#الانـصـار

طفح غيض المرجلة بربع الحـسـين
وهــوسـو يــم الخــيم متجـمـعـين
بالحــرب عد عيناج ... رايدين احنه ارضاج
يازيـنب ………… يازيـنب
ــــــــــــــــــــــــــــــــــــــــــــــــــــــــــــــــــــــــــــ
توسط الحومه حبيب ولنه يصدح بالنداء
يالله وينه الراد يوفي هاي ساعات الوفاء
هاي معـركة الكرامه وهـاي معـركة الاباء
وصاح حيهم يالله ربعي خل نزلزل كربلاء

خــل نـراويـهم عـزمـنه اوزودنــه
الحــرب ما تــبرد ابــد من صوبنه
شكد نَموت من اعداج .. رايدين احنه ارضاج
يازيـــــنب…………… يازيـــــنب
ــــــــــــــــــــــــــــــــــــــــــــــــــــــــــــــــــــــــــــ
هـوسـو يـم العقيـله ونـار واحـدهـم غـظـب
اشتعلو الانصار نـار والخصم صـاير حــطب
لن حبيب توسطاهم شيـخ الانصار وخـطب
خلي نحوي الروس منهم مثل مانحوي الرطب

خل نحمــل اسلالنه من روسهم
غيض ربعي نار غاطي اعيـونهم
احنه زينب بحماج ... رايدين احنه ارضاج
يازيـــــنب …………… يازيــــــنب
ــــــــــــــــــــــــــــــــــــــــــــــــــــــــــــــــــــــــــــ
تـجـمعـو يــم المخيـم والـمخـطـط مالــهم
عابس واجون وبرير الغضب شد احزامهم
صاحو انتم لليمين واحـنه مــــن اشـمالهم
ثــــوره خل نصيح بيهم خل نطب لعتابهم

نوفي لاخر نفس بينه من الحياة
وما نـعـــوف حـسـين أبدا للـمـاة
يهنيــاله الوافـاج ... رايدين احـنه ارضاج
يازيــــنب ............. يازيـــــنب
ــــــــــــــــــــــــــــــــــــــــــــــــــــــــــــــــــــــــــــ
هـد زهيـر يفـور دمـه بسيفه مـا واحـد سلم
كال روحي تروح فدوه من اجل هاي الخيم
الحـارب حـسين وعـياله هـاذ ماعنـده قـيم
سيفي مشتاك لذبحهم بالدمه يخط جن قلم

روحـي لجـل الديـن انـطـيه نـذر
المايوافي حسين جا شنهو العذر
وكلنه هاليوم وياج ... رايدين احنه ارضاج
يازيـــــنب .......... يازيـــــنب
ــــــــــــــــــــــــــــــــــــــــــــــــــــــــــــــــــــــــــــ
أمني يـوصيـة علينه مـن يصـل لخـيامـج
غير كلنه انـطيح فـدوه ألـتـراب اجـدامج
الموته وحده وياحلاته الموت بس كدامج
خـل احـنه انموت عادي سالـمه ما دامـج

احنه مخلوقين لجل احسينه
وصحبه مال سنين بينه وبينه
أمني عمي اترجاج ... رايدين احنه ارضاج
يازيـــنب .......... يازيـــنب
ــــــــــــــــــــــــــــــــــــــــــــــــــــــــــــــــــــــــــــ
خادم الحسين : محمد رحيم المشعلاوي

ها يزينـب خـويه ابشـري راح اجيبلج نـهر
هاي طلبه زغيـره كلـش والـه اشبـعهم قهر
كلشي تردينه وجبلج بخدمتج طول الدهر
والـي يوكفـلي بطـريقي اله اكـسرله الضهر

أمـري وأمـرج يصير .. النهر يــمي يحيــر
رجف لو يسمعني جاي ..لا يزينب شنهي ماي
تصميم : احمد البصراوي💔
#ويبقى_الحسين

#ليــلة_الوحشه
حال مولاتي زينب سلام الله
ـــــــــــــــــــــــــــــ

هاليـله وحشه ومضلمه والگمر غايب
وأخوان زينب بت علي فوك الترايب

بيش اوصف حالها ... يامصيبه اقرالها
اه يزينب ............ اه يزينب
ـــــــــــــــــــــــــــــــــــــــــــــــــــــــــــــ
زينب وحدها اويه الغرب واخوان ماكو اليله
نامو عله فراش الرمل ولا أخو الضل تشكيله
بس العلــيل اوكربله أخـذتله نـص مـن حـيله
بـياوكـت صارت يازمـن بالجـبـل بانـت ميـله

هاليله زيـنب باقـيه بالهـم وحـيده
بالون يخلص ليلته الفارك عـضيده

بيادموع انعالها .. يامصيبه اقرالها
اه يزينب ...... اه يزينب ــــــــــــــــــــــــــــــــــــــــــــــــــــــــــ
يانـاس زينب بـت علـي  مو سهله تبقه بغربه
صعبه وأشد من الصعب وشما نوصف صعبه  
الحـيرني ياوادم أمـر  لا مـو أمـر بالـعجــــبه
شصبرها لـمن شاهـدت  حـافر يدوس أبگلبه
 
شافـته أمـوذر وصـل صاحـت يالاهي
أنْ كانَ يُرضيـكَ فَخـذ فـخر أو تباهي

والفخـر يحلالها .. يامصيبه اقرالها
اه يزينب ...... اه يزينب
ـــــــــــــــــــــــــــــــــــــــــــــــــــــــــ
بهليله زينب من بقت وحـدها ما مش والي
أحضرني صاحت ياعلي وينك ييويه الغالي
ضليت وحدي بكربله يبجي الصخر ياحالي
تسمعني ياحامي الغرب بنتك اوكوم اسعالي

ما تـعـبر اليله بـسلَـم  يابـويـه وينك
حرگو مخيمنه وبعد شتمو احسينك

المحترگ دلالها ... يامصيبه اقرالها
اه يزينب ....... اه يزينب ـــــــــــــــــــــــــــــــــــــــــــــــــــــــــ
اشكد مواقف شـآهـدت  من المشرعه للخيمه
شافـت أزنــود أمكطـعه  التـرد جـانـت جـيمه
تصيح اليسد عين الشمس راح اوتركنه بهيمه
عباس شتحـمـل بـعد  واليـسـر بـاجـــر ضيمه

 تتمايل أوياك السمه من تمشي عالكاع
رَچبلي أزنودك فقط  بس حـك الاوداع

الحلم جان أخيالها ... يامصيبه اقرالها
اه يزينب ...... اه يزينب
ـــــــــــــــــــــــــــــــــــــــــــــــــــــــــــــ
اليـل لو مابيه گمر  اضلم يصير اعله الناس
يا حال زينب من مشه  بدر الهواشم عباس
صاحتله يمحلي العمر من عدك يغار اليـاس
هليله أخيتك حايره  تلطـم تدك اعله الراس

ضلمه اصبحت خويه تره يامحلي الايام
كوم انته رجعلي الضعن لا يمشي للشـام

العباس ضل ابالها ... يامصيبه اقرالها
اه يزينب ...... اه يزينب
ــــــــــــــــــــــــــــــــــــــــــــــــــــــــــــــــ
الله يـسـاعد حــالتـج  بـت حــيدر الله يعينـج
عالنـهر مـن طـاح الگمـر أنـتها البـينه وبـينـج
ياحـيرتـج لـيـل أهدعش ياصوب دارت عينج
العباس من رحتي ركض لورحتي صوب حسينج

مابين عبـاس أركـضَـت لابـيـن الحسين 
كل لحضه من هاذ الوكت تنعد بالسنين 

بغربه من يسعالها ... يامصيبه اقرالها
اه يزينب ...... اه يزينب
ــــــــــــــــــــــــــــــــــــــــــــــــــــــــــــــــــــــــــــــ
الخــادم : محمد رحيم المشعلاوي

هالليله وحشه ومضلمه والكمر غايب

شحال زينب بعد اخوها اشحالها
ياهـــو بـعد حسين شد ارحـــالها
                    *
حـسين ويـنك ياعمــود الخـيمه
شلون ترضه اختك تضل ابهيمه
ياكـلـف يالجــفك يـــرد جـــيمه
كـــوم رد اويــاي يا خــيـالـهـا
                   *
ليش عايـفـني يخـــويـه بالغـرب
خــاف مـن بعـدك سبيه ونـضرب
خويه كوم اوياي ماعوفك صعب
اختك انه المنشاف اخيـالها
                  *
كوم خويه وياي نشفها التسيل
وين عايفني بحمل كلش ثجيل
خويه هاي الناس باجر لو تعيل
ياهو اليردها يكطع اوصالها
                 *
يا ال هاشم وينكم ياهل الشيم
وين راعي اضعونها الشال العلم
كــوم شـوف النار تلهب بالخـيم
حـين طحـتو والعـده أدنـالها
                 *
ليش نومه اعله الترب ياهل الوفه
هــاي زينـبكـم غـريـبه اوخــــايـفه
شلون تـرضـوهـا بحبـل ومجـتـفه
لو عدل عبــــاس مـن يدنــــالها
                 *
كوم ياعباس وأحــدي اضعــوني
شلون ترضاهـــا الغرب يحـدوني
من المديـنه انـتم تـره الجبتـوني
الوادم تعـــاين عليـــه اشمـــالها
                 ***
هاي زينب موش حي الله مره
عالمه وحــــره وأبيــه مخـدره
غير اخوها يصير سبع الكنطره
هاي زيـنب منهو يدنـــــــالها
ــــــــــــــــــــــــــــــــــــــــــــــــــــ
       خادم الحسين
محمد رحيم المشعلاوي

#عند رجوع الضعن الئ كربلاء
ـــــــــــــــــــــــــــــــــــــــــــ
 
ردينه من ذاك السبي يا ابا الفضل گوم
وزينب أجتك تشتـكي ومحمله أهموم
اگعد يخويه واستمع من عندي الاخبار
بالشام سمعونه حجي ومشامر احجار
خويه خويه .. خويه خويه
ـــــــــــــــــــــــــــــــــــــــــــ
من بعد ما طحتو يخي هجمو علينه اعداكم
صاحوا احرگوها الخيم لا يمي حتئ انخاكم
الشمر وبصوته النذل ويصيح طاح الواكم
ويصيح يازينب بعد العباس شو ما جاكم

يتمرجل اعليه الشمر من ياوكت هاي
ياخويه گلي بياوكت ماهو انته وياي
ياريت حاظر يالگمر وتشاهد النار
بالشام سمعونه حجي ومشامر احجار
خويه خويه.. خويه خويه
ـــــــــــــــــــــــــــــــــــــــــــــ
من حرگو اخيامي العده ياخويه صرت أبحيره
والحال أبد ماينوصف كلش صعب تفسيره
انه الخدر وام الخدر من ديره امشي لديره
ديرة شماته ابلا رحم و الوجه وين نديره

حركو خيمنه او حضروها هزل النوك
محتاره وين انطي الوجه من طبت السوك
بس الرعب منهم بگه بگلوب الازغار
بالشام سمعونه حجي ومشامر احجار
خويه خويه .. خويه خويه
ـــــــــــــــــــــــــــــــــــــــــــــ
ياخويه شحجيلك بعد  عن اليسر ودروبه
ليل او يمرنه بالغرب لا هلا بجيت اغروبه
ضلت تره بس العبي  ياخـويه ما مسلوبه
من يزمخ اعلينه العدو راسك نعاين صوبه

فوك الرمح راسك يخي  ومخوف الناس
تـتراجـف بخـوف الزلم  لو صحنه عباس
ياوسفه دارت دنيتي وبيه الوكت دار
بالشام سمعونه حجي ومشامر احجار
خويه خويه .. خويه خويه
ــــــــــــــــــــــــــــــــــــــــــــــ
طبينه للشام بطبل  كل الخلك فرحانه
مانعرف اوجوه البشر الحبنه والضدانه
شماتنه هواي وبعد شافو الروس اويانه
تهضمني ياهوه اليجي يذكرني هسه السانه

زينة أبوها بياوكت  بالطاري تنجاب
غير الوكت خله الگمر نايم عالتراب
وياي حاظر يالولي بس راسك الحار
بالشام سمعونه حجي ومشامر احجار
خويه خويه .. خويه خويه
ــــــــــــــــــــــــــــــــــــــــــــــ
شحجيلك اوشذكر الك  ياخويه عن ياحاله
شتـحـمـل وشصبر بـعـد وگـبــالي الجــتـاله
متوسط إيزيد القصر ويسولف اعله افعاله
كتله الفعل لهـل الفعـل وانـت الولا تحـلاله

يالمالك افعـال الزلم گتله  جـنت ويــن
لو عندك الجرئه صدك  گابلت الحسين
بس راس الحسين اوخفت لوصوبك اندار
بالشام سمعونه حجي ومشامر احـجار
خويه خويه .. خويه خويه
ـــــــــــــــــــــــــــــــــــــــــــــــــــــــــــــــــ
الخــــادم محمد رحيم المشعلاوي
تمت

ردينه من ذاك السبي يا ابا الفضل كوم

بـت خير النـــــاس وأم الحـــــسنين
مضلومه اهــــواي بأمــر الشـيـخــين

مزق الملعون كتابها فقالت له :
"بقر الله بطنك كما بقرت صحيفتي"

فأستجاب الله دعائها وبعث له أسعد السعداء ليبقر بطنه وينقله من دار الدنيا الى قعر جهنم

#٩_ربيع_الأول
#هلاك_قاتل_الزهراء
#عيد_الغدير_الثاني

عن أَبُو عَبْدِ اللَّهِ عليه السلام:

إِنَّ فَوْقَ كُلِّ عِبَادَةٍ عِبَادَةٌ وَ حُبُّنَا أَهْلَ الْبَيْتِ أَفْضَلُ عِبَادَة

📚المحاسن، ج‏1، ص: 150

عن الامام الصادق عليه السلام:
ما مِن أحدٍ يوم القيامة إلاّ وهو يتمنّى أنّه مِن زوّار الحسين ، لما يرى ممّا يصنع بزوَّار الحسين عليه السلام مِن كَرامتهم على الله تعالى» .
📚كامل الزيارات؛ص١٤٦

لقد أثبتت السيدة رقية أنك إذا توسلت بالحسين "عليه السلام " بصدق وإخلاص فإنه سياتيك حتى ولو كنت في خرابة ٠٠

ياحسين هلا اطليت على خرابة وجودي أيضا

علي رضا بنهايان