✅АллахIана генаваккхар, шайтIанна гергавигар

Ибн Къаййима (АллахIа къинхетам бойла цунах) аьлла:

«Зина лелоро дохьучу бохамех ду: дог дIайсакхиссар, иза цомгуш дар, нагахь ден ца дуьш дитахь, гIайгIа а, бала а, кхерам а латтар, и лелийнарг АллахIана генаваккхар, шайтIанна гергавигар».

[Ад-да‌у вад-дава‌у, агIо: 232]
https://www.tg-me.com/Ibn_Kayyim

✅Стаг верал тIаьхьа зина лелорал боккха бохам бан а бац!

Ибн Къаййима (АллахIа къинхетам бойла цунах) аьлла:

«Стаг верал тIаьхьа зина лелорал боккха бохам бан а бац! Цундела тIедиллина бусалба дино и лелийнарг уггар ирчачу, боьхачу, къизачу кепара вер! Стага аттох ловр ма дара шен хIусамнана я шен гергара зуда йийна аьлла хезча, цо зина лелийна аьлла хезачул а!».

[Ад-да‌у вад-дава‌у, агIо: 233]
https://www.tg-me.com/Ibn_Kayyim

✅Керста нехан дезденош дазор

Ибн Къаййима (АллахIа къинхетам бойла цунах) аьлла:

«Керстанахана бакъо лур яц, шайн дезденош даздайта, ткъа бусалба нахана а мегар дац и дезденош даздарехь царна тӀе товжа а, я дазош царна гӀо дан а, я церца уьш дазо а, хӀара иштта хилара-м Ӏилман охӀла болчу массо Ӏеламнехан барт хилла ду хьуна, диэ мазхӀаберчу фикъхӀ Ӏеламнаха иза къеггина иштта дийцина а ду хьуна шайн жайнашкахь».

[Ахька‌му ахIлиз-зиммахI, агIо: 3/1245]
https://www.tg-me.com/Ibn_Kayyim

✅Кхаа беттан марханаш кхабар

Ибн Къаййима (АллахIа къинхетам бойла цунах) аьлла:

«Пайхамара тIаьхьий-хьалхий кхо бутт ца кхаьбна-кх (ражаб, шаIба‌‌н, рамада‌н), цхьаболчу наха уьш кхобуш ма-хиллара. Я ражаб бутт а ца кхаьбна Цо цкъа а, я иза кхабар дика ду а ца аьлла Цо».

[За‌дул-маIа‌д, агIо: 2/61]
https://www.tg-me.com/Ibn_Kayyim

✅Мохкбегор

Ибн Къаййима (АллахIа къинхетам бойла цунах) аьлла:

«Къинош ду латта такхарна а, мохк бегорна а бахьана».

[Ал-жава́бул-ка́фий, агӀо: 65]
https://www.tg-me.com/Ibn_Kayyim

✅Ӏехош ву хьуна хьо

Ибн Къаййима (АллахIа къинхетам бойла цунах) аьлла:

«Цхьаболу салафаша аьлла: «Хьо хьайн Ӏасалла тӀехь волуш АллахӀа Шен ниӀматаш (рицкъ, я кхидолу дика дерг) хьайна луш делахь, ларлолахь, Ӏехош ву хьуна хьо!»».

[Ад-да‌у вад-дава‌у, агӀо: 54]
https://www.tg-me.com/Ibn_Kayyim

✅Ӏасаллин вон тӀаьхьало

Ибн Къаййима (АллахIа къинхетам бойла цунах) аьлла:

Цхьаболу салафаша олуш хилла: «Со АллахӀан Ӏеса хилча, цу Ӏасаллин (вон) тӀаьхьало (цунна бекхам) сайн хьайбанехь а, сайн хӀусамненехь а карайо суна».

[Ад-да‌у вад-дава‌у, агӀо: 85]

-Лелош долу хьайба цхьана хӀуманна тӀехь дуьхьалдалар, я машен нис ца луш дуьхьалъялар, я хӀусамнана хьоьца вон хилар - ахь диначу къинна бекхаман ду боху маьӀна ду.
https://www.tg-me.com/Ibn_Kayyim

✅ ТӀе ца лоцуш, вухакхетаран керстаналла

Ибн Къаййима (АллахIа къинхетам бойла цунах) аьлла:

«ТӀе ца лоцуш, вухакхетаран керстаналла шина кепара ду:

1- Цхьа хӀума къастийна а доцуш, массо хlуманца керстаналла дар.
2- Къаьсттина цхьана хӀуманца керстаналла дар.
Ткъа къаьсттина цхьана хIуманца а доцуш, массо хIуманца керстаналла дар - АллахӀа даийтинарг дерриге а къобал цадар ду, Цо ваийтина Элча а.

Амма къаьсттина цхьана хӀуманца керстаналла дар - Ислам-динан фарзех цхьа фарз къобал цадар, я динехь хьарам долчух цхьа хӀума хьарам хилар къобал цадар, я АллахӀа Шена хӀоттийна цхьа куц къобал цадар, я АллахӀа дина цхьа къамел къобал цадар ду, и дерриге а, лаамна лелош хуьйла цо я шена бӀоставаьллачунна тIехь толам баккха лелош хуьйла, муьлхха а Ӏалашонца делахь а.

Амма цо тIе ца лацар жехIлалла (Iилма цахилар, цахаар) бахьана долуш я таъвил дар (маьIна харц агIора тидар) бахьана долуш хиллехь, ишттачу хьолехь цунна бехказло лур ю, и къобал ца динарг керста лорур вац».

[Мада‌рижус-са‌лики‌н, агIо: 1/347-348]

➡️Ислам-динах цхьа хIума къобал цадар, я АллахIан куьцех цхьа куц къобал цадар шеко а йоцуш керстаналла ду, ткъа цу тайпа хIума шегара цахаар бахьана долуш доьжнехь я таъвил дар бахьана долуш доьжнехь, иза керста лорур вац боху Ибн Къаййима. Цунах вайна билгалдолу Цо бехказло луш хилар цахаарца, я таъвилаца шегара керстаналла даьллачунна.
https://www.tg-me.com/Ibn_Kayyim