابەتە تایبەتەی ئافرەتان، هەمیشە لە دوعاکانمدا ئەم مامۆستا بەڕێزانە إن شاء اللە لەبیر ناکەم کاتی تایبەتم بە وانەکان داناوەو ڕۆژانە جیا لە گوێگرتن موراجەعەیەکی زۆر باشیش دەکەم، تەنانەت لە کاتی ڕۆشتن بۆ سەرکار یاخود هاتنەوە لە کارەکەم لە کاتی ئیسراحەتەکەمدا گوێم لێ دەگرتن یاخود لە پێش نوستن... هەر جارێک گوێگرتن و دووبارەکردنەوە سوود و تێبینی و زانیاری نوێ و بەسوودم وەردەگرت و زیاتر ڕوونتر دەبوو لەلام، وەك لە پێشتر ئاماژەم پێدا کە هەوڵی ناساندم داوە و پشتیوان بە خوا بەردەوام دەبم لە ناساندن و ئاشناکردنی خەڵک بەم خولە کە یەکێک بوو لە میهرەبانییه‌کانی پەروەردگار منی ئاشنا کرد، داواکارم هەمووان بەشداربن و بێ بەش نەبن.