Tizim rivoji uchun aniq reja va vazifalar belgilandi

Bugun Qishloq xo‘jaligi vaziri sifatida, sohada amalga oshirilayotgan islohotlarni yanada rivojlantirish masalalariga bag‘ishlangan yig‘ilish o‘tkazdik.

Yig‘ilishda mavsumiy ishlarning samaradorligini oshirish, investitsiya loyihalarini o‘z vaqtida va sifatli bajarish, fermer xo‘jaliklari bilan hamkorlikni mustahkamlash hamda mavjud muammolarni zudlik bilan bartaraf etish masalalari batafsil muhokama qilindi.

Paxta yig‘im-terimi jarayonlari alohida e’tiborda bo‘ldi. Mutasaddilarga xom ashyoni sifatli, yo‘qotishlarsiz yig‘ib olish, uni belgilangan me’yorlarga muvofiq paxta qabul maskanlariga yetkazishni ta’minlash bo‘yicha aniq topshiriqlar berildi.

Shuningdek, “CropAgro” platformasi faoliyatini yanada shaffof va samarali yo‘lga qo‘yish bo‘yicha ham vazifalar belgilandi.

Aytish kerak, so‘nggi yillarda mamlakatimiz agrar sohasida chuqur islohotlar amalga oshirilmoqda. Bugungi yig‘ilish esa, qisqa muddatli natijalarni ta’minlash bilan bir qatorda, uzoq muddatli strategik maqsadlarimizni belgilash nuqtayi nazaridan ham muhim ahamiyat kasb etadi.

Shuningdek, yig‘ilish yakunida xorijiy hamkorlar bilan istiqbolli investitsiya loyihalarini o‘z vaqtida amalga oshirish va ularning samaradorligini oshirish bo‘yicha ham aniq rejalar ishlab chiqildi.

Ishonchim komilki, belgilangan reja va topshiriqlarning izchil ijrosi natijasida sohada samaradorlik yanada ortadi, agrar tizimimiz yangi bosqichga ko‘tariladi.

O‘zbekiston delegatsiyasi FAOning yangi muzeyiga tashrif buyurdi

📍Rim shahrida bo‘lib qaytgan qishloq xo‘jaligi vaziri Ibrohim Yulchievich Abdurahmonov FAO tashkil etilganining 80 yilligi munosabati bilan tashkil qilingan tadbirlar doirasida FAOning yangi muzeyiga tashrif buyurdi.

🇺🇿 O‘zbekiston delegatsiyasi mazkur muzeyni ko‘rgan ilk mehmonlardan biri bo‘ldi. Ekspozitsiyada dunyo mamlakatlarining oziq-ovqat xavfsizligi, qishloq xo‘jaligi va madaniy merosi bilan bog‘liq turli eksponatlar namoyish etilgan.

📰Shuningdek, muzeyda O‘zbekistonga oid eksponatlar ham o‘rin olgan bo‘lib, ular mamlakatimiz milliy qishloq xo‘jaligi an’analarini va mahalliy mahsulotlar turfa xilligini aks ettiradi.

✅Tashrif ishtirokchilari muzeyni FAO faoliyatining tarixiy rivoji hamda mamlakatlarning agrar salohiyatini yoritib beruvchi muhim madaniy maydon sifatida yuqori baholadilar.

🌐Website 💬Telegram 💬Facebook 📺YouTube 📷Instagram