كانَ النَّاسُ يَسْأَلُونَ رَسولَ اللهِ صَلَّى اللَّهُ عليه وَسَلَّمَ عَنِ الخَيْرِ، وَكُنْتُ أَسْأَلُهُ عَنِ الشَّرِّ مَخَافَةَ أَنْ يُدْرِكَنِي، فَقُلتُ: يا رَسولَ اللهِ، إنَّا كُنَّا في جَاهِلِيَّةٍ وَشَرٍّ، فَجَاءَنَا اللَّهُ بهذا الخَيْرِ، فَهلْ بَعْدَ هذا الخَيْرِ شَرٌّ؟ قالَ: نَعَمْ، فَقُلتُ: هلْ بَعْدَ ذلكَ الشَّرِّ مِن خَيْرٍ؟ قالَ: نَعَمْ، وَفِيهِ دَخَنٌ، قُلتُ: وَما دَخَنُهُ؟ قالَ: قَوْمٌ يَسْتَنُّونَ بغيرِ سُنَّتِي، وَيَهْدُونَ بغيرِ هَدْيِي، تَعْرِفُ منهمْ وَتُنْكِرُ، فَقُلتُ: هلْ بَعْدَ ذلكَ الخَيْرِ مِن شَرٍّ؟ قالَ: نَعَمْ، دُعَاةٌ علَى أَبْوَابِ جَهَنَّمَ مَن أَجَابَهُمْ إلَيْهَا قَذَفُوهُ فِيهَا، فَقُلتُ: يا رَسولَ اللهِ، صِفْهُمْ لَنَا، قالَ: نَعَمْ، قَوْمٌ مِن جِلْدَتِنَا، وَيَتَكَلَّمُونَ بأَلْسِنَتِنَا، قُلتُ: يا رَسولَ اللهِ، فَما تَرَى إنْ أَدْرَكَنِي ذلكَ؟ قالَ: تَلْزَمُ جَمَاعَةَ المُسْلِمِينَ وإمَامَهُمْ، فَقُلتُ: فإنْ لَمْ تَكُنْ لهمْ جَمَاعَةٌ وَلَا إمَامٌ؟ قالَ: فَاعْتَزِلْ تِلكَ الفِرَقَ كُلَّهَا، ولو أَنْ تَعَضَّ علَى أَصْلِ شَجَرَةٍ حتَّى يُدْرِكَكَ المَوْتُ وَأَنْتَ علَى ذلكَ.

- صحيح مسلم.

والله من أفضل النصائح اللي ممكن يسمعها أي حد في مجال الطب.

الحمد لله أن بلغنا هذه العشر المباركات.

هذه الليلة قد دخلت العشر الأول من شهر ذي الحجة، أيام قال عنها النبي صلى الله عليه وسلم هي أفضل أيام العام.

وكما أن كثيرا من الناس ولله الحمد يكثرون فيها من أعمال الخير من صيام وقيام وصدقة وذكر، فأنبه على أنه ينبغي على الناس العناية بالفرائض فهي أحب العمل إلى الله وآكده.

شغل جميل وفقهم الله. 👇

مادة طب الاسرة والمجتمع متاحة الآن بشكل مجاني! يمكنكم الوصول إليها من خلال الموقع الإلكتروني:
https://study.ososedu.com

غدا يوم عرفة، صيامه يكفر ذنوب سنتين.

البارا والعيد كالعادة هههه

لو لقيت ف الخروف زي الأكياس المائية هادي أو حتى أصغر أو أكبر منها ما تخافش منه الموضوع وتجري تلوح الخروف كله، هذا المرض الطفيلي تسببه دودة الEchinococcus granulosus واللي تعيش حياتها في أمعاء الكلاب -حاشاكم- وتحط البيض متعها ويطلع مع برازه وينزل للعشب ويجي بعدين الخروف ياكله ويتحول في جسم الخروف للأكياس المائية هادي.
وبعدين لما يموت الخروف يجي الكلب -حاشاكم- وياكل لحم الخروف اللي فيه الأكياس هادي ويصاب بالدودة وتستمر دورة الحياة.

لين يجي الإنسان بطبيعته الحشرية ويكسر الدورة هادي بأنه ياكل خضرة أو أي شيء م الأرض وما يغسلاش كويس، وياكل معاه بيض الدودة ويصاب بالأكياس المائية.

باهي شن التصرف الصحيح لو لقيت الشيء هذا ف الخروف؟

خلي نكونوا متفقين أنه أكل لحم الخراف المصابين بهذا المرض ما ينقلش المرض للإنسان، لأنه المرض ينتقل بأكل البيض من الكلاب، لكن لو لقيت الأكياس هادي ف الخروف، بكل بساطة نحيها من غير ما تفجرها، واردمها أو احرقها باش ما ياكلوهاش الكلاب، وباقي اللحم السليم أموره طيبة جدا وما تخافش منه، لو تبي تزيد تتطمن طيبه كويس، لكن عموما الدودة ما تنتقلش م الخراف للإنسان.

الانتقادات اللي جتني بسبب هذا المنشور كبيرة جدا ولست ألوم على أحد، ولكن من باب الأمانة؛ أنا ما نعرضش صحة حد أبدا بسبب تهور أو ترند، نقولها وبكل ثقة: الكلام اللي كتبته لا خلاف فيه في العلم، ومثبت علميا ومن مصادر محترمة.

ما تنساش

تذكير بصيام يوم غد والذي بعده، تاسوعاء وعاشوراء.

لا فكونا عاد، خلاص ولينا جيل المشاغبين وخود مني اللب!

فرّج الله عن أهلنا في سوريا ورفع عنهم الضر.

#المسلم_أخُ_المسلم

"إنا لله وإنا إليه راجعون"
توفي شيخنا الإمام ربيع بن هادي المدخلي
رحم الله إمامنا وغفر له وأسكنه فسيح جنانه

من الأسس المتعارف عليها في الطب وخاصة في مهارات التواصل بين المريض والطبيب أنه ينبغي طمأنة المريض في أقرب فرصة إذا توافرت المعلومات الكافية وعدم تأخير هذا الشيء، لأن العامل النفسي يلعب دورا كبيرا في صحة المريض ومخرجات المرض ومعدلات الشفاء، وكل هذا مثبت علميا.

حشرة بق الفراش أو ما يعرف علميا بCimex lectularis هي حشرة مزعجة جدا يكثر انتشارها في المساكن المشتركة كالفنادق مثلا، ولكن على عكس اعتقاد كثير من الناس؛ فهذه الحشرة لا تزيد عن كونها مزعجة، فهي لا تنقل أي مرض ولم يثبت علميا إلى الآن أنها تنقل أي مرض، مشكلتها الوحيدة هي أنها تسبب حكة وطفح جلدي وأرق وأحيانا ردة فعل تحسسية.

سورة الكهف

كنت نقرا في أحداث التاريخ، ومر عليّ حدث صار في أواخر الستينات وأوائل السبعينات وهو ما يعرف بالثورة الجنسية، التي خرج فيها المتظاهرون مطالبين بالتحرر وفك القيود عن العلاقات المحرمة -وكانت غالبيتها في أمريكا- فانتشرت المثلية بشكل كبير جدا وذاعت، فصاحب ظهورها ظهور أعراض مرض يسبب نقص المناعة لم يكن معروفا قبلا، فكانت هذه بادئة انتشار مرض نقص المناعة المكتسب أو ما يعرف بالإيدز، وكان غالبية من يصاب به هم المثليون حتى أنه سمي حينها Gay Related Immune Disorder (GRID).

اللي خلاني نكتب الكلام هذا هو تذكري لحديث النبي صلى الله عليه وسلم الذي رواه ابن ماجه وصححه الألباني؛ قال رسول الله صلى الله عليه وسلم "ما ظهرتِ الفاحشةُ في قومٍ قطُّ يعملُ بها فيهم علانيةً ؛ إلا ظهر فيهم الطاعونُ والأوجاعُ التي لم تكن في أسلافِهم".

فكان وصفا دقيقا في زمن لم يكن يُعرف فيه حتى ما هي البكتيريا أو الفيروسات.

فحق لنا أن نتمسك بتعاليم هذا الدين ونفتخر به ونعتز به.

ما تنسوش سورة الكهف

السلام عليكم ورحمة الله وبركاته

بالله عليكم اقروا الكلام هذا كويس، الكلام مش وهم وما يكذب عليكم حد، أنا شخصيا نعرف الكلام هذا ونعرف ناس داروه، راهو الأمر شر في شر والله خراب لدينك ودنياك، وأخص بالذكر البنات لأنهم أكثر من يتبع ف هادي الأمور للأسف.

القصة:

قصتي مع الدجالة.

مبدئياً القصة هذه وصلتني على بريد الصفحة من إنسانة كانت مغيبة، قبل ما نبدأ اي كلمة سلبية في حق صاحبة القصة ح يتم الحذف، لان المراة كانت مغيبة المراة تابت المراة طلبت ننشر قصتها لكي يتم إنقاذ البنات، بسم الله نبدأ القصة.

السلام عليكم انا وحدة من الناس اللي تبع رويدة، نحب نقوللكم اني دكتورة وكبيرة وأم لي أطفال، مع ذلك جرتني وخلتني ندفع قرابة ٢٠ الالف في كورساتها.

لقيت روحي في القروب مرة وكانت تحكي على حاجات عادية كيف نحافظوا ع الاذكار سورة البقرة، تنظيف الغبرة لانها الغبرة طاقتها سلبية، كيف تتخطي كيف تكوني افضل ومن هنا بدت بدايتي معاها.

دارت رحلة قوس قزح واشتركت في الكورس.

علمتنا اول شيء كيف تجدبي ريشة، ونجحت معانا كلنا لدرجة بنات راقدين ودار مسكرة لقو جنبهم ريشة كيف جت مانعرفش!

بعدين خشت في زينة الحياة الدنيا "المال"
كيف تجذبين المال، المهم كانت تديرلنا في جلسات وللعلم الجلسات كلها بعد المغرب نطفوا في الضوء بالساعتين وتفتح في موسيقى ومؤثرات صوتية وتقعد تقرأ وتسبح ومش عارفة شنو.

بدو يجوني الفلوس، انا هنا خلاص فرحت وحي الجذب نجح!
بدو يجوني الفلوس ومش عارفة كيف، حاجة عادية نبيعها بمبلغ كبير، حد يعطيني، يجيني موضوع في خدمتي.

درت السيارة اللي نبيها، درت ذهب وكنت فرحانة ونشوف في رويدة والطقوس اللي درتها هي سبب اللي اني فيه.

اشتركت في قوس قزح ٢، في سر السر، في حياتي الجديدة، والله على ما اقول شهيد لو بنزيد عليكم حرف او اني كذبت على هالانسانة.

المهم لما بدينا نفتحو في الشاكرات، في بنات جاهم نزيف بعد جلسة "التسنتر" وقالت "عادي تنظيفات"
بدي الرعب، بديت نشوف في اشكال حيوانات غريبة، الكوابيس واحلامي كلها مرعبة.

ولما نسألوها تقول عادي هذه مخاوفكم تطلع على شكل احلام.

كل مانتقدموا في الكورسات كل ماتطلع شيء جديد، وكانت محذرتنا ممنوع نطلعوا اي معلومة او نحكوا ع الموضوع.

في مرة من المرات كان الضوء مطفي وبدت تضرب بالبندير وتدير في اجواء حضرة وتقول ياحي ياحي، حني كنا مستمعات نرقدوا ع الظهر ونطفوا الضوء ونديروا شمعة وهي اللي تقرا علينا ونسمعوها، مانكذبش عليكم خفت من الاصوات وقلت اعوذ بالله وطلعت من الجلسة لين جسمي اقشعر.

كانت تطلب منا في اشياء زي ضروري يكون عندك تزدان احمر ونحط فسطة عود قرفة، نحط تحت المخدة مش عارفة شنو، نشغل شمعة باللون كدا.

وانا مع هذا كله مغيبة ونقول عادي المراة تذكر في ربي، اقسم بالله ان هالفترة كأني منومة ولو حد ناقشني وقالي انتِ غلط نشوف في نفسي اني ورويدة بس اللي صح.

وللعلم راهو الكورسات كلها في الليل وفي ساعة معينة، لما نقوللها النهار تقول لا مانقدرش!

وحني مع هذا كله مغيبات مانقدروش نسألوا او نقولوا ليش في الليل بس؟؟

كانت تعطي فينا في احجار، عين الهرة حجر مش عارفة شنو، وتبيع فيهم، تجينا منذوبة تجيب فيهم من إفريقيا والمشكلة برقم وقدره ونشري فيهم.

حجر يحمي من الحسد، حجر يجيب الفلوس، ومانعرفش وين كان عقلي؟؟

المشكلة حتى المنذوبة اللي بتاخد فلوس الاشتراك هي تحدد المكان ماتجينيش للحوش!
ويقول نخلص في ممـ،،ـنوعات، مع ذلك مغيبة رويدة بس هي اللي صح.

كانت تعطي فينا في تسبيحات بأعداد معينة، زي تسبيحة ياهو.

كيف كانت التوبة؟

في يوم من الايام اختي خطوبتها عطلت جيتها قعدت نحكيلها انتِ تعرقلتي تعالي خشي معاي الحمدلله اني ماجريت اختي معاي، سمعنا خوي، وخوي ولله الحمد كان سلفي.

قالي من هي اللي تحكي عليها هذه؟
قلت: رويدة
قالي: حي عليك هذّه مشعوذة وجاي فيها بلاغ من الأوقاف، وهاربة لتركيا، وراك طالعة من ملة محمد.

انا تعصبت وقلتله كيف تقولي طالعة من الملة، وهذه مراة كويسة وهادي تذكر في الله، وهي صح في تركيا بس هي تزوجت غادي شوفوا كم انا مغيبة!

المهم بدينا تراجعوا في الكورسات وحدة وحدة، وبدي خوي يفتحلي في عيوني.

وطلع الشاكرا اللي فتحناها واجهضو منها حوامل هي انها دخلت لينا جن عـ،،ـاشق!

الكوابيس والحيوانات اللي كنا نشوفوا فيها، هي شياطين!

والشرك، الشرك اللي خشيت فيه، وصلت لمرحلة نقول التزدان اللي عطاني الفلوس مش ربي، الطقوس هي اللي جابتلي الرزق، الحجر هو اللي حماني، وهذا كان جهل مني انه اكبر انواع الشرك اني نشرك بالله ونساويه بحجر.

قعدت نتعالج من المس، بعدما سيبت عارفين المدمـ،ـن اللي يعاني من اعراض الانسحاب؟؟

والله على ما اقول شهيد هذه اني، كنت زي المجنونة نبي نرجع لطقوسي وخوي يشد فيا، يقرأ عليا عالجني بالقرآن.

المرحلة بعدما سيبت كانت رعب بديت نتخيل في اشياء نشوف في حاجات وخيالات في الحوش بديت نخاف على صغاري، خايفة على نفسي، كوابيس والكوابيس مستمرة معاي لليوم، نحكي وراني قاعدة نعاني من الكوابيس!

وهذه قصتي حبيت نشاركها معاكم، لعلى وعسى وحدة من البنات كانت مغيبة زيي، راهوا سحر ودجل وشرك اكبر يابنات.

الحمدلله اني طلعت، المشكلة انها مستمرة والبنات اللي خدو عندها كورسات يدربوا في بنات ثاني.

راهو هذا دين جديد خالط بين الوثنية والقرآن راهو شرك ديروا بالكم.

هذه قصتي اقسم بالله العظيم اني ماكذبت عليها في حرف وخصيمتي يوم غدوة لو انا كذبت عليها.

"جاء الإسلام غريباً وسيعود غريباً"

ملاحظة نسيت ماذكرتها في القصة، عطتهم طريقة التواصل مع الاموات وصاحبة القصة تواصلت مع جداها المتوفية، طبعاً هذا منافي للدين مافيش شي اسمه تواصل مع اموات يتواصلوا مع شياطين لكن شُبه لهم.

#اعتراف_confession

والله العظيم حرب صارت عليّ بسبب المنشور هذا نسأل الله العافية.

ومع هذا والله ماني متراجع ع حتى كلمة، ونصيحة؛ فيه دكتورة مدايرة صفحة اسمها الدكتورة أم يوسف، موضحة كل شيء بالأدلة.

اللي مستعد يبيع دينه ويخسر دنياه وآخرته يخش معاهم.

المشكلة لقيت دكتورة أطفال مشهورة اسمها نس*** أو حاجة زي هكي، وحدة متعلمة ونزلت فيديو فرحانة تقول خديت كورس سر السر، هذا غباء ولا جهل ولا نقص عقل ولا الواحد شن بيسميه!