قصيده وفاء وعهد للسيده زينب ع بعد نزول رايتها وردا" منا عليها

((وزن المثلث) )
__

كلــنه عباسج يزينب لاتــخافين
الرايه لو نزلوها نرفعلج ملايين

نرفع الرايات الـج
بيها انتي وكافـلج

نفدي هاي ارواحنه يااخت الحسين
┈┉┅━━▪️🔹━━┉┉┈
ارواحنه الشيعه يزينب فايره بنار
يــوم نــزلت رايتــج بيــدين كـفار
گــلوبــنه ماتـــهده ألا ناخـذ الثار

عيــــونه تــجري دمــه
البت علي وبت فاطمه

ويه چف عباس نفديلج الچفين
┈┉┅━━▪️🔹━━┉┉┈
ويـه عــباسج نـظل دوم ونحـاميج
يخسه كل واحد يضدج واليعاديج
والنفس والروح ترخصلج وتفديج

عهد هذا وهم وعد
حراس نبقى وللابد

خطبتج تاريــخ خوفتها الملاعين
┈┉┅━━▪️🔹━━┉┉┈
خطـبتج لليــوم رعبـت كــل الارجـاس
صحتي كد كيـدك يــزيد ورافعه الراس
زينب اسمـج بـت علي وكافـلج عباس

هذا عنــوان الفـخر
منكتب طول الدهر

عهد من عدنه نروح الشام ماشين

┈┉┅━━▪️🔹━━┉┉┈
نمــشي مـشــايه الـــج ونــروح للشام
ناخــذ الرايـــات مــرفوعــه والاعــــلام
فــزعه تفزعلج تــرى كل هاي الازلام

تقتل الكل يعترض
ناصبي بهاي الارض

والطلع من عدنه لامو واحد اثنين
┈┉┅━━▪️🔹━━┉┉┈
ارساله للـجولاني مـــن عدنه وام عون
شــلون تتجــاسر على الرايــه يلمــعون
بس اســـم شيعة عـلي وزينب يرهبون

مايـــخـلولــك اسـم
راسك وكل الجسم

بكل مكان ام عون صارلها محبين
┈┉┅━━▪️🔹━━┉┉┈
انت يالجولاني مـن احفاد امــيه
يجري دم يزيد وي دمــكم سويه
خوفه بيكم صارت من الهاشميه

ماتــربحون العـمل
گرب يمكم هالاجل

واحنه خدام الها وبحبها مجانين

┈┉┅━━▪️🔹━━┉┉┈
تــمــ بعونه تعالى ــت بقلم خادمة الحسين ع في مؤسسة المنتدى الفاطمي للشاعرات

أم صـــ✍️ـــادق المنصوري

لاأجيز شرعا" حذف اسمي من القصيده او تغيير كلماتها
العمل مهداة لصاحب العصر والزمان عج وصدقه جاريه لروح والدي والفاتحه مسبوقه بالصلاة على محمد وآل محمد

https://www.tg-me.com/HOWEIY

أشترك بالقناة عبر الرابط اعلاه

#مولد
السيدة فاطمة المعصومة(ع)

يا هـــــلا بميلادج
فاح عطر اجدادج

ياهلا بـمعصومه
فرح گلبي بيومه

ياهلا بميلادج ... ياهلا بميلادج

ــــــــــــــــــــــــــــــــــــــــــــــــــ
يا هلا بمولد الـــدره ونورها
فاحت ابيت النبوه اعطورها
حلوه ويشعشع ابخیرسرورها

شعت ابيت الولي

گلها ابوها ادللي

ياهلا بميلادج....ياهلا بميلادج

✍🏻ام حيدر العباديه عماره
• ──── •❉• 💐 •❉• ──── •
غنــــة طيـور السعد بلحانهه
واعلى حضرتها تـرف جنحانهه
اتبث تهانـي للرضـا سلطانهه

صاحت املاك السمه
هـله بجيت فاطـمـه

ياهلا بميلادج....ياهلا بميلادج

بـ✍🏻ـقلم المله ام مجتبى
• ──── •❉• 💐 •❉• ──── •
زهــت دار الكـاظم وبیها ابتشر
نور معصومه على الكون انتشر
بــت رسول الله الســيد عالبشر

واجب وحبهم فرض
نعمه نزلت عالأرض
ياهلا بميلادج... ياهلا بميلادج
✍️ وعد الڪفيل

• ──── •❉• 💐 •❉• ──── •
یاهله بت موسی ابن جعفرهله
الکون کله ابنورها اليوم امتله
های نسل الطاهره لمعدله
یاهله باخت الرضـا
فاحت اعطورالفضا
یاهله ابمیلادچ
یاهله ابمیلادچ
✍🏻المیرزه ام ليلي الخاقانی
• ──── •❉• 💐 •❉• ──── •
ياهــلا بأخت الرضا وميـلادها
كل اهلها فرحـت واجــدادها
ياشبيهة فاطمه من احفادها

نورت بيها السمه
لان تشبه فاطمه

ياهلا بميلادج
ياهلا بميلادج

أم صـــ✍️ــادق المنصوري
• ──── •❉• 💐 •❉• ──── •
هله بلّي رسومها مثل الگمر
اصل شجره اينعت هذه الثمر
الليله فرحانيين خلنشبع سمر

هله يلچنها الرضا
مثل ابوها موعظه

ياهلابميلادها//ياهلا بميلادها

✍🏻ام حسين المحمداويه
_______
تمت بأقلام شاعرات رابطة ادب الطف في مؤسسة المنتدى الفاطمي

https://www.tg-me.com/HOWEIY

أشترك بالقناة عبر الرابط اعلاه☝️

قصيدة لمولاتنا العليلة "عليها السلام"

هلي ويَّاكم اخذوني
إرحموا دمعة اعيوني
حيل الغربة تاذيني
اموتن لو تعوفوني
............
عـلـيـلـتـكـم يـهـلـهـا تـريـد الـدللـوهــــا
سفرت موت روحي تحس من ودعوها
اعدن واحسب ايام بتهم چن نسوهـــا
لا واقع ولَـ احلام شافت عيني ابوهــا

تاهت روحي بونيني
حيـل الغربة تاذيـني

من عدكم حرمتوني
أموتن لو تعوفوني

زينب الواسطي
///////////////////////////////////////
اتوجه عله الأه. ودمع تارس شليلي
شلي بروحي ولروح مشة ويه خليلي
فراك الوالد حسين اخذ هاليوم حيلي
فارغ من هلي لبيت. اون صبح ويليلي

رايح مني حسيني
حيل الغربة تاذيني
عليه انتم تشوفوني
اموتن لو تعوفوني

✍🏻الشاعره مريم العبوديه اسيرة الاحزان 💔
///////////////////////////////////////
حسيني راح مني واخذ كل حلوه وياه
راحت ذيج الايام مگدر اعله فرگاه
عليله ويدري بالحال ابوي شلون انساه
كون اسمع بطاريه يدگ الباب محلاه

آنــي ابـأول اسنـيني
حيل الغربه تاذيني

يهون شلون تنسوني
اموتن لــو تعوفـوني

أم صــ✍️ــــادق المنصوري
///////////////////////////////////////
يبويه الفرگه صعبه علیه لا تبعدون
ارجعولی یطیبین بسفرکم لا تطولون
یهلی الفرگه تتعب عگبکم تعمه العیون
روحي ایست منکم او ضل الحيل مرهون

اعاتبكم يناسيني
حيل الغربة تاذيني

الضيم وهم تركتوني
اموتن لو تعوفوني

خادمة اهل البيت عليهم السلام العلويه ام سيد مهدي الموسوي
///////////////////////////////////////
ترة يوم المشيتوو شسولف ياالمبعدين
جبت شمعة اعلگتها وسوي وحشة حسين
بچت عيني دمه تسيل حگ للوالي تعمين
اتوچه اعله الهموم وسولف للحياطين

فرگاهم مبچيني
حيل الغربة تاذيني

وين الي يعازوني
اموتن لو تعوفوني

ام وليـــ✍️ـد الموسوي
///////////////////////////////////////
وين اللطمت وياي وتون اعله حالي
من فرگاه لليوم مانمــــت الليالي
خذاه الحيل وياه وضيع كل دلالي
صيحن اه يحسين وهلن دمع هالي

ياشيعيه عينيني
حيل الفرگه تاذيني

وعلى الغالين واسوني
اموتن لو تعوفوني

ام علي البابلي
///////////////////////////////////////
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /27/  شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://www.tg-me.com/HOWEIY

أشترك بالقناة عبر الرابط اعلاه☝️

( قصيدة فزاعية مولاتنا زينب عليها السلام تستنهض العباس عليه السلام)



فریت للحومه او صحت
الحگ يشيال العلم

الحگ يبو الغیره تره
النار ابخیمنه موجره
وینک یسبع الگنطره
يل کلک امروه او عزم


وينك اصيحن كافلي
وصاك بيه شكد علي
انهض او شيله محملي
او شوف شجر علیها الحرم


خادمة اهل البيت عليهم السلام العلويه ام سيد مهدي الموسوي
////////////////////////////////////////
حركو الخيمه يلولي
متحيره ومحد الي
مو انته گلت ادللي
ياكافلي ترضى انهظم

.......
الحگ خواتك ياگمر
عوف العذب عوف النهر
اعيالك يوالي بلخطر
ماينحمل هذا الظلم

✍🏻 الحجيه ام علي

////////////////////////////////////////
الحگ يخويه امروتك
هليوم زينب نادتك
مو ادري بيها خوتك
ماترضى ضربوها الزلم
////////////////////////////////////////
ضربوها گوم الظالمه
يدرون بيها العالمه
اختك تراها مألمه
چاوين من صار العزم

أم صـــ✍️ـــادق المنصوري

///////////////////////////////////////
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /27/  شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

🌙قصيدة للهلال تصف حال مولانا الرضا عليه السلام 🌙

الرضا امن يهل محرم صوت مبجاه يعتلي

يلبس ثياب السواد ويذكر مصابه الجلي

🏴🚩 🏴🚩 🏴🚩 🏴

من يهل عاشور وكته يهل دمعاته الرضه
وما تشوفه الناس ضاحك لا يفك حلگه الشضه
عالخلص عطشان ظامي والعظام مرضرضه

بلا دفن عالغبره عاري واهله طشت بالخلي

✍🏻العلوية أم منتظر جمال الدين

🏴🚩 🏴🚩 🏴🚩 🏴

عاشر الاحزان ويلي مانسه امصاب الحسين

ينصب المأتم الجده ينعي اله طول السنين

ينظر هلال المصايب ماخفت منه الونين

مانسه لوعات عمته ايعين گلبك ياعلي

ام ✍️حسين الحسني

🏴🚩 🏴🚩 🏴🚩 🏴

يذكر الصار ابعيال حسين والمدمع يكت
يكول ياريت اني حاضر كربلا وبيها متت
ومثل ما شاف ابو اليمة اهموم وياه هم شفت
احمي زينب والسبايا من تضل إبلا ولي

زينب الواسطي
🏴🚩 🏴🚩 🏴🚩 🏴
من يهل شهر المصيبه يضل لحسينه ينوح
اه يايومك يــــــجدي بالگلب خلف  جروح.
كلها والاصعب عليه.عـــمتي مسبيه تروح

موتي احسن من اذكرك بالعمر گلي شلي
✍🏻ام علي البابلي

🏴🚩 🏴🚩 🏴🚩 🏴
لو يهل عاشور يعلن حزنه وبلبس السواد
يذكر جروح المصيبه والدمع بعيونه زاد
فاتحه ينصب ابداره وناعي ينعى بهل الحداد

عمته زينب مانساها بيوم صاحت كافلي

✍️ام صادق المنصوري
🚩 🏴🚩 🏴
ایگول يا ریت انی حاضر وافدي روحي بالطفوف
يوم عاشر من محرم واوگف براس الصفوف
يم ابو اليمه واجاهد رايد عيونه تشوف
هيج اموت اگباله واصرخ اه يعمتي تدللي

✍🏻خادمة اهل البيت عليهم السلام العلويه ام سيد مهدي الموسوي

🏴🚩 🏴🚩 🏴🚩 🏴

ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /ذو القعده / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

قصيده لبدايه محرم
⚡️⚡️⚡️⚡️

قال الأمام الرضا (ع) لأبن شبيب :
يا بن شبيب ان كنت باكياً لشيء فأبك للحسين (ع) فأنه ذبح كما يذبح الكبش

⚡️⚡️⚡️⚡️⚡️

.ياأبنه شبيب. أنعه الحبيب

وبجي دوم لهل مصاب. 2

~{{((😭))}}~~{{((😭))}}~

گالها مولانا الرضا. لابن شبيب بحسره

حزن الكلب خليه فقط. لابن الزجيه الزهره

وذكر مصابه والذبح والخيل ذيج. العشره

أشلون جالن علجسد وشلون خسفن صدره

أنعى الحُسين. بحسره وأنين

وبجي دوم لهل مصاب 2


✍ بقلم الخطيبة والناعية الحسينية
أم نور الميســانيـة

~{{((😭))}}~~{{((😭))}}~

عطشان گلبه ملتهب ايريدماي اوظامي
صاح السبط بونته لاتقربو ها اخيامي
گدامكم انه فقط لاتسلبوها ايتامي
فوق الذبح فوق السلب زادات عليه الأمي
ون للشهيد والعن يزيد
وبجي دوم لهل مصاب

زهره الكناني
~{{((😭))}}~~{{((😭))}}~

يبن شبيب الفاجـــعه مـــرت ترى موسهله
مذبوح جدي من القفا محد مصابه يحمله
كلما بجـيت بكل دمع لحسين كون تهلــه
ماواحـد بهذا الزمن شاف المصايب مثله

ماكو جريح، ،،،مثل الذبيح

وابجي دوم الهل مصاب 2

أم صـــ✍️ـــادق المنصوري

~{{((😭))}}~~{{((😭))}}~

اذكر شلون على الثرة ايام ظل بنومه
عاري وذبيح من القفا ومسلبات هدومه
اوصاله كلها مكطعه ومناثره بل الحومه
تبجي علي كل الخلگ تذكر مصابه ويومه

هل الدمع. لهذا الوضع

وبجي دوم لهل مصاب


ام عباس السكيني
~{{((😭))}}~~{{((😭))}}~

انعى على الضل بالگاع ومطروح بتراب الحار

الجبريل هزاله المهد محد فزعله نغار
جدي الحسين مصيبته بالكون منها ماصار
جسمه سليب. شيبه خضيب

وبجي دوم الهالمصاب . ٢
الخادمة زينة الگريشاوية
~{{((😭))}}~~{{((😭))}}~
هاي المصيبة الراتبه مصيبه حسين التوجع
يبچي عليها المصطفه من شاف جسمه مبضع
مرفوع راسه عالرمح ابن البطين الانزع
الشوف مو مثل الحچي البلطف صاير افضع

عضمه الكريم بلكف هشيم

وابجي دوم لهل مصاب ٢


✍🏻ام محمد باقر العبيد🍃

~{{((😭))}}~~{{((😭

للضحى الدين النبي بخوانه واهله وربعه

نصبوله مجلس فاتحه وهلو عليه الدمعه

وخل نلطم اعليه ونون ابكل زمان وننعه

نبراس ضلت ثورته ولكل موالي شمعه

ضحى لامام

الدين الاسلام

وابجي دوم الهل مصاب

✍ام مرتضى الخزرجي

ــــــــــــــــــــــــــ
تمت باقلام شاعرات رابطة كفيل زينب ع

https://www.tg-me.com/HOWEIY

أشترك بالقناة عبر الرابط اعلاه☝️

🌙قصيدة للهلال تصف حال مولانا الرضا عليه السلام 🌙

الرضا امن يهل محرم صوت مبجاه يعتلي

يلبس ثياب السواد ويذكر مصابه الجلي

🏴🚩 🏴🚩 🏴🚩 🏴

من يهل عاشور وكته يهل دمعاته الرضه
وما تشوفه الناس ضاحك لا يفك حلگه الشضه
عالخلص عطشان ظامي والعظام مرضرضه

بلا دفن عالغبره عاري واهله طشت بالخلي

✍🏻العلوية أم منتظر جمال الدين

🏴🚩 🏴🚩 🏴🚩 🏴

عاشر الاحزان ويلي مانسه امصاب الحسين

ينصب المأتم الجده ينعي اله طول السنين

ينظر هلال المصايب ماخفت منه الونين

مانسه لوعات عمته ايعين گلبك ياعلي

ام ✍️حسين الحسني

🏴🚩 🏴🚩 🏴🚩 🏴

يذكر الصار ابعيال حسين والمدمع يكت
يكول ياريت اني حاضر كربلا وبيها متت
ومثل ما شاف ابو اليمة اهموم وياه هم شفت
احمي زينب والسبايا من تضل إبلا ولي

زينب الواسطي
🏴🚩 🏴🚩 🏴🚩 🏴
من يهل شهر المصيبه يضل لحسينه ينوح
اه يايومك يــــــجدي بالگلب خلف  جروح.
كلها والاصعب عليه.عـــمتي مسبيه تروح

موتي احسن من اذكرك بالعمر گلي شلي
✍🏻ام علي البابلي

🏴🚩 🏴🚩 🏴🚩 🏴
لو يهل عاشور يعلن حزنه وبلبس السواد
يذكر جروح المصيبه والدمع بعيونه زاد
فاتحه ينصب ابداره وناعي ينعى بهل الحداد

عمته زينب مانساها بيوم صاحت كافلي

✍️ام صادق المنصوري
🚩 🏴🚩 🏴
ایگول يا ریت انی حاضر وافدي روحي بالطفوف
يوم عاشر من محرم واوگف براس الصفوف
يم ابو اليمه واجاهد رايد عيونه تشوف
هيج اموت اگباله واصرخ اه يعمتي تدللي

✍🏻خادمة اهل البيت عليهم السلام العلويه ام سيد مهدي الموسوي

🏴🚩 🏴🚩 🏴🚩 🏴

ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /ذو القعده / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

https://www.tg-me.com/HOWEIY

أشترك بالقناة عبر الرابط اعلاه☝️

قصيده للخروج من المدينه
كأتي بمولاتي زينب ع تقول
⚡️⚡️⚡️⚡️⚡️

اليوم من ارض المدينه
طلع متحزم ولينه

كاصد ألأرض المصايب والبله
واني روحي عليه حيل موجله.

خايفه يروح من أدينه 2


~{{((😭))}}~~{{((😭))}}~

اليوم ابو الأكبر يشد برحالـه

وسرجت الخيل بعزيمه ارجالـه

واني انظره ودمعتي همالــه

خاف يتركني وتضـيع اعيـالـه

خاف اضلن وحدي بين الغرب
ودمع عيني غصبن عليّه يصب


أني ورقيه وسَكينه. 2

✍ بقلم الخطيبة والناعية الحسينية
أم نور الميســانيـة


~{{((😭))}}~~{{((😭))}}~


خاف اضلن عكبه مهضومه وونّْ
هاي روحتنه احس بيها حزنّْ
حيل يتراوالي بعياله متحن
ومااضن نرجع سلامه بالضعن

وبعد ماادري شيصير ابهل القدر
بعد عيني غصبن اعليه الخطر

والأبل هلمشت بينه .2

ام علي المالكي
~{{((😭))}}~~{{((😭))}}~
خــاف اضلن عگب اخوي اميسره
شلون حــالي لو اشوفه اعله الثره
تسحگ الخـيل الضلوع امــكسره
وبس ادگ عالراس روحي امرمره

بعيني چن صورة مخيم محترگ
من سمعـت بكربله گلبي يـدگ

شلون لواسمع ونينه 2

أم صــ✍️ـــادق المنصوري

~{{((😭))}}~~{{((😭))}}~

اليوم متحزم ابن امي اعله السفر
ماشي لدروب المنايا والخطـــــــر
چنه مستعجل عليهه ارض الكـدر
وبيهه اعيشن باجر آلآم اشكثـــــر

باجر يشبون هااعلينه الخيــــــــــم
ودري مني اتروح كل هاي الزلــم

والشمر يبره الضعينـــــــــــــــــــه

عاشقة العباس
ام عراق الشمري بصره

~{{((😭))}}~~{{((😭))}}~

لاح بعيون القدر خطهن سوه

محمله وين وين والضعن انتوه

راسي من هالطلعه يبن امي خوه
وعسكر همومي تمركز ودوه

بله حطني براي ياعطر الورد
لوتصير الفاجعه أشلون ارد
شلون يبن امي الحنينه

ام حسين المحمداويه

ـــــــــــــــــــــــــــــ
تمت باقلام شاعرات رابطة كفيل زينب عليهما السلام
https://www.tg-me.com/HOWEIY

أشترك بالقناة عبر الرابط اعلاه☝️

*فزاعيه للنزول* *(والحوار مابين لسان حال زينب ع والامام الحسين ع)*
_

ويه ضعونكــم طبـت الخياله
لأرضج كربله وحسين ياحاله
_

حال حسين يعلم باچر اوداعــه
ردنه الدار اهلنه خويــه هالساعه
عگبگ ياهو اللي وماعندي فزاعه

*((ردوني/الديرة جدنه)*
_
ردوني يخوتي بهاي الضعون
خافن باجر عليكم ينوحـــون
ماأگدر اشـــوفنكم تموتـــون

*((حاچيني/يحسين ابن امي))*
_
يگــلها حسين خويه مابعـد رده
مكـــتوب المصير بهالارض حده
من الله انكتب هذا الامر وعـده

*((يذبحوني/گبال العيله))*
_
عـــيلتكم تضل ياخويه محــتاره
باجر من نشوف چبيره الــخساره
ولوعگبك مشينه دروب اليــساره

*((مااريده/الدرب اليبعد))*
_
عينج عالضعن لو جتني المنيه
تضل بيدج امانه سكينه ورقيه
بــس الراس يمشي وياج تاليه

*((وعديني/زينب يختي))*
_
اخــتك بالوعــد وفـايه تدريها
بس خوفي عگبكم من يباريها
لاعباس يـبقى الها ويــحاميها

*((تدروني /عزيزة حيدر*))

عوانه كل احنه الزينب
_
*تمـــــــ بعونه تعالى ــــت*
*بقلم خادمة الحسين ع*
*أم صـــــ✍️ــــادق المنصوري*
*لااجيز حذف اسمي من القصيده*
*اهدي ابيات القصيده الى صاحب العصر والزمان عج والى روح والدي والمؤمنين والمؤمنات الشهداء والساده والعلماء ومن مات على ولاية امير المؤمنين والفاتحه🙏*

*ونسألكم الدعاء 🌹*

https://www.tg-me.com/HOWEIY

أشترك بالقناة عبر الرابط اعلاه☝️

*قصيده للعباس ع*

*الوزن موشح*
___

گوم ياعباس الحگ ليها
زينب بلا ولي رد حاميها

زينب بلايه كفيل
بعد ماعدها دخيل

زينب بلا ولي رد حاميها _😭___

فرت الاطفال عطشانه وتصيح

وين عمنه البطل وحسين الذبيح

تركض من الخوف وتگوم وتطيح

وينه سبع الگنطره
جفوفه ويلي مشمره
جربته بالگاع و مفيضيها

✍️ام صادق المنصوري
ـــــــــــــــــــ😭ـــــــــــــــ
كفي ياروحي عتب بطلي العتاب
فوگ نهر العلـــــگمي البــدر غاب
مگطعه الچفين بالراس المصاب
يمه جربه والعلم
راح ياشيخ الزلم
ونتج يم عون اله ونيها
ام عــــ✍🏻ــــلي البابلي
ـــــــــــــــ😭ـــــــــــــــــ
ونتج يم عون ماتنفــــــع بعــــد.
طاح عباس وهشم راسه العمد
حامي اضعوني الي خيمه وسند
سند للخوه وفه
كله غيره وعاطفه
الغيره موجوده باسم راعيها
ام وليـــ✍️ــــد الموسوي
ــــــــــــــــــ😭ـــــــــــــــ
الغيره لابسها وثوب المرجله
والشجاعه اتلوك كلها بس اله
كافل اخته الضيغمي والعايله
سبع يوم الموزمه
سؤه بيهم ملحمه
كام يحصد بالعده ويفنيها
✍️أم أحمد الهاشمي
ــــــــــــــــ😭ــــــــــــــــــــ
عالترب ابطال نامت عالصعيد
وگام ذيب الناس يفتر ما يهيد
يرعب الاطفال بالسوط ووعيد
چتفو المخدرات
وين عنهن يالاباة
اظن عالناگة وتحشم بيها
✍🏻العلوية أم منتظر جمال الدين
ـــــــــــــــــ😭ــــــــــــــــ
بــين ليلة ويوم لنـي ميـــسره
أه يا ونـــتي شجيه محــسره
عفت جثتك علشريعه موذره
راسه يبـره العايله
دموعي بعده سايله
عكبه محتاره صفت يدريها
رمــــ✍ــاد الخيام
ــــــــــــــــــــــــــــــ

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /25/ذو القعده / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

لليلة الجمعه
وزن مجرشه ﷽
ـــــــــــــــــــــــــــــــــــ

يا ليلة الجمعه اشوكت
يظهر امامي الغالي
كل ما تمريني اسألج
يا جمعه ونشد حالي

يمته علينه ايعود
روحي فده الموعود

ـــــــــــــــــــــــــــــــــــ🙏

كل جمعه ننتضره الفرج يمته يمر اعلينه
ايام وشـهـور الـعـمـر يا جمعته امتانينه
اجفاني ذبلها السهر هم صدگ وايمر بينه

والي الامر مـفـگـود
روحي فده الموعود

ام ســ✍ــجاد العسكري

ـــــــــــــــــــــــــــــــــــ🙏
هم صدگ ويعود الفرج منتظره كلها الشيعـه

وياخذ بثار اهل الفخر يامرنه واحنه نطيعه

كل جمعه نقره ندبته بدونه نحس بالضيعه

ويرد علينه اردود
روحي فده الموعود

ام عــــــ✍🏻ــلي البابلي
ـــــــــــــــــــــــــــــــــــ🙏

الندبة نقراها اله ونزيد اله بدعواتنه
نيران شوگ بكل گلب ماتنطفي جمراتنه
عجل ظهور المنتظر ياربي كل حاجاتنه
بگلب المحب موجود
روحي فده الموعود

✍️زينب خضر الواسطية
ـــــــــــــــــــــــــــــــــــ🙏

ياجمعه يمته طلعته من الصبر ملينه

شكد الم شفنه بغيبته وغيابه اثر بينه

يضهر دكليلي شوكت ويشوف شنهي البينه

وجروحي بيه شهود
روحي فده الموعود

✍🏻 الحجيه ام علي
ـــــــــــــــــــــــــــــــــــ🙏
عجل ضهورك سيدي منتضره كلها أحبابك
يادهر مر بيه شوكت يفتر عليه دولابك
طال انتضارك سيدي أشتاگينه افتح بابك

يوم وسنه معدود
روحي فده الموعود

✍️ام صادق المنصوري
ـــــــــــــــــــــــــــــــــــ🙏
يايوم ياساعه التجي تظهر نشوفك بيها
تعبنه مولاي الوكت وجور الزمن ماذيها
اظهر وزيحلنه الظلم والرايتك عليها
يابو الكرم والجود
رؤحي فده الموعود
✍️أم أحمد الهاشمي
ـــــــــــــــــــــــــــــــــــ🙏
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /24/ذو القعده / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

قصـيده للعليله

*(وزن آلدآرمـي)*
__

وحدي اضل بالدار يــعــمن عيــوني
راحوا هلي بيا صوب جنهم نسوني

•┈•❈​ ✦✦ ❈ •┈•

يابويه ليش تروح وابدار غربه
فراك الابو جتال حالتي صعبه
راح ونساني شلون وبعيد دربه

شلون أگضي هالايام واهلي جفوني

أم صــــــ✍️ــــادق المنصوري
•┈•❈​ ✦✦ ❈ •┈•
مرن علي چم يوم وانه وحيده
ياهو اليگل لحــسين بته تريده
ارجع دليلي ذاب يبن الصميده
اعتب وازيد عتاب للفاركوني
*✍🏻 أم عبـــــد اللــــه العابـــــدي*

•┈•❈​ ✦✦ ❈ •┈•
عالفاركوني اليوم زايد اعتابي
واتنطر اعلى الباب جيت احبابي
وين اليخبر حسين ياخذ جوابي
اعتب على الوليان والماخذوني
✍️ام احمد الهاشمي
•┈•❈​ ✦✦ ❈ •┈•
عتبي بعد ميفيد للحمل وشال
وارحلوا عني ابعيد خيبولي الامال
وردة وتـفـارگ مـاي گلي ابيا حال
وحــــدي اون بالدار ذبلت جفوني

زيــ✍️ــنـــب خـضـر
•┈•❈​ ✦✦ ❈ •┈•

ذبلت جفون العين من شالو ابعيد
ظليت اون بسكوت والگلب ميهيد
خان الدهر وياي من عندي شيريد

صعبه علي ياناس اهلي انكروني

✍️المله ام احمد الساعدي

•┈•❈​ ✦✦ ❈ •┈•
اهلي مشوا والروح صارت نحيله
فـراگ الاهـل چـتال مـابـيه حيله
هـمي عـليه چـبير ياهـو اشتكيله

من حملوا النسوان ليش اتركوني

*أم عـــ✍️ـــلـــي الــحــلــفــي*
•┈•❈​ ✦✦ ❈ •┈•
حمل ضعنهم شال وأنه نتظرهم
بلجن يجي عباس وتعنه الهم
وأعدني أبوي وكال ترحين يمهم

انطر يرد مرسال بي يصبروني

رمـ✍ـآد آلخــيآم

•┈•❈​ ✦✦ ❈ •┈•

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 13 / ذي القعده / 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/HOWEIY

أشترك بالقناة عبر الرابط اعلاه☝️

قصيدة لخروج الحسين ع من المدينه ووداع قبر جده.
ــــــــــــــــــــــــــــــــــ
كعد يم گبره ويون ...گعد يم كبره ويون
يشتكي عنده........يشتكي عنده

┉❈❥ًً🔹(🔵)🔹 ❥❈┉
هاي ساعات الموداع صعبه ياجدي
الموت ينطرني تراهو وانت اه تدري
بين عدواني اظلن حاير الوحدي
تنام كلها احبابي ويلي ولاسند عندي
كام يشكيله بحزن ... كام يشكيله بحزن
يشتكي عنده. يشتكي عنده.
ام عـــ✍🏻ــــباس السكيني

┉❈❥ًً🔹(🔵)🔹 ❥❈┉

يودع امه يم گبرها دموعه يجريها
جنه يعلم بالمنيه شلـــون تالـــيـــها
يگلها يمه زهره رايح فدوه سمعيها
منج اطلب دعوه يمه لـو تندبـــيــها

نغادر ديار الوطن ....نغادر ديار الوطن
گاصد الجده ......گاصد الجده

أم صـــــ✍️ــــآدق آلمـنصـوري

┉❈❥ًً🔹(🔵)🔹 ❥❈┉

من بعـد ماودع امه وجـده الهـادي
للحسـن كام وتعنـه والحـزن بادي
ياحــزام البيـه اشدن ظــٕهري ينادي
اكعد وشــوف على اخيـك خـويه اشسادي
جاير عليه الزمن
جاير عليه الزمن
كاصد الجده كاصد الجده
العلــــ✍🏻ـــــويه ام مرتضى الموسوي
┉❈❥ًً🔹(🔵)🔹 ❥❈┉

ودع ابن امه وتعـــنـه.....المرقد القمه
صاح وینچ یا خدیجه....والعـلـم زمه
اني منج خذت عزمي..وماشي یایمه
منـهجـچ آنــه اکمـله.. بتضحیه وهمه

یلي عزمچ ما وهن
یلي عزمچ ما وهن

گاصد الجده گاصد الجده

✍️العلویه ام ضیغم المحنا
┉❈❥ًً🔹(🔵)🔹 ❥❈┉

تالي يم گبر ابو طالب سيدي تعـــــــنه
صاح ياشيخ الهواشم واجهر الــــــــونه
باجر ارحل اه يجدي وكاطع الضــــــــنه
تدري ياجدي عدوكم نفسه حاربنـــــــه
ويلي ودموعه جرن . ويلي ودموعه جرن
يشتكي عنده. يشتكي عنده
ام علـــــــــــــ✍🏻ـــــــي البابـــــــــلي
┉❈❥ًً🔹(🔵)🔹 ❥❈┉
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
27/ رمضان/ 1442هـــ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

https://www.tg-me.com/HOWEIY

أشترك بالقناة عبر الرابط اعلاه☝️

هوسات للمسير الى كربلاء

{{وزن بحر طويل }}
☆☆☆☆☆☆☆☆☆

زينب صاعده الناكه وتحجي بزود اهاليهه
من جاهه الولي عباس بيده كام يحديهه
ركبهه على الناكه بهيده اخته يحاجيهه
طول الدرب بت حيدر منهه الدمعه تجريهه

كفالي /// وتشيل حمولي

ام محمدالخطيب الموسوي

••««♡((🌕)) ♡»»••

تجري الدمعه وتنادي اريد الوعد يالكفال
اريدنك تكض ايدي وتعدّلي الحمل لومال
اني اختك يابو فاضل واعرفك للحمل شيال
تشيل الحمل عن حسين وتوكف بالحرب خيال

وترد الكوم ///العياله

✍العلويه ام نور الميسانيه

••««♡((🌕)) ♡»»••
تشيل الحمل عن حسين وانت بالوعد وفاي
اعرفك زين ماتخلف دومك ما تبدل الراي
من اختك تزامط بيك لسكينه تجيب الماي
انت البطل يا عباس وعندي اغلى من دنياي

حيدر وصاك/// اداريني

✍️ام صادق المنصوري

••<<<<♡((🌕))♡>>>>••

بجت زينب وماهجعت كَال الغاليه اشعدهه
اشلون مدللة عباس دمعتهه جوت خدهه
تريده ايرجع العيله وتعرف زين ميردهه
عرفهه لمن صد الهه اخته شجان مكَصدهه

مايرضه///الهم ايمر بيهه

ام مرتضى الخفاجيه

••««♡((🌕)) ♡»»••

صعب عباس ابوالغیره یصد لدموع بت حیدر

خذته الغیره ابوالنوماس وگعد یم اخته لمشکر

یزینب هلدمع ظمی لوشفتینی اموذر

حياها وهل/// دمعت عینه

✍🏻المیرزا ام لیلی الخاقاني

تمت

تـــمـ بعون الله تعالى ـــت
بقلم شاعرات اهل البیت ع في رابطة دموع العقیله ع تم التدقيق باشراف الشاعره ام مرتضى الخفاجيه
لانجيز حذف الاسماء✋
🙏🏻نسالكم الدعاء🙏🏻

https://www.tg-me.com/HOWEIY

أشترك بالقناة عبر الرابط اعلاه☝️

قصيده بحق الحر ابن يزيد الرياحي {{رض}}

☆☆☆☆●☆☆☆●☆☆.

ياموقف شرف يمعاشر اجيال

ياقصة بطل للناس. تنگال

ياحر ياشهم
حاربت الظلم

ياقصة بطل للناس تنكال

••««♡((🌕)) ♡»»••

مواقف .كربله تشهد اله بهاي

الحر بنصرته. يعرف لمن جاي

بدم نحره كتب لحسين وفاي

ورفع بسم العشيره ضغمي بهاي

يلكلك قيم
حاربت الظلم
ياقصة بطل للناس تنكال

✍زهره الكناني
••««♡((🌕)) ♡»»••

حاربت الضلم ونصرته للدين

يوم الخايّرت عقلك باأمرين

تخوض المعركه لوتنصر حسين

لوتحتج عليّه ويه المعادين
ثرت علزلم
حاربت الظلم

ياقصة بطل للناس تنكال

✍العلويه ام نور الميسانيه


••««♡((🌕)) ♡»»••
ابد ماخابت امک سمتک حر

شجاع وضیغمی وبعگل تنظر

فزت من قررت لحسین تنصر

واصفوف الاعادی ابعزمک اتطر

فرع من الهمم

حاربت الظلم

یاقصةبطل للناس تنگال

✍🏻المیرزا ام لیلی الخاقانی

••««♡((🌕)) ♡»»••

ضحيت النفس لاماتبالي

لابو السجاد رخصت الغوالي

وصيتك ارتفع للنجم عالي

ولاجل الدين والجه مثالي

اديت القسم
حاربت الظلم

ياقصة بطل للناس تنگال

*ام منـــ✍️ـــذرالحجار*

••««♡((🌕)) ♡»»••

الله شرفك بحسين علاك
شهادة بالطفوف بعزة وانطاك
بجنات النعيم المحب يلڱاك
يناصر لبن فاطم نادو هناك

ضل اسمك علم
حاربت الظلم

ياقصة بطل للناس تنگال

رؤى السلامي ✍🏻
••««♡((🌕)) ♡»»••
ضل اسمك علم نلت الشهاده

وانت برتبتك عفت القياده

اجيت ويه الحسين بكل اراده

الله كرمك بهاي السياده

ياشيمه وعزم
حاربت الظلم

ياقصة بطل للناس تنگال

✍️ام صادق المنصوري

••««♡((🌕)) ♡»»••

~~

تـــمـ بعون الله تعالى ـــت


بقلم شاعرات اهل البیت ع في رابطة دموع العقیله ع
{{بأشراف العلويه ام نور الميسانيه }}

لانُجيز حذف الاسماء✋ مشكول الذمه امام الزهراء ع
🙏🏻نسالكم الدعاء🙏🏻

https://www.tg-me.com/HOWEIY

أشترك بالقناة عبر الرابط اعلاه☝️

قريبا سيصدر ديوان اطوار المجالس النسائيه في دار الزهراء للطباعة والنشر والتوزيع لخادمة اهل البيت الشاعره ام صادق المنصوري

السلام عليكم ياخدام الحسين ع

تم اصدار الديوان كتاب مرتب وروعه ويهز الميدان بهوساته الميدانيه العدد محدود سارعوا بالحجز قبل نفاذه،،،،
تاخذونه وتندعولي

ومن يعظم شعائر الله فأنها من تقوى القلوب،،،
بفضل الله وبفضل مولاتي الزهراء والسيده زينب والامام الحسين عليهم السلام
حاليا" تم أصدار ديوان اطوار المجالس النسائيه

من اروع القصائد((الثگيله والفزاعيات الجنوبيه والقريض والنعي والابوذيات والاحاديث والهوسات الميدانيه))

متسلسله من بداية محرم ((رفع الرايات والهلال الى يوم العاشر مصرع الامام الحسين ع))

ديوان مرتب وكل ماتحتاجه المله بالعشره الاولى،،،،
بقلم الشاعره خادمة الحسين ع
ام صادق المنصوري

متوفر:
1️⃣ في مكتبة الزهراء بصره /عشار_ساحة ام البروم
توجد خدمة توصيل لكافة المحافظات على الرقم التالي :
👇👇👇👇👇👇
07801310890

2️⃣مكتبة ام زينب ويوجد خدمة توصيل وللتواصل مع الرقم:
👇👇👇👇👇
07801310890

3️⃣مكتبة العليله بأدارة ام علي وتوجد خدمة توصيل لكافة المحافظات وبانسب الاسعار للتواصل على الرقم التالي:
👇👇👇👇👇
+9647705677443

‏صورة من ش ام صـــــادق

‏صورة من ش ام صـــــادق