Yarim final ishtirokchilari

1. Gulhayo Anorova
2. Madina Norchayeva
3. Azizbek Yusupov
4. Nozima Habibullayeva

#kattalar_sheriyati

@duelloyihasi

Yillar senga juda go’zal ta’sir qilayapti, Feruza! Senga atab yozilgan she’rlarni to’plasa bir kitob bo’ladi. Qadring doim shunday baland bo’lsin. Alloh Al-Misoqda ruhlarimizni do’st qilganiga ishonaman. Uzoq va baxtli yasha ❤️❤️❤️

https://www.tg-me.com/FeruzaXayrullayeva

Bir roʻyxat tuzdik:
Shoir-u sheʼr-u shuur!

Eh-he, bu roʻyxatga kirmagani hali qancha...

https://www.tg-me.com/addlist/iEzAQACZwD8zZWU6

Duel shunday bo’lgan edi😇Raqibini ayab she’r o’qiyotgan shoira Gulhayo Anorova bo’ladi😊

https://www.tg-me.com/GulhayoAVRON
https://www.tg-me.com/Madina_Norchayeva

Ота, азон чақир,
Овул уйқуда.
Аллоҳу Акбар, де тушлари учсин.
Яшил жойнамозда қирлар мизғийди,
Тонгги пучмоқлардан келар оқ кўчки.
Ота, азон чақир,
Овозингни сеп
Лаблари ёрилган тун роҳларига.
Нега бунча узоқ мафтун бўлдик, деб
Кўз бойлағич оқшом чироқларига.
Нигоҳим толдирди юлдуз - ёнарқурт
Кўксимизда ғижжак ҳислар тўлқини.
Аввал йиғлаётган онамни овут,
Кўрпага ўраб қўй укам устини.
Сўнгра азон чақир
Нафасим қайтди,
Субҳ шонларидан руҳимиз қонсин.
Бир ажиб оҳангда чақирган пайтинг
Аллоҳу акбар, деб
Овул уйғонсин.

Мадина Норчаева

2020 й

​​ОРОЛДАГИ АЁЛ ХИРГОЙИСИ

Танидингми?!
Тушларингда сув паридек сузган эдим,
Тўлқин бўлиб бандларингни узган эдим,
Сув чалпитиб хаёлингни бузган эдим,
Танидингми?!

Танидингми?!
Мен ҳам маюс сув ўтиман,
Балиқларнинг фарёд тўла сукутиман.
Йироқлашиб кетдинг, дийдор ҳудудидан,
Танидингми?!

Гоҳи қармоқ солиб бағринг тиғлаганман,
Сўнг балиқчи чолдек ўксиб йиғлаганман.
Йўлинг пойлаб соҳилингда ухлаганман,
Танидингми?!

Танидингми?!
Йиллар бизни қартайтирган,
Қум қоплаган чўллар бизни қартайтирган.
Ахир менман, бир замонлар эшкак урган,
Танидингми?!

Танидингми?!
Боланг эдим далли сиёҳ,
Сўнг улғайгач ёрингдай бўп кўриндим гоҳ.
Моҳибойни ютиб кетган, эй, ғаюр моҳ,
Танидингми?!

Қайтмайсанми?!
Бўғзим тўла "ув-в!" келтирдим...
Ўттиз тўққиз ғам ёмғирин тирилтирдим.
Мен қошингга уч кўзада сув келтирдим…
Майли, бўрон кўтармасдан оҳиста,
Жим-м-м қайтмайсанми?!

©Мадина Норчаева

2019

***

мезон ипларида кўзларим – дорбоз.
"маъюс нигоҳларинг қайдадир сенинг?"-
деразам ортида куз солар уввос.
"сен ахир меники эдинг-ку, менинг!"

бас,
энди афсусдан не фойда, не наф,
фурсат хотирани борар кемириб.
ахир сен ҳар жомин ишқсизлик атаб
руҳимдан бор ишқни ичдинг симириб.

сенга алам қилар
ғамнинг тўйида
хиром этмаганинг,
дил сўкмаганинг.
ўпкамни тўлдириб хазин бўйингга
сен учун бир томчи ёш тўкмаганим.

алам қилар
дардинг этмаганим фарқ,
кўксимдан чечаклар ҳиди уфуриб,
олтин боғларингни айлаганим тарк,
оппоқ этагим-ла хазон супуриб.

етар,
энди сўрма қалбимдан ҳисоб,
парланиб, ҳавога учган оҳларим.
айт,
қай хотир сенга беради азоб,
қайноқ нафасим
ё
муз ёноқларим?

… менга олислардан термулади куз:
“оҳ, маъюс кўзларинг қайдадир сенинг?”
деразам ортида хўрсинар ҳануз:
“бир вақтлар меники эдинг сен, менинг…”

@shohinur_umarova

Yo'l esse https://telegra.ph/J%D0%8EL-05-31

https://www.tg-me.com/mahliyoxon_umurzoqova

***
Кўзимдан норизо учиб ўтдилар
Мен жануб эмасман,
Билган турналар.
Қақраган дийдамда гиёҳдек куйган
сўзларни қироат қилган турналар.
Унут чолғуларда жон берди куйлар,
Бари оҳангларни шамоллар ютди.
Мен баҳор эмасман,
Мен ҳақда куйлаб
Ёғмурлар кўзимдан норизо кетди.
Тушларимни қавиб тўн бичди оқшом,
Тоғларнинг забардаст елкаларига.
Сўнг бори рангларим
Зулматга чўкди
Кўнглимдан қоронғи ўлкаларида.
На қуёш,
На юлдуз,
На осмон қолди.
Фақат тарк этмади
Ишқ деган бир сас.
Турналар кўзимдан учди, йўқолди
Борлиқ янгиланди, фақат мен эмас.

@Madina_Norchayeva

Bir she’r o’qidim. Nodira Afoqova yozgan. Tun o’rtasida o’qiladigan she’r ekan.


ДУГОҲ
Уни ташлаб кетдим.
Тун ўртасида
Бир осмон юлдузлар ёнарди пар-пар.
Бўронли денгиз у – бўлмас яқинлаб.
Уни олислардан тингламоқ керак.
Исмини севгандим ўзидан аввал.
У – Дугоҳ.
Мен ёлғиз йўловчи эдим.
Исми учиб келди бир жуфт қуш мисол.
У – чақмоқ мулкига менинг узлатим.
Узо-оқдан тингларман.
Сел бўларман, сел...
Яқинлаб бўлмас, у – сўнмаган вулқон.
Мен ютган Сўзларни, Сен қандайин, эй,
Билдинг, басталадинг, халқим-онажон?!
Наҳот, Ул Кунгача – наҳот, онажон,
Сел бўлиб тинглаймиз, жўр бўлиб, йиғлаб;
Наҳот, вазифаси битмас батамом –
Унда воқе бўлар ҳасратзада қалб?..
Деразамдан учиб чиқмоқда Дугоҳ.
Юлдузга етгудай учар пардалар.
Икки олам аро айлаган маъво
Менинг руҳимдир у... Менман, муқаррар!
Олисдан тингламак – на гўзал асрор.
Белги дунёси бу. Исмлар – хабар.
О, айтинг! Сизда ҳам бўлганми шу ҳол:
Исмин севганмисиз ўзидан аввал?

“So’z”da she’r o’qidim.