O‘zbekiston – Ozarbayjon: Qishloq xo‘jaligida zamonaviy texnologiyalar uchun yangi imkoniyatlar

Bugun men, O‘zbekiston Respublikasi Qishloq xo‘jaligi vaziri sifatida, Prezidentimiz Shavkat Mirziyoyevning Ozarbayjonga amalga oshiradigan oliy darajadagi tashrifi doirasida Ozarbayjonning yetakchi kompaniyalaridan biri — “Green Tech” kompaniyasi vakillari bilan uchrashdim.

Uchrashuv davomida “Green Tech” asoschilaridan biri Tohir Gyozal bizga kompaniya tomonidan ishlab chiqilgan zamonaviy energiya samarador issiqxona majmualari, avtomatlashtirilgan sug‘orish tizimlari, iqlim nazorati va yuqori hosildorlikka ega innovatsion texnologiyalar haqida atroflicha taqdimot o‘tkazdi.

Mazkur texnologiyalar O‘zbekiston uchun nihoyatda muhim ahamiyatga ega. Ayniqsa, Xorazm viloyatida zamonaviy issiqxonalarni joriy etish, mavjud, samaradorligi past bo‘lgan issiqxonalarni esa modernizatsiya qilish masalalarini birgalikda batafsil muhokama qildik.

Men “Green Tech” kompaniyasining tajribasi va innovatsion yondashuvlarini mamlakatimiz qishloq xo‘jaligini yanada rivojlantirish, mahsulot yetishtirish hajmini va sifatini oshirishda katta imkoniyat deb hisoblayman. Shu bois, biz bu yo‘nalishda o‘zaro hamkorlikni yanada kuchaytirishimiz shartligini ta’kidladim.

Ishonchim komilki, ushbu tashrif va erishilgan kelishuvlar O‘zbekiston va Ozarbayjon o‘rtasidagi qishloq xo‘jaligi sohasidagi hamkorlikning yangi ufqlarini ochadi.

Jizzax viloyatida sut sanoatini rivojlantirish bo‘yicha xalqaro loyiha muhokama qilindi

Ayni damda Ozarbayjon Respublikasida bo‘lib turibman. Davlatimiz rahbarining oliy darajadagi tashrifi doirasida qator tashkilot va kompaniyalar vakillari bilan muzokaralar o‘tkazmoqdaman.

Bugun Boku shahrida Ozarbayjonning yetakchi kompaniyalaridan biri — “Milla Dairy” (AGRO DAIRY) kompaniyasi rahbari Niyazi Amirbayev bilan uchrashdim.

Muloqot davomida Jizzax viloyatida zamonaviy sut klasterini tashkil etish loyihasini atroflicha muhokama qildik. Bu loyiha mamlakatimizda sut va sut mahsulotlari sohasini yanada rivojlantirish, xalqaro tajribani joriy etish hamda zamonaviy texnologiyalar asosida ishlab chiqarishni yo‘lga qo‘yishga xizmat qiladi.

Hozirda “Milla Dairy” kompaniyasi loyiha doirasida O‘zbekistonning sut mahsulotlari bozorini har tomonlama o‘rganib chiqmoqda va biznes-reja ustida ish olib bormoqda.

Uchrashuv yakunida loyiha bosqichlari, investitsiya shartlari, texnologik yechimlar va istiqbolli hamkorlik yo‘nalishlari yuzasidan fikr almashdik. Shu orqali Jizzax viloyatida zamonaviy sut sanoatini rivojlantirish yo‘lidagi amaliy qadamlar belgilanmoqda.

O‘zbekiston va Ozarbayjon yetakchilari "Zagulba" qarorgohida tor doirada uchrashuv va Oliy davlatlararo kengashning ikkinchi yig‘ilishini o‘tkazdi.

▫️– Munosabatlarimiz tarixda hech qachon bugungidek yuksak darajada bo‘lmagan, – dedi O‘zbekiston Prezidenti.

▫️Iqtisodiy kooperatsiya yilida tovar ayirboshlash hajmi 25 foizga oshdi. Loyihalar portfeli 4 milliard dollarga yetgan. 300 ga yaqin qo‘shma korxona faoliyat ko‘rsatmoqda.

▫️Tashrif davomida Boku shahrida "O‘zbekiston" bog‘i qurilishiga start beriladi va mamlakatimizning Ozarbayjondagi elchixonasi yangi binosi ochiladi.

▫️Tovar ayirboshlash va investitsiyalar hajmini yiliga 1 milliard dollarga yetkazish imkoniyatlari atroflicha ko‘rib chiqildi. Sanoat, infratuzilma, qishloq xo‘jaligi, sog‘liqni saqlash, turizm, bank va boshqa sohalardagi loyihalarni o‘z ichiga olgan alohida Kooperatsiya dasturi qabul qilinayotgani ta’kidlandi.

▫️Yevropaga elektr energiyasini eksport qilish bo‘yicha qo‘shma loyihani tayyorlashni jadallashtirishga kelishib olindi.

Yig‘ilish yakunlari bo‘yicha "yo‘l xaritasi"ni qabul qilishga kelishib olindi.

Kanalga ulanish:
➖ @uzauz

Muzokaralar yakunida O‘zbekiston va Ozarbayjon yetakchilari Oliy davlatlararo kengashning ikkinchi yig‘ilishi qarorini qabul qildilar.

Davlat rahbarlari huzurida qator ikki tomonlama hujjatlar almashildi. Shu jumladan:

▫️Ittifoqchilik munosabatlari to‘g‘risidagi shartnomani 2025–2029-yillarda amalga oshirish bo‘yicha "yo‘l xaritasi";

▫️Atrof-muhitni muhofaza qilish sohasida hamkorlik to‘g‘risida hukumatlararo bitim;

▫️Fan, kasb-hunar va oliy ta’lim sohalarida hamkorlik to‘g‘risida hukumatlararo bitim;

▫️2025–2026-yillarga mo‘ljallangan sanoat kooperatsiyasi dasturi;

▫️2030-yilga qadar tovar ayirboshlashni 1 milliard dollarga yetkazish dasturi;

▫️2025–2027-yillarda qishloq xo‘jaligi va oziq-ovqat ta’minoti sohasidagi hamkorlikni yanada rivojlantirish bo‘yicha amaliy harakatlar rejasi;

▫️2025–2027-yillarda ijtimoiy himoya sohasida hamkorlik bo‘yicha chora-tadbirlar rejasi;

▫️Kemachilik va kemasozlik sohasida hamkorlik to‘g‘risida bayonnoma;

▫️Toshkent viloyati va Sumgait shahri, Navoiy va Gabala shaharlari o‘rtasida birodarlik munosabatlarini o‘rnatish to‘g‘risidagi kelishuvlar.


Kanalga ulanish:
➖ @uzauz