في ليلةٍ - تليت قلبي من اقصاه
صرت الوحيد اللي أحبّك واماري

ما اخترتك ولا اخترتني - يعلم الله
كنت أختيار الروح قبل اختياري

متى التقي بك بعد كثر المعاناه
كم انتظرتك لين " مل انتظاري "

أداري عليه من الزعل وازعل العذال
وخطاه إن كبر في عين غيري تصاغرته

‏أبد ما كن به غيرك على وجه البلاد إنسان
‏وعليك الروح توله و النوايا معك منشدّه

أحبك كثر ماكنت أتوقى والغلا مفضوح
وأحب أيامي اللي جابتك يا أغلى عطاياها

كم عيونٍ ما لقت عندي حصيل
‏و أنت تاخذني على وقفة نظر

‏من هام في وجهك السمح و تعابيره
‏تصير في عينه وجيه العرب وَدره

يا أبو وجهٍ على شانه يدق من الغلا ما جلّ
ترى لولاك ما سِقت القصايد في متاهاته

غيرك من الناس علمناه يلعب بعيد
ولا أنت في القلب تلعب مثل ماتشتهي

علي الدعيّة

"ما بكيتك لأني أعرف البكى: عذر التخلِّي
‏يمكن يطيح الغلا مع دمعتي: ذنب، وخطيَّة"

محمد السلطان

‏"الزمن وقّف على ذكراك .. وأنتِ
‏غلطةٍ عيّا العمر يدفع ثمنها"‏

ناصر مناحي

العام قلبي فيك هايم ومجبور
و اليوم حبك في حناياه مقبور

على الأقل اسأل وش اللي جرالي
‏انسى المحبه / واعتبرها مواجيب

عن وصل غيره يدين الحب مكتوفه
وعن شوف غيره عيوني مالها طمعه

ما يردع مكانك لا غياب ولا عِرف و سِلم
‏هذا انتي رغم كل العوايق وسط جوفي

وإن جت من دون العشم ماعلينا
يمكن عشمنا فوق طاقات الإنسان

حبيبي لو تضيق الارض وصدور العباد تضيق
‏يعز إنك علي مْن الزعل — تقطع مراسيلك 

‏عليك أخاف من جرح الكلام و لوعة التدقيق
‏و أحنك من قساي ومن قسى الايام و آوي لك 

‏لك الله ماقدرت اسلا بعدك ولا قدرت أطيق
‏تفاصيل الحياه اللي مافيها من تفاصيلك

ماهي عوايدك تبطي ما تكلمني
‏ مدري من اللي خذاك وغير سلوبك

‏عن كل حاجه بـ قلبك ما تعلمني
‏نسيت طيش الغلا وايام محبوبك

‏ازريت لا افهمك وانت ازريت تفهمني
‏ماتدري ان القصايد كلها صوبك

‏على دروب المفارق لا تسلمني
‏تسليمة اللي مقصر دون ماجوبك

‏اللّٰه على الصبر والسلوان يلهمني
‏عذروبي اغليك وانت البعد عذروبك

‏وان كان عقب الغلا اللي جاك تضلمني
‏ اللّٰه يسامحك ويمسح لك دروبك .

ما كنه إلا ساكنٍ بين الرمش والحشا مدهاله
واحدٍ لا من دعاني تلبي له ضلوعي قبل لساني