Биз шоирларни яхшигина калтаклабди. Аммо бу гапларда жон бор. Бу подкастни ҳаммамиз кўришимиз, кўриш баробарида ўз қусурларимизга четдан назар солиб, халққа нима бераолаётганимиз ёки олмаётганимизни ўйлаб кўриш вақти келди (балки ўтиб ҳам кетгандир)!

Юутбда тўлиғи: https://youtu.be/UFyNNciS5sY

*  *  *

Эртак тугаяпти, кўз ёши тўкма,
Исён толейингдан бахтни тўсармиш.
Дардингни ҳеч қайси қудуққа айтма,
Найлик орзусида қамиш ўсармиш.

Эртак тугаяпти, мурод - мақсадсиз,
Ҳаёт бу - ҳаммаси ҳақиқат, тушун.
Девлар бир юмалаб шаҳзода эмас,
Шаҳзода дев бўлиб қолиши мумкин.

Эртак тугаяпти, кўзларингни оч,
Тушингни сувларга ташлагин ювиб.
Ҳаётда муҳими эришмоқ эмас,
Йўқота билмоқлик, айрилмоқ кулиб.

Эртак тугаяпти...

Дилора

https://www.tg-me.com/Aytolmagan_dilim

ҒАЙРИЙ ДАРАХТ

Наҳр соҳилида дарахт кўрингай,
Япроғи чиғалай,
Илдизи балиқ.
Ғадир-будирида тўфон кўрингай,
Чайир шохларига илинган қайиқ.
Шу қайиқ ичида севги ўтиргай,
Тиззасида довул,
Бўйнида илон.
Суяклар беранг қаҳр кўрингай,
Кўрингай булбулга ўхшаган қоплон.
Наҳр соҳилида
Ғайрий дарахтга
Интилган тошқиннинг бариси қоя.
Дарахт атрофида юрак кўрингай,
Кўрингай одамлар қолдирган соя…

Абдували Қутбиддин

Мадина Норчаева

Таскин

Зерикдим
Кунларни сузиб пиёлага
Яна чой қошиқда солавериб қанд.
Қанча югурмайин йўлим айлана
Мудом ўз-ўзимга беравердим панд.
Биламан,
Қайдадир, андозаси йўқ
Бир мавсум туғилар эрта ё индин.
О, шу он апрелга қилмасдан қуллуқ
Кўкламнинг баҳридан кечишим мумкин.
Унда орзуларин кўтарганча даст
Бинафша рўмолин илар тиғларга.
Мангу озодликдан бўлганча сармаст
Қўшилиб кетаман қадим руҳларга.

Siz soʻzga ustasiz, gʻoyalaringiz gʻij-gʻij. Ammo ularni sotib pul topish mumkinligini bilmaysiz a?

🎯 Unda bu yangilik aynan siz uchun!

Bizning ssenariynavistlik kursimizda siz ichingizdagi qobiliyatni kasbga aylantirasiz.
Darslarimiz davomida sizga

🎬 Qisqa metrajli filmlar, telenovellalar
🎞 Badiiy film va seriallar
🎥 Kliplar
🎭 Teatr uchun pyesalar

yozishning sir-asrorlarini oʻrgatamiz.

Kurs davomiyligi 2 oy va uyda oʻtirgan holda online oʻrganishingiz mumkin.

📊 Guruhda eng yuqori natija koʻrsatgan oʻquvchilarning ssenariysi janri boʻyicha rejissyorlarga tavsiya qilinadi.

❗️Shoshiling, joylar soni cheklangan. Eng avval yozilgan 3 ta oʻquvchiga kurs narxidan 10% chegirma bor.

☎️Batafsil maʼlumot uchun quyidagi raqamlarga bogʻlaning:
+998884163005 @ScreenwriterM

👉senariyozuvchilik

Азизбек Юсупов


* * *
Аслиддин Абдураззоққа

Олов тутиб соялар санғир,
ҳансирайди шарпалар – хатар.
Улкан тухум ичра бир сағир
туғилолмай қийналиб ётар.
Довдирайман.
Оёқ остим қий.
Ҳодисага қўёлмайман от:
Туғилгувчи балки бир даҳрий,
балки бир исоваш махлуқот.
Жой ҳам қизиқ.
Шовқинлар ўлган,
ўрмалаган ҳар жон тинч мудом.
Осмондаёқ жувонмарг бўлган
лочинлардан қурилган эҳром.
Кўзлари кўр бир гала осий
ҳамда соқов қуллар – ҳалқадор
ўтказгандек Буюк маросим
тухум бўйлаб ҳолсиз айланар.
Тухум бўлса титрар.
Ичда жанг.
Ҳар ҳолатга тайёр ҳолдаман:
сўл қўлимда ханжар – босган занг,
ўнг қўлимда мислик офтоба.
…Шу зайлда ўтар миллион йил.
Кўзларимни очиб ухлайман.
Бобил ёниб,
қуриса ҳам Нил,
ланж тортмасман, тирикман, шайман.
Бироқ вақт йўқ. Бу ҳаво тахир.
Ҳансирармиз кундан-кун баттар.
Тухум ичра эса бир сағир
туғилолмас…
қийналар…
ётар.

Marosim

Qaydan kelgan bo’lsang, chiq.
Oydan kelgan bo’lsang, chiq,
Arshdan mehmonsan balki,
G’aybdan kelgan bo’lsang,chiq.

Chiq, chiq, chiq, chiq,
chiq, chiq, chiq….

Sakkiz yilda chiqqan jin,
Poklading ruhimni chin.
Sakkiz jannat eshigin
ochib berding tep-tekin.

Chiq, chiq, chiq, chiq,
chiq, chiq, chiq….

Totib ko’rdim do’zaxni,
Tuydim rizvoniy baxtni,
Lahzalarda ulg’aydim,
Kengaydi hayot sahnim.

Chiq, chiq, chiq, chiq,
chiq, chiq, chiq….

Sirin ochib samoga,
Yaqinlashib Xudoga,
Ayol o’ttiz yoshida
o’t qo’yarkan dunyoga

Chiq, chiq, chiq, chiq,
chiq, chiq, chiq….

Azobim oydek to’lin,
O’ksik tun bilar holim.
Kirsin shaffof tanimga
boshqa jon, boshqa o’lim.

Chiq, chiq, chiq, chiq,
chiq, chiq, chiq….

✍🏻MehrNoz

@mehrnoz_abbos

***
Дашт каби ётардим, бепоён эдим,
Осмон гувоҳ эди – бир жаҳон эдим.
Устимдан телбалар тепиб ўтдилар,
Мен ҳам ўзни телба – беморга солдим.

Кўнгли ўксимасин ҳасадда куйган,
Бир кун шу хор кўнгил ҳам обод бўлар-да...
Умидим – умиди узилмасин, деб,
Ўзимни ноилож, ночорга солдим.

Мендан нима кетди, қўлларим сахо,
Камайиб қолмайман – берган-ку Худо.
Ё, Раббим! Шу банданг кир кўнгли учун
Ўзимни шу бугун беорга солдим.

Юрак топганини тутади менга,
Бир ғамгин шод бўлса – етади менга.
Онажон! Қайғурма, қисмат бичилган,
Шу боис бу дилни бозорга солдим.

Барқарор не бордир, таслим бўлгали,
Сафарим тупроқдан сопол қилгали,
Собит бир имон бор – силжитолмаслар,
Бу дилни шу сабаб бедорга солдим.

Дашт каби ётардим, бепоён эдим,
Ўзимни тугунлаб бир ғорга солдим.
Билмасликка олди – шуниси хушдир,
Ўзимни бемор-у ночорга солдим.

Шодмонқул САЛОМ
@Shodmonqul_SALOM

Sen borsan.
Bir kunim jannat
Bir kun jahannam.
Bir lahzam farah,
Ming lahzam osiy.

Sen borsan.
Yelkang baland togʻ
Zabt qilgim kelar butun umrga
Koʻksingga bosh qoʻymoq-
Goʻzal riyozat.
Lainning Xudoga sevgisi misol
Hech kimga bergim kelmaydi
Tuygʻularingni.
Quvgʻinga uchrayman shu uchun
Balki
bir kuni
nigohlaringdan.

Peshonam - otash, qismatim misol,
Peshonam - gʻadir-budur,
Tekislagim kelar lablaring bilan.
Koʻzimni yumaman, muhabbatingdek
Tilsimga aylanar koʻzlarim ichi.

Boʻgʻzimni qonatar har kecha,
"Kel" degan xanjar,
Yutaman, sengacha bormasin deya -
Qoʻrqaman, lahzada qoʻpguvchi qiyomatlardan.
Soʻng...
Titrayman har saboh
alamli koʻz yosh ichida -
Nega kelmading?

Sen borsan:
Har kunim jahannam,
Har kunim jannat.
Meni sekin-sekin,
Lahzama-lahza
Maydalayotganin sezaman
Bu ogʻir qismat.
Yelkam yara boʻlgan,
Barmoqlarim ham.
Davosi oʻlim.
Sochlarimga osilgan
Gunoh laʼnatin
Yashirish uchun
Koʻzimni yumaman...
Koʻrmaysan sen ham...

Ammo baribir, sen borsan!
Qachondir ketsang,
Hech qachon kirmagan eshiging
ochiq qolar.
Ichkaridan uchib chiqqan qush
Bir kun tushlaringga kirishi uchun.

@FeruzaXayrullayeva

Banda Yaratganning sevgisini qozonsa, U shu bandasining gunohlarini o‘ziga ko‘rinadigan qilib qo‘yadi. Shundan keyin u inson boshqalarning qusurlarini ko‘rmaydigan bo‘ladi.

Robiya al-Adaviya

@F_Alimardon

Mirzo Kenjabek she’ri
Jazo

***

Куз яқин
Олисда отамсиз даштлар
Ҳувиллаб қолгандир уйимиз каби.
Қайтиб боролмайман,
Келолмам ташлаб...
Увада тушларим истайди таъбир.

Ҳар кун қуёш силар елкаларини
Деворда илинган қадрдон чопон.
Изиллаб бораман, бир таскин тилаб
О, унда ҳамма жим, ҳамма безабон.

Куз яқин
Эскирар саратон дарди
Ҳадемай ўт ёқар фасли паришон.
Билмам, қай туйғулар топса ҳам якун,
Бир соғинч яшайди маҳшаргача то
Куз яқин...

https://www.tg-me.com/Madina_Norchayeva

* * *

Бу оқшом дарахтлар қимор ўйнамиш
Офтоб ранг симирган баргларин тикиб,
Қушлар уясини қўйиб ўртага
Чордона қурганча ёки тиз чўкиб.

Дарахтлар ёз билан қимор ўйнамиш,
Узоқ увиллайди итлар зорланиб.
Тошсупа устида эртакка монанд
Бир аёл ёшлиги борар парланиб.

Ютсам кўзларимга тиғдай қадалар
Борлиқни қоплаган ғамангиз ҳаво.
Фалакда бир уя жўжаси билан
Донлаган товуқдек кезар Оймомо.

Чўчир ҳамон ёруғ деразалардан
Деворнинг ўрнига қадалган оғоч.
Бу тунги ўйинда иссиқ фаслдан
Асадни ютади кекса қайрағоч.

Уйқу тўлиб қолган жарлик ёқалаб,
Ҳамма ўз ортига жўнагани он.
Бироз алам, бироз кибр аралаш
Овулни тарк этиб кетар саратон.

Мадина НОРЧАЕВА

P/s: Suratda mening qishlog‘im❤

Нодира ОФОҚ

Қизилгул баргига боқғил, ўқурсан мунча савдолар,
Кўзимга босганим- ерда паришоним рўмолим бор...

***

Куздан илгарироқ келди ғуссалар
Куздан илгарироқ одимлади дард.
Куздан илгарироқ кунлар қисқарар
Куздан илгарироқ кимдир солди дод.

Куздан илгарироқ тирноқлар кўчди,
Куздан илгарироқ бармоқлар қоқшол.
Куздан илгарироқ рангимиз учди,
Куздан илгарироқ падарим беҳол.

Куздан илгарироқ йўлларни ичган
Куздан илгарироқ дарахтлар мастдир.
Куздан илгарироқ, кузгача кечган
Умримиз ҳеч қандай фасл эмасдир.

@Madina_Norchayeva