روحـي مشتـاگه الحـنانـج يمه يمه
يمه اذه شوگي انتفض جا وين اضمه
يمـه ويـنـج ارد اجـيـج
گلبي طك شوگه عليج
يمــه يمــه *** يمــه يمــه
ـــــــــــــــــــــــــــــــــــــــــــــ
يمه مشــتاگــه الـــج هـا يالحـنيــنه
كلشي مايسوه بعد رحتي من ادينه
والفـرح راح وبـعـد هـم ما يجـيــنه
البيت ضل خالي وعلي زايد ونيـنه

كل ركن بالبيت يسئل يمه وينـج
والله مشتاگه الكعدتج والحنينج
وروحـي مشتاگه الحـجيج
گلبـي طــك شوگــه عليــج
يمــه يمــه يمــه يمــه
ـــــــــــــــــــــــــــــــــــــــــــــ
عيــوني غـرگـن بالمـدامـع يالحبيــبه
والصبـر رايــد صـبـر ومـنيـن اجـيـبه
گلبـي موجـوع وفـقـط انـتي طبيـبه
ابيتي انه وكمت احس روحي غريبه

يمه مشتاگه الج شـــوك اليــتامه
ابيتج تفريـــن جنتي جن حمامه
امــي انـتـي وام ابيــج
گلبي طك شوگه عليـج
يمــه يمــه يمــه يمــه
ــــــــــــــــــــــــــــــــــــــــــــ
يـمـه متعـوده الصبـح اسمـع كـلامـج
انـه طـفلـه وهـايمـه جـنت بـغـرامـج
أبـدي يومـي تعـودت يمـه بـسـلامـج
فدوه اروحن يمه كـون انـه المقامج

سيـدة هالكـون شو ماتت غريبه
ام حسن وحسين حالتها عجيبه
روحي ضاكت فكي اديـــج
گلـبـي طـك شوگـه عليـــج
يمــه يمــه يمــه يمــه
ـــــــــــــــــــــــــــــــــــــــــــــ
ضوه الدنيه يمه جان بوسط عينج
حــيره محـتاره بغيابـج يمه وينـج
بعدج اشفتي ييمه من سنيــــــنـج
ولـدج اتـفطـر كلبـهم فـاگديــــــنج

ضلـو ينـوحــون يمـه بفگدج اهــواي
الدنيه صحره وجنتي الهم انتي ماي
الموت ما يرضه اله بيـج
گلبي طـك شـوكه عليـج
يمــه يمــه يمــه يمــه
ـــــــــــــــــــــــــــــــــــــــــــــ
الدنيه مابيه طعـم من عـني رحـتـي
لئـن جنتيلي وطـن مـو أمي جـنـتي
شنهي الموت احله يمـه مني شفـتي
ليــش مـن زغـرج ييمه ونحـرمـــتي

اسئلج يايمه كوليلي الصـراحــه
گلبي ما طابن بعد كثرن جراحه
يـمه كـل هاذه ارتـجـــج
گلبي طك شـوگه عليـج
يمــه يمــه يمــه يمــه
ــــــــــــــــــــــــــــــــــــــــــ
يمه اتاني وابقــه اتاني لحد ماموت
موحـش البـيت بغـيابج جنه تابـوت
اصفن ابيتي واسمـع يطلع الصــوت
يمه صوتج ضال بيه بكلبي منحوت

فركـه مـا احـمل بعــد والـهـم كـتني
الدنيه ماتسوه بعد من رحـتي عني
ادعـــي امـوتاً والتقيــج
گلبي طك شـوگـه عليج
يمــه يمــه يمــه يمــه
ــــــــــــــــــــــــــــــــــــــــــــ
الخـــادم
محـمد رحـيم المشعلاوي

أنه بت العـرج مـن مكـه للمقـدس
انه امه الــرد بيده جنح فطـــرس
انه الكوثــر انه الأكثــر انه الزهره
ــــــــــــــــــــ ❃ ❃ ❃ ــــــــــــــــــــ
أفعــال أفضــال
جـثيــره وبـت نـبي تكـفي الهـوية
بالبـيت تربـيت
أنه وجبــــريـل والرحـمـه سـويــه
الزهراء حـوراء
ما حــاجــه بعــد اشــرح قـضـــيه
يكـرهون يضـدون
لئـــن درة علــــي هجـــمو عليـــه

برئ اسمه محمد حاشه من عدكم
هجمتو الـداره غفـله وهوه آمنكم
تضــدوني تعرفـوني انه الحـره
ــــــــــــــــــــ ❃ ❃ ❃ ــــــــــــــــــ
يجــــناب يذيــــــاب
حـــــرام انـــتم تسميــتو صحــابـه
تمكـــرون تـغــدرون
رحـــل عنـكــم دخـلـتو غفـلـه بابـه
الاجـــراح بس طـاح
هـجـمتـو وأبـد ما همـكـم مصـــابه
ميطيب ويشيب
عليـــكم گلــبي ما يهـفــت عذابــه

علئ الهجــمو الداري گلبــي ما يكـدر
العذر مرفـــوض الهم حتئ بالمحـشر
ولا يعــــذر ولا يصـــبر نـفـذ صبـره
ــــــــــــــــــــــ ❃ ❃ ❃ ــــــــــــــــــــ
الرحــمآن قــرآن
عـلـه صـدر النـبـي آيـــاته نـزلـــــها
اعجــــاز ونجـــاز
عله طـول الرســاله بگلــبه حامـلها
مقيـــاس للناس
بخـير النــاس عاشت جان كافلــها
تمهـــيد توحــيد
بحــكم عادل اجاها وجان عـادلـها

اجه نور الدنيـه بوكت جان اضلم
لجـن غداره هاي الناس ما ترحـم
نبي الرحمه وابو اليمه ابو الفقره
ـــــــــــــــــــ ❃ ❃ ❃ ـــــــــــــــــ
عالــدار يشـــرار
هجــمتو علــيه ماهمكم مكــــاني
البسمـار والنـار
وحـيده استوحدو ضعفي وكياني
احـزان عالجـان
عـمر احـسب العمره وما اجـــانـي
تانيـــت ونيـــت
اهـوه او حيـلي طاحو من جفاني

عله المحـسن اونن مو عله روحــي
جنيــن بدمه فاض او زود جروحي
طفـل بعده مي اتبده نحرم عمره
ـــــــــــــــــــــ ❃ ❃ ❃ ـــــــــــــــــــ
احسـاب واكتـاب
عله الــزمـره الـذي خــانـت نبيـــها
احــقـاد اوغـــاد
علئ حيــدر علـي لنـه وصيــــــها
الـــكـــرار مغــوار
لجن عنـده وصيـــة موصئ بيـــها
محـكوم ملــزوم
لجـــل توحـــيد امـه ومســلميـــها

حـساب الكم عســير الباري يتوعد
حـطب للنـــار كلمن عــاده وتــوغد
خــليفتكم سقــيفتكم انه انتضره
ــــــــــــــــــــ ❃ ❃ ❃ ــــــــــــــــــ
الخـــادم محمد رحيم المشعلاوي

علي الكاسرله ضهره  خبر موتج يزهره
للمسجد مشوله الحسن وحسين
من گـالوله گــام وعـثر مـرتـين
يزهـره … يزهـره
ـــــــــــــــــــــــ
ذاب حيله ذاك ابو الحيل الثجيل
بياوكت صارت جبل شامخ يميل
هيج حيدر من سمع ماضلّه حيل
جانت الدنـيه ضهر  وبعينه لـيـل

طلع بس طلع گلبه .. عثر والعثره صعبه
من المسجد طلع وادموعه بالعين
من گالوله گام وعثر مرتين
يزهره … يزهره
ـــــــــــــــــــــــ
طال دربه والدرب كلش گصير
وهـاي اول مـره حيدرنه يحير
ثكلن اجدامه واتمنه لو يطير
وگام يتصور ابمنظرها الاخير

علي ويتنخه بجدام ... شكثر غداره الايام
القلع خيبر بجفه وسفه بعدين
من گالوله گام وعثر مرتين
يزهره … يزهره
ـــــــــــــــــــــــ
توني راجع من دفن محسن يزهره
التربه مانشفت بعدهي بگبره خظره
هسه جاني الخبر انتي بحاله خطره
اليسمع بروحه انتهت بالله شيصبره

صرت يوميه جناز .. أزت ورجع بالعزاز
حمل واحد او هدني انوب حملين
من گـالوله گـام وعـثر مرتين
يزهره … يزهره
ـــــــــــــــــــــــ
الموت ماخذ روحي بس عايش بقيت
جـسد وبـلا روح مــن بـعـدج صـفيت
يفضل اعليــه ويجيني موتي ياريت
اضلم او موحش اوغربه بعدج البيت

بيت و جنه تابوت ... موحش يشبه الموت
ليش انه الوحيد يموت موتين
من گـالـوله گــام وعثر مرتين
يزهره … يزهره
ـــــــــــــــــــــــ
جنت اضن موتي گبل موتج يروحي
رحـتي وعفتيني بس آنـه وجـروحي
صحبه من بعدج صرت آنه وينوحي
خنكة المغرب ثجيله ودمعي يوحي

الدمع يكتب يزهره ... بفگدج شنهي صبره
علي آنه وأدور بالبجي أمعيــن
من گالوله گام وعثر مرتين
يزهره … يزهره
ـــــــــــــــــــــــ
محمد رحيم المشعلاوي
تمت بعون الزهراء ع

#امنية_ام_البنين
#ساعة_الموت

يريتك    ييمه تسمـع الصـوت
يريتك    تجيني بساعة الموت
گبل لا غمض الجفن
يبني تحظر بالدفن
بساعة الموت
ـــــــــــــــــــــــــــ
الك يا يمـه روحـي اليـوم  مشتاگـه
تحظنك حيل رادت حظنت املاگـه
حـنـينـي الـزاد حـتئ حـنـت النــاگـه
تعـال واشـوف يبني گـلبي واشواگـه

حنيني    عليك عابر حنت النوكَ
حنيني  العين تبچي گلبي محروكَ
عليـــك لو فك الحـزن
يبــني تحظر بالدفـن
ساعة المــــــوت
ـــــــــــــــــــــــــــ
من أهد موتك ييمه وروحي مفجوعه
وصـرت كـل ليـله اون بونه مسموعه
گلبـي ماهـده بـس انـتـه موضــــوعه
وروحـي اتعـودت عالدمـعه واللـوعـه

حزينه  ودمعتي تفطر الگلوب
حزينه  و يحـالي جنه يعگوب
عليك زيــنب والمتن
يبني تحظر بالدفن
ساعــة المــــوت
ـــــــــــــــــــــــــــ
تراهو الموت أجاني وفرهد أسنيني
من مرانـي طـارش مـوتـت أبنيــني
والـزودلـي ضيـمي والـعـمه عيـني
مـن أسـمعت كَـالـو  ميـت أحسيني

نخيتك   يموتي  تأخــرت ليش
نخيتك   بعدهم  تدري ماعيش
موتي مرني بلا أذن
يبني تحظر بالدفــن
ساعــة المــوت
ـــــــــــــــــــــــــــ
أنه محتاجه اشوفك باخر ايامي
واريد العين تغمض وانته گدامي
أنــه ادريـبك يـيمه ميت وضـامي
گبل لامـوت يبـني مرني بحلامي

تجيني   يـيمه تـكـحـــل العيـن
تجيني   واشوف أوياك الحسين
بشوفكم يمه استجن
يبني تحظر بالدفن
ساعــة المــوت
ـــــــــــــــــــــــــــ
يكافــل زينب انه اليـوم داعـيتك
نخيتك حاشة تبطي وترد ناخيتك
طلب والطلب تدري تـمـنه ياريتك
تجي تشيعني بيدك يمه من بيتك

نخيتك   وأنه أدري  بيك وفـاي
نخيتك   عطـاشه  ورادو المـاي
شجره محتاجه غصن
يبني تحـظر بالدفن
ساعة الموت
ـــــــــــــــــــــــــــ
محمد رحيم المشعلاوي

#قصائد_أستشهاد_مولاتي_زينب_ع


گــرب مــوتي وكــل أخـــواني موش أويـاي
منيتي من الله هسه الكافـل بيده ينكط الماي

يحظرني ويصبح دفاني
ويعوض عن كـل اخواني
بيده ينكط الماي
ــــــــــــــــــــــــــــــــــــــــــــــــــــــــــــــــــــــــــــــ
گربت ليـه المنيـه يخـوتي ومحـد إجــاني
وبوسادت موتي الكم تحزم وشوگي خذاني
يمته اتعودون اليه راح اموت وهـم اتــاني
ويه روحتكم هذيجه دهري ياخويه عماني

ماتت روحي مو من هسه صار اهواي
من راح الكافلني ومارد صوب المـــــاي

من كال أرجع بس ماجاني
ويـعوض عـن كــل اخــواني
بيده ينكط الماي
ــــــــــــــــــــــــــــــــــــــــــــــــــــــــــــــــــــــــــــــ
جـنت ويـاكم أميـره وافتخر بخواني هيبه
سيـر الموت وأجـاني وانتو ماجيتو عجيبه
صابـره تدرون بيـه لجـن فـرگتكـم مصيبه
شلون ترضوها يخوتي اليوم زينبكم غريبه

موت أو غربه ودمعة عيني تهل ادموم
من فركتكم يالعفتوني بكلبي الهموم

عفتوني بهمي و احزاني
ويـعوض عن كل خواني
بيده ينكط الماي
ــــــــــــــــــــــــــــــــــــــــــــــــــــــــــــــــــــــــــــــ
گلـي شتفيد الجـــــنازه الما يشيلـوها اهلــهــا
وسفه تتشيع وحيده ومحد من اخوتها عدهــا
وبوكتهم شجـره جانت تفيي ما ينشـاف ضلها
وين اهل هاي الغريبه الناس صاحت محد الها

جنت من امشي اخواني ابصفي يتماشون
هسه اوحــيده وناس الغربه لـيشيعــــــون

بتابوتي وبانت اشجاني
ويعوض عن كل اخواني
بيده ينكط الماي
ــــــــــــــــــــــــــــــــــــــــــــــــــــــــــــــــــــــــــــــ
العاش ومفارك حبيبه هاذه ميت خلص عمره
وانـه فارگـت الاحبهم والصبر شو نفـذ صبره
ما بقه شي عدي اتاني باقي بس موتي انطره
يفضل اعليه ويجيني الموت لو بس يلقي نظره

شاهد حالي الموت ويصرخ عشتي شلون
حملج هاذه جـبال يفطر مـــوش امتـــون

جبـال الحملج ضل تعاني
ويعوض عن كل اخواني
بيده ينكط الماي
ــــــــــــــــــــــــــــــــــــــــــــــــــــــــــــــــــــــــــــــ
جانت امنيتي بسيطه وطلب واحد انه عندي
ردت كون حـسين يمي يـرتــل الـقـرآن يـبدي
وحـيدر يصـلي علـيـه وللگبر هم بيده يحدي
وكون بيده الي دفني وينـزل العـبـاس لحدي

تكمل هيجي منيتي من الله بموتي ارتاح
بگبري من انزل وسمع صوته الكافل صاح

يازيــنب عـد عينج انــي
ويعوض عن كل اخواني
بيده ينكط الماي
ــــــــــــــــــــــــــــــــــــــــــــــــــــــــــــــــــــــــــــــ
الخــــــــادم
محمد رحيم المشعلاوي

#قصائد_أستشهاد_مولاتي_زينب_ع

عمري وخلص اهموم
ولامرني ساعه نــوم

ومحـمله ابئيـــتام
من كربله للشــــام
عمري وخلص اهموم
ــــــــــــــــــــــــــــــــــــــــــــــــــــــــــــــــــــــــــــــ
من زغري عاشرت الحزن
وصار الدمع عاده
ويغرك الـوسـاده
من اذكر أهلي المشو

عافوني كلهم بالسره
كل اهلي واخواني
خـلـوني بحــــزاني
وحدي تركوني وجفـو

وكلبي تعود عالقهر لـن فارگـت غـالي
وكل مغربيه اختنك وامي تجي كبالي
تعبانه من كد السهر ماينوصف حالي
اذكر تعب ذاك السبي او لوعت اعـالي

الموتني مو هـــــاي
طلبت شرب للمــاي
طفل وكلب محتـام من كربله للـشـــام
عمري وخلص اهموم
ــــــــــــــــــــــــــــــــــــــــــــــــــــــــــــــــــــــــــــــ
ضليت كل عمري انتظر
بالكي يجي الغالي
ويشــاهد احـوالي
منتظره اخوي الگمر

مايرجع ادريبه ابد
بس انه مشتاگه
بالجـــنه نتلاگه
وبگلبي صاير جمر

مشتاگه لو تدري شكثر بگد عمري وحزاني
ومن روحتك صوب النهـر صرت بعمر ثــاني
لمن عفتني انته ورحت كفــاله صرت انـــي
كبـــرني ياهـجــرك دهـر وانـــواع راوانــــي

هجرك غــير الحـــال
والهم حمل اجبــــال
شـوفك صاير احلام مـن كـربله للشــــــام
عمري وخلص اهموم
ــــــــــــــــــــــــــــــــــــــــــــــــــــــــــــــــــــــــــــــ
گلبي يتفطر والچبد
لمن يجي ابالي
البس طوله يحلالي
فارگني منه الزمن

البيه الكرم ضل ينوصف
والشهر وهلاله
من جفو ادلاله
احاه يخوي الحسن

مضيفك حزن لمن شلت ضل جافي ادلاله
وحته الكرم يبجي بدمع والدـمع يحلاله
والفـقـره كلـــها مكــدره والعيــن همـــاله
وحـسين مكســور الظـهـر ونفطــر دلالـه

بـعد الـــوالد اليـــوم
طاح الحسن مسموم
حزنه بكلبي اسهام مـن كــربله للشــام
عمري وخلص اهموم
ــــــــــــــــــــــــــــــــــــــــــــــــــــــــــــــــــــــــــــــ
متعوده اني اعله الفگد
شنسوي ياعيــــني
شو طالت اسنيني
و اتمنه مـوتي صرت

هموم ومصايب حملت
لا مو جـبـل اني
كل هاذه ماعاني
بأمر الله اني صبرت

عني ارحلو كل الاهل وكل الايودوني
وكل الاحبنهم جنت وهمه يحبوني
حانت منيتي وانتظر بالكي يمروني
تانيت خلصت العمر ياوسف ماجوني

تربي اعيوني عالبـاب
تنطر جيت الاحبـــاب
خظر شيبي بالهام من كربله للشــام
عمري وخلص اهموم
ــــــــــــــــــــــــــــــــــــــــــــــــــــــــــــــــــــــــــــــ
واخر محطه بالعمر
للشام طبينه
بس ريت ماجينه
تذكرت ذاك السبي

شمات الي ابهاذ الوطن
واتشمتو بيــه
سموني مسبيه
بس انه هيبة نبي

لمن دخلنه الهل بلد شفناها فرحانه
وتشمتو بينه شكثر جي روس ويانه
واطبول دكو للفرح لا ماهي حزنانه
وفتر زماني وبيه رد موتني اهنانه

عاند دهري وياي
ورداني يم اعداي
شيبت كلبي الايام من كربله للشـام
عمري وخلص اهموم
ــــــــــــــــــــــــــــــــــــــــــــــــــــــــــــــــــــــــــــــ
الخــــــــادم
محمد رحيم المشعلاوي

‏كان الإمام موسى بن جعفر ع يمارس التقية!! عجيب ما هذا الامر الذي روج اليه البعض...!!!
هكذا كتب عنه في كتب بعض المتشيعين ليبررو سكوتهم تجاه الظلم الصادر من الطواغيت في كل الأزمنة ، ويجلعوا من الامام صلوات الله عليه متروك في هامش التاريخ وكذلك جعلو من كتبهم الباطله شمّاعة يعلقون عليها عمالتهم؟؟؟؟؟

ولكن...

الحقيقة هي أن الإمام أربك السلطة العباسية الفاسدة بمواجهة مستمرة تندد بسياستهم وكان ينتظر ثورة إصلاحية وهو داخل السجن....... إلا أن تخاذل الناس حال دون ذلك وترك الامام بين ايداي العباسيين لعنهم الله..
واستشهد كاظم الغيظ.....وهم في غفلة معرضون

م. ابو رقيه الفاطمي

#شور_هوسات

الطبيب احتار بيه او كال وين اهله
تره ميت غريب  مبينه العله
خلوه عالجسر  والناس تندله
تجيه احبابه هسه تشيعه وتحمله
ما يشيعونه   جا وين الهواشم
ـــــــــــــــــــــــــــ
حكها عيوني تبجي عليه مجبوره
خلص عمره امامي بسجن طاموره
و تجزع روحي من الطم معذوره
يكون تموت روحي وماهي مشكوره
حكها معذوره   كون تموت روحي
ـــــــــــــــــــــــــــ
اول مره هاي تصير يا الوادم
امير البسجن والساجنه الخادم
خل الشيعه تحظر والفرج قادم
وسفه البسجن شيخ من اهل هاشم

وين اهاليته   شيخ ومات غربه
ـــــــــــــــــــــــــــ
غريب وبالسجن مسموم تاليها
ويصحون الجنازه وين اهاليها
عجيبه اجتاف ماكو ينحمل بيها
شحه والكرايب يبعد اعليها
لاتخلونه   افزعوله يشيعه
ـــــــــــــــــــــــــــ
تره ساعة الكاظم ياخلك كلفه
من يحظر المهدي بالتبع يشفه
امام الرافظه عالجسر ياوسفه
وهمه الخلو الـهل الوادم العفه
وين سجانه   يسجنه بنص جهنم
ـــــــــــــــــــــــــــ
كاظم غيضك وعالظلم متصابر
وكل ليله بحياتك ليلة العاشر
تبجي اعله السبايه وتذكر الحافر
عله القصه العشتها شيكتب الشاعر
تقيم ليليه  مجلس عالسبايه
ـــــــــــــــــــــــــــ
لو بيـنه الزمان يدور بس ساعه
عرش هارون كله نشيله من كاعه
تحت أمرك امامي سمعاً او طاعه
علئ درب السراط واحبك اشراعه
نروح مشايه  نفلش الظلم ذاكه
ـــــــــــــــــــــــــــ
محمد المشعلاوي

#الامام_الصادق_عليه_السلام
#من_وصايه_الصادق

شيعتي أحيو المجـالس
صيرو بالخدمه عوابس
من وصايه الصادق

الگلب خل يسعر نار .. واليشاهد يحتار ولاتعوفون ابيوم  .. اهل بيت المختار
ـــــــــــــــــــــــــــ
الصادق يوصينه نتعب
عله الخدمه وعله المذهب
واحنه لازم نلتزم

كون ما تتطفه الحراره
وبالطم تتطلع شراره
بالطم شدو العزم

لاتتركون القضيه  تمسكـو بهاذا الـديــن
ورد خلوها المجالس نعمه ياحب حسين
وبحر خلوها البواجي تفيد دمعات العين

شيعتي أدو الامانه
ولاتقربون الخيانه
من وصايه الصادق

وبعد اوصيكم زيـن .. الادب في حب حسين
اخلص اويه اهل البيت .. هم نجاة من النار
ـــــــــــــــــــــــــــــــــــــــــ
اليقتدي بمذهب امامه
يعيش في حب وسلامه
هوه ملجه العاشقين

وصية الصادق عجيبه
يوصي كل عاشگ حبيبه
خلي  يومك  أربعين

ارسم القصه بخيالك خلي نفسك بيها
خيم حرگوها اعله اهلها ياهو الي طفيها
روحك احرگها اعله زينب خاطر اتوافيها

عيش بروحك سبايه
ورسم بعينك عبايه
من وصايه الصادق

اجزع وعيش اهواي .. عطش وكبال الماي
كربله بعينك دوم   ..  خلها صوره وتذكار
ـــــــــــــــــــــــــــــــــــــ
الجـزع مگـروه فعله
لاجن اعله حسين يحله
وشحلات الدمعه

ثوب الاسود ما يوالم
اله من يلبسه خادم
يرزقه هيبه وسمعه

جزع حزنك والمدامع  كرهه وارد ليها
بس عله اهل البيت واجب  دمعتك تجريها
أنَ  يوم الطف حراره  وحركتك تچويها

خلي روحك بالمصيبه
وزينب العاشت غريبه
من وصايه الصادق

عيش ضامي ولهفان .. واروي امامك عطشان
عنه لاتبـخـل يــوم .. بزوده الـكـل أحرار
ــــــــــــــــــــــــــــــــــــ
صيرو بالمائتم نشـامه
ولاتعوفون الـخـدّامه
الله يرضه عليكم

واسو الزهره الحبيبه
هونو اعليها المصيبه
بعينهه تبرايكم

خلي كل الناس تعرف  بالهويه الجعفريه
افتخر بيكم يشيعة  وانتم تفخرون بيه
الشيعه تربات المنابر  ولد صرتو للزجيه

ابجو للكسرو ضلعها
طيبو خاطر وضعها
من وصايه الصادق

السطر خد الزهراء .. ضرب متن الحوراء
يجي يوم الموعود .. وياخذ الثار بثار
ــــــــــــــــــــــــــــــــــــــــ
رجع الطف الحياتك
  تقبل يركضن بناتك 
بهيمه ويسحكن جمر

حسين ليش مدللاته
شافن اشكال الشماته
بصوط يظربهن شمر

بس بنات اهل الرساله شافن الهم والذبح
وفوك ما ذبحوه ابوهن علكَو راسه برمح
بكربله كل جرح تلكه بيه هم مية جرح

الخيل داسنه اعله صدره
ابجي دوم اونوح وقره
من وصايه الصادق

ابجي دوم اعله حسين .. وخلي دم تجري العين
الصدرك الرض مرضوض .. ريت صدري اليندار
ــــــــــــــــــــــــــــــــــــــــــــــــــــــــــــــــــــــ
محمد رحيم المشعلاوي

حرق داره الامام الصادق عليه السلام
..
عن المفضل ابن عمر لما أمر المنصور الدوانيقي لعائن الله عليه
عامله علئ المدينه ان يحرق علئ أبي عبد الله  الصادق (عليه السلام) داره فجاؤه بالحطب الجزل ووضعوه علئ باب دار الامام الصادق (عليه السلام)
فاأضرمو فيه النار فلما اخذت النار فالدهليز تصايحن العلويات في داخل الدار وارتفعت اصواتهن فخرج الامام الصادق ع وعليه قميص وإزار وفي رجليه نعلان ويخمد النار ويطفي الحريق حتئ قضا عليها، فلما كان الغد،
فدخل عليه بعض شيعته يسالونه فوجدوه حزيناً باكياً فقالو: ممن هاذا التأثر والبكاء، أمن جرأة القوم عليكم
اهل البيت وليس منهم بأول مره ؟
فقال الامام الصادق ع لا ولاكن لما اخذت النار ما في الدهليز ، نضرت الئ نسائي وبناتي يتراكضن في صحن الدار من حجرة الئ حجره ، فتذكرت روع عيال جدي الحسين (عليه السلام) يوم عاشوراء لما هجم القوم عليهن ، ومناديهم ينادي احرقوا بيوت الظالمين .

#للامام_الصادق_ع

ابراهيم الخليل وذيـج نــاره
عالصادق نفسهه بحرگ داره
خمّدي گلها وأخمدَت
ورئـسن اعيونه بجـت
ذكر عماته البقن بالطف حياره
ــــــــــــــــــــــــــــــــــــــ
الحرگ وي بيت النبوه   ليش صاير عـاده
نفسه النمرود اجـاهـم   بحقد نار أعـنـاده
والبغض بيت الرساله  الفـعل رد وعــاده
حركَ بيت الزهره ضلماً  والخيم عالساده

نمرود اوفعلهم  مو غـرابه
همه ثنينهم  نفس العصابه
عله الصادق حشدّت
ورئسن اعيـونه بجت
ذكر عماته البقن بالطف حياره
ـــــــــــــــــــــــــــــــــــــــــــــــــ
النار ضمروها اعله بيته  وأنزلت دمعاته
بيوم شاف اكبالّ عينه   حالت ابنـياتـه
كَـام  يتخيل العـاشـر    يفـكر ابـعمــاته
اه يحسين اومصابه   تصيح ياحسراته

يا ويلي اعله زينب  ضل ينادي
حرمه وبالغرب  بين الاعادي
اباله زينب من أجت
رئسن اعيونه بجت
ذكـر عماته البقن بالطف حياره
ــــــــــــــــــــــــــــــــــــــــــــــــــ
صاح ياويلي اعله زينب   وشكبـر بـلوهـا
شلون من حرگو خيمهه  ماكو من طفـاها
داري من حرگوها انه  عيالي جنت اوياها
حرمـه زيـنب يا وسافه  ولا اخـو العاناها

برداً وســلامـــاً  نــار نمـرود
بس بالخيم شو  نيرانها تزود
كل شي بالطف أحركت
ورئــــسن اعيونه بجت
ذكـر عماته البقن بالطف حياره
ــــــــــــــــــــــــــــــــــــــــــــــــــــ
داري من حرگوها فزعت  شيعتي عادوهـا
لاجــن ارمــاد المخــيم  وبالهـوه عافوهـا
طفت داري ورجع كلشي  مني ماسلبوها
ليش زيـنب واليـتامـه   للغـرب مشـوهـا

الذبح يحسين   شيطيب جراحه
واه يادرب السبي  المابـيه  راحـه
حمل زاد او حدبت
ورئسن اعيونه بجت
ذكر عماته البقن بالطف حياره
ـــــــــــــــــــــــــــــــــــــــــــــــــــ
أشكثّر  جانت صبوره اوضحت معنئ العبي
وأرسمت خـط الرساله  بـدم  الحسين الابـي
وذلت إيزيد اعله عرشه وهوه حس المنسبي
وصّلَت زينب رساله  ماكدرهـا اشجـم نـبي

زينب كملت  نهج  الرساله
من حسين انذبح هيه ابداله
شكثر زينب شيبت
ورئسـن اعيونه بجت
ذكر عماته البقن بالطف حياره
ـــــــــــــــــــــــــــــــــــــــــــــــــــــــــ
مصيبتي هانت عليه  اكبالّ عملة كربله
ياهو يقبل يذبحونه  وتنسبي عگبه هله
والعطش ذبل وردهه وبالبر افضل عايله
والي هز العرش اكثر صواب نبلة حرمله

مصيبه وبالعـرش   الهه مناحه
عله الماخوذ غفله  من صباحه
بكربله كلشي سكت
ورئسن اعيونه بجت
ذكر عماته البقن بالطف حياره
ــــــــــــــــــــــــــــــــــــــــــــــــــــــــــــــــــــــــ
محمد رحيم المشعل