طالما إنت قادر تلتزم بمواعيد شُغلك، وترد على مكالماتك، وتتابع كل جديد في يومك، أكيد قادر تلتزم بالصلاة🤷🏽.

المشكلة مابقت في الوقت
المشكلة في الأولويات؛ لأن الصلاة ما بتِستنى ظُروفك،
ولا مَزاجك، هي بتِستنى قرارك:
تصلي أو تخليها.

وإتذكر إن البضيّع صلاته،
بتضيع عنه كل حاجة بَعدها💚.

#الصلاة_خير_من_النوم
#قوم_أمشي_صلِّ💚

في يوم من الأيام، كان في زول مرهق من الدنيا، شايل هموم كتيرة وما قادر يلقى راحة.
كل ما يحاول يرتاح، قلبو يضيق أكتر.
لكن لما سمع المؤذن ينادي: حي على الصلاة… حس في قلبه صوت بيقول: قوم أمشي صلِّ💚

اتوضأ، ووقف بين يدي الله.
أول ما كبّر وقال: الله أكبر، كأنو الدنيا كلها وقفت.
نسي الهموم، نسي التعب، وبس حس بلذة ما شافها قبل.
مع كل سجدة كان يحس الجبل الواقف فوق صدره بيتنزل، ومع كل دعاء كان يحس السماء أقرب ليهو من أي وقت.

دي هي الصلاة…
ملجأ المؤمن، وراحة القلب، ونور الطريق💚
لو حسّيت الدنيا تقيلة عليك، لو لقيت نفسك تايه، ما عندك غير حل واحد: قوم امشي صل.

الصلاة ما بتأخذ منك زمن، لكن بتديك العمر كله بركة وراحة واطمئنان.
وما تنسى، يوم القيامة أول ما يُسأل عنه العبد: الصلاة، فإن صلحت، صلح سائر العمل.

قوم امشي صل قبل ما يمر العمر وتندم على لحظة فوتها بعيد عن ربك💚

#قوم_أمشي_صلِّ💚

دعاء بنقوله في أذكار الصباح والمساء...
من قاله موقناً به حين يصبح ومات دخل الجنّة، ومن قاله موقناً به حين يمسي فمات من ليلته دخل الجنّة.

واحد من أفضل صيغ الإستغفار وأشملها وكان من أدعية النبيّ ﷺ كمان، عرفتوه صح؟!
العارفه يورينا واسمه شنو وليه سُمِيّ كده؟
شاركونا ولكم الأجر بإذن الله💚

#قوم_أمشي_صلِّ💚

نفسي أصلي حاضر لكن ما قادر!

﴿ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ ﴾ 💚

عزيمة ورغبة صادقة ومجاهدة= توفيق من الله للطاعة.
استسلام لهوى النفس= خسران وندم.

اختار وجهتك!

#الصلاة_خير_من_النوم💚
#قوم_أمشي_صلِّ💚

الطريق إلى الله طويل، ليس المهم أن تصل إلى آخره، بل المهم أن تموت عليه"
كل الملتزمين مروا ببدايه الطريق ونصه لحدي ما وصلوا للحال الهم فيه ولسه بجاهدوا عشان الطريق لسه طويل 💚

ربنا أرحم من إنه ينظر إليك بتجاهد عشان تصل لرضاه وما يعينك 💚

وكونه في عوائق في طريقك ما بيعني إنك ما حتصل وكله بأجره إن شاء الله 💚

وإتذكر إنه الله وعدك ووعده حق (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ)💚

كل العلينا نجاهد وندعي ونستعن بالله وربنا رحيم بعباده خبير بنواياهم قادر على هدايتنا لا يعجزه شيء في الأرض ولا في السماء 💚

أعاننا الله وإياكم لما يحب ربنا ويرضى 💚
#قوم_أمشي_صلّ💚

ياصديقي العزيز وصديقتي العزيزة💚

عارفين انو الحسنات عندها قوة جذب أقوى من قوة المغناطيس؟
أي والله زي ما سمعت وزي ما فهمت!
الحسنة بتجر وراها حسنة تانية والحسنة التانية بتجر وراها تالتة ورابعة وعاشرة لحدي لما تلاقي نفسك محاط بجبال من الحسنات!💚

وكذلك السيئات للأسف.....
فانتبه واستعن بالله واختار بعناية نوع المغناطيس الإنت عاوزه.

#قوم_أمشي_صلِّ💚

يا سعادة القلب.. لو عرفنا كيف الشيطان بيدخل علينا، ما كنا استهنا بخطوة واحدة😔
هو ما بيجي بلبس مرعب ولا بكلام واضح.. لا!
بيدخل بخطوة صغيرة.. فكرة شكلها بريئة.. عادة بسيطة.. لكن وراها سكة طويلة مظلمة.

والخطير في الخطوة الأولى إنك تقول: "عادي.. ما مشكلة"، وتصحي تلقى نفسك متعوّد.. و"الإدمان" بدأ😢.
الشيطان يزيّن لينا الغلط، ويقول: "جرّب ساي"، لكن ربنا سبحانه سبق ونبّهنا في قوله تعالي:
﴿وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُبِينٌ﴾
(البقرة: 168)

طيب تعمل شنو لو حسّيت نفسك ضعفت؟
💡 بدل ما تمشي معاه خطوة.. امشي لربك خطوة:
ما قادر توقف الغلط؟ استغفر فورًا.. الاستغفار بيكسر سلسلة الشيطان.
نفسك بتقول ليك "جرّب ساي"؟ قول "أعوذ بالله من الشيطان الرجيم" وغيّر الجو الإنت فيه بـ: قرآن، دعاء، تسبيح💚

ما عندك طاقة كبيرة؟ اعمل أصغر خير.. حتى لو كلمة طيبة أو ابتسامة، ودي كفيلة تقطع طريقه.

صدقني.. ربنا ما طالبك تكون كامل، بس طالبك ما تستسلم وتجاهد وكل ما تحس نفسك واقع في خطوة مظلمة، أرجع للنور بخطوة ولو صغيرة.
هو سبحانه بيلمّ شتات روحك.. بسمعك بلغتك المبعثرة.. وما حيخذلك أبدًا💚

#قوم_أمشي_صلِّ💚

مرة صاحبي قال لي أرح نصلي الظهر وأنا كنت تعبان ومشغول بسبب الجامعة فقلت ليهو تمام تمام وما صليت ..وجاء تاني يوم نفس الشئ... واليوم البعدو والبعدو

فقال لي يا صحبي إتذكر أنو رغم التعب والفتر والإنشغال ما تنسي صلاة الظهر عشان بيها ربنا ينور حياتك ويسهل أمرك وإتذكر ما بارك الله في عمل أجلت من أجله الصلاة💚

ومن يومها وصاحبي بذكرني بصلاة الظهر وأنا بقول له أنار الله بها حياتنا💚

فـ هسي بقول ليك إنت كمان أرح نصلي الظهر!

#قوم_أمشي_صلِّ💚

🚢✊ أسطول صمود… رسالة إيمانية قبل ما تكون إنسانية

الله تعالى يقول: "وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ إِلَّا عَلَىٰ قَوْمٍ بَيْنَكُمْ وَبَيْنَهُم مِّيثَاقٌ ۗ "، فكيف لا نهبّ لنصرة أهلنا في غزة، وهم يُقتلون ويُحاصرون منذ سنوات؟

الأسطول كان امتحان لإرادتنا كأمة، هل نرضى بالخذلان أم نقف مع الحق؟

فوقفة هؤلاء المتطوعين الذين واجهوا تهديدات الاحتلال الصهيوني، تذكرنا بقول النبي ﷺ: "المؤمن للمؤمن كالبنيان يشد بعضه بعضًا".
فما شدّ اليوم عضد غزة إلا هؤلاء الذين تحركوا، فهل نشد نحن عضدهم ولو بدعاء ولو بكلمة؟

اليوم صمود فضح زيف شعارات "السلام" و"الحرية" التي يتغنى بها العالم، ويكشف أن هناك رجالًا ونساءً لا يزالون يؤمنون أن نصرة المظلوم واجب ديني قبل أن تكون قضية سياسية.

حسبنا الله ونعم الوكيل 🇵🇸

#قوم_أمشي_صلِّ💚

قال تعالى: {أَلا بذكر الله تطمئن القلوب}

كتابُ الله عزيز، وكلامه سبحانه لازم ما يمر يوم من دونه!
القرآن هو دليلك في الدنيا، وكل الأسئلة اللي بتراودك والله كل إجاباتها في هذا الكتاب اللذي أمامك!💚
يا سيد يا جيد...المداومة على القرآن واجبٌ عليك، قراءته وتدبره وتفسيره والعمل به وحفظه هي رحلة عُمرك فأحرص على الإستمتاع بها والمداومة عليها💚

وحرصًا منا على أن لا يخلو يومك من كلامه عز وجل نلتقيكم في مجلسنا المُبارك إطمئنان تلاوة


مع شيخنا الجليل: المنذر ضاحي حفظه الله وجزاه الله عنَّا خيرًا 💚

وذلك يوم الجمعة الموافق ٣/١٠/٢٠٢٥
في تمام الساعة ٨ مساءًا بتوقيت السودان.

فجهز قلبك وسماعتك وشاركنا الرحلة💚

#قوم_أمشي_صلِّ💚

إلا المصلين = استثناء صريح!!

قال الله تعالى﴿إِنَّ الْإِنسَانَ خُلِقَ هَلُوعًا، إِذَا مَسَّهُ الشَّرُّ جَزُوعًا، وَإِذَا مَسَّهُ الْخَيْرُ مَنُوعًا، إِلَّا الْمُصَلِّينَ﴾

فيا رفيق صلاتك… ثم صلاتك، فهي أول ما تُحاسب عليه يوم القيامة، وهي البتنجيك وتحميك من ابتلاءات الدنيا

في مرة صحابي سأل الرسول ﷺ: "ما هي أحب الأعمال إلى الله؟"
فأجابه ﷺ: "الصلاة على وقتها" 💚

|صلاة الفجر يا آل صلِّ

#الصلاة_خير_من_النوم
#قوم_أمشي_صلِّ💚

وفي يوم الجمعة يا رفيق عايزين نذكرك بـ 💚:
- سنن الجمعة.
- الصلاة على النبي ﷺ
- قراءة سورة الكهف
- الدعاء ساعة الإستجابة، ودسونا في دعواتكم يا كِرام🤲🏻

#قوم_أمشي_صلِّ💚

السلام عليكم ورحمة الله وبركاته،
في تحدينا للجمعة دي عاوزين نخلوا بنفسنا مع ربنا ونستفيد من ساعة الإستجابة من بعد صلاة العصر

عشان كدا،
- بالنسبة للشباب عاوزينكم تقعدوا في المسجد بعد صلاة العصر وتقولوا أذكار المساء وتدعوا بما شئتم،
- وبالنسبة للمؤنسات الغاليات فعليكن بملازمة سجادة الصلاة والإكثار من الذِكر والدعاء💚

حنجي في آخر اليوم ونشوف منو الإستفاد من وقته ودعى، ومن الغلبه الشيطان وضيّع وقته👀

لو قبلت التحدي م تنسى تكتب تحت في خانة التعليقات بإذن الله

وماتنسونا من صـالح الدعوات💚

#تحدي_الجمعة_الأسبوع_الحادي_والعشرون
#قوم_أمشي_صلِّ💚

"أغْرِق فُؤداكَ بالآياتِ إنَّ بِها
طِبُّ لكُلِّ فؤادٍ صَار يحَتضرُ!"

بسمِ اللهِ نبتدئ وبِهِ نستعين..

"حلقة تلاوة"
مع الشيخ المنذر ضاحي حفِظهُ الله💚.

رابط المجلس:

https://www.tg-me.com/Gom9li?livestream

نافذة التعليقات⤵️💚:

#قوم_أمشي_صلِّ💚

دخل الجنة! 💚

الرسول صلى الله عليه وسلم بشّر بدخول الجنة،
لكن بشر منو وليه؟!
قال رسول الله صلى الله عليه وسلم : "من صلى البردين دخل الجنة" (متفق عليه)،
و البردين هم الصبح و العصر 💚

قوم صلِّ الصبح و أدعي الله أن تكون من المبشرين و ما تنسانا من الدعاء - سبحان الذي لا ينسانا و لا ينساك.💚

#الصلاة_خير_من_النوم💚
#قوم_أمشي_صلِّ💚