Paxta dalalarida xorij tajribasi: g‘o‘zalar sog‘lom rivojlanmoqda
Zafarobod tumanidagi “Xolmo‘min bobo” fermer xo‘jaligiga qarashli 12 gektarlik paxta maydonida amalga oshirilayotgan ishlar bilan tanishdim. Bu yerda mahalliy “S-8290” paxta navi xorijiy tajriba va zamonaviy agrotexnologiyalar asosida parvarishlanmoqda.
Paxta 76x10 sxemasi asosida qo‘shqator qilib ekilgan, har bir gektarga 210 ming dona chigit joylashtirilgan. Nihol olish sifati va sur’ati yuqori bo‘lib, bu yilda mo‘l hosil kutilmoqda. Daladagi agrotexnik tadbirlar – chopiq, qator oralari ishlovi, sug‘orish – intensiv texnologiyalar asosida olib borilayotgani diqqatga sazovor.
Dalani ko‘zdan kechirar ekanman, g‘o‘zalar rivojlanish holati, ildiz tizimining mustahkamligi va sog‘lom ko‘rinishi e’tiborni tortdi. Bu esa agrotexnik tadbirlarning o‘z vaqtida va ilmiy asosda olib borilayotganidan dalolat beradi.
Albatta, yuqori hosildorlikka erishishda faqat nav tanlovi emas, balki unga yondashuv ham hal qiluvchi ahamiyatga ega.
Fermer xo‘jaliklarida ilg‘or tajribalarni keng joriy qilish, texnologik intizom va ilmiy mas’uliyat asosiy omil bo‘lib qoladi.
Zafarobod tumanidagi “Xolmo‘min bobo” fermer xo‘jaligiga qarashli 12 gektarlik paxta maydonida amalga oshirilayotgan ishlar bilan tanishdim. Bu yerda mahalliy “S-8290” paxta navi xorijiy tajriba va zamonaviy agrotexnologiyalar asosida parvarishlanmoqda.
Paxta 76x10 sxemasi asosida qo‘shqator qilib ekilgan, har bir gektarga 210 ming dona chigit joylashtirilgan. Nihol olish sifati va sur’ati yuqori bo‘lib, bu yilda mo‘l hosil kutilmoqda. Daladagi agrotexnik tadbirlar – chopiq, qator oralari ishlovi, sug‘orish – intensiv texnologiyalar asosida olib borilayotgani diqqatga sazovor.
Dalani ko‘zdan kechirar ekanman, g‘o‘zalar rivojlanish holati, ildiz tizimining mustahkamligi va sog‘lom ko‘rinishi e’tiborni tortdi. Bu esa agrotexnik tadbirlarning o‘z vaqtida va ilmiy asosda olib borilayotganidan dalolat beradi.
Albatta, yuqori hosildorlikka erishishda faqat nav tanlovi emas, balki unga yondashuv ham hal qiluvchi ahamiyatga ega.
Fermer xo‘jaliklarida ilg‘or tajribalarni keng joriy qilish, texnologik intizom va ilmiy mas’uliyat asosiy omil bo‘lib qoladi.
👍8👏1
Zamonaviy agrotexnologiyalar va yuqori hosildorlik sari dadil qadam
Jizzax viloyatiga tashrifim davomida Zafarobod tumanidagi “Toshtemir ota” fermer xo‘jaligiga qarashli, umumiy maydoni 68,7 gektarni tashkil etuvchi dala maydonini ko‘zdan kechirdim. Ushbu yerda ilg‘or agrotexnologiyalar asosida g‘alla, paxta va boshqa ekinlar yetishtirilayotganini ko‘rib, mamnun bo‘ldim.
Maydonning 38 gektarida g‘alla, 26 gektarida paxta, qolgan qismida esa himoya zonasi sifatida makkaxo‘jori ekilgan. Ayniqsa, paxta yetishtirishda qo‘llanilayotgan innovatsion yondashuvlar e’tiborga molik: 5 gektarlik yerda xorijiy paxta navlari tomchilatib sug‘orish tizimi orqali qo‘shqator usulda ekilgan. Bu nafaqat suv resurslarini tejashga, balki hosildorlikni oshirish va agrotexnik tadbirlarni samarali tashkil etishga xizmat qilmoqda.
Himoya zonasi sifatida ekilgan mahalliy S-8290 paxta navi hamda makkaxo‘jori nafaqat ekinlarning xavfsizligini ta’minlashda, balki tuproq unumdorligini tiklashda muhim omil bo‘lib xizmat qilmoqda.
Bug‘doy maydonidan 100 sentnerdan ortiq hosil olish kutilmoqda. Bu esa yerga berilayotgan e’tibor, o‘z vaqtida va sifatli agrotexnik tadbirlarning natijasidir.
Albatta, eng quvonarlisi — ushbu dala maydonining elektr ta’minoti quyosh panellari orqali qoplab berilmoqda. Bu, bir tomondan, ekologik barqarorlikni ta’minlasa, ikkinchi tomondan, fermerlarning ekspluatatsion xarajatlarini kamaytirishga xizmat qilmoqda.
Dalani ko‘zdan kechirar ekanman, amalga oshirilgan agrotexnik tadbirlar o‘z vaqtida va sifatli bajarilganiga amin bo‘ldim. Aynan mana shunday yondashuvlar natijasida yuqori hosildorlikka erishilmoqda.
“Toshtemir ota” fermer xo‘jaligi misolida yaqqol ko‘rish mumkinki, zamonaviy yondashuvlar, ilmiy-amaliy tajribalar uyg‘unligi va fidokorona mehnat qishloq xo‘jaligida katta yutuqlarga asos bo‘lmoqda.
Bu esa O‘zbekiston agrar sohasining istiqbolli va izchil rivojlanayotganining yaqqol dalilidir.
Jizzax viloyatiga tashrifim davomida Zafarobod tumanidagi “Toshtemir ota” fermer xo‘jaligiga qarashli, umumiy maydoni 68,7 gektarni tashkil etuvchi dala maydonini ko‘zdan kechirdim. Ushbu yerda ilg‘or agrotexnologiyalar asosida g‘alla, paxta va boshqa ekinlar yetishtirilayotganini ko‘rib, mamnun bo‘ldim.
Maydonning 38 gektarida g‘alla, 26 gektarida paxta, qolgan qismida esa himoya zonasi sifatida makkaxo‘jori ekilgan. Ayniqsa, paxta yetishtirishda qo‘llanilayotgan innovatsion yondashuvlar e’tiborga molik: 5 gektarlik yerda xorijiy paxta navlari tomchilatib sug‘orish tizimi orqali qo‘shqator usulda ekilgan. Bu nafaqat suv resurslarini tejashga, balki hosildorlikni oshirish va agrotexnik tadbirlarni samarali tashkil etishga xizmat qilmoqda.
Himoya zonasi sifatida ekilgan mahalliy S-8290 paxta navi hamda makkaxo‘jori nafaqat ekinlarning xavfsizligini ta’minlashda, balki tuproq unumdorligini tiklashda muhim omil bo‘lib xizmat qilmoqda.
Bug‘doy maydonidan 100 sentnerdan ortiq hosil olish kutilmoqda. Bu esa yerga berilayotgan e’tibor, o‘z vaqtida va sifatli agrotexnik tadbirlarning natijasidir.
Albatta, eng quvonarlisi — ushbu dala maydonining elektr ta’minoti quyosh panellari orqali qoplab berilmoqda. Bu, bir tomondan, ekologik barqarorlikni ta’minlasa, ikkinchi tomondan, fermerlarning ekspluatatsion xarajatlarini kamaytirishga xizmat qilmoqda.
Dalani ko‘zdan kechirar ekanman, amalga oshirilgan agrotexnik tadbirlar o‘z vaqtida va sifatli bajarilganiga amin bo‘ldim. Aynan mana shunday yondashuvlar natijasida yuqori hosildorlikka erishilmoqda.
“Toshtemir ota” fermer xo‘jaligi misolida yaqqol ko‘rish mumkinki, zamonaviy yondashuvlar, ilmiy-amaliy tajribalar uyg‘unligi va fidokorona mehnat qishloq xo‘jaligida katta yutuqlarga asos bo‘lmoqda.
Bu esa O‘zbekiston agrar sohasining istiqbolli va izchil rivojlanayotganining yaqqol dalilidir.
👍10👏1