- ﻟﻴﻪ ﻣﺮﺍﺕ ﻋﺸﺎﻥ ﻧﻔﻀﻞ ﻣﻊ ﺯﻭﻝ ، ﺑﻨﺘﻨﺎﺯﻝ ﻋﻦ إﻧﻨﺎ ﻧﻜﻮﻥ ﺍلأﻫﻢ ﻋﻨﺪﻭ ، ﻋﺎﺭﻓﻴﻦ إﻧﻨﺎ ﻓﻲ آﺧﺮ ﻗﺎﺋﻤﺔ إﻫﺘﻤﺎﻣﺎﺗﻮ ﻭﺑﺮﺿﻮ ﺭﺍﺿﻴﻦ ؟ .. ﻟﻴﻪ علشان بس أﻛﻮﻥ ﻣﻌﺎﻫﻮ ، أﺗﻨﺎﺯﻝ ﻋﻦ ﻧﻔﺴﻲ ! .. ﻟﻴﻪ ﻧﻬﺘﻢ ﺑﺎلناس المامهتما بينا ، ﻭﻧﻤﺸﻲ للزول المابينا ، ﻭﻧﺮﺳﻞ ﻟﻠﻤﺎﺑﺮﺳﻞ ﻟﻴﻨﺎ ، ﻭﻧﻄﻤﻦ ﻋﻠﻰ ﺍﻟﻤﺎﺑﻄﻤﻦ ﻋﻠﻴﻨﺎ ، ﻭﻧﻔﻜﺮ ﻓﻲ ﺍﻟﻤﺎﺑﻔﻜﺮ ﻓﻴﻨﺎ ، ﻭﺩﺍ كله ﻋﻠﻰ ﺣﺴﺎﺏ ﻧﻔﺴﻨﺎ ﻭﻣﺸﺎﻋﺮﻧﺎ ﺍﻟﺸﻮية ﻭﺗﻤﻮﺕ ! .. ﻟﻴﻪ ﻣﺎﻧﻔﺘﺶ ﻋﻦ ﺯﻭﻝ ﺧﺎﺗﻴﻨﺎ ﻓﻲ ﻗﺎﺋﻤﺔ أﻋﺰ ﺍﻟﻨﺎﺱ ﻋﻨﺪﻭ ، ﻋﺸﺎﻥ ﻳﺴﻌﺪﻧﺎ ﻭﻧﻠﻘﻰ إﻫﺘﻤﺎﻣﻮ ، ﻟﻴﻪ ﺑﻨﻘﺒﻞ ﺑﺄﻧﺼﺎﻑ ﺍﻟﻌﻼﻗﺎﺕ ﻭأﺷﺒﺎﻩ ﺍﻟﺼﻼﺕ ؟ .. ﻟﻴﻪ أﻛﻮﻥ ﻋﺎﺭﻑ إﻧﻲ ﻣﻜﺘﻮﺏ ﻋﻠﻰ ﻫﺎﻣﺶ ﺣﻴﺎﺓ ﺯﻭﻝ ، ﻭﺭﺍﺿﻲ ﻟﻲﻧﻔﺴﻲ ﻛﺪﺍ ! .. ﻟﻴﻪ ﻣﺸﺎﻋﺮﻱ ﻫﻲ ﺍللي تخليني أﺧﺴﺮ ﻗﻴﻤﺘﻲ ﻭﻭﺯﻧﻲ ﻋﻨﺪ الزول ، ﻟﻴﻪ ﻣﺎ أﻧﺴﺤﺐ ﻣﻦ ﺯﻭﻝ ، أﻭﻝ ﻣﺎ أﺣﺲ ﻧﻔﺴﻲ ﻣﺎ ﻣﺮﻏﻮﺏ ، أﺻﻼً ﻣﻌﻈﻢ ﺍﻷﻟﻢ إﻧﻮ ﺍﻟﺰﻭﻝ ﻟﻤﻦ ﻳﻠﻘﺎﻙ ﻣﺘﻤﺴﻚ ﺑﻴﻬﻮ ﺷﺪﻳﺪ ، حيعذﺑﻚ أكثر ، ﻭﻳﻬﻤﺸﻚ أكثر ﻣﺎ ﻫﻮ ﻋﺎرﻑ إﻧﻚ ﻣﺎﺣﺘﻘﺪﺭ ﺗﺨﻠﻴﻬﻮ ، ﺧﻠﻴﻚ أﻧﺖ ﺍلأﻭﻝ ﻓﻲ ﺣﻴﺎﺓ ﺍﻟﺰﻭﻝ ﺍللي بيهمك ..ﻏﻴﺮ ﻛﺪﺍ إﻧﺴﺤﺐ من حياتو ، علشان ﻧﻔﺴﻚ وبس ولا ترضى إلا بحياة مريحة لنفسك وذاتك علشان تعيش حياتك وأنت مطمئن ومرتاح البال !💚.

"ﻛﻦ ﻻ شيء ، ﻭﻻ ﺗﻜﻦ ﺧﻴﺎﺭﺍً أﺧﻴﺮﺍً"💚🔐

#Raghad_Elamin

قيم نفسك اول .. ايوه خت نفسك ف مكاان عااالي وما تنزل لاي حاجه او لاي زوول .. صدقني لما تؤمن بقيمة نفسك الناس ح تؤمن بيك تلقائيا .. م تتظارف عشان زوول لالا خليك زي م انت بس وما تحااول تتقمص شخصياات كتيره عشان ترضي شخص .. حااول بكل قدرتك انك تكون انت مهما كانت الظروف الحوليك وصدقني ح يجي زوول يؤمن بيك ويحبك زي م انت بالضبط من دون اي تصنع او تقمص .

مجرد انك إنسان طيب ده بخلي الناس تستحقرك .

م معناها ما تبقى طيب .. لا خليك طيب بس ف حدود و مع البعرف قيمتك ومستحيل يستغل طيبتك .

‏- انت بتحبني يا إسماعيل؟
-أنا معرفش ايه هو الحب، لكن اذا كان الحب هو انى اكون عايز اشوفك باستمرار ولما بشوفك ما يبقاش فيه غيرك فى الدنيا وعايزك ليا أنا بس.. يبقى بحبك

-احمد زكي فيلم عيون لا تنام ١٩٨١

حتى في الوجعة والضيق في ألف جانب مُشرق !!
نحاول دايماً في حياتنا نعاين للجانب المليان من اي موقف مُوجع
لانو الجانب المظلم حايغرقنا في بحور وجعة ماحنطلع منها قريب!!

طيب
الحاجة البتهون علينا ضيقنا انو " ماابتلاك الا لأنه يُحبك "
:)❤❤
ياخ انا مجرد مااسمع الكلام دا بقول يارب " ابتليني تاني لو حتزيد حُب لي ".. ربنا لو ماشافك بعييد منو.. واشتاق ليك.. وعايزك تقرّب ماكان وجعك ياخ..
كان خلاك زي ما انت تتمادى في صدّك وهجرانك وتسوقك الدنيا والناس الفيها!!

الجانب المشرق التاني :)
انو بين كلو فرج وفرج في مسافة اسمها "ابتلاء" ..يعني مهما طال زمن ضيقك اتاكد الفرج قرّب.. الضيق دا حيجي يوم ويمشي وحايشيل معاه تفاصيل صبرك العلى قدرها حتاخد أجر :)
مافي حلاوة من غير نار ومافي اجر من غير صبُر والصبر حـار والا ماكان ربنا قال "وبشّر الصابرين " ..

ضاقت بيك ؟! حاتتسهل
فقدت عزيز ؟! حايجيك اعَز
صبرت كتير ؟! حتلقى الخير

ربنا مابهون عليه وجعك .. ودموعك الهسة جات في طرف عينك دي مصيرها يوم تبقى "دموع فرَح " ❤ ..
ودعواتك البترددها كل يوم دي "ربنا سامعها " بس بهيئ في الأسباب..
عشان الفرحة تكون اكبر
واجر الصبر يكون اعظَم
ووجع الجوف يبرا ويبرد :)

نُقطة "صبُر جديد " ✊❤

‏"للأسف رجعت تاني لسكوتي واختياري اكون لوحدي رجعت لقله الكلام وعدم الرغبه ف التواصل مع الكل .

‏لمن زول يبرر ليك موقف عشان ماتفهمو غلط حاول ماتخسره لأنه كونو انو برر ليك دا معناها بقدرك ، لانو اصلاً الزمن دا منو الفاضي يبرر ليك في كل موقف ؟ .

علموو اولادكم الرجالة و الواجب و كفاية اجيال ما بتعرف ف الاصول ، علموهم لمة العيلة و صلة الرحم، سوقوهم صلاة الجنازة زي ما بتسوقوهم الاعراس، علموهم يعيشو و يتمنو الخير لي غيرهم، ماف حاجه اسمها لسه صغير و لما يكبر حيتعلم لانو من شب على شئ شآب عليه .

‏حصل جربت احساس انو يكون في حاجه المفروض انها ما تضايقك بس هي مضايقاك ، وما ينفع تقول انو هي مضايقاك لأنو المفروض انها ما تضايقك ؟
https://www.tg-me.com/MohammedRelax

‏ح يجي عليك وقت هتكون زول قاسي في نظر البعض بمجرد إنك بطلت تتنازل .

يفوتك قطر ! احسن ما تركب قطر غلط !

يوم عرفة امي بتعمل ملاح بايمه مفروكه زابط شديد بس انا شبعت والملاح اغراني شديد ،امي قالت لي عاوزاه ولا اديهو لي بت الجيران قلت ليها بجيب ليك ، قلت ليها ما تشيلي انا عاوزاه .. سبحان الله ما قدرت اكل منو ولا حته ورجعت الحله التلاجه والصباح بت الجيران جات وامي ختتو ايها في الفطور لانو بتحبو شديد !
رزقك بحوم وبجيك ماف زول بهبشو ✨

واحدة بتحكي انها كانت عمرها 30 سنة وما متزوجة وكانت تعبانة من الموضوع دة جدا ..لحدي ما ربنا اكرمها بي واحد شايلها في قلبو وراسو .. في المقابل صحبتها الاتزوجت قبليها ب5 سنين الشخص البتحبو حصل مشاكل بينهم وانفصلو وكان عندهم اطفال ..


الكاتب أنيس منصور الله يرحمه .. كان حاجز تذكرة طياره ومسافر امريكا .. وفجأه أُمه تعبت .. اضايق جدًا لتعبها .. واضايق برضه انه ح يلغي السفر لانو كان عنده لقاء مهم لابد يحضرو وافتكر انو الفرصه ضاعت والدنيا اتقفلت .. ولغي الحجر .. وكان اخر كرسي علي الطياره .. الأخد التذكره بدلو الفنانه كاميليا ..وفعلا ركبت الطياره .. بس حصل الماكان متوقع ،، الطياره اتفرتكت مليون حته وهي ف الجو وكُل رُكاب الطياره ماتوا بما فيهم كاميليا !
انيس منصور اتصدم .. ما صدق .. حصلت ليه حاجه بكرها انه يأجل سفرو .. تكون سبب في انو ربنا يرزقه الحياه بعدها ل اكتر من ٤٠ سنه ويبهر العالم بكُتبه اللي ما ليها طابع خاص وقيمه ما ليها مثيل !
فعلاً ( رَب الخير لا يأتي إلا بالخير ! ) !! 🌸

الشيخ الشعراوي بقول : لعل الله حرمك مما تُريد ليُعطيك ما تحتاج !!

السيده مريم قالت ياريتني مت قبل ما يحصل لي كل ده .. لما عرفت انها حامل .. ما كانت تعرف انها تحمل ب نبي .. ح يغير مسار العالم .. ويتكلم وهو في اللفه .. وهي بسببه تبقي من اكمل واعظم نساء الدُنيا .. واسمها يتحفر في التاريخ للابد .. رِزقها جاها من شيء كانت كرهاه .. سُبحان الله 🌸🥺

احد علماء المُسلمين قال ؛ سيفتح الله لك بابًا للرزق كُنت تحسبه لم يُخلق بمُفتاح !!

لما سيدنا سليمان شاف نمله وقال ليها يكفيك كم حبة رُز في السنه .. قالت ليه واحده ! قام اداها اتنين .. قال ليها ديل للسنه دي والسنه البعدها ..
قالت ليه : ربنا اكرم منك .. انت حتديني ليهم وتنساني باقي عُمري .. لكن ربنا بيرزق وما بنساني !!

ربنا قال في القرآن : وفي السماء رزقكم وما توعدون !


قد يكون رزقك المتأخر أفضل من أرزاقهم المتقدمة ، فاصبر وثق بالله
كل حاجه حتكون تمام وزي الفُل .. قول يارب وما تقلق .. رزقك من الدُنيا حتشيلو .. لو حتي في بطن الحوت .

لو ما عايزين زول في حياتكم ياريت توروهو عديل لانو عيب تخلو تصرفاتكم هي التقولها .

‏اقتنعت الليلة انو الناس وجودهم ورحيلهم مرتبط برغباتهم ما بالانت بتقدموا ليهم ..

منهم بيفضل قاعد معاك حتى ولو ما بتقدم ليهو شي ، و منهم البيمشي برغم المجهود البتبذلو عشانو .

‏قاليك مره ناس غلطانه في حقك ومستنينك تراضيهم .

عمرك ماتوعد بحاجه ماحتقدر تعملها .

‏ياتشد اليد للأبد يا لا تلمسها ابد .