‏عمري ما حسيت ان في شخص انا كفايه بالنسبه ليهو ، و دايما الشخصيه الي بقول عليها دي كفايه عندي و بالدنيا بكتشف مع الوقت اني اخر اهتماماته و ساعات كتيره بتصعب علي نفسي لما احس اني خاتي ناس في مكانه معينه مع اني ماعندي مكانه في قلوبهم اصلا بس معليش لابد تتعلم 💔.

"الزعل بيغير ملامحك ، بيغير نظرة العين ، بيغير شكلك في الصور ، الزعل ممكن يطفيك تماما."

ربنا م يزعلكم ي رب قولو امييين💜

#الصحبةوالبست_فرند

في عمك كدا قال لي بتو (معظم العلاقات حدها السور الاتوجدت فيهو) وعمنا دا كلامو واضح، بمعنى انو ناس البتقابلهم في بيئة معينه مجرد ما انت تمشي من البيئة دي ممكن ينسوك او يمش معاك واحد او اتنين، كذلك كل فترة في حياتك بتلاقي ناس و ممكن يمشي معاك لي الفترة الجاية جزء بسيط منهم...
طيب لما نقرر انو فلان او فلانه هو صديقنا المقرب، ونحاول نخادو معانا في كل مرحلة من حياتنا في الغالب حيحصل خذلان كبير و بجي بعدو دبرشن عظيم..
انا كنت واحد من الناس دي افتكرت انو x من الناس صديقي المقرب وبعد فترة اكتشفت انو انا م صديقو المقرب بدلالة مواقف كتيرة فخشيت في دبرشن عظيم ومرقت منو عادي يعني بعد ما اخد فترتو..
المهم يعني الحياة قصيرة جداً فأنت ما تحاول تكسب اعداء وتخسر الناس بقدر الامكان، وكون انت الصاحب القريب لي نفسك وخليك على مساحة ( انا مالي ومال الحيرقان مالي ومال الرز باللبن) من الناس كلها عشان تسلم
ويا روحي سلام عليك

#احمدطارق

‏الإنسان مهما زادت علاقاتو الاجتماعيه دايما بيفتش على علاقه ثابته ، تبقا ليهو بيت وأمان وكتمان سر.

‏عشان ما تفتشوا كتير مافي علاقة ممكن تبقى ليك امان وبيت ، بتدي فيها بسيط وتشيل كتير وكمان ابدية غير علاقتك مع ربنا.

‏متخيل تبقى قايل لاكتر حد قريب منك انك مالكش حد غيره وانك لوحدك ، وبردو يسيبك.

في الواقع الصدمة ما بتكون في الناس بقدر ما انك بتكون مصدوم ف نفسك .. بتكتشف انك كنت ساذج لدرجة بعيدة شديد .. وانك صدقتا حاجات كتير ما بتتصدق .. بتكتشف انك غلطتا شديد لمن اتوقعت انه الناس دي كلهم مثاليين .. المهم فتح عيونك كويس .. واتوقع اي شي ف اي وقت من أي زول.

‏حب عظيم للناس اللي بمجرد ما تشوف ملامحهم في الصور بترتاح نفسيا .

قدر ما تلقى نفسك قادر اعمل الخير .. اعمل حاجات كويسة كتيرة ، ادي حتى لو انت محتاج. خلي الناس تتذكرك بحاجات حلوة ما ح تندم صدقني كله ح يرجع ليك ولو أتأخر حبة.

حرفيا كل الحاجات الما كويسة اللي بتحصل ليك وبتفكر فيها دي هي عبارة عن نتائج لافكارك .. ما في شي ح يتغير لو ما غيرت افكارك للأفضل.

أفضل شعور هو التجاوز ، تجاوز الظنون ، و تجاوز المشاعر ، تجاوز الفترات و المواقف، وحتى تجاوز الأشخاص ، أشخاص في يوم كانو اي حاجة بالنسبة ليك و هسي اتجاوزتهم شعور مريح جداً ياخ.

انا فاهم والله التلميحات دي كلها بس هشّلك لحد ما الكلام يتقال دايركت.

شكرا بالجد لأي إنسان متحمل سخافة اعذارنا وردودنا الباردة وغيابنا الما بينتهي .. شكرا لأي زول خاتي لينا الف عذر في حين انه متأكد انه ولا عذر واحد ما عندنا .. شكرا للناس المتمسكة بينا على الرغم من حدتنا ومزاجنا السيئ جدا جدا.

المواقف اللي بتكون في ساعة الشدة عمرها ما بتتنسي سواء كانت حلوة أو كعبة.

بعرف اتنين كانو مرتبطين و انفصلو و كل زول عاش حياته .. بعد سنين عدت رجعو يتكلمو كانو بحاولو يرجعو البيناتهم .. هم الاتنين كانو باقيين علي بعض بس فشلو ف انهم يرجعو لان شغفهم بوجود بعض بقى م موجود .

كان في وحده صاحبتي جداا و بينا عشرة و مواقف حلوة .. ف مرة زعلنا من بعض و كانت هي الغلطانة .. استنيتها تجي تصالحني .. عدا شهر و اتنين و ما جات.
بعد فترة كبيرة لقيتها جاية تصالحني وعملت لي مفاجأة و جابت لي الحاجات البحبها ..
فرحت جدااااا لاني كنت مشتاقه ليها .. بس عمري ما عرفت ارجع اتعامل معاها زي الاول لانها اتأخرت شديد للاسف.

-يوم نتيجتي ف اولي جامعة كان ابوي زعلان مني .. بس اول ما عرفت اني جبت تقدير كويس مشيت ليهو و انا مبسوطة جدا و قولتا ليهو النتيجة طلعت .. كان بتفرج علي التلفزيون م عاين لي حتى.. قال لي مبروك بقرف كده ..
بعد شوية جاحضني وقال لي مبروك وهظر معاي .. اتبسطت بس م شديد
اصل كنت منتظره منه انه من الفرحة يقوم يحضنني ف لحظتها .. بس ردت فعله جات متأخره شوية.


واحد صاحبي كان بحب صحبتنا شديد .. حب كده زي الكلنا نفسنا فيه .. زي الفي الافلام 💙.. بعد ها انفصلو
بدون تفاصيل
بعدها ب ٦سنه هي اتخطبت .. و عرسها قريب جدا
لما سألته انت كيف لسه بتحبها بعد ما عدا علي الموضوع اكتر من 6 سنين و هي خلاص حتعرس !! .. قال لي انا م بحبها هي بس انا بحب الموضوع كله لان كل حاجة كانت تمام
لكن والله لو رجعت هسي وقالت لي نرجع م حارجع ..عشان اتاخرت شديد .


عيدميلادي الفات قعدتا ماسكة التلفون اكتر من 5 ساعات .. مستنية مسج معين و معتقدة ان الشخص دا قاعد و مستني الساعة 12 تجي عشان يقول لي كل سنة وانتي طيبة 😅 .. عدت الساعة 12 واستنيت لما نمت وانا ماسكة التلفون ..
الرسالة جاتني بس تاني يوم ..وم فرحتني .. كنت مستنياها تجي الساعة 12.. 💔


كنت مخنوقة جداا و عايزة اتكلم مع زول .. اتصلت ب صحبتي كتير ماردت .. قمت مشيت ف الشارع وبكيت براي .. بكى هيستيري كأنو ف زول مات لدرجة انو بت م بعرفها وقفتني وبقت تقول لي خلاص اهدي و ان شاء الله خير ..
مشيت البيت ونمت ..صحبتي اتصلت بعد يومين و اعتذرت لي انها كانت مشغولة جدا الفترة الفاتت .. سكتا م عارفة اقول ليها شنو .. كل الفكرت فيه شكل الناس وهم بعاينو لي و متعاطفين معايا جدا !!.

صحبتي اعتذرت مليون مرة بس انا جوايا حاجة اتكسرت و عمري م حاعرف احتاج ليها تاني .. اصلها اتأخرت شديد .

اوعوا تتخيلو ان ف شخص ح يفضل يحبك ع طول وانتو م مقدرين.. بجي علي نفسه مرة واتنين و كتيير بس حيجي يوم و يوصل لمرحلة برود تام .. برود ف مشاعرو ناحيتكم ..
م تتأخروا و تأجلوا الحاجة لحد ما شغف اللي قدامكم ينتهي .. طعم الاكل لما تكون جعان احلي بكتير من طعمه لما تكون بتاكل عشان مفروض تاكل .
الشغف بالشخص او بالحاجة بيروح لما تتأخر شديد عن الوقت المناسب .

ياريت .. م تدخلو ف علاقة صداقة او حب الا و انتوا قدر العلاقة دي .. قبل ما تدخلوا اي علاقة و تعشموا الناس فيكم .. اعرفو واجباتكم ناحيتهم الاول .. و لما تغلطو اعتذرو ف نفس الوقت .. قولو للناس انكم بتحبوهم اول ما تحسوا بمشاعر ناحيتهم وم تترددو .. الوقت بيقتل المشاعر ..


#ياريت_م_تتاخرو

- يتعافى المرء بـ ..
= مبيتعافاش ، المرء مبيتعافاش وإتنيل أقعد .

" الحاجات الانت متخيل انك ما حتقدر تعيش من غيرها ، و نفسك فيها ، حتفقدها في يوم وحتعيش بدونها عادي وترجع تعرف سخافة خيالك. "

‏لازم تستوعبوا انو مرات طاقة الزول واخلاقو بتكون صفر .. ما عشان زعلان او متضايق او نفسية ولا نكدي بس كدا ما عندو طاقة للكلام او الحركة او لردة اي فعل بالمختصر يعني.

حرام اضيف سنة ٢٠٢٠ لعمري وازيد سنة وانا ما استخدمتها.