Long distance relationship:
# short story :

نور بت عسل شديد ومرحه وبتاعت ضحك وفرفشه طول عمرها ، بتكرهه الحزن وبتكرهه النكد ومهما يحصل ليها في الدنيا دي ابتسامتها مابتروح من وشها ابدا .. لما تشوفها تحس انها خاليه من المشاكل بس بالعكس هي عايشه صراعات من كل ناحيه في حياتها تقريبا بس عمرها مابطلت تبتسم💙
كانت بتؤمن بالحب جداا، دايما عايشه في عالم احلامها الساحر البتتخيل فيهو كل شي هي بتتمناه في واقعها ..
ولد وسيم طيب بيحبها بيخاف عليها بيحس بيها ويهتم بيها وتعيش معاه اجمل قصه حب والاهم انو مايخذلها ابدا ولا يكسرها ابداا ..
رغم انها طالبه جامعيه وجميله وذكيه والفرص حوليها كتير ، بس عمرها مافكرت ترتبط ولا تحب .. ماعايزه قلبها يتكسر لمجرد انو يجرب احساس جديد عليه ! ..
هي عايزه تعيش الاحساس ده وهي مطمنه انو ماحيتلاشى فجأة ، ماعايزه تعيشو مع شاب طايش بتاع بنات ماعايزه تكون هي وحده من صف طويل بالنسبه ليه ،عايزه تكون الوحيده وبس !
هي انسانه بتحب القرايه جداا ،كانت داخله قروبات كتيره شديد في الفيس عن القرايه والكتب وكده ،وكانت دايما هي عنصر نشط في القروبات البتكون فيها وبقت معروفه بينهم لمن خلوها ادمن في واحد من القروبات الكبيره شديد ..
_ فكره القروب ده كانت انو بيعملو تحدي كل اسبوع حاجه جديده ،بمعنى بيحددو كتاب يقرو المشتركين في القروب ده والمفروض انو يخلصو في نهايه الاسبوع ولو ماخلصو حيكون عندو عقاب بالقرايه برضو ! ..
الموضوع ماكان همجي ! ..كان كل ادمن بيمسك مجموعه من الناس وبيتابع معاهم قرو ولا لا ووصلو وين ولو في شي مافهمو وكده ..
وكان من بين المجموعه دي ،هو، انور💙 ..
انور كان شاب اردني عايش في لندن ، شغال في شركه من شركه الانتاج التلفزيوني ..عمرو 31 سنه بينما نور كان عمرها 21 ..
كان بحب القرايه شديد وكان دايما بعلق في بوستات نور ودايما بيخلص كتاب الاسبوع قبل زمنو حتى ،الشي الخلى نور يكون عندها فضول تتكلم معاه لأول مره خارج نطاق هدف القروب !
قالت ليه : ماشاء الله انت دايما بتخلص الكتاب قبل الاسبوع مايتم ،مع انو في كتب بتكون كبيره ودسمه فعلا ورغم ده بتخلصها وبتكون فاهمها كويس شديد وبتناقش فيها كمان ..بصراحه انت اول واحد في مجموعتي يكون شغوف في القرايه للدرجه دي ومابيقرا لمجرد انو عايز يكون مثقف للناس والسلام !
ممكن تشرح لي كيف بتعمل كده ؟
ضحك وقال : انا بحب قراءه الكتب وبفهمها بسرعه مش اكتر !الموضوع مابياخد معي وقت هالقد !
"ده نظام اردني وكده مشوها عشاني " ..
قالت " ماشاء الله 💙 ..
قال :تسلمي يانور ، بصراحه انا معحب كثير بنشاطك بالقروب وهالروح الحلوه اللي عندك ..وحده متلك صغيره بالعمر وبتقرأ كل هالكتب هاد مانو بالشي البسيط صدقيني ..ربي يحفظك ان شاء الله💙 ..
نور استغربت من رسالتو شويه بس بكل روح حلوة ردت ليه وقالت : تسلم انور💙 ..
قال : اسمي واسمك بيشبهو بعض ،بظن هي علامه حظ بالنسبه لألي💙 ..
ضحكت وقالت : يمكن ! ..
بعدها انور بقى دايما يرسل لنور وياخد رايها بالكتب وشويه شويه بقى يتونس معاها ونسه عامه ويحكي ليها عن شغلو وعن بلدو وعاداتو واهلو وكل شي ،هي كمان بتحكي ليه عنها وعن دراستها وحياتها وكل شي .. مع الايام بقو قراب لبعض شديد ..كل ده وهم لسه ما اخدو رقم بعض وحتى ماشافو بعض ! ..
رغم انو ليهم 6 شهور بيعرفو بعض ..
لحد ماجا يوم في الشهر التامن ليهم سوا انور رسل ليها الساعه 3 صباحا في المسنجر :نور .
_ كانت نايمه ! ،رسل تاني وقال : نور ،بصراحه لما بتختفي انا بقلق عليك كتير، بكون بدي اطمن عليك وانتي بتسكري النت .. ليكي فيكي تكتبيلي رقم تلفونك مشان اتصل فيك اذا اختفيتي او حتى اذا اشتقت اسمع صوتك !
"هو سمع صوتها ، كانو بيتكلمو ريكوردات اغلب الوقت " ..
بالصباح قرت الرسايل، حست بشعور حلو شديد وخجلت يمكن اول مره تخجل منو كده ..قامت رسلت ليهو رقمها وقعدت تضحك وقالت : اسفه نمت بدون ما احس ، بتعرف دوام الجامعه مهلك💔
رد عليها بسرعه وقال : نوور ، اشتقتلك كتيرر ،لك في حدا بيعمل عملتك هي ؟
ضحكت وقالت : خلاص اعتذرت ماتزعل ..
_بس زعلت !
_كيف اراضيك !
_اعزميني على فنجان قهوه عندك !
_ كيف؟ وانت ... دقيقه دقيقه ، انت جيت السودان ؟؟؟؟
ضحك وقال :ليش بدي اجي ؟ عم امزح يازوله ..
ضحكت وقالت : يازوله 😂؟ ده الطلعت بيه من تعليمي ليك ؟
_ ااي😂💔 ..
_ قولي لي هلأ انتي وين ؟رحتي ع الجامعه ؟
_ للأسف💔..
في نفس الوقت دق ليها رقم غريب ! استغربت وطبعا ماردت ،تاني اتصل احتارت رسمي بس برضو ماردت ..
رسلت لأنور وقالت : انت رحت ع الشركه ؟
قال : بالعاده انتي قليله فهم هيك ؟
_ عفوا !
_ولا شي ..
تاني الرقم اتصل ، ردت بزهج : الو؟
_ ياعصبيه 💙 ..
سكتت مساافه وقالت :منو معاي ؟
_ كنتي قليلي انو جامعتك بعيدة كل هالأد ولوو ماكنت غلبت حالي واجيت لعندك صدقيني ..
_ انور ؟؟؟؟
_ اممم تقريبا ..
_"بقت تكورك وتقول " انور انت وين ؟هاه؟جيت السودان بجد؟ انور ياخ بطل هظار ياخ ماناق

صاك من الصباح ..
_ارجع يعني ؟
_انور !!!
_ نور انا بره كليتك يا هبله ، فيكي تطلعي شوي ؟
_ ااا ا انا حعرفك كيف ؟
_ انا اللي راح اعرفك ، اطلعي يلا ..
وبعد مسافه ربع ساعه من الكواريك والخوف ،خمت صحبتها معاها وطلعت برا الجامعه ، بقت تتلفت زي الهبله ،اتصلت ليهو تاني رد وهو بيضحك قالت :انا برا انت وين ؟
قال : معك حدا ؟
قالت : صحبتي ..
فجأة قرب منهم واحد طويل كده وشعرو بني وعندو غمازه كده رهيبه رهابه ماطبيعيه .. عاين ليهم وابتسم قال : انا انور ..
هي سكتت وصحبتها سكتت مدا ليها يدو وقال بإبتسامه : نور ، صح؟..
نزلت راسها وهي بتضحك وقالت: عرفت كيف ؟
ابتسم ومارد ،سلم عليها وعلى صحبتها وقال :نمشي اي مكان قريب ؟
صحبتها قالت لنور : نور انا داخله جوه طيب ؟ بعدين تعالي لي في القاعه .
_حاضر .. مشت وهي فضلت متنحه في الانسان الغريب ده !

ودتو لمكان قريب وقعدو وفضلو ساكتين شويه نظرا لنظرات الناس الكلها بتعاين ليهم ! واضح شديد انو الولد ده ماسوداني ف البنات بقو ينبرشو ويعلقو فيه بصوره اوفر شديد ضايقت نور جداا .. قالت بعد مسافه :انت كيف جيت ؟ وليه؟ على حد علمي ماعندك شي هنا .. ليه جيت هااه؟ والاهم ليه ماوريتني انك جاي ؟
_ "عاين ليها مسافه وقال " جيت عشانك انتي 💙 ..
عاينت ليهو مسافه وبقت مافاهمه شي ولا عارفه تقول شنو اصلا ، قرب على الطربيزة وقال : راح احكيك بلغتك مشان تستوعبيني اكتر ، ليكي ااا عفواا شوفي نور انا مابحياتي صار معي هالشعور ..والله مابعرف كيف احكي يابنت "اخد نفس وخت يدو في راسو ،نور قالت " براحه اتكلم ،انا حفهمك بأي لغه ماتشيل هم 💙 ..
عاين ليها وابتسم وقال: مابعرف كيف صار هالشي، يمكن انتي ماحسيتي والله مابعرف ، كمان انا بعرف انو علاقتنا كانت غريبه من اولها .. بعرف اذا قلتلك اللي بقلبي راح تقولي مستحيل لأني ماشفتك حتى من قبل .. اي يمكن ماشفتك بس انا بحس فيكي نور ، وهاد الشي اللي خلاني اعرفك من اول ماشفتك .. قلبي دلني عليكي💙 ..
جات تتكلم قام قال : ارجوك نور اتركيني احكي اللي بقلبي شوي ! .. نور انتي بتعرفي شو كان رأيي بعلاقات الانترنت عموما ،بعمري ماكنت بصدق ولا بأمن فيها بس من بعدك انتي كل شي اختلف بحياتي ، هالشهور اللي قضيتها معك يمكن وبدون مبالغه كانت اجمل فتره بكل حياتي ، صح اني ماشفتك وحتى ماكان عندي رقمك بس انا ماكنت محتاج لشكلك حتى حبك عم تفهميني نور؟ انا حبيت روحك قبل كل شي حبيت كيف بتكوني وانتي معي كيف بتحكيلي كل شي كيف بتوثقي فيني هالقد رغم كبر هالمسافه اللي بينا ..
هالحكي اللي عم احكيلك ياه هلأ ماكنت بقدر احكيه هيك بشات او حتى اتصال ، وهاد كمان ماهو السبب الرئيسي اني اجي لهون ، نور انا مابعرف كيف بس لقيت اني اخدت اجازه من شغلي وانا اللي صارلي سنتين ما اخدت ولا حتى ربع يوم اجازه ! بس ماكان فيني انطر اكتر ،مافيني ضل بعيد عنك كتير ، صدقيني انا قبل ما اجي واحكيك هالشي فكرت كتير بكل شي ،انا بعرف انو لو صار وقبلتي ..لااا ليكي اسمعيني "اخد نفس وكمل " نور انا بحبك ..اجيت لهون حتى شوفك وحتى كون قريب منك وكمان مشان قلك اني بحبك ايي متل ماسمعتي ، صدقيني ماكنت بدي احكي بهالموضوع بأول لقاء بينا بس ماقدرت اسكت ، ماقدرت خبي اللي بقلبي ابداا .. انا بعرف انك متوتره ومو مستوعبه اللي عم احكيه بس هاي الحقيقه ! ..بدي ياك تفكري عمهلك ، فكري بس بمشاعرك تجاهي ..وكل هالاختلاف مابينا سواء بالجنسيات او حتى من هالبعد لاتفكري فيه ،وتأكدي انو شو ماكان قرارك انا راح ارضى فيه ، كمان انا هون لشهر ،بعدا راح روح لعند اهلي شهرين وارجع ع لندن 💙 ..
سكت وهي بقت تعاين ليه وخاينها التعبير حرفيا، ماركزت في كلامو ده غير على كلمتين "بحبك، وجيت عشانك !"
اصلا بالعملو ده براه هو سرق قلبها وانتهى ،دايما كانت بتشوف الحاجات دي في النت انو اتنين بيحبو بعض وبيسافرو ويقطعو بحار ومحيطات عشان يشوفو بعض وبيعانو ويتعبو عشان يكونو لبعض في الاخر ! بس لا طلع الكلام ده حقيقه! وماكده وبس ده بيحصل ليها هي ك بت سودانيه بسيطه ماشافت غير النماذج السيئه شديد في حياتها ! ده شنو الحظ ده ياربي 💙! ..
اتنهدت بعمق وقالت : انور ،بسرعه قال : هااه حبيبي ؟ فجأة سكت وقال بنفس السرعه : بعتذر كتير ماكان قصدي ..
ابتسمت وقالت :شو هالوسامه يا استاذ ! ..
ضحك وقال: مو متل عيونك "سكت شويه وقال " رصاصه! ..
عاينت ليه وابتسمت ،قال بهدوء : بحبك كتير 💙 ..
نزلت راسها بخجل وقالت : انا اتأخرت لازم امشي ..
عاين ليها بحزن قامت قالت : انا محتاجه اعرف كل التفاصيل ،كيف جيت هنا براك يعني صح انا وريتك جامعتي بس بالاخير كيف عرفت الوصف وبراك ؟
قال: مابراي! اجيت هون مع رفيقي ..
قالت : وينو ؟
قال بغيره : شو بدك فيه ؟
ضحكت وقالت : لا مو مهم !
قال : شو عم تحكي متلي !
قالت : عندك اعتراض !
قال : ابدا ..
قامت وقالت : خلينا نمشي ..
فعلا طلعو من المحل وبقو راجعين ع الجامعه واصلا عشان المكان قريب كانو ماشين برجولهم ،فضلو ساكتي

ن وانور كل شويه بعاين ليها نفسو يتكلم بس في نفس الوقت خايف وماعارف يقول شنو ، قطعت تفكيرو وقالت : جيتك هنا دي كبيره شديد يا انور ،كبيره شديد ..انا عمري ما اتخيلت انو ممكن واحد يهتم فيني بالطريقه دي ،قصدي يعني اكون انا مهمه في حياتو ،بعيدا عن الحب كونك تجيني هنا وتقطع كل المسافه دي وتقطع شغلك اللي انا عارفه قدر كيف هو مهم بالنسبه ليك دي ماحاجه هينه فاهمني ؟
كان بعاين ليها بإستغراب وقال : هينه ؟ مافهمت ؟
اتنهدت بتعب وقالت :جيتك هنا كبيره بالنسبه لي ، فهمت ؟
عاين ليها وقال : انتي اكبر منها بكتير ، وهالحب اللي بقلبي تجاهك كبير لدرجه اني مستعد ساوي كل شي حتى كون قريب منك ، متل هلأ يانور ..
ابتسمت وبقو ماشين تاني لحد ماوصلت وقالت :ماعايز توريني صحبك ؟
ابتسم وقال : نور بلاها هالحركات الله يخليك ..
ضحكت بصوت عالي شديد وهو بقى يعاين ليها ويتلفت حوليه ، من شده ما ضحكتها حلوة حس انو عايز يحضن صوتها ، هو ممكن يحضن صوتها بجد 💙؟
قال بهدوء : نورر ، اهدي شوي العالم عم يطلعو عليك ..
عاينت ليهو وقالت : ويعني ؟
قال : شو هي كمان ؟
قالت : اااااه انور امشي خلاص
قال : راح انطرك هون ..
قالت :جنيت انت ؟ ..
قاطعها وقال : نفس العقل اللي خلاني اترك لندن واجي لعندك هو نفسو اللي راح يخليني انطرك هون ف بلا ماتستغربي هالشي بيكون احسن ،وهالأ روحي ع دروسك وركزي منيح ولاتتأخري علي💙 ..
ابتسمت ومشت وهي كل شويه تتلفت تعاين ليه لحد مادخلت جوه ، سمعت صوت رساله في تلفونها شالتو لقتها رساله منو ،كاتب : طالعه حلوة كتير ، وهالضحكه اللي بتقولي عنا "ضحكه رقاصات" خطفت قلبي يابنت ،شو تتزوجيني ؟؟ وقفت لما قرت الكلمه دي ، للحظه حست انها عايزة ترجع ليه بس برضو في شي مثبتها مكانها ،على قدر ما الرساله دي عملت فيها عمايل على قدر ما ماقدرت ترد عليها وقفلت تلفونها ومشت للقاعه بكل هدوء ..
من دخلت القاعه صحبتها استلمتها اسئله عنو وهي حكت ليها كل شي وبقو الاتنين ساكتين لانو جد ماعندهم اي جواب ولا كلام يقدر يوصف حالهم هسي ! ..
فضلو كده لحد نهايه اليوم الجات بعد آلاف السنين زي ماكانت بتحس نور ،بعدها طلعت من الجامعه وبقت تتلفت عايزة تشوفو قام جاها صوت من ورا : انا هنا 💙 ..
اتلفتت عليه وعاينت ليه ونزلت راسها طوالي ، صحبتها ودعتها وركبت العربيه مع اخوها اما هي ف مشت مع انور اللي وقف قصاد عربيه كده ، عاينت ليه وقالت : دي حقت صحبك ؟
قال : اي
_وهو وينو ؟
_ ليكي بلا ماتسألي عنو ماشي ؟ولاتطلعي هيك ايي انا بغار عندك مشكله؟
_ابتسمت وقالت :لا
ركبو وكانو ساكتين طول الطريق لحد ماقطع الصمت انور وقال : ماكنت بعرف انك راح تعزبيني لهيي الدرجه ..
_انور انا ملخبطه ومحتاجه افكر قبل ما ارد عليك بأي شي ، فاهمني ؟
_وانا مستنيك ..
ضحكت وقالت : يومين معانا هنا وحتبقى زينا خلاص ..
عاين ليها مسافه وقال : هاد من حظي 💙 ..
وصلها بيتها حسب وصفها نزلت ومشى هو ع الفندق الحاجز فيه ..
عدت الايام وكان الوضع بينهم حلو شديد بيتكلمو دايما ويتلاقو دايما ،حتى انهم كانو بيمشو متاحف وحاجات اثريه كده عشان يتعرف ع السودان اكتر وكانت هي دايما تقعد تعلم فيه كلمات سودانيه وهو كمان بيعمل كده ويقعدو يتصورو ويتعاورو حرفيا كانت اظبط فتره قضوها سوا من عرفو بعض قربتهم من بعضهم لدرجه ماعاديه ، والفتره دي كانت كفيله تخليهو يتأكد من حبو ليها اكتر وخلتها هي تحبو فعلياا ..بقى بس متين تكلمو بمشاعرها دي ؟

كان فضل لسفرو يومين، وهو طول الشهر القعدو ده ماجاب ليها سيره الموضوع تاني ابدا .. كان هو بجهز حاجاتو للسفر وكده وماكان بكلمها في اليوم ده ، ع الساعه 4 عصر كده اتصلت ليه رد في المكالمه التالته : نوور ..
_وينك من قبيل ؟
_ بستف الشنط😂💔
_ضحكت وقالت : وخلصت ؟
_تقريبا .. الحاجات الجبتها حلوة شديد والفضل يرجع ليك انتي💙
_ضحكت بهدوء وقالت :انور انا عايزه الاقيك هسي ،ممكن ؟
_ ااا ينفع تأجلي لبكره ؟
_ انور ارجوك هسي بس خلينا نتلاقى في ... تمام ؟
_ سكت شويه وقال : تمام ..
واتلاقو ..
كانت ساكته وبتعاين في الطربيزة والتوتر حيقطعها قطيع ، خت يدو في خدو وقال : جايباني عشان تسكتي ؟
_اتنهدت وقالت : عايزة اقول ليك حاجه ..
_قولي ..
_ انا .. يعني ..ااا انت فاهم صح ؟
_ لا.
_ اتنهدت وقالت : انا بحبك💙 ،، مابعرف ده كيف حصل بس في الفتره الجيت فيها هنا وقربنا لبعض شديد وكمان كونك جيت من لندن مخصوص عشاني حتى مامشيت لأهلك يعني ماعارفه لكن كل الحاجات دي خلتني احبك غصب عني ،وانا ماندمانه من مشاعري دي ابدا بالعكس فرحانه بيها شديد ، ماعارفه لو انت لسه بتحبني ولا لا كونك مافتحت معاي الموضوع من المره ديك بس بتمنى انك ماتكون غيرت رايك ، انور انا كنت بفكر كتير طول الفتره دي انت مافيك اي عيوب تخليني ما اقدر اكمل معاك بس الشي الوحيد الممكن يكون عائق في طريقنا ..
_ اختلاف جنسياتنا صح ؟
_ صح
_سكت مسافه وقال : ليكي نور ؛ اولا انا كتير مبسوط انك عم تبادليني نفس المشا

عر مابتصدقي شو صاير بقلبي هلأ عنجد "اتنهد وقال " قلتلك قبل اني فكرت بكل شي ،بعرف انو اهالينا يمكن مايحبذو الفكره ابدا بس هاد مابيمنع اننا راح نصر على موقفنا حتى نكون سوا وراح نكون نور صدقيني .. انا مابدي ياك تخافي ابدا راح ظبط كل شي ،بوعدك انك راح تكوني مرتي في القريب العاجل ..
_ انور انا اهلي ما اظن يرضو ابدا هم كده متعصبين شديد في حكايه الاجناس دي وكده مابالك اجيب ليهم واحد ماسوداني كمان !،حيقولو لي عرفتي من وين وكده وحتحصل مشاكل و ...
_مسك يدها وقال بحنان : نووورر ،هدي شوي ! ، راح تكوني لألي صدقيني ..وماراح نكذب بشي نحنا ماغلطنا بشي عم تفهميني ؟ انا مابدي منك غير انك تحبيني وبس وانا راح اتكفل بالباقي ،ماشي حبيبي💙 ؟
_ ختت يدها في وشها وضحكت ،عاين ليها مسافه وقال : نيالي عليك يانور نيالي على ام العيون الحلوة💙..

اخد رقم ابوها وقال ليها حيتصل ليهو هسي ،هي خافت وقالت لا وكده بس قال ليها احسن يلاقيهو ويتكلم معاه من هسي ،بقت تقول ليه اهلك ماعارفين وحيعملو ليك موضوع وكده بس كان بقول ليها حيوافقو ولو بعد حين ،المهم اني اطلع من السودان وانا انجزت ولو ربع الطريق الراجينا سوا ..وفعلا اتصل لأبوها وهو قاعد جنبها ..عرفو بنفسو وكده وقال ليهو انو عايز يقعد معاه وكده وانو طالب القرب ..وبالشكل العام ده الابو قال ليه تعال البيت عشان تكتمل ليه الصوره الغريبه دي ! ..
قفل منو وعاين لنور الكانت مرعوبه رسمي ،ابتسم ليها بهدوء وقال : لا تخافي صدقيني كل شي راح يكون بخير ، حتى اذا رفضني راح ارجع واتقدم ميه مره وقتها راح يمل مني ويعطيني ياك وخلصنا😂💙
بعدها رجعها لبيتها وانتظر كده زي نص ساعه واتصل لأبوها عشان يوصف ليهو البيت وبتاع😂💔 المهم قام بعدها جا ..
_نور كانت في غرفتها مع اخواتها والخوف شاقيها شق ، اختها بقت تقول ليها مالقيتي تحبي الا اردني ؟السودانيين انقرضو يعني ؟ انا مش كلمتك انو الموضوع ده صعب يا نور ؟ انتي ماسمعتي كلامي ،هسي انتي قايله ابوي حيقبل بيه ؟ والله ولا تحلمي غايتو انا ماعايزاك تنصدمي بعدين بس العلاقه دي حتفشل ! ..
_نور عاينت ليها وسكتت فضلت قاعده بس وبتدعي من قلبها تعدي الساعات دي على خير .. وبعد مسافه ساعتين سمعت صوت ابوها في الصاله بيناديها ..طلعت سريع لقتو براه يعني انور مشى ! .. جات قعدت جنبو وكل ناس البيت قاعدين كمان ،عاين ليها وقال : انتي بتعرفي الولد ده ؟
_اي يا ابوي ..مش انت عارف قروبات القرايه الانا داخله فيها ديك واني بقيت مسؤوله من كم مجموعه عشان اتابع معاهم وكده ! ااا هو ..
_قاطعها وقال: حكى لي كل شي .. عايز اعرف انتي لاقيتي قبل كده صح ؟
_اتنهدت بخوف وقالت : بابا والله هو جاني في الجامعه حتى انا ماكنت عارفه انو جا من لندن ، قال لي انو عايزني وكده واداني وقتي افكر وتاني ماسألني .. انا ماشايفه فيهو عيب يا ابوي والله يعني هو شبهي في حاجات كتير ومن كلامي معاهو اناا عرفتو اكتر يعني "اتنهدت وقالت" انت رايك شنو ؟
_امها قالت : اشرح لينا يا احمد قال ليك شنو الولد ؟
قال: خلي بتك تشرح ليك ،ماحضرتها كاانت بتعرفو من بدري ماشاء الله !
_بابا! اللماني معاه الكتب بس وعشان انا كنت مشرفه عليه بقى في تواصل بينا .. ابوي انا ماعملت شي غلط ولا حبيتو من وراك ! انا لما وافقت بيه هو في نفس اليوم جا واتقدم يا ابوي ماعشنا اي علاقه سوا عشان تحسسني اني غلطت كده ! مش كل البنات بقو يعملو كده ولا انا غلطانه ؟حتى نسرين"اختها" اتزوجت بنفس الطريقه وكانت بتحب علي من زمان صح ؟ طيب مالك هسي ؟
_كدي اهدي ماف زول رفضو ليك هسي ، لكن طلعتي رداحه بشكل كل ده خوف من اني ارفضو ؟
_ بقت تبكي وساكته .. اتنهد وقال : الولد عداه العيب ماعمل اي شي غلط للأمانه ،جا وحكى لي كل شي بالتفصيل ،هو عايش في لندن واهلو في الاردن ماشاء الله واعي وفاهم ومابينعاب ..
_بقت تعاين ليه بصدمه احساس ابوها ده جادي يعني في كلامو ده !وافق بيهو يعني ولا كيف ! .. سكتت وهي نفسها تسألو وافقت بيه ولا لا بس امها رحمتها من التفكير وسألت راجلها :وانت قلت ليهو شنو ؟
_قلت ليهو نفكر .. وعاين لنور وكمل :لازم استتشير اخواني في النهايه الولد غريب عننا لازم اسأل عليه كمان

رجعت غرفتها وهي خايفه ومتوتره، من جهه اطمنت ومن جهه خافت رأي اعمامها المتعصبين ديل يأثر في راي ابوها الغريب ده زاتو ! ..
رسلت لأنور : انور حصل شنو ؟
_فيني اتصل ؟
_ لا ناس البيت عاملين لي ابراج مراقبه مابقدر ..
_سجل ليها ريكورد وقال : ابوك محترم جدا وواعي مو متل ماحكيتي ! حسيت انو كان متفهم لكل كلمه حكيتها وانو ماعندو مانع في ارتباطنا كمان ، اطمني وماتخافي نحنا ماعملنا شي نخاف منو وانا معاك وماحسيبك ابدا ..وبحبك بس💙 ..
_قالت بصوت باكي"ريكورد": قال حيستشير اعمامي ،معناها حتترفض
_ححاول تاني ،خلاص اطمني يلا ، يعني عايزاني اسافر وانتي زعلانه كده ؟
_انا حجيك في المطار بكره ..
_بلاها نور ، مابحب لحظات الوداع ..وخصوصا وداعك انتي 💔 ..
_بس ا

نا لازم اشوفك وحجي خلاص ..
_ ما اعندك !
_ بحبك ..
_ "سجل ليها ريكورد كان فيه اصوات ناس تانيه ،راجل بيقول " نور انور بيحبك _بت بتقول نور انور بيحبك _ شافع بيقول نور انور بيحبك _واحد تاني بيقول نور انور بيحبك .. قال هو نور انا بحبك وراح ضل حبك وراح ضل متمسك فيكي للأبد ..
طوالي اتصلت ليه وزحت في اخر ركن غرفتها وبصوت واطي شديد بقت تتكلم معاه وهي بتبكي وقالت: انا بحبك شديد 😭😭😭😭💔 ،قال بخوف : نور لاتبكي خلص ولوو يعني انا غلطان اني عملت كده ؟ انا كنت عايز افرحك بس تقومي تبكي ؟
_ديل منو ؟
_مابعرف، ناس من الشارع ساعدوني مشان راضي حبيبتي الخوافه !
ضحكت وقالت :المكس في لغتك ده حلو شديد 💙 ..
_ اممم احلى منك ؟ ما اظن 💙 ..

بكريتو مشت المطار في نفس الوقت الوصل فيهو هو،طبعا دكت الجامعه بي كلو ..من شافتو مع صحبو سلمت عليه هو وحتى ما سلمت على صحبو الا بعد نبها هو ،سلمت عليه وهي خجلانه بس هو قال ليها ماتتحسسي وكده"طبعا صحبو سوداني عرفو برضو في قروب الفيس ده" .. وقف يودعها قالت ليه: انا حدخل معااك مايخصني ، قال لها ممنوع بقت تبكي وقالت مايخصني! ..اتنهد ومسك يدها وبقى ماشي وهي تبكي وهو بس بعاين ليها وبحاول يتماسك بالعافيه ،الراجل حلف مايدخل نور وهي اتفتحت بالبكا بحق وحقيقي وبقت تحنس فيه قام خلاها تدخل ع اساس تطلع سريع ، دخلت معاه وماسكه يدو قوي وبتعاين فيه كأنها اخر مره حتشوفو فيها💔 ..
_مشى وزن شنطتو وكده وهي كانت واقفه بعيد بتعاين ليه وتبكي ، بعدها جاها وهي خلاص انهارت اكتر لانو بعدا حيودعها💔 ، قرب لعندها وقال بصوت مبحوح : نور شدي حالك شوي ،انا مافيني هلأ ضمك لأن...
قبل مايكمل كلامو هي حضنتو بقوة خلتو يفقد اعصابو وكل القوة الكان بيتظاهر بيها قدامها دي ، هي بتبكي وهو بس بحاول يطمن فيها ويهديها وهو متجرس اكتر منها ، فكره انو ماحيشوفها تاني قريب او يمكن اي شي يحصل ويفترقو كانت مخوفاهم لدرجه بعيده وده الشي المخليهم ينهارو بالطريقه دي ، زحاها منو بالعافيه ومسح دموعها وباسها في راسها وقال : راح ارجع مع اهلي صدقيني ،راح نكون سوا نور لاتخافي حبيبي بوعدك راح نتزوج ماشي، لاتبكي خلص يامجنونه بكفي .. تاني حضنتو وزادت في البكا ، الراجل بقى يكورك فيها عشان تطلع وانور بحاول يهديها وهي ابدا ماقادره تبعد منو ، الراجل جا ومسكهاا من يدها بقت تصرخ فيه انور زحاها منو ومسكها وقال:نور اسمعيني انتي قويه تمام ؟ انا حكون معاك طول الوقت وماحتحسي بغيابي ،حتصل ليك هسي واكلمك لحد ما اركب الطياره ،خلاص حبيبي يلا امشي عشان مايضايقوك اكتر من كده ، انا كلمت عمر "صحبو" يوصلك للجامعه،حتمشي وماينفع تهملي دراستك تمام؟اوعديني يلا ؟
_وعد💔
_ بحبك ..
_ وانا كمان💔
باسها في راسها ومشى بسرعه وما اتلفت تاني ابداا ، طلعت هي منهاره تماما حتى ماسامعه صوت الراجل البشاكل فيها ده
،مشت لعمر العاين ليها بحزن وقال: حتتلاقو قريب ان شاء الله ،ماتخافي بأذن الله حتكونو لبعض 💙 ..
_ ابتسمت ليهو بحزن وسكتت ،تلفونها رن كان هو ،ردت على طول وهي بتركب العربيه مع عمر ؛قال :مشيتي ؟
_ايوه ..
_ منيح ،انتبهي ع حالك كتير ولا تخوفيني عليك ماشي ؟
_سكتت،قال: ماشي ؟
_حاضر💔 ..
بقى يتكلم معاها لحد ما خلص اجراءاتو وقعد منتظر الطياره ،هي وصلت الجامعه ولقت صحبتها ومشت معاها لأبعد ركن هادي في الجامعه وقعدو وكانت لسه بتتكلم مع انور لحد ماركب طيارتو وقفل التلفون خلاص، بعدها بقت هي تنوح وتتبكى لصحبتها.. صح رجعت الجامعه بس ماحضرت اي محاضره ولا اي شي ، جواها خوف عظيم انو دي النهايه ، خايفه شديد من اهلو وكلامهم ومن اعمامها المابجي من وراهم الا الشر وبس ! ..

عدت الايام وابوها استشار اعمامها وزي ما اتوقعت هم رفضو وشغالين يقولو مامن بلدنا وعاداتنا وطلاسيم زي دي واليعجب كمان انو فجأة ود عمها قال عايزها وطبعا كل العيله بقت تقنع وتضغط في ابوها عشان يوافق ،كاانت هي بتدعي ليل نهار انو مايوافق وانها تكون لأنور بس ،لحد مافي يوم ابوها جا دخل ليها الغرفه كانت هي بتقرا قرأن وبتبكي ،اول ماشافت ابوها مسحت دموعها وابتسمت ،عاين ليها وقعد جنبها وقال " انتي ماعايزه حسام صح؟"ود عمها"
_ صح ..
_اعمامك ماموافقين ..
_ قاطعتو وقالت : الكلمه كلمتك انت يا ابوي، انا ماعايزه اعرس من الاهل انا حبيت انور يا ابوي وعايزاه ،وهو كويس وبراك قلت كده صح وسألت عم عبدالهادي وقال ليك انو محترم وماعليهو كلمه صح يابابا ،طيب تاني شنو ؟ عدا شهر يا ابوي وانت لسه مارديت عليه ولا قلت رايك شنو ،انت برضو ماموافق رغم كل العرفتو يا ابوي؟؟
_نور هو ما ..
_ماسوداني ؟ ابوي ويعني ؟ ربنا كتب لي كده وين المشكله طيب ؟ انت مش عايزني اكون مبسوطه وما اجيك بعد 10 سنين مطلقه وعندي خمسه عيال في يدي ؟ يبقى تزوجني للراجل البحبو يا ابوي للشاريني ..
_فرضا وافقت ،اهلو موقفهم شنو ،قال ليك حاجه بخصوص الموضوع ده؟
سكتت، قاال: ده الانا خايف منو يانور ،ليه تعرسي واحد اهلو ماراضيين ؟وعندك

العايزنك وقبلانين بيك ؟
_ وحسام كاان وين من زمان يا ابوي؟
يدوب اكتشف انو عايزني ؟
_سكت مسافه وقال: اطمني ماحيحصل الا كل خير ومرق ..

بعد الكلام ده بيومين ابوها اتصل لأنور وقال ليهو موافقين ،طبعا اخوان احمد عملو فيها زعلانين وبتاع ونظام قاطعو لكن هو ما اهتم غير بسعادة بتو الشي الخلاها فعلا تحتار في ابوها كيف اتغير بين يوم وليله كده؟
انور اتصل ليها وهو طاير من الفرح وحتى قال ليها اهلو بدو يقتنعو شويه بالفكره وانو حيجيبهم خلال الايام الجايه عشان يكملو كل شي ع السريع ،، وفعلا بعد اسبوع جو السودان وهو مكلم ابوها انو حيعملو العرس طواالي وكده .. جو واتقدمو للبت بشكل رسمي وكده واتفقو على كل الحاجات وسلفا كانو جايبين ليها كل شي من الاردن وخلال اسبوعين جهزو كل شي وتم العرس بأظبط شكل ممكن كان يتخيلو الاتنين ديل حرفيا💙

بعدها سافرو لندن على طول ونقل ليها كل حاجاتها وكده ع اساس تقرا الجامعه هناك💙 ، حكو قصتهم للناس كلها عن كميه التعب التعبو عشان يصلو لبعض وانهم ما استسلمو وحبو بعض رغم اختلافهم الكبير ، نور ماكان بتقول غير انو قطع عشانها المسافات عشان بس يشوفها ويقول ليها بحبك رغم انو كان ممكن عادي يحبها من بعيد بس عشانها قرب المسافات واول ماوافقت اتقدم على طول 💙 .. بسبب زواجها من انور حياتها حرفيا بقت جنه كان وشها منور دايما ومبسوطه ومفرهده دايما ،اتخرجت واشتغلت اظبط شغل وكان بتجيب اهلها عندها زياره وساعدت اهلها شديد وحسنت من وضعهم وده كلو ماكان حيحصل لو ماسافرت لندن ولو ماعرست انور ..
الحب الحقيقي مابيعرف مسافات ولا اختلاف جنسيات، الحب هو حب وبس لليقدر يعرف قيمتو💙 ..
#النهايه

لما تقيف جنب زول ماتستنى منو يقيف جنبك وقت وقوعك ولما تسند زول وقت الشده ماتستنى منو يسندك وقت شدتك ماتمشي تطلب من اي زول عملت معاه جمايل اي حاجه لأنك ببساطه ما حتلاقيهم زيك وهتاخد صدمه كبيره في رد الفعل منهم معاك وفي الاخر هتكتشف انك كنت بتقول عليهم صحابك فـ ماتعمل كدا خلي كلو لوجه الله بس وربنا هو اللي حيجبر بخاطرك وقت صدمتك ووقعتك و شدتك.

مره قريت عبارة بتقول (مرات الضئ الزايد بيعمي) في البدايه م فهمتها لحد م عشت الحاجه دي ، اكتشفت انو الزول ما مفروض يفتش عن حقائق اي حاجة ،مرات لازم نخلي الحاجه سطحية وم نتعمق في التفاصيل عشان ح نشوف حاجات م تعجبنا وم ح نقدر نغيرها ، السطحية بتكون مريحة اكتر من العمق.

ريم أسامة.

‏يا انسان:
حسيت نفسك تقيل علي زول افصلا
حسيت انو انت الزول دا مادايرك اتشايلا وربنا ييسر ليك الاحسن منو.
حسيت انو الزول دا ماداير يحكي ليك ما إلا تحكها معاهو مااي حاجة بتتحكي وما لي اي زول
حسيت انو الناس عايزة توزعك وزع نفسك ما إلا تصبها وتهبل بالناس والناس تهبل بيك
حسيت انو‏ الزول برد ليك ببرود واضحة يعني ماتخت ليه عزر افصل نفسك.
وأهم شي اهم شي ماتكلف زول ماتكلف زول ماتكلف زول ، انت الحاجة لو بتقدر تعملها براك اعملها ياخ مابتقدر خليها ما إلا ماضروري يعني تكلف زول انت ماعارف وضعو شنو و هل هو بقدر ينفذ طلبك ولا لا ما اي شي تاخدو بعفوية مرات الزول دا بكون‏ ظروفو اكعب منك ف ما تكلف زول عليك الله م عارف وضعو .
نفسك دي قدرها وخت ليها قيمة واملا مركزك ومكانتك عشان تقيم نفسك ماتنتظر من زول حاجة اعمل لي نفسك وخلي الناس هي التنتظر كفاية تحمل نفسك اكتر من طاقتها كفاية.

" الجمرة ما بتحرق إلا الواطيها " ، الكلام دا حقيقة بالمناسبة و لمن تقتنع بالمبدأ دا تقريباً عشمنا في لحظة الأحتياج لأقرب الناس حيختفي ، حنكتفي بروحنا بس رغم انه الحاجة دي ليها سلبياتها و ايجايباتها لكن برضو احسن بدل ما كل مرة تتوقع انه اقرب زول حيحس بيك و هو اصلا ما مستوعب انت ماري بشنو 💁🏻.
عشان تصل مرحلة تفقد الامل في احساس الاخرين بيك دي حتتعب و تموت و تحيا تاني لكن بعداك ماف شئ بفرق معاك ابداً .
كن سلطان حياتك و بس.

#شمس_الصافي

" في كلام عمرو ما بتنسي م عشان قلبك اسود بس عشان ماكنت تتخيل انه ممكن يتقال ليك "

ﺗﻘﺪﻡ ﻟﺨﻄﺒﺘﻲ ﻣﺮﺗﻴﻦ و رفضت، و في ﺍﻟﻤﺮﺓ ﺍﻟﺜﺎﻟﺜﺔ ﺃﺻﺮّ ﺃﺑﻲ ﻭﻗﺎﻝ : " ﺇﺫﺍ ﺟﺎﺀﻛﻢ ﻣﻦ ﺗﺮﺿﻮﻥ ﺩﻳﻨﻪ ﻭﺧﻠﻘﻪ ﻓﺰﻭﺟﻮﻩ "
ﻗﻠﺖ : " ﻻ ﺃﺣﺒﻪ ﻳﺎ ﺃﺑﻲ "
ﻓﻘﺎﻝ : " ﺍﻟﺤﺐُ ﻻ ﻳﺒﻨﻲ ﺍﻟﺒﻴﻮﺕَ ﻳﺎ ﺑﻨﻴﺘﻲ، ﻻ ﺃﺩﺭﻱ ﻣﺎ ﺳﺮ ﺗﻤﺴﻜﻪ ﺑﻚِ، ﺍﻟﺸﺎﺏُ ﺧﻠﻮﻕٌ ﻻ ﺗﻀﻴﻌﻴﻪ ﻭﻧﺤﺴﺒﻪ ﻋﻨﺪ ﺍﻟﻠﻪ ﻣﻦ ﺍﻟﺼﺎﻟﺤﻴﻦ، ﻗﺎﺑﻠﻴﻪ ﻭﻟﻮ ﻟﻤﺮﺓ ﻭﺇﻥ ﻟﻢ ﺗﺄﻟﻔﻴﻪ ﻓﺄﻋﺪﻙِ ﺑﺄﻻ ﺃﺿﻐﻂ ﻋﻠﻴﻚِ ﺑﻌﺪ ﺍﻵﻥ "
ﻛﻞ ﺣُﺠﺠﻲ ﺑﺎﺀَﺕ ﺑﺎﻟﻔﺸﻞ ﻭﻟﻢ ﺃﻛﻦ ﺑﺎﻟﺸﺠﺎﻋﺔ ﺍﻟﻜﺎﻓﻴﺔ ﻷﺧﺒﺮ ﺃﺑﻲ ﺃﻥ ﺍﺑﻨﺘﻪ ﻣﺘﻴﻤﺔٌ ﺑﺂﺧﺮ ! ﺍﻟﻤﺸﻜﻠﺔ ﻛﺎﻧﺖ ﺗﻜﻤﻦ ﻓﻲ ﺃﻧﻪ ﺧﻠﻮﻕ .
ﻗﺒﻞ ﻣﻘﺎﺑﻠﺘﻪِ ﺑﺴﺎﻋﺎﺕٍ ﻗﻠﻴﻠﺔ ﺗﻠﻘﻴﺖُ ﺩﻋﻮﺓً ﻟﺤﻀﻮﺭ ﺣﻔﻞ ﺧِﻄﺒﺔ ﺍﻟﻤﺤﺒﻮﺏ ... ﻓﺒﻜﻴﺖ ﻣﺮﺗﻴﻦ ﻣﺮﺓ ﻟﻀﻴﺎﻉ ﺍﻟﻤﺤﺒﻮﺏ ﻭﻣﺮﺓ ﻹﻗﺒﺎﻝ ﺍﻟﺨﻠﻮﻕ، ﻋﺰﻣﺖ ﻋﻠﻰ ﺃﻥ ﻳﺮﻓﻀﻨﻲ ﻗﺒﻞ ﺃﻥ ﺃﺭﻓﻀﻪ ﻛﺮﻫﺘﻪ ﻭﻗﺘﻬﺎ ﺩﻭﻥ ﻣﺒﺎﻟﻐﺔ
ﻭﻣﻦ ﺛﻢ ﻗﺎﺑﻠﺘﻪ : ﻣﺤﺎﻓﻆٌٌ ﻋﻠﻰ ﺻﻼﺓ ﺍﻟﺠﻤﺎﻋﺔ، ﺣﺎﻣﻞ ﻟﻜﺘﺎﺏ ﺍﻟﻠﻪ، ﻭﺭﺩﻩ ﺍﻟﻴﻮﻣﻲ ﺛﺎﺑﺖ، ﺻﺎﺭﻡٌ ﺑﺸﺄﻥ ﺿﻮﺍﺑﻂ ﺍﻟﺨﻄﻮﺑﺔ، ﺣﺮﻳﺺٌ ﻋﻠﻰ ﺍﻷﺫﻛﺎﺭ، ﺃﻣﺎ ﺑﺸﺄﻥ ﺣﻔﻞ ﺍﻟﺰﻓﺎﻑ ﺍﻹﺳﻼﻣﻲ ﻓﻠﻢ ﻳﻌﺘﺮﺽ ﺑﻞ ﻃﻠﺐ ! ﻟﻴﺲ ﺑﺸﻌﺎ ﻛﻤﺎ ﺗﺼﻮﺭﺗﻪ ! ﻛﺎﻥ ﻭﺳﻴﻤﺎ ﺑﺪﺭﺟﺔ ﺯﺍﺩﺗﻨﻲ ﻛﺮﻫﺎ ﻋﻠﻰ ﻛﺮﻫﻲ ﺍﻟﻤﺸﻜﻠﺔ ﺃﻧﻪ ﻛﺎﻥ ﻛﻤﺎ ﺃﺭﺩﺕ !
ﻛﻞ ﺫﻟﻚ ﻻ ﻳﻬﻢ ﻗﺪ ﻳﻜﻮﻥ ﺧﻠﻮﻗﺎ ﻭﻻ ﻧﺘﻔﻖ، ﺭﺑﻤﺎ ﻟﻢ ﻧﺨﻠﻖ ﻟﺒﻌﻀﻨﺎ ﺍﻟﺒﻌﺾ، ﻣﺎ ﻋﻠﻲّ ﺇﻻ ﺻﻼﺓ ﺍﻹﺳﺘﺨﺎﺭﺓ ...
ﻛﻨﺖ ﺃﺷﻌﺮ ﺑﺮﺍﺣﺔٍ ﻭﻻ ﺃﺩﺭﻯ ﻣﺎ ﺍﻟﺴﺒﺐ، ﻛﺬّﺑﺖ ﻧﻔﺴﻲ ﻭﻗﻠﺖ ﺳﺄﺭﻓﺾ ﻭﻣﺎ ﺍﻟﻀﺮﺭ ﻟﻮ ﻧﻔﻴﺖ ! ﻓﺘﺬﻛﺮﺕ ﺍﺑﻦ ﺣﺰﻡ ﺣﻴﻦ ﻗﺎﻝ : " ﺍﻟﺤﺐ ﻫﻮ ﺍﺗﺼﺎﻝٌ ﺑﻴﻦ ﺃﺟﺰﺍﺀ ﺍﻟﻨﻔﻮﺱِ ﺍﻟﺘﻲ ﻗﺴﻢ ﺍﻟﻠﻪ ﻟﻬﺎ ﺃﻥ ﺗﺤﺐ "
ﻓﻘﻠﺖ : " ﻭﻟﻜﻨﻨﻲ ﺃﺣﺒﺒﺖ ﻣﻦ ﻗﺒﻞ ﻓﻜﻴﻒ ﻟﻠﺸﺨﺺ ﺃﻥ ﻳﻌﺸﻖ ﻣﺮﺗﻴﻦ ! ؟ "
ﻭﻻ ﺃﺩّﻋﻲ ﺇﻥ ﻗﻠﺖ ﺑﺄﻥ ﻋﺒﺎﺭﺓ ﻃﺮﺃﺕ ﺑﺒﺎﻟﻲ ﺳﻤﻌﺘﻬﺎ ﻣﻨﺬ ﺃﻥ ﻛﻨﺖ ﻓﻰ ﺍﻹﻋﺪﺍﺩﻳﺔ ﺗﻘﻮﻝ : " ﺇﺫﺍ ﻭﻗﻌﺖ ﻓﻲ ﺣﺐ ﺷﺨﺼﻴﻦ ﻓﻰ ﺍﻟﻮﻗﺖ ﺫﺍﺗﻪ ﻓﺎﺧﺘﺎﺭ ﺍﻟﺜﺎﻧﻲ ﻷﻧﻚ ﻟﻮ ﻛﻨﺖ ﺗﺤﺐ ﺍﻷﻭﻝ ﻟﻤﺎ ﻭﻗﻌﺖ ﻓﻰ ﺣﺐ ﺍﻵﺧﺮ "
ﻭﻛﻠﺖُ ﺃﻣﺮﻱ ﻟﻠﻪ ﻭﻗﺒﻠﺖْ ﻭﻟﻜﻦ ﺑﺪﺍﺧﻠﻲ ﻛﻨﺖ ﺃﺩﺭﻙ ﺃﻧﻪ ﻟﻴﺲ ﺑﺤﺐ ﻋﻠﻰ ﺍﻹﻃﻼﻕ، ﺍﻟﺤﺐ ﺟﺮﺑّﺘﻪ ﻣﻦ ﻗﺒﻞ ﻛﺎﻥ ﺷﻌﻮﺭﺍ ﺃﻋﻤﻖ ﻣﻦ ﺫﻟﻚ ...
ﻣﺮﺕ ﺍﻟﺨﻄﻮﺑﺔ ﻭﺃﻧﺎ ﺑﻴﻦ ﻧﺎﺭﻳﻦ ﺗﺎﺭﺓ ﺃﻣﻴﻞ ﺇﻟﻴﻪ ﻭﺗﺎﺭﺓ ﺃﺷﺘﺎﻕ ﺇﻟﻰ ﺍﻟﻤﺤﺒﻮﺏ ﺍﻟﺴﺮﻱ . ﻛﺮﻫﺖ ﻧﻔﺴﻲ ﻭﻛﺮﻫﺘﻪ ﻭﻛﺮﻫﺘﻪ ﻭﻛﺮﻫﺖ ﻛﻞ ﺷﻲﺀ ﻛﻨﺖ ﺃﺷﻌﺮ ﺑﺎﻟﻨﻔﺎﻕ ﻓﻲ ﺗﺼﺮﻓﺎﺗﻲ ... ﻛﻴﻒ ﺳﻨﻌﻘﺪ ﺍﻟﻘﺮﺍﻥ ﻋﻤﺎ ﻗﺮﻳﺐ ﻭﺃﻧﺎ ﻣﻌﻠﻘﺔ ﺑﺂﺧﺮ، ﺳﺠﺪﺕ ﻓﻲ ﺇﺣﺪﻯ ﺍﻟﻠﻴﺎﻟﻲ ﻭﺑﻜﻴﺖ، ﻻ ﺃﻋﻠﻢ ﻫﻞ ﻛﻨﺖ ﺃﺑﻜﻲ ﻷﺟﻠﻪ ﺃﻡ ﻷﺟﻠﻲ ﻭﻟﻜﻦ ﻭﺟﺪﺗﻨﻲ ﺃﺭﺩﺩ :
" ﺍﻟﻠﻬﻢ ﺩﺑﺮ ﻟﻲ ﺃﻣﺮﻱ ﻓﺈﻧﻲ ﻻ ﺃﺣﺴﻦ ﺍﻟﺘﺪﺑﻴﺮ "
ﻛﻨﺖ ﺃﻗﺮﺃ ﺭﻭﺍﻳﺔ " ﺍﻛﺘﺸﻔﺖ ﺯﻭﺟﻲ ﻓﻰ ﺍﻷﺗﻮﺑﻴﺲ " ﺍﻧﺘﻬﻴﺖ ﻣﻨﻬﺎ ﺛﻢ ﺍﺑﺘﺴﻤﺖ ﻭﻗﻠﺖ : " ﺗﺮﻯ ﻣﺘﻰ ﺳﺄﻛﺘﺸﻔﻚ ﻳﺎ ﺳﻴﺪ ﻳُﻮﺳﻒ؟ "
ﺍﻟﻤﺤﺒﻮﺏ ﺧﻄﺐ ﻗﺮﻳﺒﺘﻲ ﻭﻷﻧﻪ ﻻ ﺃﺣﺪ ﻳﺪﺭﻯ ﺑﺤﺒﻲ ﻓﻜﻨﺖ ﻣﻀﻄﺮﺓ ﻟﻠﺬﻫﺎﺏ، ﻛﻨﺖ ﺃﺩﺭﻯ ﺃﻧﻪ ﻟﻴﺲ ﺑﺎﻟﺸﺨﺺ ﺍﻟﻤﻨﺎﺳﺐ ﻭﻟﻜﻦ ﺗﻐﺎﺿﻴﺖ ﻋﻦ ﺫﻟﻚ ﻭﻟﻢ ﺃﺭ ﺇﻻ ﻣﺤﺎﺳﻨﻪ ﺃﻣﺎﻣﻲ ﻭﻛﻤﺎ ﻳﻘﺎﻝ : " ﻣﺮﺁﺓ ﺍﻟﺤﺐ ﻋﻤﻴﺎﺀ "
ﻛﺎﻥ ﺃﺑﻲ ﻣﺴﺎﻓﺮﺍ ﻓﺄﻭﺻﻠﻨﺎ ﺍﻟﺴﻴﺪ ﻳُﻮﺳﻒ ﺑﺴﻴﺎﺭﺗﻪ ﻭﺍﻛﺘﻤﻞ ﺍﻟﻴﻮﻡ ﻭﺍﺻﻄﺪﻣﺖ ﺍﻟﺴﻴﺎﺭﺓ ﺑﺄﺧﺮﻯ ﻟﻢ ﻳﻜﻦ ﺍﻟﺨﻄﺄ ﻋﻠﻰ ﻳﻮﺳﻒ ﻛﺎﻥ ﺍﻷﺧﺮﻕ ﺍﻵﺧﺮ ﻫﻮ ﻣﻦ ﻳﻘﻮﺩ ﺑﻬﻤﺠﻴﺔ، ﻭﺻﻮﺕ ﺍﻟﻤﻮﺳﻴﻘﻰ ﻓﻲ ﺳﻴﺎﺭﺗﻪ ﺃﺻﺎﺑﻨﺎ ﺑﺎﻟﺼﻤﻢ ﻭﺍﻟﻌﺠﻴﺐ ﺃﻧﻪ ﻟﻢ ﻳﻌﺘﺬﺭ ﺑﻞ ﺃﺧﺬ ﻳﺴﺐ ﻭﻳﺸﺘﻢ ! ﻭﺍﻟﻤﺤﺒﺐ ﺃﻥ ﻳُﻮﺳﻒ ﺍﺑﺘﺴﻢ ! ﺣﺴﻨﺎ ﻻ ﺗﺴﺄﻟﻮﺍ ﻫﻞ ﻫﺬﺍ ﻭﻗﺖ ﺍﻻﺑﺘﺴﺎﻡ؟ ﺣﺘﻰ ﺃﻧﺎ ﻗﻠﺖ ﺫﻟﻚ ﻭﻟﻜﻦ ﺍﺑﺘﺴﺎﻣﺘﻪ ﻛﺎﻧﺖ ﻓﺎﺗﻨﺔ ﻻ ﺃﻧﻜﺮ ﺫﻟﻚ، ﺍﻟﻤﻬﻢ ﺍﺑﺘﺴﻢ ﻭﻗﺎﻝ : " ﺭﺑﻨﺎ ﻳﻬﺪﻳﻚ "...
ﻭﻛﺄﻧﻪ ﺳﺒّﻪ ﻣﺜﻼ ﻟﻜﻲ ﻳﺰﺩﺍﺩ ﺍﻵﺧﺮ ﻋﺼﺒﻴﺔ ﻭﻳﺘﻔﻮﻩ ﺑﻌﺒﺎﺭﺍﺕ ﻣﻘﺰﺯﺓ ﺗﺸﺒﻪ ... ، ﺍﻷﻣﺮ ﺃﺯﻋﺠﺒﻨﻲ ﻓﺨﺮﺟﺖ ﻣﻦ ﺍﻟﺴﻴﺎﺭﺓ ﻭﻻ ﺃﺩﺭﻱ ﻟﻤﺎﺫﺍ ! ، ﺍﻟﺼﺎﺩﻡ ﺃﻧﻪ ﻛﺎﻥ ﺍﻟﻤﺤﺒﻮﺏ ! ﺭﺃﻳﺘﻪ ﻭﺍﻟﻌﺠﻴﺐ ﻟﻢ ﻳﺨﻔﻖ ﻗﻠﺒﻲ ﻛﻤﺎ ﺍﻋﺘﺎﺩ ! ؟ ﺭﺃﻳﺖ ﺍﻻﺛﻨﻴﻦ ﺃﻣﺎﻣﻲ ﻭﻟﻜﻦ ﺷﺘّﺎﻥ ﻣﺎ ﺑﻴﻦ ﺍﻟﺸﺎﺑﻴﻦ ﻭﻗﺘﻬﺎ ﺍﺑﺘﺴﻤﺖ ﻭﺗﺬﻛﺮﺕ ﻋﺒﺎﺭﺓ ﺃﺑﻲ : " ﺍﻟﺤﺐُ ﻻ ﻳﺒﻨﻲ ﺍﻟﺒﻴﻮﺕَ ﻳﺎ ﺑﻨﻴﺘﻲ "...
ﺗﺮﻯ ﻣﺎﺫﺍ ﻟﻮ ﺃﺣﺒﻨﻲ ﺍﻟﻤﺤﺒﻮﺏ ﻭﺗﻘﺪﻡ ﻟﻲ ﺑﺪﻻ ﻣﻦ ﻳﻮﺳﻒ ﻛﻨﺖ ﻛﺎﻟﺤﻤﻘﺎﺀ ﺳﺄﻗﺒﻞ ! ﻭﻗﺘﻬﺎ ﺭﺩﺩﺕ : " ﻭَﻋَﺴَﻰٰ ﺃَﻥ ﺗَﻜْﺮَﻫُﻮﺍ ﺷَﻴْﺌًﺎ ﻭَﻫُﻮَ ﺧَﻴْﺮٌ ﻟَّﻜُﻢْ ۖ ﻭَﻋَﺴَﻰٰ ﺃَﻥ ﺗُﺤِﺒُّﻮﺍ ﺷَﻴْﺌًﺎ ﻭَﻫُﻮَ ﺷَﺮٌّ ﻟَّﻜُﻢْ ۗ ﻭَﺍﻟﻠَّﻪُ ﻳَﻌْﻠَﻢُ ﻭَﺃَﻧﺘُﻢْ ﻟَﺎ ﺗَﻌْﻠَﻤُﻮﻥَ "
ﺍﻛﺘﺸﻔﺘﻚ ﻋﻠﻰ ﻗﺎﺭﻋﺔ ﺍﻟﻄﺮﻳﻖ ﻳﺎ ﺳﻴﺪ ﻳُﻮﺳُﻒ .
ﻋﻘﺪﻧﺎ ﺍﻟﻘﺮﺍﻥ ﻓﻨﻈﺮ ﺇﻟﻲّ ﻭﺍﺑﺘﺴﻢ، ﺗﺒﺎ ﻟﻪ ﺇﻥ ﺍﺑﺘﺴﺎﻣﺘﻪ ﺗﻔﺘﺘﻨﻲ !
ﻓﻘﻠﺖ : " ﺗﻘﺪﻣﺖ ﻟﺨﻄﺒﺘﻲ ﻣﺮﺗﻴﻦ ﻭﺭُﻓﻀﺖ، ﺣﺘﻰ ﺃﻧﻨﻲ ﻣﻨﺘﻘﺒﺔ ﻭﻟﻢ ﺗﺮﺍﻧﻲ ! ﻓﻠﻤﺎﺫﺍ ﺗﻤﺴﻜﺖ؟ "!
ﻫﺎﻫﻮ ﻳﺒﺘﺴﻢ ﻣﺮﺓ ﺃﺧﺮﻯ ! ﺃﺣﻘﺎ ﻳﺪﺭﻱ ﻣﻔﻌﻮﻝ ﺍﺑﺘﺴﺎﻣﺘﻪ ﻋﻠﻲّ ﺃﻡ ﺃﻧﻪ ﻳﺒﺘﺴﻢ ﻗﺪﺭﺍ؟
ﻓﻘﺎﻝ : " ﺭُﺑﻤﺎ ﻟﻦ ﻳﻘﻨﻌﻚِ ﺟﻮﺍﺑﻲ ﻟﻮ ﻗﻠﺖ ﻻ ﺃﺩﺭﻱ ! ﻗﺎﻟﻮﺍ ﻣﻬﺬﺑﺔٌٌ ﻓﻔﻜﺮﺕ، ﻋﻠﻤﺖُ ﺃﻧﻚِ ﻣﻨﺘﻘﺒﺔ ﻓﺄﺣﺒﺒﺖُ، ﺳﺄﻟﺖُ ﻋﻨﻚِ ﻓﺄﻗﺪﻣﺖُ ﺭُﻓﻀﺖ ﻣﺮﺓ ﻓﻘﻠﺖ ﻻ ﺑﺄﺱ ﺣﺎﻭﻟﺖ ﺑﻌﺪ ﻋﺎﻡٍ ﻟﻌﻞ ﻭﻋﺴﻰ ﻓﺮﻓﻀﺘﻲ ﻣﺮﺓ ﺃﺧﺮﻯ ! ﻗﻠﺖ ﺭﺑﻤﺎ ﻟﻴﺴﺖ ﻟﻚ ... ﻭﻟﻜﻦ ﻛﺎﻥ ﺟﺰﺀﺍ ﺃﻋﻤﻖ ﻳﺨﺒﺮﻧﻲ : ﺑﻠﻰ ﺇﻧﻬﺎ ﺧﻠﻘﺖ ﻟﻚ " ، ﺩﻋﻮﺕ ﻓﻰ ﺭﻣﻀﺎﻥ ﻓﻲ ﺻﻼﺓ ﺍﻟﻘﻴﺎﻡ، ﺗﻤﻨﻴﺘﻚِ ﻭﻗﻠﺖ : " ﺍﻟﻠﻬﻢ ﺇﻧﻲ ﻓﻮﺿﺖ ﺃﻣﺮﻱ ﺇﻟﻴﻚ " ، ﻭﻻ ﺃﺩﺭﻱ ﺣﺘﻰ ﺍﻵﻥ ﻣﺎ ﺳﺮ ﻣﻴﻠﻲ ﺇﻟﻴﻚِ "...
ﺃﺩﻫﺸﻨﻲ ﺭﺩّﻩ ! ، ﺭُﺑﻤﺎ ﻣﻦ ﻓﺮﻁ ﺻﺪﻗﻪ ﺃﺑﻜﺎﻧﻲ، ﻓﺎﺭﺗﻴﻤﺖ ﺑﺄﺣﻀﺎﻧﻪ ﻭﺑﻜﻴﺖ، ﻓﺎﺑﺘﺴﻢ ﺑﺪﻭﺭﻩ ﻭﻗﺎﻝ : " ﻛﻨﺖ ﺃﻇﻦ ﺃﻥ ﻧﻴﻞ ﻋﻨﺎﻕ ﻋﻘﺪ ﺍﻟﻘﺮﺍﻥ ﺑﺎﻷﻣﺮ ﺍﻟﺼﻌﺐ "!
ﻃﻠﺐ ﺃﻥ ﻧﺼﻠّﻲ ﺭﻛﻌﺘﻴﻦ ﻓﺄﺣﺒﺒﺖ ﺫﻟﻚ، ﻭﺗﻤﻨﻴﺖ ﺻﻮﺗﺎ ﻋﺬﺑﺎ ﻛﻤﺎ ﺃﺭﺩﺕ، ﻭﻣﻦ ﻳﻮﻣﻬﺎ ﺃﺩﺭﻛﺖ ﺃﻥ ﺍﻟﺤﺐ ﻭﺣﺪﻩ ﻻ ﻳﺒﻨﻲ ﺍﻟﺒﻴﻮﺕَ ﻭﻟﻜﻦ ﺍﻟﻤﻮﺩﺓ ﻭﺍﻟﺮﺣﻤﺔ ﺗﺪﻋّﻤﻬﺎ، ﺣﺘﻰ ﻭﻗﺘﻬﺎ ﻟﻢ ﺃﻛﻦ ﺃﻓﻬﻢ ﻗﻮﻟﻲ ﺑﺄﻥ ﺍﻟﺤﺐ ﻓﻰ ﺫﺍﺗﻪ ﺷﻌﻮﺭ ﻣﻨﻘﻮﺹ، ﻣﺎ ﺑﻴﻦ ﺣﻮﺭ ﻭﻳُﻮﺳﻒ " ﻟﻢ ﻳﻜﻦ ﺣﺒﺎ ﺑﻞ ﻛﺎﻥ ﺃﻋﻤﻖ ﻣﻦ ﺃﻥ ﻳﻮﺻﻒ ...
ﻟﻘﺪ ﺟﻌﻞ ﺍﻟﻠﻪ ﺑﻴﻨﻬﻤﺎ ﻣﻮﺩﺓ ﻭﺭﺣﻤﺔ .
#ﺃﺭﻭﻯ_ﻣﺤﻤﻮﺩ .

مافي حاجة ممكن تأذي , أكتر من ان مشاعرك تمشي لزول غلط مابستحقها ولا يستاهلها بالكمً ده .. الناس دي بتظهر من بعيد كأنها حلوة , كأنها مثالية فى طباعها ودرجة تفهمها ليك,بيقنعوك انهم بيفهمو فى المشاعر كويس , بس ده بيحصل لحد ما يتأكدو انك حبيت , وحبيت بكل ما فيك , وقتها بتلاقي إهمال , عدم مبالاه , بُخل مشاعر , بيوصلوك لمرحلة الندم , انك حبيت , ولسان حالك بيقول كان مالي ومال العلاقة دي بس يارب .. عموماً ربنا لا بيغفل ولا بنسى , والتعويض العادل بيكون من عنده , من عنده وبس فخليها ع الله

Rawan

‏البيحسسك انك ما كفاية قدر ما تضحي وانك كل مرة بتسامحو عشان بتحبو وانك بتستاهل الوجع عشان الوجع بخليك تطلع الجواك وهو يستمتع وهو بيشوفك متعذب وفي يدو يوقف العذاب دا بس لانو ضامنك في حياتو وضامن تمسكك وحبك ليهو اخسرو واكسب نفسك ومعليش اكرهو عشان تقدر تحب نفسك وتعرف قيمتك اكتر .

فيه حاجة ابشع من الصدمه
ابشع من الفراق..وابشع من اى تصنيف ممكن يتقارن بيها
فيه حاجه كدا اسمها الخذلان ودا بقي ربنا يكفيكم شره !!

الخذلان بيحطمنا من جوه قبل بره
وهو انك تفضل تتعشم وتحكى وتسمع وتناقش وتشارك وتتدلع ويبان ضعفك مع شخص واحد بس.والشخص ده انت اللي اختارته بقلبك قبل عقلك وده مش ذنبك ولا ب أيدك انك حبيته وفضلته عن كل الناس وييجى ف الاخر يخذلك لما الشخص ده بيخذلك بيخلى نفسك تصعب عليك
واللي تصعب عليه نفسه بيتوجع اوى وبيحس انه اتهان بجد واتقل منه ومن كرامته كأنك فضلت تربى حاجه ولما كبرت سابتك وراحت لغيرك كأنك فضلت تراوض ف اسد. ولما كبر نهش فيك انت اول واحد .ولا بيكون هاين عليك انك تقتله ولا بيكون هاين عليك نفسك انه بيلتهم فيها
بالشكل الجشع دا !!

قولتلك مره قبل كده كلنا محتاجين كل فتره نتأسف لنفسنا فيها بجد عن سوء اختياراتنا الغلط، وعن العشم اللي مكنش في محله ، وعن نظرتنا في الناس اللي طلعت غلط ، اسف لنفسي والله !!

ف امسك بس في الناس اللي طمر فيهم جدعنتك ووقفتك معاهم واللي عملتو عشانهم
امسك بس في الناس اللي بتعمل مجهود عشان يحاولو يسعدوك حتي لو رسيت علي شخص واحد بس واقفل دايرتك علي كده والباقيين يادوب تعملهم باي باي من بعيد من باب الذوق مش اكتر !!

ماتتخدعوش بالمظاهر ولا بالكلام الحلو !!
الافعال هي بس اللي جديره تثبتلك معادن الناس كلنا ولاد ناس. بس مش كلنا ولاد أصول !!

لكن ولا يهمك اللي خذلك بكره ربنا يخذله واللي كسرك بدون ذنب بكره يشوف اقرب الناس ليه وهى بتخلص حقك منه
ولا يهمك اصل ربنا محال انه يظلمك عشان يفرح غيرك وبكره تشوف بعنيك عوض ربنا .ربنا بيعوض اضعاف اضعاف اللي خسرناه وعوضه بيبقى احلى مليون مره ف اطمن وخلى الضحكة ماليه وشك وبطل تشيل هم !!

تحس البوست بيطبطب عليك💜.

‏ياخي لا تحاول مع من لا يحاول.

‏لمن تعرف حقيقة الزول بتحس حتى شكلو اتغير.

ما تبذل لزول اكتر من طاقتك أو اكتر من الانت شايفو بستاهلو .. مرات كتير بيكون سبب وحدتنا اننا وحّدنا العالم كله في شخص واحد وقام الشخص ده اتخلى عننا .. فخسرنا الشخص والعالم.

‏ما اظن في حاجه اسمها فرصة ثانية بعد نهاية العلاقه .
لانو حياتكم كلها كانت فُرص ، و سماح ، و آخر مرة .