"كم واحدٍ قبلك تردّى وعفناه
لا قامت الدنيا .. ولا صرنا مجانين"

"إن طبت .. طبنا فوق طيبك و زدنا
و إن شنت ما كنّا على الأرض شفناك"

ليش خليتني بعد التوهج منطفي
‏كيف وديتني بيديك للإنعزال

‏العرب يسألوني علامك مختفي
‏والحقيقة ماعندي أي علمٍ يقال .

" كثر ما أنشرح صدري وأنا أحطّ عيني فيك‏
تقول إن جنبي شيخٍ يوصف لي الجنَّة "

ساقني حبك على الموت و سنيني هزال
‏والظروف أقسى من الظلم للعرض النزيه

أهم شيء أنك على الأرض موجود
و باقي الأمور اللي وراها هواين

‏محتاج وجهٍ يرجّعني أحب الحياه
‏و أنتي جميع الحلول الممكنه في يدي

والله ان الرمش هذا يأمر على قلبي و ينهي

‏لعيونك الله خلق خفاق محسوبك
‏يا طيب حظٍ تثنّى بك على بابي

‏ما أوعدك إلا بـ وِفا / وقلبٍ مراده يسعدك

‏إما اتركيني وسط الأمواج مطروح
‏وإلا على
‏–شط النجاة– اسحبيني

تسولف لي وأنا منك أتسقى سلوتي لاهنت
‏عليك الله تطوّل فالحكي لا تقول ما أمداني

‏تمهل بالسوالف شوفني عقب صوتك زنت
‏تجمل وأردف الموضوع الأول واحدٍ ثاني

‏وش أزين من حديثك مابه أزين منه إلا أنت
‏تجمعتوا على قلبٍ خلي وصار ملياني

‏انا لك حقيقه ماهي بشكٍ ولا زيف
‏ولغيرك سرابٍ يبطي بـ يوم يدركني

‏ارفقي بي يالثواني وإفرحي بي وإسفهلِّي
‏دام قلبي به غرام يمْلي حدود المجرَّه

من كثر ما أغليك أبيع الَّلي معي وأشتريك
ومن كثر ما أهواك عن كل البشر منْفصل

معك يا حلُو الشعور ومعك يا حلو السّّوالف
‏لا ضحكت بسبَّه ولامن ضحكت بدون سِبَّه

‏أنت يوم الأرض ملْيانه سواليف ومواقف
‏دلِّك الله الكلام اللي أفكّر فيه وأحبَّه

هلا يا أعز وأغلى كل من ودَّا الزمان وجاب
‏هلابك في خفوقٍ فرغ الخلِّان من شانك

تجرَّعت منك المُر حتى عشقْت المر
‏من الشاهي السَّاده إلى القهوة السُّوده

لأ تفتشين جيوب ثوب
التفاصيل تلقين شي
يحزنك يا حلالي

أبيع السنين اللي بدونك بـ رخص التراب
‏وأساوم على اللحظه معك أنت باللي به