‏قلب الإنسان في يوم الموادع غريمه
‏عينه تودّع أحبابه و قلبه ينادي

‏نهبتي قلبي اللي ما خضع لأحدٍ بهالدنيا قبل تاتين
‏من ضلوعٍ تبايع بالولاء يا شيختي والسمع والطاعة

أنتِ أطهر ذنب وأجمل غلط وأشجع قرار
‏حطك الله في ليال العُمر ليلة قدر

‏الهزيمه في عيُونك بطعم الإنتصار
‏من يقاوم سِحر عينك ورمشك لا خدر؟

أنساك هذي ثامن المستحيلات
‏السابعة كانت لقاك و لقيتك

"سقى الله ليالٍ كان فيها الغلا مكشوف
‏تشوفه و أشوفه يتّضح في سوالفنا"

هديتك خفوقٍ منصفك بالغرام إنصاف
‏وهذا جزى المعروف بيدّينك تضرّه؟

"تمهل بالسوالف شوفني من عقب صوتك زنت
‏تجمل وأردف الموضوع الأول واحدٍ ثاني

‏وش أزين من حديثك مابه أزين منه إلا أنت
‏تجمعتوا على قلبٍ خلي وصار ملياني"

ودك إن الغالي اللي يدري بغلاه، ما يزوّد جراحه ويحفظ الود ولا يحدك على دربٍ ما ودك تمشيه

ثلاث شهور وأنا أفضّل العزلة عن الجلاس
‏ما غير أمشي على طاريك وأسولف على ظلي

خالي من الناس وإن مرّوا خلاله ثقيل
‏ما يقبل إلا أنت تستولي - على خلوته

ما دام العمر ماهوب باقي ولا ملحوق
‏ما بين الجهات الأربعة جيت متجهك
‏ㅤ
‏فإذا شفتني مقبل وأنا في عيوني شوق
‏تراني من الهجران والبعد في وجهك

"وياك أحلّ الأمور بشكلها السِّلمي
وْمع غيرك معقَّد وقاسي ونفسيّة"

"‌‏ياوجودي كان ما يفرق وجودي
‏في عيونك يا صفا البال المعكّر"

النفس لا طابت ترى ما بها طبّ
‏أصعب عِلاج علاج نفسٍ عزيزه

أن ضاع عمري في وجهك جعله يضيع
‏على الأقل ضاع في حاجة جميلة

في كل حاجه لي قرار الا أنت مالي بك قرار
‏أفرغت لك قطعةٍ من أقصى الروح محدٍ طبها

ووجهك يا بعد وجهي لو أتأمّل تفاصيله
‏يروح العمر مايرمش جفني وناعس أهدابي

"انا من غلاته كنّي اللي ملكت الارض
‏و أحس السما وافلاكها صارت افلاكي"

لا تحبني على مهلك حبني بغلا
‏أنا والعمر مرّه .. والزمن سرّاق