Indian Hindu

సుంకాల విషయంలో ట్రంప్ ప్రస్తుతం చేస్తూన్నది భారతదేశానికి లాభమా ? నష్టమా ?
.....Duvvuri Krishna

ముఖ్యంగా అర్థం చేసుకోవాల్సింది మన దేశ ఎగుమతులు మన దేశ జీడీపీ లో 20% మాత్రమే. మన మొత్తం ఎగుమతులలో అమెరికాకి 17% మాత్రమే. దీనిని బట్టి అమెరికా విధించిన సుంకాల ప్రభావం అర్థం చేసుకోవాలి.

కొన్ని యూరోప్ దేశాల ఎగుమతులు వారి జీడీపీ లో 50 % కంటే ఎక్కువ ఉన్నాయి. అలాగే ఇంగ్లండు, సౌత్ కొరియా లాంటి దేశాల ఎగుమతులు కూడా 30 - 40% ఉన్నాయి.

కొన్ని యూరోప్ దేశాలైతే యుద్ధ సామగ్రిని తయారు చేసి ఎగుమతి చేయడమే వారి ప్రధాన ఆర్థిక వ్యవస్థ. ప్రపంచంలో ఎక్కడ యుద్ధాలు లేకపోతే వారి పరిస్థితి తల్లకిందులవుతుంది.

ఎప్పుడైతే ఎగుమతులు జీడీపీలో ఎక్కువ శాతాన్ని కలిగి ఉంటాయో ఆ పరిస్థితుల్లో విదేశీ సుంకాలు దేశ ఆర్థిక వ్యవస్థ మీద ఎక్కువ ప్రభావాన్ని చూపిస్తాయి.

అలాగే మన దేశ ఉత్పత్తులు అమెరికాకి కాకుండా వేరే ఆఫ్రికన్, యూరోప్ మరియు ఆసియా దేశాలకు మళ్ళించే అవకాశాలు ఉన్నాయి. ఈ దిశలో ప్రయత్నాలు జరుగుతున్నాయి.

మరొక విషయం మన దేశ జనాభా దృష్ట్యా కూడా మన దేశ ఉత్పత్తులు ఎగుమతులు లేకపోయినప్పటికీ వాటికి మన దేశంలోనే డిమాండ్ ఉండే పరిస్థితి కూడా ఉన్నది. తక్కువ జనాభా కలిగి తక్కువ డిమాండ్ ఉన్న దేశాలకి ఈ సౌకర్యం వుండదు.

అందుచేత మనకి కొంత నష్టం తాత్కాలికంగా ఉన్నప్పటికీ దీర్ఘకాలికంగా చూస్తే ఎక్కువ ప్రభావం వుండదు.

కొరడాతో ఒక ఏనుగుని కొట్టిన దానికి లేదా ఒక చిన్న మేక పిల్లని కొట్టినదానికి తేడా వుంటుంది కదా. మన ఆర్థిక వ్యవస్థ ఏనుగులా చాలా పెద్దది. ట్రంప్ మన దేశాన్ని యూరోపియన్ దేశాలతో పోల్చుకుని అమెరికాకి వలస రాజ్యంలాగ ప్రవర్తించాలి అని భావిస్తున్నాడు. 75 సంవత్సరాల క్రితం ఉన్న mindset ఇప్పటికీ మారడం లేదు.

లోగడ క్రయోజెనిక్ ఇంజన్ టెక్నాలజీ అమెరికా మన దేశానికి ఇవ్వలేదు. అమెరికా తను ఇవ్వకపోవడం తో పాటు రష్యాను కూడా ఇవ్వద్దని ఆంక్షలు విధించింది. కానీ మనశాస్త్ర వేత్తలే పరిశోధించి ఆ టెక్నాలజీ సాధించి క్రయోజెనిక్ ఇంజన్లు మన దేశంలోనే తయారు చేస్తున్నారు. ఈ మధ్యనే యీ టెక్నాలజీ ఉపయోగించి అమెరికా భారత్ NISAR పేరుతో ఒక జాయింట్ శాటిలైట్ జూలై 30 తేదీన పంపించారు.

ఇది ఎందుకు చెబుతున్నానంటే మనకి విదేశీయులు ఆంక్షలు విధించినా, సహకరించక పోయినా అభివృద్ధి ఆగదు. వారు మన దగ్గరకి రాక తప్పదు.

జైహింద్, జై భారత్.

93 views12:22