في الغلط مابش كلمه آسف
لكن لازم تصلّح غلطك نريد اعتذار قول وفعل
في الشكّ ماتخلي الطرف الثاني لأوهامه أنت مُجبر تقدم إجابات واضحة
في الغيرة مافيش أنت بتقيدني، إنت لازم تكون أكتر إحتراماً لمشاعر الطرف الآخر
في المشاكل مافيش هروب أو إنسحاب ، لازم يكون في مواجهة وإلتزام
في التصرفات مابش أنا طبعي كذا ولكن ، في ضبط للنفس ومحاولة للتغيير
في المشاعر مابش إعتمادية علي طرف واحد ، لازم يكون في توازن في المسؤولية
في المشاعر مابش تنتظر لما الطرف الاخر يبادر ، لازم نشبّع إحتياجات بعض
في المسؤولية مابش حضور لطرف عن طرف ، انتوا الإثنين مُلزمين تنجحوا العلاقة
وقت الصياح مش حرب ، هذا أشد وقت للإحتواء
وقت الخصام مش هجر وفُجر ، هذا أشد وقت للإنسانية وصدق المحبة ونوايا الخير
الضغوطات مش مؤشر لسوء طرف أو إنتهاء العلاقة ، هذه اختبار لمدى تمسككم ببعض ، الإنسحاب ساعتها دليل قاطع علي ضعف الحب وعدم التمسك من البداية
الفتور طبيعي جداً في العلاقة ، مش مؤشر علي جفاء طرف
العناد أول طريق لفشل العلاقة. العنيد مايتعاشرش
الأنوثة المصطنعة مش بتجذب غير نوع واحد من الرجال
العلاقة مابتقومش على رجل شديد الرجولة ولا أنثي متفجرة الأنوثة ، العلاقة بتتبني علي أربع أركان ،، إنجذاب القلب ، إنجذاب العقل ، الإنجذاب الجسدي ، الإنجذاب الروحي

العلاقة تقدير وحِرص كل طرف علي إنهُ يقدم كامل مسؤولياتهُ وإلتزاماتهُ وحُبه وحُسن طباعهُ وقوة تحمّلهُ للطرف الأخر
الزواج ما بينهي الحُب بكثرة المسؤوليات
الزواج سكينة ، واستقرار و راحة نفسية

@ALFkamah

فى النهاية نكتشف أن ليس كل عطاء يُقدّر
وأن الأيدى التى أمسكناها خوفًا من الضياع
كانت تبحث عن طريق آخر فأفلتتنا بسرعه
نكبر لنفهم أن بعض الوعود قيلت فقط لتملأ لحظة فراغ .و أن الأوقات التى قضيناها فى بناء الثقة ، قد تنسف بكلمة عابرة .
نُدرك أن الإنتظار لا يصنع المعجزات ، بل يهلك القلب شيئًا فشيئًا . وأن أجمل البدايات كثيرًا ما تُخبئ أقسى النهايات
نتعلم أن الطيبة ليست درعًا من الخيبات ، بل بوابة لها .و أن أقسى الفقد ليس موت الأحبة ، بل موت المشاعر و هم أحياء .
ننظر خلفنا فنرى أننا منحنا الكثير لمن لم يشعر بشئ . و نمضى خفيفين ... إلا من ثقل الدروس التى حملناها وحدنا !!

@ALFkamah

🤏لعشاق الروايات والإثارة🩵🩷

✿سيتم انزال ( الجـــزء الـثـاني عـشـر )
من روايه ( لأنك كنت هنا )

للكاتبه والروائيه المتألقه (عبير الكبسي)



وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

🤏لعشاق الروايات والإثارة🩵🩷

✿سيتم انزال ( الجـــزء الـثـاني عـشـر )
من روايه ( لأنك كنت هنا )

للكاتبه والروائيه المتألقه (عبير الكبسي)

تمكين: يبقى مافيش نصيب يا ابن الناس..
امجد: اكيد مابش نصيب للعمل

تمكين طنشته وخرجت لاعند ابوها قررت تفتح معهم الموضوع..

ابوها كان بيتفرج الاخبار ويشرب شاهي شافها جت وجلست سكته سارحه عرف انها تشتي تقول شي

تمكين بتسعل كذب : احم

ابوها: مابسرش تجي عندي الا وقد معش طلب او قرار ، خير؟

تمكين: ليش سمحتوا لي اتواصل بخطيبي؟

ابوها : لاني واثق ببنتي

تمكين فرحت شويه: بس قصدي ايش السبب المهم

ابوها: قولتكم هذا الجيل تفهموا بعض، خطبت امش وماعرفتها ولا ابسرتها الا وهي عندي قبالي شوعه ولا حاليه قدي نصيبي

تمكين: حلو ابردوا لكم من المقارنه، خلونا في ذاحين، قلتو نفهم بعضط ولو مافهمنا بعض او ماقدرنا نسد ايش نفعل؟

ابوها : مابش حاجه غصب ، اذا الاسباب مقنعه خلص

تمكين: طيب ولو قلتلكم اني حاولت افهمه واتفهمه واتغير واتنازل بس قد زيد بها ، عتسمحوا لي افسخ.

ابوها: في ايش تنازلتي وايش زيد بها؟؟؟ احكي بالتفصيل

تمكين بدات تكلم ابوها بطباع امجد وشروطه وقراراته و و و

ابوها : يعني مقتنعه ماعد تشتي تكملي معه؟

تمكين: ايوه

ابوها:انا مالي دخل بحياتكم انتي بسن فاهمه وعاقله وانتي اخبر بحياتش

تمكين : وانا مافكرت وقررت الا بعد ماعرفت ايش الي اشتيه وايش الي شاقدر اتقبله او ارفضه، الموضوع مش هو شويه شروط ، الموضوع هو الاسلوب ، التحدي ،التهديد، وريتكم رسائله يعني عتكون العيشه كلها بهذا الاسلوب وانتو ماربيتونا وعودتونا على هذا الشي ،لذلك مشتيش اكمل معه ،

ابوها :خلاص جهزي اشيائهم وانا شاكلم اخوش واتصل لامجد واتفاهم معه...

تمكين : حاضر

بنفس الوقت شاف اتصال من امجد

ابوها بيوريها الرقم ، جاوب: وعليكم السلام

امجد: كيف انتو ي عن

ابوها: الحمدالله، وانت كيف حالك؟

امجد: الحمدالله، كيف صحتكم ان شاءالله بخير

ابوها: نحمد الله ونشكره

امجد: اتصلت لكم ياعم احكي لكم واشكي من تمكين، اخر فتره ، بتستفزني بردودها وكلامها وتحدي وعناد ، اول شي تقلي عتفلت العمل تعبت قلت لها عادو احسن ارتاحي واشتغلي خفيف من البيت ، وبعدين اليوم تقلي رجعت وشاشتغل وهذا قراري وانا حره ولو مش عاجبك مابش نصيب

ابوها ضحك: يمكن انت ماقرات سوا، اقرا سوا كلامكم الاثنين، انا قرأت رسائلكم وشفت

امجد سكت شويه ماتوقع إن تمكين تكلم ابوها وتوريه : يعني ابسرتوا بنفسكم اسلوبها

ابوها: ايوه ، اسلوب طبيعي جدا

امجد: كيف طبيعي؟

ابوها: يا امجد اولا مش من حقك تتشرط من الآن وتمنعها وتطرح شروطك، كان عنتفق وقت العقد ساع الناس كلهم...

امجد: وافرضوا ماقبلناش مش حاليه وقت العقد ، انا فهمتها ، مشتيش تشتغل.

ابوها: كنت تقدر باسلوب توصل لها

امجد: ايش من اسلوب وقد بينقلها مشتيش وقراري رافض وهي تعاند وتقل مابش نصيب

ابو تمكين : لانك جيت لها بتحدي وقرارات ووصلت لها انك الامر الناهي في قرارات تخصها ، هي عملت صوره وفكره عن الشخص الي عتعيش معه هو الي يقرر هو الي يمنع هو الي يرفض ،بينما كنت تقدر تقنعها باسبابك لو هي مقنعه
وعارف انك صح ومش غلطان

امجد ترك الكلام كله: يعني انا غلطان؟؟ ذلحين هو انا الغلطان؟

ابو تمكين: اسلوبك غلطان وتعاملك مع الموقف غلط ، انت من حقك تقرر الي يناسبك، وهي برضو من حقها تقبل قرارك او تقرر الي يناسبها

امجد: يعني انتو موافقين لقرارها.؟

ابو تمكين: مش هي حياتها !!! اكيد موافق لقرارها،

امجد: يعني عتفسخ خطوبه وقد العرس بعد شهرين وحجزنا عشان عمل !

ابو تمكين: مش عشان عمل ، عشان اسلوب كلامك وقراراتك ،وشخصيتك الي ماناسبت شخصيتها ، من حقك تقرر وهي من حقها تقرر ، وهذا هو نصيب ، وكل شي واضح من البدايه افضل من انفصال بعد زواج وجهال.

امجد: قلت اتصل لكم انكم عتعقلوها، وتقنعوها إن المره بعد زوجها ، لكن دريت ذلحين سبب عنادها، وهو انكم بتخلوها تفعل ماشتت.

ابو تمكين: لاني ربيت وواثق ولما اسمح لها بشي من قراراتها فهي الي عتتحمل المسئوليه ، مش من حقي ولو ابوها اجبر بنتي على شخص او شي ماتشتيه ، بكره ابني عبدالوهاب عيجيب الاشياء ، تمكين كلمتني بقرارها قبل ماتتصل لي انت، والله يعوضكم .

امجد ضبح وتعصب ماقدر يدي كلمه :مع السلامه....

قفل

تمكين حضنت ابوها وحبت راسه: الله يحفظكم لنا يا احسن أب

ابوها : لو كانت اسبابه مقنعه كنت وقفت معه، بس انا عارف كيف بنتي طموحه وطيبه ، ولما قلتي اسلوبه الي ماخلاش تتقبليه كعيشه طول العمرط وافقت قرارش ، زمان جا يخطبش ابن صاحبي اسماعيل وقلتي مش موافقه على شخص ماكملش تعليمه، وانا اعز صديقي واعرف اخلاق عياله، انا ي بابا معاكم ، مش ضدكم، كل واحد اخبر بحياته ومصلحته


تمكين: انا فدالكم والله، فرحتوني قوي قوي انكم مش زاعلين مني وفهمتوني ...

ابوها: كنت عارف بلثمتش ولما وقفتي العمل، إنه السبب بس قلت هي حره، لو راضيه مادخلني ..

تمكين هزت راسها

مرته : هو ما دلع بناتك وخلاهن يزيدين التشراط الا انك كل شي تمام حاضر ، مافيها لو وقفت العمل ياسعم إن هي عتموت جوع ، كل النسوان بينشغلين ببيت وجهال ، يابنتي راجعي عقلش ولو تزوجتي غيره واشتغلتي عتتعبي وتفلتي

تمكين: سهل ، العمل قد فلت ي ماماط قد فعلت له كل شي يشتيه، بس زيد الاوامر والزنط والتهديد وطبعه نفسه ماقدرش اتقبله،

متناقض وكذاب ( زمان واحنا في مصر عيساعدني ويعدل ديكور المحل، واول ماحسيته طيب رجع يغير رايه

امها : والناس ماعيقولوا ، لاقبل عرسها وفسخت

تمكين: اين اهم عندكم انا ولا الناس .؟

امها: انا منش ، بينهمش انتي، ماعيقولوا ، انخطبت وقبل عرسها فسخت ! وبعدين من عاد عيتقدم

تمكين: لو مكتوب لي نصيب سوا ربي عيتمها، ولو مش مكتوب ماشاعيش مع شخص مش متقبلته عشان ارضي الناس ، يهمني ارضي ربي وانتو وبابا بس

ابوها: خلاص ، خلي بنتي هي حره

مرته: انت حر انت وبنتك ، بس مابش سبب مقنع نقوله للناس

تمكين: مش ضروري تقولوا لهم الاسباب !! مش لازم الناس تعرف كل شي عننا ! في خصوصيات وهذه خصوصيه ، ايش السبب ( مابش نصيب) وبس

امها: وهم ياسعم ماعيتحاكو لو حد سألهم !

زوجها: يقولو ماقالو ، هجعينا ذلحين بتهم النسوان . اعقلي.

تمكين: رجاء لاتزعلوا وتتصايحو بسببي

ابوها : بينفهمها، تبطل تهم النسوان .
امها: خيره الله، الله يعينش على عقلش ،

تمكين راضتها وسارت تجهز الاشياء لاخوها...

الصباح سار عبدالوهاب سلم إلى امجد وناوله كل شي.

امجد : مابش داعي لهن .

عبدالوهاب مسك كتفه ب ود : الفسخ جا مننا، هذا حقك ، وكل شي قسمه ونصيب، الله يعوضكم خير.

طلع سيارته ومشي.

امجد اشر له سلام ودخل وعيال اخوه بيساعدوه .

دخل جلس وابوه وامه جالسين مراعيين يدخل يتفاقدو الاشياء اكلات او لا ( كان شويه متندم وهو بيشوف الاشياء ، كان داخله تخوف إنه يفقدها زي الاولى ،وحس إنه غلط لما عاملها بتحدي شويه فكر لو فرض سيطرته عتخاف لانه لما دلع حبيبته تمردت، لكن اكتشف إنه غلطان كل انسانه ولها اسلوبها وشخصيتها وتختلف من واحده لثانيه).

امه: مالك مطنن ؟؟؟ ماعجبتنيش البنت من اولها ابدا

وجلست مصمم مصدق لمرت اخوك ، هيا عتبسر حين اخطب لك احسن منها، امانه إن كل بنت احسن من الثانيه ومايدرين مايفعلين لي .

ابوه: ماحصل بينكم ؟

امجد يشتي يهنجم قدام ابوه : البنت راسها عنيد ، ماتشتي الا قولها في كل شي ، وتحدتني ورجعت لعملها ، قلت لها الله يفتح عليش، اشتي مره تستمعني .

ابوه: رجاااال ، اليوم امك تسير تبسر لك احسن منهاط ونخطب وتزوج بنفس الموعد الي حددته .

امجد: تمام ، افعلوا مشتيتو انا بعدكم


في بيت اهلها..

غاده ضابحه ليش مارسل وتاسف وقلها فاقد لها ؟؟
اول مره يدعمم هكذا ومايسالش عليها..


مرت اخوها : مالش ماسكه تلفونش او بيرسلش؟

غاده بضبح: بالعكس ، مدعمم ولا خبر، تقلي منه صدق عيطلق؟


مرت اخوها : مش انتي طلبتي تطلقي؟

غاده : ايوه، بس على الاقل يحسسني إنه شاريني حامل

مرت اخوها :خلص هذه المره قد انتي تشتي الانفصال ماعد عيقول شي ، ابسر منش الصدق

غاده بتعرق وماسكه بطنها بتتعطف: ويهون عليه الجاهل !!

مرت اخوها : مالش ؟

بعد ماروحت بيتها من المستشفى..
غاده سالت اخوها: كيف افعل اكلم كمال ولا مش ضروري يعرف !

اخوها : الا ضروري يعرف

غاده تحمست مسكت التلفون

اخوها: قد قلتله

غاده طرحت التلفون بربشه: هلا

اخوها : ذلحين طالما مابش حمل ، شاخليه يسرع في اوراق الطلاق

غاده سكتت وغالطت الموضوع: اين الماء يا لولي( بنت اخوها) اشتي اشرب عاطشه

اخوها قام: يلا لو تشتين شي اتصلين لي، خاطركن.

مرته: الله معك.

غاده حست بزعل شويه ( ليش ما اتصل لها ويتطمن عليها ) حتى لو بينهم مشكله ( الموضوع كبير راح حملها.

بكيت

مرت اخوها: مالش؟

غاده:ولاشي زاعله على النونو ماتوقعت شاغثى هكذا

مرت اخوها : سهل ابكي افتهني، يلا يالولي نخرج، خلي عمه تفتهن وترقد وحدها

غاده جلست وحدها بالغرفه تتذكر فرحته بالحمل واهتمامه بها وخوراتها وكيف تحمل عصبيتها نفسها تكلمه بس زاعله منه ونفس الوقت حاسه انها السبب....

كانت تمسك التلفون تشتي ترسل وتتردد ، لما رقدت

في العرس..
تمكين بعد ماصورت العرسان جلست في غرفه العروسه معها تصورها قبل الزفه..
العروسه جالسه تتواصل بالتلفون مع استشارات بتوصل لها

تمكين: انتي دكتوره.

العروسه: ايوه

تمكين: يعني امس داومتي وانتي عروسه؟

العروسه بابتسامه: مابلا هي حاله تابعتها ،واضطريت امس اسير عشانها، اخذت اجازه للعرس بس مع ذلك سرت
تمكين: وعتشتغلي بعد العرس؟؟

العروسه بصدمه: طبعا، كان كيف افلت!!

تمكين: اكيد لانش دكتوره ماعتفلتي، بس قصدي الرجال يشرطوا اغلبهم مايشتو عمل بعد العرس

العروسه: لا ، مش شرط مش كلهم، رغم انه مش طبيب وعملي ماله وقت معين بس ماشرط اي شي

تمكين: لانش دكتوره ، يمكن لو عملش شي ثاني عيشرط،

العروسه : زوجي لا، بس غيره ممكن ، خيرات بيشرطوا

تمكين: لو كان عملش ثاني كنتي عتتركي عملش لو شرط

العروسه: مدري يمكن اقلش ايوه من ناحيه ارتاح ويصرف هو ويتحمل كل طلباتي، وممكن لو العمل احبه وانا متمسكه به ماوافق .

تمكين سكتت شويه بتعدل في كاميرتها: الان اوقفي قدام المرايا وكان نصش باين ونص معكوس هكذا ( وقفت ترويها)
العروسه وهي بتعدل وضعيتها: معي اخ شرطه نخطب له واحده موظفه عنده قناعه إن الموظفه عتكون سند له وجهاله لو بيوم حصل له شي، ومعي اخ رافض زوجته تشتغل ، يعني يختلف

تمكين لقطت لها الصوره: وبتوريها..

العروسه: وانتي مش كنتي مخطوبه !!؟

تمكين عقدت حواجبها ( ايش عرفها)؟ : ايوه ، وفسخت

العروسه مستغربه: صدق! قلت اسالش لاني ماشفت الدبله بيدش قلت يمكن بتتضايقي ويمكن مش مخطوبه بس الي اعرفه مخطوبه

تمكين: من قلش !

العروسه: ناس يعرفوش

تمكين: ايوه فسخت اليوم

العروسه ابتسمت: ماشاءالله عليش ، هيا وين الي يمنعوا العمل على النسوان يجو يبسروا قوتهن وكيف يقدرين يسيطرين على مشاعرهن ويلتزمين بمواعيد عملهن، لو يعرفوا كيف هذا صعب لايقدروا

تمكين:لما تاخذي قرار عن قناعه، المشاعر تكون تمام قوي الحمدالله، والعمل للاسف كان احد نقطه اختلافنا، لذلك مش رابطه شي ومش حاسه غير بحماس وحب لعملي.

العروسه: وانا اقول ليش تصويرش حلو، والكل بيدورش

تمكين فرحت ابتسمت وبتصلح لها فستانها :( الفستان من عندنا اخذتيه صح )؟؟

العروسه:لا

تمكين : قوي قوي يشبه الموديلات الي معنا او تقريبا نفس التطريزه والقماش لانهن مميزات غير الي بالسوق

العروسه: هذا اخي رسله لي هو بالخارج

تمكين هزت راسها: اهاا ،

دخلت اخت العروسه : هيا قالو وقت تدخلي ..

تمكين : يلا شسبق اخرج نجهز الاشياء

في غرفه العروسه .

العروسه لاختها: شفتي محلاها ؟ لطيفه قوي قوي ، البنت رزانه وحبوبه ، وشخصيتها جميله

اختها : بس سبحان الله مابش نصيب

العروسه بفرحه وحماس مسكت يدها : الا ، لو تبسري ايش

فسخت اليوم

تمكين على دخلتها تدي الشنطه حقها سمعت الكلمتين الاخيرات

العروسه: فسخت اليوم التخدير قالو قدها احسن كانت مخدره

تمكين شلت الشنطه و
اختها بهررت مقفيه مافهمت اللخبطه هذه: من هي ؟
تمكين خرجت قبل ماتسمع من هذه بتفكر ( فكرتها بتتحاكا عليا ظلمتها حسها عند مريضتها جبرها)

ام العروسه : تشتي شي حبيبتي ؟ اكلتي ! اخذتي وجبه؟ تشتي ماء زياده !! ماديلش ؟

تمكين بتجهز الستاندات حق الاضاءه والكاميرا : تسلموا قوي قوي معي كل شي ، سلامتكم ..

ام العروسه : وين امش اسير اسلم عليها ؟

تمكين: امي ؟ اين تجي

ام العروسه شافتها مستغربه: انتي ماتذكريني كنتي صغيره ، امش تعرفني ، ادينالكم دعوه ( هي وصلت او ماشي.)

تمكين:مدري والله

ام العروسه: الله المستعان قلي لامش لو وصلت وماجت ولو ماوصلت والله اننا فعلت لها دعوه حق النقش والحفله ، تعذرني لو جهالي لخبطوها

تمكين: حاضر


بعد الزفه والتصوير وو وقت يدخلوا اهل العروسه يتصوروا معها ابوها واخوتها

تمكين لبست بتدور اللثمه مالقيتها بتكلم نفسها( يلا سهل مش انا فاعله مكياج)..

دخلوا ولقطت لهم صور وبتصور فيديو..

كان حضورهم جميل مبتسمين فارحين ومرحين مع بعضهم البعض
مبتسمه من الجمال الي بتلقطه..

ولما كلهم في الكوشه الي يتكلم والي يصلح الكوت حقه والثاني يحب راس امه والي يدور اخته الثانيه ،، من بينهم كلهم ضحكها واحد الي وحده مركز مع الكاميرا مبتسم ( شكله مستعد من قلبه ، هذا اول مره يتصور او كيف)

تأشر لهم يترتبوا اثناء اللقطه ويرجعو يتشتتوا الا هووو

ت ع.خ

تمكين كملت تصورهم وبدأت تجهز ادواتها عشان تروح..

ام العروسه: تسلمي يابنتي وسامحينا اخرناش ، شاخلي حد يوصلش

تمكين: الله يسلمكم ،شكرا معي سيارتي شاروخ انا ومساعدتي، والبيت قريب.

ام العروسه سلمي على امش ولاتنسي ماتوصلي لها عتابي

تمكين: حاضر
ام العروسه اتصلت لابنها : خلي اخوتك الصغار يجو يساعدوا البنات يشلو لهن الشنطه للسياره

تمكين : مابش داعي ياخاله شكرا..

خرجت من باب الصاله هي ومساعدتها والولد المبتسم جا بنفسه مارسل اخوته ، بس كانت ملامحه جاده وعينه في الارض وصل حمل الشنطه وبيمشي

تمكين سكتت ماعرفت ايش تدعيه وايش اسمه ولوين ياخذهن وفين سيارتها ....الخ

مساعدتها: ماشاءالله كيف عرف سيارتش ؟

تمكين فتحت له سيارتها بريموت: عادنا اشتي ادعيه ماعد لحقته نزل سريع، بس صدق كيف عرف ! يمكن كانو في باب الصاله لما جينا..

الشاب فتح خانه السياره وشاف مرتبه نظيفه السياره ريحتها فانيلا و ورد لفتت انتباهه سجادتها وترتيب اشيائها ، حط الشنطه وغلق خانه السياره

تمكين قربت من السياره: شكرا
الشاب بدون مايرفع راسه : العفو، مشي.

تمكين طلعت سيارتها وشغلتها ومشيت من جنبه

مساعدتها: محترم قوي

تمكين :نصيحه لاتحكمي على حد ، صدقيني إن الناس معهم كم ياطباع،لاتغرش النظره الاولى الكلمه الاولى ، اي شي بالبدايه كذاب ،

مساعدتها بتضحك: ماعندش حجه، مش من قليل الي مريتي به.

تمكين خرجت من بوابه الصاله: فعلا هذا الي تعلمته ، إن في البدايه كلهم حاليين.

مساعدتها : مش مصدقه ايحين اوصل بقعتي ، قدنا تاعبه

تمكين: الصاله كبيره وطلعه نزله وتاخرنا اليوم ، ماقدرت ارفض حين طلعت تعرف امي ، وذواقين قوي احرجونا باخلاقهم وتواضعهم

مساعدتها: والله صدق ، نادر تلاقي ناس هكذا راقيين ومتواضعين وحبوبين من قلبهم

في بيت اهلها

غاده بتكتب له رساله: هانت عليك العشره ! حتى ماقلت لي الحمدالله على السلامه !حذفتها

فتحت الفيسبوك لقيته متصل موجود نزل منشور بيتنمر ويمزح فيه على صاحبه وفاعل له مشاركه لصفحته...علقت عليه واحده متابعه لصاحبه ( شفت صفحتك راقيه ماتوقعت المنشور هذا منك)
كمال رد عليها: لما يكونوا معش اصحاب مثل هذا غصب عنش تتنمري ههههه
البنت ردت عليه: كنت دخلت ادافع عنه بس شكلي شاتنمر معك هههه

كمال دخل لصاحبه على الخاص: من هذه السامجه، من بتساير يا سامج ،

صاحبه: ماطيقهاش ، واحده هبلا تضحك وتعلق في كل منشور وتضيف اي حد تتكلم معه،

كمال: ها يعني حتى انت مستثقلها مش وحدي
صاحبه: قوي ، ازعل على بنات بيتصرفين هكذا، يفكرين انهن حبوبات بس بينزلين من نظر الولد وهن فاكرات انهم بيعجبوا بهن.

غاده شافت تعليقه :

غاده شافت تعليقاتهم جننت غيره رغم ترددها تعاتبه بس ماقدرت تمسك نفسها : من هذه القمر الي بتزبج انت وياها ؟

كمال مافهم رسالتها مانتبه انها شافت تعليقات استغرب كيف رسلت فجاه : من ؟

غاده: عادو عيسأل من ، لاتلف وتدور، الي بتعلق وترد عليك وتضحكو وتتجابرو

كمال: هاا، ماشاءالله عليش عادحنا ذلحين علقت و رديت عليها ، مسرع ابسرتيها ،

غاده: بالصدفه وصل قبال عيني المنشور
كمال: هذه واحده شكلها طايقتني
غاده: بتسيخف او ماهو !!

كمال: عادو انا الي بينتسيخف؟ اصلا ليش بتحاسبيني ؟؟ بصفتش من!

غاده : اهااا ، بصفتي من صح ، ولا كانك غاثي اننا سقطت ولا رسلت تسأل عليا وعادك غاثي حين بينحاسبك

كمال: مش قلتي تشتي تتطلقي!!! مالش دخل من احاكي ، وبالنسبه لو غاثي حين سقطتي ماغثيت عشان لايجي جاهل مابش معه ام واب مع بعض ، ولو غاثي ففعلا غاثي لاني انجرحت منش انتي اما الجاهل ، ربنا يعوضنا غاثي لانش جرحتيني وانتي تعرفي كم كنت احبش واشتيش وجيت لش وتقدمت باول فرصه وقعت لي وبدون سبب مكنتينا حنوقه وطلاق وشكاوي عند الناس بدعتي بي.

غاده زعلت وتاثرت بكلامه ماعرفت ترد ولا بكلمه....

كمال انتظر ردها مالقي رد ، وشاف ايش بيغيضها لقيها فرصه عشان يرجع لها عقلها ...

شاف المنشور بيعلقو عليه اصحابه جلس يرد عليهم، والبنت تدخل وتعلق معهم وتشارك في مجابرتهم ...

غاده كان يوصلها اشعارات الفيسبوك وتفتح تشوف بيعلقوا ويردو ع بعض ( متوتره وهي بتقرا تعليقاتهم وجالسه متنرفزه) منه صدق قدو بايعني !! برضو ماقال لي كيف انتي ولا الف سلامه عليش ولا ماحصلش ( بتبكي)

في بيت تمكين..
ابوها : لما يتاخر الوقت مره ثانيه، تتصلي لاخوش يروحش تمام

تمكين: تمام انا اسفه ، بس ركنت الصاله قريبه قوي من بيتنا

ابوها : ولو في نفس الحاره ، خرجه هذا الساع وحدش ممنوع

تمكين فتحت ظرف المبلغ الي سلموه لها : حاضر ، وهذه رشوه لكم ياحج حين زعلناكم

ابوها ابتسم و رد يدها: خلي فلوسش يابنتي، وفريها وافعلي بها ماشتيتي

تمكين: بس هذه مني غير، تذكروا حين كنت اشل منكم مصروفي رغم اني كنت استلم راتب ! تبقى حقكم حق الجعاله طعمها ثاني

ابوها ضحك: مابلا كان نصب وهواره، وانا مش ساعش طماع

تمكين : وانا طماعه هيا شلوها قبل ماغير رأيي، واسير اقرحها في اشياء هبلا

ابوها: خليها عند امش تشتري لش بها ذهب

ترتيل بمشاوره وصوت واطي وهي جنبها : قدو وقت تواتي ذهب لخيبه الحب القادمه...

فجأه سمعوهن بيكركرين بصوت

امها: يعلم الله مابيخططين ، هاتي الظرف بكله شاخليه عندي

تمكين: ايوه صح، ام الحريوه طلعت صحبتكم مدري تعرفكم وغاثيه وعاتبه عليكم انكم ماسرتوش وانهم ادو دعوه

امها : بيت من ؟
تمكين خرجت لها الدعوه ورتها : انا شاسير ابدل وارتاح قدنا تاعبه

امها: هاااا الا اعرفها، يو وين زد ضاعت كم لي منها ، من حين نقلو،

تمكين سمعت امها رجعت للباب: تعرفوهم..

امها بتكلم ابو تمكين ويتذكروا

تمكين ماحست باهتمام للموضوع مشيت غرفتها...

ترتيل لحقتها الغرفه: امي ذلحين اي حد تعرفهم كانو يشتو يخطبونا

تمكين ضحكت: قد فيش لقانه يختي ، مالش تحاكيني هكذك قبال ابي لو سمعوش على الذهب

ترتيل: بصوت واطي ، بعدين مزحه مالش وانتي .

تمكين: ولو لاعد تمزحي ،خليني نسيتهم .

ترتيل: تمام بعيني ، جاوعه؟ اجهز لش عشاء؟

تمكين: مع اكلت هانك ماشاءالله على عرس يجنن، والناس حبوبين قوي قوي بس غريبه يعرفوا امي اول مره ابسرهم

ترتيل: ياسعم بنخرج مع امي كل بقعه ، ماقد عرفنا نص الاهل

تمكين: صح على قولتش

ترتيل: منش صدق قد عترقدي؟

تمكين: ماباقي معي عمل الصبح
ترتيل: ايش الحماس هذا قلت هذك... سكتت

تمكين: ايش؟

ترتيل: ولاشي قلتي نسيتي خلاص

تمكين: تحاكي اخر مره لانش اديتي لي فضول

ترتيل باسلوب مزح وتقليد شكل اختها : قلت بعد ماردينا قلافد الخطوبه عترجع الغرفه ساع زمان وترجعي مشعفله وتغثي سنتين بس شكلش عقلتي يختي

تمكين ضحكت وبتصلح شعرها: انا كنت هكذا ياسخيفه
ترتيل ضحكت: مابسرتيش نفسش ،مالي خليت لش الغرفه كنت اكوبس وافتح عيني صميل وابسرش وارجع الكابوس مره ثانيه اهون

تمكين بتضحك : اخررررجي من غرفتي يلا ، مطروده ياكابوس ارحم
ترتيل حضنتها: خلاص يكفي زبج عليش لليوم نكمل بكره ، تصبحي ع خير

تمكين حضنتها بقوه : وانتي من اهل الخير ي احلى من يضحكني ويهون عليا مصايبي بزبجات لطيفه


في مكان ثاني ( بيت العرس )
اخته الصغيره بتبكي على اختها، جالس يواسيها: هيا بس حركات بتبكي حين سبقتش

اخته: بينبكي حين ماعتبكيش هي عليا عيجي عرسي ومش فارقه معها

اخوها ضحك: كان نفسي تبكين عليا كلكن،بس مدري ايحين

اخته ضحكت: مانبكيش ع الاخوه بالعكس نفرح نطايركم

اخوها باستغراب:ليش؟
اخته: مش انت، اخوتك هرمين كوي الزنه، اديت خمسه اصحاب جهزين غدا جهزين عشا، مابش سيارتي اشتيها ، ماشوصلكن معي مشوار.. مابش منهم فائده

اخوها: وانا؟

اخته: وانت مابش منك فائده بس مش بيدك وضعك غير انت
اخوها: ايوه، كيف كان العرس كل شي تمام، ؟

اخته: ايوه الحمدالله على مافي نفسها الله يسعدها

اخوها : سرح شويه

اخته: وين طننت
اخوها: امي كل مره يسيرو عرس يقولو ابسرنالك واحده، اليوم اول مره في حياتي احضر عرس صاله نسوان ولا ابسرت واحده ، كيف يبسروهن وهن ملثمات.


وذلك بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

السلام عليكم

اخواني واخواتي جميعا
فقرتنا انسانيه. اتمنى تتجاوبوا معها

صنائع المعروف تقي مصارع السوء
واللقم تدفع النقم....وداوو مرضاكم بالصدقه
والمؤمن في ضل صدقته يوم القيامه

✿ من بايشارك ويساهم لشراء اضحية للعيد وسنوزعها على عدد من الاسر المستحقه الفقيره والمتعففه وعلى مسؤليتي امام الله وامامكم

❀اللي مستعد يشارك في العمل الخيري
يراسلني. على معرفي. @ALFkamah

او يودعها على حسابي
حسابي بالريال اليمني 121513586
حسابي بالريال السعودي 3037082324
وجزاكم الله خير الجزاء جميعا

❀وانا مسؤل امام الله وامامكم ومستعد اوثق بالصوت والصوره أثناء شراء الاضحيه
واثناء الذباحه التسليم للمستحقين يدا بيد
والدال على خير كفاعله

مساء الخير
وحشتوووني كلكم جميعا

فقرة اليوم تشتي تفاعل

📛‏ تقول احداهن :
‏لا يؤلمني ضرب زوجي القاسي لي.. بقدر ما يؤلمني انه لا مگان يحتويني غير بيته🥺💔

🔰 اقسم بالله اني اوجعني الگلام 🥀💔
رايكم يهمني في هذه النوعية من الرجال.⁉️

♻️هل المرأه مجبرة انها تصبر على عنف زوجها
بحجه. تصبر وتجلس فوق عيالها ⁉️

🎯 مارايكم بالمثل اللي يقوووووول
إن ما للمره الا زوجها والا قبرها ⁉️

✿ يرجى ارسال أرائكم على @ALFkamah

والنشر. بيكون. باحلى قناه في عالم التليجرام
قناة فقرات #فخامـة_صنـعـانـي. @FkamhSnaane2

عندما يكون الحب هو اليد التي تمسك بيدك وتمضي بك ومعك عندما تعني لك اللمسة كل شيء في الحياه.
⁃ عندما يكون الحب هو الحضن الذي يحتويك حينما تفتقد الأمان ، أو لكي لا تفتقده أصلا.
⁃ والقلب الذي يهدئك عندما ترتجف ، ويمدك بالقوة اذا شعرت بالضعف .
⁃ والظَهر الذي يسندك عند وشك السقوط ، أو حتى لكي لا تسقط أصلا ، أو قبل أن تميل ،
⁃ عندما يكون الحب هو الحنية والتعاطف التي تُطمئن خوفك وتحول وحشتك الى أمان، سواء كانت تلك المخاوف حقيقية، أو " مبالغًا " فيها، أو " متوهمة"
⁃ عندما يكون الحب هو الأيقونة التي ترسم في شفتيك بسمة عندما تعبس الحياة في وجهك ، ويحتويك حين تُبتلى بما يؤلمك
والذراعان التي تضمك بقوة وتتمسك بك
و الجبين الذي يمسح دمعك، حين تترقرق عينك ، ويشاركك الفرح والفخر بكل بحب " و " صبر " وصارت وسامًا أشاد ويشهد به الجميع.

عندها سيكون حبٌّ يرمم ويُزهِر"
حبٌّ يسند في الانكسار…يشفي، ويعين، ويُعيد إلى ألنفس، ويعترف ويفتح أبواب الازدهار
يُطلق العنان نحو الارتقاء…لننمو، ونكبر، ونحلِّق.
عندها سيكون حبٌّ " يُنجّي …ويُحيي " .
فهذا هو " الحب الحقيقي "

@ALFkamah

عزيزتي الزوجة…
إن كنتِ ترغبين في حياة زوجية مستقرة وسعيدة
فكوني له الحضن الذي يرتاح إليه:
الرجل مهما بدا قويًا فهو بحاجة لاحتواء عاطفي استمعي له وشاركيه مشاعره دون حكم أو لوم
لا تكسريه بالتقليل من قيمته أو نقده باستمرار قد يطفئ وهج العلاقة ويشعره بأنه غير مُقدّر.
اتركي له مساحة من الحرية: فهو يحتاج لأن يشعر أنه غير مُقيّد، فحاولي أن تشاركيه القرار بدلًا من فرضه عليه.

و لا تنسي أنوثتك لأجله:الاهتمام بمظهرك ونظافتك رسالة حب غير منطوقة، عشان يحس انك ما زلت تهتمي به.”

5. لا تتركيه ينام وحيدًا مهما كانت الأسباب
لان النوم المنفصل عادة. الوحدة تخلق فجوات، والفجوات تفتح أبوابًا يصعب إغلاقها.

لا تعبثي بكلمة “الطلاق” التلويح بهذه الكلمة مع كل خلاف يزرعها في ذهنه كخيار جاهز لأي مشكلة لاحقة.
ولا تهاجمي أمه مهما حدث: فأمه خط أحمر
أي إساءة لها قد تخلعك من قلبه بلا عودة.

ولا تُدخلي كل خلاف إلى بيت أهلك: حياتكما ليست مسلسلًا يُعرض على جمهور العائلة.

9. أنصتي له كأنه أهم ما في العالم
وتجنبي الكذب؟ حتى الكذبات البيضاء… قد تترك بقعة سوداء لا تُنسى في قلب الرجل.

صوتك العالي يوجعه: الرجال يعتبرون رفع الصوت إهانة مباشرة. حافظي على هدوئك، يزداد احترامه لك.
ولا تردي الإساءة بمثلها: لان الوقاحة في الرد تُطفئ الحب وتغلق الأبواب.

لا تنعزلي خلف شاشة هاتفك: حين ينشغل كل منكما بعالمه الرقمي، يبدأ البُعد الحقيقي.
وحافظي على أسراره كما تحافظين على قلبه:
إفشاء أسراره يفقده ثقته بك، وقد لا تعود أبدًا

واخيرا الحب فن… والزواج شراكة.
اجعلي بيتك مملكتك، وشريكك أميرًا لا أسيرًا

@ALFkamah

البيت مش أربع جدران ومطبخ وغرفة نوم…
البيت الحقيقي هو اللي تلاقي فيه:

كلمة بتطبطب نظرة بتفهمك من غير ما تتكلم،
حضن يحسسك بالأمان اللي ضاع طول اليوم.
لان اللي بيته مليان حنية… مستحيل يدور على الدفا خارج

اعملي جو حلو في بيتك، حتى لو ببساطة:
كلمة حاليه، أكلة يحبها، دعوة من القلب، ضحكة على فِكرة مجنونة.
كل التفاصيل الصغيره هي اساس استقرار البيت

@ALFkamah

▪الرجل ما يقللش من دور مرته داخل البيت..
وكذلك الزوجة ما تقللش من مكانة زوجها وإنه العمود الفقري للبيت.. مهما كان وضعه..
▪الرجل والمرأة.. كل واحد منهم له دوره، وله قيمته، والدعم المتبادل هو اللي بيجعل الحياة تمشي بسهولة وسعادة..

▪اللي بيجعل العلاقة تعيش مش بس الحقوق والواجبات.. لكن الكلمة الطيبة.. والنظرة اللي فيها امتنان.. واللمسة اللي تقول "أنا بين احس بك و اقدر تعبك "..

▪المسؤلية مشتركة والنجاح في الحياة الزوجية يحتاج شُكر مش إنكار.. ومساندة مش تحميل..

▪الرجل اللي متحمل هم البيت محتاج كلمة "الله يقويك"، وكذلك المرأه اللي بتدوّر على راحة زوجها وأولادها محتاجة تسمع "والله انك بتتعبي لكن الله يعينك "..

▪ هذه التفاصيل الصغيرة هي اللي بتبني جدار الحب، وتحافظ على سقف البيت مرفوع..

@ALFkamah

نصيحة للبنات

مؤخرًا أزدادت نسبة الطلاق بشكل كبير
خاصةً لمن هن مواليد 95 وما فوق!

والأسباب للطلاق تافهه.. أسباب صبيانيه.. لا قيمة لها !
بسبب الغوى والطيش والتهور يهدموا الأسرة !
البيوت ما تبنى بالعناد والنكد!
البيوت تبنى بالمودة والرحمة والهدوء والمشاكل لا تزيد العلاقة قوة! بل تشقق العلاقة وتسلبها الأمان!
قوة كل علاقة هي السكينة والأمان فيها
فإذا فقدت إحدى تلك، فقدت قوتها وبريقها !

انتبهين على بيوتكن، حافظين على النعم
ولا تصدقين صحباتكن أو من حولكن ممن يسعى للتفرقه!
محد عيذوق جحيم الفراق إلا أنتِ وأطفالك وزوجك!
ومش عيب لما تتعلمين من الأمهات الأولات
وتعرفين كيف تتعاملين مع الرجال!

زوجك ما عيجيش يتحملك مثل امك وأبوك!
إذا طبعك شمات.. صلحي طبعك.. انتي مش شجرة ما تتغيري! انتي إنسانه. تغيري.. تعلمي.. حسني طبعك.. وابني بيتك!

الرجال ما يشتي لهم عناد ولا نكد ولا قالو قالت ولا صياح! وانتبهي ترفعي صوتك على زوجك لو مهما حصل!

الرجل إذا شاف مرته تحترمه وتقدره وتحن عليه وتقوله حاضر وعيوني لك، يطرحها تاج فوق راسه وينفذ لها كل طلباتها أوامر .. وما يقول من كلمتها لا !
ويشوفها الدنياء وما فيها ويطيعها ويعاملها كملكة وكنز حياته !
هكذا معشر الرجال تكسبهم بالكلمة والأسلوب الحالي! وتكسبهم بالاحترام والتقدير واللطف!
أما الصياح او النكد او المزاجيات..عيقلبهم غرماء!
فلا تصدقين صحباتكن، ولا تصدقين أن المرأة حره تفعل ما تشتي ومن هذا الخبر الفارغ!

الرجال جعل الله فيهم الغيره والقوامه فطره..
فإذا حاولت المراءة تنتزع من زوجها فطرته..
عينتزع حبها من قلبه ويفترقو !
أما لو علمت الزوجه أنها أنثى، وتعاملت كأنثى، فزوجها عيعطيها روحه وقلبه

تعلمين السياسة والكيد العظيم.. نعم كونين صحبات كيد عظيم، مش صحبات سذاجة!
والكيد كما عرفهُ العلماء
هو الوصول إلى الشيء بطريقة غير مباشرة!
وليس معناه الأذى او الضرر او النكد !
ولذلك حافظين على بيوتكن، على ازواجكن، على اطفالكن..
واحفظين أسرار البيوت، وأسرار ازواجكن
ولا توثقين بحد من صحباتكن!

لا تقللين احترام الرجال لو مهما حدث..
لأن العلاقة بدون إحترام، كالسم في الطعام!
و اي مشكلة بين اي زوجين إذا دخل فيها طرف ثالث.. كبرت المشكلة! لان الطرف الثالث سيتعامل معها بمنطقية، بينما الطرفين بعاطفية!
والعاطفة دائما تفوز على المنطقية.. دائمًا تفوز
لأن فيها تنازلات بحب.. تنازلات برحمة وبمودة

ومابش إنسان ما يخطئ.. الإنسان مش معصوم!
كلنا نخطئ لكن الأهم هو كيف نتعامل مع الخطأ !
هل نتعامل معه بتجريح واستنقاص وتحقير وعجرفه! أو نتعامل معه برحمه وموده وصبر وعتاب بمحبه وتصحيح الخطأ!
المرء يمشي على السبع القارات حافيً بالحب!
ولا يمشي متر واحد بالإكره!
لذلك لا تدخلو بينكم أحد إذا حدثت مشاكل..
واحفظوا أسرار بعضكم البعض..
وإذا الزوج غلط.فانتي عقليه.. وكوني الحكيمة
وعلميه الصح من الغلط.. مشو عيب انك تعلميه بأدب ولطف.. فالإنسان يظل يتعلم لوما يموت..

ولأنك هرم البيت وقلبه.. فإذا صلحتِي صلح البيت وإذا خربتي خرب البيت..
والبيت له قائد.. وهو الزوج.. وليست الزوجة
والبيت الذي مابش له كبير.. كبيره الشيطان!
لذلك كبري زوجك.. ووقريه.. واحترميه.. وابتعدي عن اي صاحبه او مقربه تتكلم بأفكار مسمومه تهد الأسرة او تستنقص من الرجل!

فكري بلطف وهدوء واحترام نحو زوجك.. لأجل قلبك.. وقلب زوجك.. وقلوب أبنائك.. ولأجل تحافظي على القلوب وما تدمريها.. ولأجل استقرار حياتكم..
و لأجل تصنعي أجواء منزلية فيها السعادة..

فانتبهين لبيوتكن .. وتعقلين ..
ولا تصدقين خرابات البيوت !
وكونين مع ربات البيوت .. وتعلمين منهن.
@ALFkamah

عندما يكون العوض رجلًا
لا يكون مجرد شخص عابر في الحياة
بل يكون وطنًا وسكنًا وسندًا…
رجلا يأتي بعد العثرة ليُرمم كل ما تكسر،
وبعد الخذلان ليُعيد الإيمان بالحب والوفاء.
رجلا يكون صوته طمأنينة، ووجوده أمانًا،
وتفاصيله جبرًا من السماء.
لا يُجيد الوعود الكثيرة، لكنه يُجيد الفعل الذي يُغني عن ألف قول.
هو الذي إن حضر، اختفى النقص
وإن تحدث، سكن القلق.
رجل ليس بالكمال، لكنه يحمل من النُبل ما يجعل حضوره أعظم من كل الأمنيات المؤجلة.
نعم، أحيانًا يكون العوض رجل…
رجل بحجم السلام الذي طال انتظاره💌

@ALFkamah

ضيعت طفولتي وانا اجري وراه ..

ولحد الان ما اعرف ايش اسمه 😁
@ALFkamah

حين يُطفئ الرجل أنوثة زوجته
ويجعلها تذبل الأم أمام اعين أبنائها

زوجة كانت يومًا تضحك من قلبها، تُضيء المنزل بأنوثتها، ثم أصبحت تُطفئ الأنوار مبكرًا كي لا يُرى الحزن في عينيها.
من المسؤول؟

الرجل الذي يُحب في الخطبة، ويشتاق في أول الزواج، ثم يعتاد، فيُهمل، ثم يقسو، ثم يشتكي:
"لم تعد كما كانت.. جفَّت.. تغيّرت.. صارت باردة"
ولا يسأل نفسه:
هل ما زلت أنا كما كنت؟
هل راعيت قلبها؟ هل احتويت تعبها؟ هل شكرتها هل ساندتها حين انكسرت؟

المرأة لا تولد قاسية، بل يُطفئها التهميش، وتُطفئها الكلمة الجارحة، ويذبل وجهها من الوحدة.
وأنوثتها ليست مسؤوليتها وحدها، بل انعكاسٌ مباشر لما تصنعه يداك فيها

حتى صار البعض يعتقد أن الذل جزء من الزواج،
و أن الرجولة تعني القسوة.
في بعض البيوت، الاب مشغول بنفسه، لا كلمة حنان، لا حضن، لا دعم.
فيكبر الأبناء وهم يشعرون أن الحب ضعف، والعطاء خضوع، والصراخ رجولة.

أنوثة زوجاتكم مسؤوليتكم
لا تُعيّرها بتغيّر شكلها... أنتَ أيضًا تغيرت.
لا تُطفئها، ثم تشتكي من برودها.
إن أردتَ أن تُبقيها أنثى ... فكن لها سكنًا، تكن لك حياة.

ورسالة لكل زوجة:
لا تسمحي لأحد أن يُطفئ نوركِ الداخلي.
لو ضاق قلبك، فابكي لله، لا أمام أولادك.
حافظي على أنوثتكِ لا من أجل أحد، بل لأنها هِبة الله لكِ.


البيت ليس أربعة جدران ... بل أربع قلوب:
قلب الأب، وقلب الأم، وقلبي الأبناء.
فإن قسا قلب الأب، وانكسر قلب الأم، ضاع قلبا الأبناء.

فلنُحيِ بيوتنا بالحب، واللين، والاحترام
"وجعل بينكم مودة ورحمة"
@ALFkamah

مساء الخير
لـ الضابحين ، والغاثيين ، واللي قلوبهم وجيعه
مساء الخير لـكل واحد في نفسه مجبر وماقدر يخرجه

مساء الخير لكل من جالس فوق تلفونه يتصفح ومابش له نفس
مساء الخير للي يضبح ويشل التلفون يأنتر
ويضبح من الانتره.ويطرحه. ويضبح ويشله وعليها

مساء الخير للي معاهم بيوت ملك وجالسين ببيوت ايجار. مثلي طبعاً
مساء الخير لكل من جالس مطنن ويكلم روحه بحاجات غثته طوال اليوم

مساء الخير للي عايشين حياتهم ولاضاربين كرت لحد ولا داريين وين الدنيا.. مثلي🙂🤞🏻

مساء الخير للمفلسين الحراف مثلي
واللي مافي حسهم من شيئ من الدنيا ...🥱

#مساء الخير لكم جميعاً
وربي يملي حياتكم خير🙂💛💤💛💤

@ALFkamah