"Besh tashabbus Paralimpiadasi"ning joriy yilgi mavsumi nihoyasiga yetdi

Poytaxtimizda "Besh tashabbus Paralimpiadasi" ommaviy sport musobaqalarining Respublika final bosqichi o‘tkazildi.

Unda hududiy bosqichlarda g‘olib bo‘lgan yoshlar para stol tennisi, para yengil atletika, para shaxmat va para shashka sport turlari bo‘yicha o‘zaro bahs olib borishdi.

Musobaqaning tantanali taqdirlash marosimida O‘zbekiston Respublikasi Sport vazirligi, mamlakat Milliy Paralimpiya va Olimpiya qo‘mitalari rahbariyatlari ishtirok etdi. Gʻolib va sovrindorlar tashkilotchilar tomonidan medal, kubok, maxsus diplom hamda qimmatbaho esdalik sovg‘alari bilan taqdirlandi.

Web-Sayt | Telegram | Facebook | Instagram | Youtube

Poytaxtimizdagi “Humo Arena” majmuasida stol tennisi boʻyicha Osiyo chempionatining tantanali ochilish marosimi oʻtkazildi

Bugun poytaxtimizda stol tennisi boʻyicha U15 va U19 yosh toifalaridagi Osiyo chempionati start oldi. Biroz avval musobaqaning tantanali ochilish marosimi oʻtkazildi.

Unda Xalqaro va Osiyo stol tennisi federatsiyalari, Oʻzbekiston Respublikasi Sport vazirligi, Milliy Olimpiya qoʻmitasi va mamlakat stol tennisi federatsiyasi rahbariyati qatnashdi.

Tadbirda soʻz olgan Sport vaziri Adkham Ikramov ayni paytda mamlakatimizda stol tennisi sporti bilan 72 ming nafardan ortiq sportchilar muntazam ravishda shug‘ullanib kelishayotganligini ta’kidladi.

Stol tennisi bo‘yicha yoshlar o‘rtasidagi
29-Osiyo chempionatini o‘tkazish Oʻzbekistonga ishonib topshirilgani uchun Osiyo stol tennisi uyushmasi (ATTU) Prezidenti Halil Al-Mohannadi janoblariga minnatdorchilik bildirdi.

Web-Sayt | Telegram | Facebook | Instagram | Youtube