‏فيه مواضيع بحب ابررها للأشخاص اللي يهموني مره ومرتين وثلاثه بحب الوضوح وبحب يكون الموضوع واضح ليهم من كل زاويه لأن مافي زول يستاهل تخلي بدوامة الاسئلة والحيره والظنون خصوصاً اذا كان شخص دا كثير التفكير وتحليلي بشكل مفرط لكن مرات احسن م نبرر لاننا بررنا كتير و من دون فايده " بتكون بتنفخ ف قربه مقدوده " .

‌‌‎من مدة قصيرة بديت اخذ بنصيحة عمر بن الخطاب رضي الله عنه بقول فيها :

" عاملوا الناس بما يظهرونه لكم والله يتولى مافي صدورهم"

م بدقّق في حاجه ، ولا بنبش في حاجه ، ولا بخوض في تفصيل ، والحكايه مريحه والفرق واضح .

‏في ناس كتيرين في حياتي مع الزمن نظرتي ليهم اتغيرت بصورة كبيرة شديد ، احتمال انا صح و احتمال انا غلط ! لكن من حقي اني احدد مكان و طريقة التعامل مع كل واحد فيهم ! انت ما مضطر تستحمل زول ما نافع معاك عشان الدنيا ما ناقصة وجع قلب زيادة !!

الانسان مينفعش يحب في أسبوع ولا في شهر ولا حتي في سنة .
الحب عاوز مشاكل ، عاوز أزمات ، عاوز تعب ، عاوز فترات سيئة ومواقف بشعة ، عاوز عشرة طويلة عشان يبقي حب ..

يعني بأختصار
" الحب يبدأ عندما ينتهي الحماس "
مينفعش تقول إنك بتحب البحر وأنت واقف ع الشط ..
لازم تنزل البحر ، تعوم فيه ، تضربك الموجات ، تبلع ميه مالحة ، تجرح رجلك بالصخر ، تشوف العتمة اللي بالقاع ..
لما ترجع ع الشط هتشوف البحر بشكل مختلف ، مش هتشوفوا مثالي ، إنت شفت عيوبه وظلامه وغضبوا ، يا أما هتكره البحر ، يا إما هتفضل تحبه بكل حاجه فيه ..

لهفه البدايات مش حب يا جماعه واللي ما غاصوش ف البحر .. ماحبهوش .!

- إبراهيم الفقي .

حرفيا انا لما اجي اعاين لنفسي ولحياتي طول السنين الفاتت دي بقول انا كيف عمري 22 سنه عايزه افهم بس ! يفترض يعني اني لسه بت صغيره مابعرف للوجع شي ويفترض اكون لسه طالبه بكافح عشان اتخرج من الجامعه ..
لكن ياهو من يومي مستعجله للشقا ،دخلت المدرسه صغيره وياهو اتخرجت وعمري 21 سنه وخلصت خدمه وانا 22 سنه ومن العمر ده حدخل الحياة العمليه المامعروف حتبدا متين دي ! ..
وانا في عمري ده عشت مليون تجربه مع بعض ، وحرفيا كلهم صعبين شديد وصلوني لدرجه اني حاليا بقيت شايفه الحياة دي سوداويه شديد رغم اي شي حلو فيها ، لقيت نفسي مستغنيه كل الغنا حتى من دون ما احس !
ماف شي بيلفتني ولا بيجذبني كل شي بقى عادي شديد ..
تعرفو احساس انو بجد مافارق معاك شي ! تموت تعيش تقعد تمشي يحصل اي تغير في حياتك حيبقى ليك عادي ومافارق معاك !
لما تلاحظ بعد مده من الزمن انو في لسانك جمله وحده وبترددها دايما " العايشين ليها شنو ،موتو ساي " وتكتشف انك ماكنت بتقولها ساي لا انت فعليا كنت بتعنيها حرف حرف !
اعيش ليه ما اموت احسن ! ..

انا عارفه انو الحياة لسه فيها فرص كتير ، وانو ممكن كل شي يتغير في يوم وليله وابقى من بت بتكتب ليكم بكميه السواد دي لبت كلماتها بتنقط عسل من حلاوتها والايجابيه الفيها !
بس اعفو لي حاليا انا في الجانب المظلم من حياتي ..
حاليا انا لسه في النفق وماطلعت عشان اشوف شروق الشمس والعوض البتتكلمو عنو ده !
انا خوفي كلو بقى في انو حتى لو جاني العوض ده هل انا فعلا حفرح ! هل فعلا حيفرق معاي يعني وحبكي من الفرح زي مابقولو !
انا ماعايزه اتعوض .. انا عايزة ارجع قلبي زي ماكان بس ..
عايزة قلبي يرجع خفيف زي زمان وعايزه انوم بسهوله زي زمان وعايزه اكون قويه زي زمان وامسح اخر 6 سنين من عمري ..
مسحه بدون رجعه بس !
طلبت شي صعب !
ولا اقول ليكم ! ،خلو زاكرتي تروح اصلا مافي شي قاعد فيها الا الاحزان والالم ..
انا حياتي واقفه حاليا .. بتمنى من قلبي اني ارجع اعيشها في القريب العاجل ..
او جد اموت وارتاح عشان المنتصف المميت ده اسوء شي ممكن يحصل لأي بني ادم في الوجود ، والله لا وراكم ليه !
#lena

#مقتطفات
بتحكي قالت:
كنت بصبر ف امي المرميه وبتبكي قدام غرفة الانعاش ع اخوي الحته مني انا برضو المرقد وغايب عن الوعي وفجاءة قالت لي جمله مستحييييل انساها مع انو مره عليها عشرين سنه وبتي الكبيره عمرها ثمانية عشر سنه قالت لي(كيف ح تعرفي حرقة الحشي وانتي م عندك جني) فعلاً الحمدلله ربنا عوضني ب تلاته ملو علي دنيتي بس الكسره الخلتها الجمله دي لسسسا باقيه

واحد قال:
ابوي دايماً كان ماسح بي الارض ودايماً منتقدني مهما عملت وحاولت بس ولاا بفرق لحدي م يوم اعمامي كلهم مجتمعين قام عمي سالني من دراستي قبل م افتح خشمي قام هو رد (قراية شنو البقراها ياخ دا واحد طيشه ساي م منو رجا انا غايتو م راجي منو شي بس خلي الينفع نفسو) وانا حالياً اكبر مهندس معماري وسمعتي سابقاني وشااايف نفسي ب نجاحي واي زول بتمي ولدو يبقي زي بس الكسره الخلاها ابوي فيني مونة العالم كلو م بتقفلها

قالت:
صحبي كنت بباهي بيهو شديييد وبعتز بقوة العلاقه البيناتنا كان بنحكي لي بعض ادق تفاصيلنا لحدي م ف يوم وبالصدفه اكتشفت انو مرتبط بواحده من بنات اهلي ههههههه وم كان حاكي لي قال شنو (م جات مناسبه) طيب م نحنا اساساً م محتاجين لي مناسبات ومن وقتها بديت اسحب نفسي من حياتو وهم حالياً متزوجين وعلاقي بيهو كراجل بت اهلي بس

قالت برضو:
هو ود خالي المعتبراهو اخوووي وهي صحبتي شدييييد وهم كانو مترتبطين ودايما انا الكنت بظبط ليهم موعيدهم وبروق ليهم الجو فاااا يوم كانت عندنا مناسبه ف الاهل وكل ناس البيت ح يبيتو هناك وانا لي ظروف ما قعدتا ف البيت وجاني ود خالتي دا وامي طلبت اني اخلي صحبتي دي تجي تبيت معاي فااا شفتها ليهم ظااابطه بس بليل كنت لاااازم امشي الصيدليه فااااا طلبت منها تمشي معاي بس ود خالتي اتجرجر لي وهي م قالت شي مع انهم عارفين انو شارع الصيدليه كلو تافهين ومحل قهوات رجعت الشارع كلو ابكي وصلتا البيت عزيت زييين بس من يومها اناعرفت قيمتي عندهم شنو وقطعت علاقتي معاهم نهاائي مع انو لي يومنا هذا بحاولو يرجعوني لكن انا مستخيل اكون معاهم طبيعيه رغم الطيبه الهبله والعبيطه البعرفوني بيها الناس.

قال:
كنت عايز صحبت اختي عايزها شديد فااا لما كلمتا اختي قالت لي( بكل جديه انت عايزها هي عليك الله م بتخجل من نفس وجاي توريني دي مستحيل توافق بيك م شبهك والله) وسبحان الله والغريبه وافقت بي بس كلام اختي جرحني جرح الفرحه ديك م بتريهو

وواحده تانيه بتحكي:
عملت طبخه عااجباني شديد حتي نسابتي عجبتهم وكنت مستنيه راجلي بفااااارق الصبر يجي عشان يمدحني بيها لما جاء وختيت ليهو يأكل علق عليها وشكر امو بس قالت انو م هي العملها وقبل ع اختو واطراها بالكلام بس هي قالت ليهو انو انا العملتها وقال ليها:(مستحيل تعرف تطبخ زي دا)وكل برود الدنيا ف وشو مع انو لا حصل جرب طبخي ولا بعرفو اصلاً امو اختو اتحرجو جداً منو وبعد امو حلفت حتي اقتنع وقال لي كويس م طلعتي لتخه وبعدو لا برر موقفو ولا سالتو منو ولي الليله لينا خمسه وعشرين سنه وهو م بقي م بياكل اكل زول غير طبيخي بس الكسره العملها ليي الليله قاعده ومهما عمل م ح تتجبر

#نقطه_سطر_جديد
م ح اعلق اي تعليق لانو اكيد حسينا ب المراره الفيها وقدر شنو مؤذيه كلماتنا وافعالنا حتي لو بدون قصد.

بقلمي🖋: Tota Isam Aljak

من الحاجات البتحز في نفسك شديد انو ماتلقى اسمك وسط الناس المهمه للزول البيعني ليك كل شي و اهم شي .
قالت بكل إعتياديه :
شايله همهم لما يحصل لي كده ..فلان وفلان وفلان وفلانه .. قلت ليها صح معاك حق ،هم بحبوك شديد .
ماقلت ليها وانا طيب ؟ وين مكاني ؟ يمكن نست ..يمكن شافت انو انا مامهمه .. يمكن ماشافت جوه قلبي في شنو ..
ماعارفه لكن والله ياجماعه حرفيا كده انا قررت اني اكون انانيه في نفسي للحد البعيد ..حتى لو الحاجه دي حتخليني اكون كعبه في نظر الكل صراحه مابقى يهمني شي ولا يهمني حد ولا عايزة اكون مهمه لحد ولا حد يكون مهم بالنسبه لي ..انا طاقتي كلها حرفيا استهلكتها مع الانسانه دي وهي في اللحظه دي ماقدرت ولا اي شي ونستني ببساطه .
ماعايزة افكر ولا الوم ولا اسأل ولا عايزة اعمل اي شي ..
ولا حقول هم كعبين وانا الخطيرة! ،كل الحقولو انو خلاص بعدا جد اي زول ينوم ع الجنب اليريحو ..
ثم انو عيب شديد تستغل وضع انت فيه عشان تجرح خلق الله حتى لو ماكنت واعي للحاجه دي ! ..
اعتذر عن الرد لكل تعليق يصلني ..
#lena

‏احمد رامي حب أم كلثوم، بس هي رفضت تتجوزه عشان يفضل يكتبلها أغاني بنفس الشوق واللهفه راح اتجوز و بطل يكتب، أم كلثوم حست إن تاريخه ممكن يتهدد راحت جابتله خاتم هدية بمناسبة الجواز و اشترطت عليه ميقلعهوش، راح أحمد رامي كاتب أغنية " جددت حُبك ليه بعد الفؤاد ما ارتاح؟ "

بعد الموت الكتير الحاصل و أحداث 2020 الناس بقت تقول خلاص دي نهاية العالم و بقت تفكر في حاجات دنيوية ماعملتها و اللي يقول القيامة حتقوم وانا لسة ما عرست و اتخرجت و .. و .. لي الناس ما بتفكر انو خلاص الرحلة انتهت و ماشين على دار البقاء ؟! لي ما بنسأل نفسنا استعدينا ولا لا ؟!

#ربا_عبد_العزيز

العمر بيروح مننا والله اعملو كل النفسكم فيهو ماتخلو شي في خاطركم و افرحو و انبسطو 💜

#ربا_عبد_العزيز

~ لما ما نقصّر ما ح نندم ..
الاصعب من ضياع فرصة ، او خراب علاقة ، او حدوث فشل .. هو احساس الندم و لوم الذات على الضياع و الفشل ده ..
" ااخ لو عملت كده ، يا ريت لو حاولت آااخر مرة .. يا ريت لو اديت فُرص .. '' ، و دي الحاجة البتصعب علينا عملية النسيان و التجاوز ، و يبقى علينا ألم الفقد ،
+ ألم تقصيرك الح ينتج منو رغبة في المحاولة من جديد ~
مرييحة جدا العلاقات القنعنا من رجوعها تاني ، جميييلة الفرص الراحت للأبد ، لأننا ح نقفل ملفها و تفتح ملف علاقات جديدة ، و فرص جديدة و نركز فيها من غير ما نشتت انتباهنا على الفات ..
~ فعشان ما تلوم نفسك ، و ما تندم ! .. اوووعا تقصّر .. ما تقصّر في حرصك ع استمرار علاقة بتهمك ، عشان لو انتهت يبقى اللوم ما عليك .. ما تبخل بمنح فرص للناس ، عشان لما يجرحوك تكون وااثق تماما انهم ما بستاهلو ، مش انت الما اديتهم فرص كفاية .. ما تقصّر في الجري في طريق هدف بتحبو ، عشان لو طار ، يبقى فعلا نصيب .. استنفذ كل الفرص ، اعمل كل البيدك .. و اوعا تلوم نفسك على حاجة ما بيدك ..
فمن يقصّر اولاً ،، يندم اخيرا ~ 💗
#حياتنا_غير

من الحاجات الاكتشفتها من قصص الناجحين إنو النجاح ما عندو ظروف معينه في ناس بتبدى من تحت الصفر وبتنجح نجاح باهر 🔥🚶‍♀💙.
وبالنسبة للناس البتقول انو ظروفها ما مناسبة وانو عائلتها ما مشجعة علي النجاح وانو جامعتهم ما محمسة للنجاح.
طيب تعال اقول ليك مثلا بسيط في مدير شركة جاب موظفين غير مؤهلين لمناصبهم فالشركة افلست فاكيد حنقول علي المدير دا ما حكيم.
بس ربنا هو الحكيم وهو الخاتك في الوضع دا سواء عائلتك أو مجتمعك أو غيرو فأكيد انت في المكان الصح لانو ربنا ختاك فيهو 💙🚶‍♂فيلا نعافر

- قبل ما تزعل وتعاتب ليك إنسان وتنتظر يجي يجبر خاطرك ويواسيك ، لازم تعرف حاجه مهمة جداً .
مصطفي سيد احمد لمن قال :
"تزعل من منو ، وتزعل في شنو"
قدم ضمير الغائب ، يعني انت لمن تزعل ح تزعل من منو قبل الحاجة الزعلتك ، منو الإنسان اللما تزعل حيجي يراضيك ، حيضحي بزعلو عشان خاطر انت ترضي وتكون مبسوط ، ما ح يهون عليهو انتظارك كتتير ، ما تزعل من إنسان يخليك تنتظر كتير لحد من الزعل يتراكم ، ما يضحي بزعلو عشان خاطرك ، ما تعاتب إنسان يجي في يوم ويقول ليك حاسي اني بغصبك علي ، اتحملت كتير عشانك ، مشّيت ليك كتير ، ما تثق في الإنسان البعمل ليك حاجة ووقت انت تضعف يجيك ويقول ليك عملت ليك بس انت ، ما تثق في إنسان بقدم لفظ أنا كتير ، وينساك
"الزعل مع الوقت بروح وبنتهي بس بيفضل الكلام القاسي علامة في القلب" ..
لمن تعشم ، أعشم في إنسان ما يرضي علي زعلك ، يخاف علي مشاعرك ، ما يجرحك بالكلام ، أعشم في الإنسان الح يضحي عشانك ولمن تزعل يحتويك ❤

‏مافي حاجة بتعوض الحنية لما ماتجي في وقتها، مافي حاجة مؤلمه قدر إنك تلاقي رد فعل قاسي من إنسان قريب ليك، في وقت كنت مستني فيهو طبطبه وبوزاتيف.. مهما كنت قوي، مهما كنت بتستحمل، مهما كنت متماسك نفسيًا، بجي عليك وقت بتستنى الحنية عليك حتى لو بكلمة طيبة 🙂

لما نضايق وننزل استوري عالواتس او عالانستقرام دا مش بيعني اننا عايزين حد يجلنا عالخاص يشفق علينا ونقعد نشكيله , لا احنا بنقصد حد معين ايوة هو نفس الشخص اللي جا في دماغك دلوقتي محتاجينه هو , او مش ضروري يعني نكون منزلنها عشان حد معين لا دا بس بيبقا تخفيفا للوضع اللي احنا فيه , يمكن حد بحبنا يدعيلنا دعوة وتكون في لحظة استجابة .💜

‏شكراً للناس الما عندها فُضول تعرف كل حاجة ، الناس الما بتحاول تخش حياتك بالعافية ، الناس العارفه حدودها ومابتحاول تتخطاها.

كلّما تعلّقنا زادت المُعاناة سواء كان الطرف الآخر يحبّنا أو لا، مفهوم التعلّق يسلبُ منا الصحة والحياة الطبيعية، يجعلنا مرضى بكلّ تفاصيل الشخص، يهزّنا أقلّ فعل منه، وتجرحنا أبسط كلمة منه، ودائماً تكون الحاجة سيّدة الشعور، دائماً حاجتنا إليه تجعلنا نخضعُ مهما كان الموقف قاسياً علينا !

كنت بحكيلها عن وضع البلد والمعاشات وأنو
شكلو البلد رايحة على جهنم، بس خلصت
سألتني: “طيب ليش ما جبتلي وردة اليوم؟”.

مساء الخير للجميع + مشتاقين جدا جدا 💜💜💜💜

‏"نسألك ألا تتوه الأفئدة بعد هُداها، وألا نضلَّ الطريق بعد عناء المشقة"😴