ودي أهديك السنين اللي تسمى سرمدية
‏مرخصٍ لك عمري اللي من يدي قام يتطلّق

‏كلمتين ٍكايده من يحصلها ارتوى
‏قولة احبك وقول النشاما والنعم

من حفظي لحبك تركتك على شان
‏ماتمشي الفرقا كذا بالتدرج

‏احسن يموت الوصل وتعيش الاحزان
‏ولايموت الحب ، وانا اتفرج

‏أحبّك من أول يوم شفتك الين اليوم
لو إني ما اصرّح لك بحبّي ولا اذيعه

‏لا مواساتي غنيمة و لا عذرك سمين
‏الغنيمة بسمة الوقت يوم الوقت دار

قلبك دليلك لْيا اشتبهت عليك الأمور
لا تقرب اللي يجيك الشكّ من صوبها

‏من صبّح بوجهك علّي الملازيم
ما عاد يعني له صباحٍ بدونك!

‏كلمةٍ رديّت لك فيها: عوافي
‏والله إني ما قدرت أنام منها

"بالصبح اغنّي لـ الحنين الله كريم
‏وبالليل اغنّي لـ الوصال الله لنا"

وش عاد لو مالله كتب لي معك حظ
ياما تركت أحلام حلوة خلافي

لا عادها ظروف تاخذك ولا عاده فراق
‏الفرحه تشح والضيقة تجي تدهر

‏والله من رحت والروتين ماله مذاق
‏الصبح ما ينقعد والليل ما ينسهر

يشبه رجوعك بعد ما غبت وأبطيت
توبة بعد ما تطلع الشمس من غرب

يا لبّيك الحنونه يا وجودي منك يا لبّيه
أنا لبّيه عندي بالغلا والحب مرهونه

ياحبيبي انشد الوقت والحظ الشحوح
‏من جدار البال، صورتك كيف أشيلها؟

‏يا لبّيه يا اللي كل ما قلت لي لبّيه
عطيت الهموم إيعاز والضيقه إباده

جعل وقتٍ راح بك وأخْلا مداهيلك .. يعيدك
‏وديرةٍ عقب المحَل تجمع ضعنكم مع ضعنّا

ماكرهتك .. رغم طعنّاتك وقِل وصالك
‏من يقول اللي يحب بقلب يقدر يكره؟

" أثر الفراق أصعب من اللي تصوّرت
‏بدت جيوشه .. تستحل المحاني "

يالله دخيلك ماعلى الدنيا متاع
‏ماشفت فالدنيا دروبٍ ممتعه

كل الدروب اللي تؤدي للضياع
‏أسبابها واجد ولا هي مقنعه

"توكل لا توادع رح عسى درب الجفا المسهوج
يصادف درب فرقى عقبها ما تلمحك عيني"