مش عارفة ابدأ ازاي.
المفروض إن بكتب بُشرى يعني أكون فرحانة، بس أنا بأخر البشرى دي بقالي كتير أوي ويمكن التحدي جه في وقته لعلها تكون إشارة لقلب يائس من التوبة والتعافي.
أنا عندي 25 سنة دخلت في الإدمان من 10 سنين، أنتو قرأتوا صح هما 10 سنين فعلاََ 💔
مش عارفة أكتب عن ال10 سنين ولا السلبيات اللي عملها الإدمان فيا، لأن للأسف الإدمان معايا من بدري جداََ فأنا مش عارفة أحكم هو دا بسبب الإدمان مثلاً ولا دي صفة سيئة في شخصيتي.

هكتب عن رحلة التعافي:
أول حاجة ودي أول حاجة لأي شيء بتتمنوه في حياتكم.
1- الدعاااااااااااء ♥️
أنا فاكرة إن في يوم كنت انتكست وبعدين صليت وسجدت وانهرت مع ربنا قولت لربنا كدا بالحرف والله فكراها "يارب أنا عارفة إن أنا وحشة وعارفة إن دا غلط بس أنا مش عارفة أعمل ايه، أنا عايزة أتوب يارب بس مش عارفة ومحدش حاسس بيا غيرك يارب ارزقني التوبة النصوحة يارب ارزقني التوبة يارب قولي أعمل ايه متسبنيش يارب أتوسل إليك يارب مليش غيرك يارب مش عايزة أموت وأنا بعمل كدا يارب يارب وبعدها بكاء طويل طول السجدة".

اليوم دا ربنا ألهمني أدور على واعي أنا كنت عارفة واعي بس مكنتش واخدة خطوة خالص في موضوع التعافي.
المهم دخلت على واعي وجيت أعمل إضافة لقيت إني موجودة من يوم 4/10/2020 ، اتصدمت صدمة عمري.
اكتشفت إن كان في خطوة من 3 سنوات
وبعدين دخلت على قناة الإضافة اللي المفروض بنبعت فيها الإسم والسن والحالة الاجتماعية وكدا لقيتني بردو موجودة وبعت رسالة فيها اسمي وسني من يوم 22/10/2021.
فخدت الخطوة الثالثة وأرسلت خطة التعافي يوم 1/2/2023 وهو دا تاني يوم من الدعاء والبكاء والتوسل لله.
ودخلت الجروب ولقيت ناس كتير وحسيت إني وحيدة جداََ ومكنتش بدخل خالص، حصلتلي طبعاََ انتكاسة كبيرة وقولت خلاص هدخل الجروب تاني وأهم حاجة أتعافى، ودخلت يوم 28/6/2023 واتعرفت على بنات كتير وبدأوا يشجعوني ويخلوني ابدأ في العادات الصحية وأنا عمري ما هنسى وقفتهم جنبي أبداََ وربنا يجازيهم خير يارب، مش هقول إن بعمل العادات بشكل ممتاز، لا خالص بس كنت بحاول والله كنت بحاول بجد كنت ماسكة الفون 24 ساعة.
بقيت بحاول أعمل والله مهام وأسعى للتعافي على قد ما أقدر.

طبعا عايزين تعرفوا آخر الطريق دا إيه؟؟؟
آخره إن الحمد لله بفضل الله وبفضل واعي وبفضل كل أصدقائي اللي ساعدوني وقدمولي نصائح أنا انهاردة تميت 305 يوم تعافي 😭😭😭😭😭♥️
فاضلي 60 يوم وأكون كملت عام، مش عارفة أعبر عن اللي جوايا وأنا بكتب الرقم دا بس أكيد مشاعري هتوصلكوا بجد.

بكتب البشرى دي عشان كل قلب يائس وحاسس إن مستحيل يتوب ويأس من إصلاح نفسه، خدني مثال، 10 سنين بكررها وقلبي بيتقطع بس علشان تقولوا مفيش مستحيل، دا إسراء بتتعافى أكيد هنتعافي، صدقوني مش كلام والله والله هتتعافوا بس اصدقوا مع الله، يعني أنا ربنا مرزقنيش التعافي غير لما صدقت معاه في التوبة فعلاً، يوم ما دخلت الجروب وبدأت أشوف الجدول والعادات الصحية من وقتها فعلاََ وأنا بدأت أتعافى، قبل كدا مكنتش بعمل أي خطوة عشان كدا مرزقنيش التعافي والتوبة، ربنا قادر في لحظة يتوب علينا جميعا بس بيختبرنا، يرى مين فينا الصادق فعلاََ اللي عايز يتغير ويتوب، علشان كدا دايماََ شعاااااااري في رحلة التعافي وأكتر جملة بكررها:
"من صدق مع الله، صدق الله معه"♥️

أهم نصيحة بالنسبالي:
الدعاء الدعاء الدعاء الدعاء، من غير الدعاء مش هنقدر نعمل أي حاجة، ادعوا ربنا بكل حاجة كل اللي في قلوبكم، خلوا في خلوة بينكم وبين ربنا، توسلوا إليه وأظهروا ضعفكم وصدقوني مش هيخذلكم أبداََ وهيرزقكم التوبة النصوحة،
وأنصحكم إن الحاجة اللي عارفين إنها سبب ضعفكم اقطعوها تماماََ، يعني أنا لاحظت إن المسلسلات كانت سبب في انتكاسة كبيرة جداََ، وكمان التصفح العشوائي، فبقيت بحااااول أمنع عنهم واحترم ضعفي، أنتوا كمان أهم حاجة اعرفوا أي اللي بيضعفكم واقطعوه تماماََ.

طبعاََ عايزين تعرفوا أي اللي حساه في شخصيتي بعد 300 يوم تعافي؟؟؟
أنا يمكن جوابي مختلف تماماََ عن أي حد، يمكن علشان فترة إدماني كبيرة، بس اللي لاحظته بعد التعافي أن بكتشف شخصيتي!!!!
مستغربين صح؟ الإدمان كان طاغي على شخصيتي أو يمكن مكنتش عارفة أركز مع الشخصية قد ما بركز على إن أنا عايزة أتعافى، عايزة أتوب من اللي أنا فيه، ودلوقتي خلاص شخصيتي بدأت تظهر بقيت أعرف أنا مين، بقيت أعرف صفاتي السيئة فعلاََ واقتنع إن هى صفة سيئة فيا مش بسبب الإدمان لا هى فيا ولازم ابدأ في علاجها، أو لو صفة حلوة وأقول الله دا صفة جميلة ربنا يثبتني عليها، حقيقي بكتشف نفسي لسة، عندي 25 سنة بس لسة بكتشفها، حاسة إن طفلة بجد حاسة إن 10 سنين ضاعوا من عمري بسبب الإدمان فلسة بكتشف الحلو والوحش فيا، بس مش مهم المهم إن بتعافى المهم إن هكتشف وربنا هيقويني المهم إني أكون على الطريق بجد.

اوعوا تيأسوا من إصلاح أنفسكم صدقوني أي حد بيقرأ الكلام دا فدا دليل على صدق توبته، وجوده هنا دليل على صدق التوبة وإن ربنا أراد بيكم خير، وهتكون النهاية توبة نصوحة صادقة إن شاء الله.

ربنا يثبتكم ويقويكم ويرزقكم التوبة النصوحة الصادقة ويجعلنا صحبة دنيا وجنة ياااارب.
بحبكم جدا وبدعيلكم دايماً ربنا يتوب علينا ويفرح قلوبنا بالتوبة ♥️
ادعولي ربنا يثبتني ويقويني ويكمل رحلة توبتي على خير يارب ولكم بالمثل يارب 🤲🏻🤲🏻🤲🏻

#بشريات_بطلات_واعي

من ثمرات تحدي اليوم:
طبعا أول شي وهو أكتر شي كان دافع الي للتعافي هو :
بدي شوف رب العالمين بهل عيون مابدي شوف فيهم شي تاني بغضبه وبمنعني من شوفته
ووقت بيخطرلي شي بقول أذلك خير أم رؤية رب العالمين؟
لذة ربع ساعة وبعدها ندم ولا رؤية رب العالمين!


بس من الشيخ حازم شومان بهل تحدي.
قال كلمة حلوة عن الجنة :
امنتعتي عن الشهوات هلق بالدنيا .
بالجنة رب العالمين بقلك فيها ما تشتهيه الأنفس.

#ثمرات_العادات
#معسكر_واعي

الحمد لله حمداََ كثيراََ طيباََ مباركاََ فيه 💜
الحمد لله أن جعلنا نسلك هذا الطريق المبارك طريق التعافي💜
التعافي حياة وليس أيام تُعد، أعلمي يا أختي مهما صعبت عليكِ رحلة التعافي أو الأعراض الإنسحابية فإن هناك حياة أفضل لابد أن تعشيها خالية من الإدمان، لا يمكن أن يعيش الإنسان جلَّ عمره أسيراََ لشهواته، ها أنا انقلبت حياتي رأساََ على عقب.
بدأت حياتي الإيمانية والإجتماعية في الضياع، كنت أصارع هذا الإدمان وحدي، كنت في حالة يرثي لها، الحمد لله الذي ساق لي الخير وجعلني أتعرف على فريق واعي.
التحقت به منذ 4 أشهر ومازلت في طريق التعافي التام بدأت ألتزم أكثر بالعادات وخاصة وأنا في معسكر واعي 💪🥰
لأن الغرض من التعافي ليس الإمتناع فقط بل بناء عادات إيجابية، ومهما كان الطريق صعباََ فاعلمي أنه لا شيئ يضاهي لذة الإنجاز والوصول، لا شيئ يضاهي أن تكوني فخورة بنفسك 👏❤❤🥺

#بشريات_بطلات_واعي

انهاردة كان قدامي محرض بس أنا اخدت بالي منه، ومن نفسي،وكنت فاهمة دماغي؛ ففتحت قرآن، وقعدت أعمل كروشيه، وشتت الأفكار.
وفعلا الفكرة راحت والحمد لله عرفت أوقف السلسلة اللي متعودة عليها لما فهمت نفسي وعرفت نقاط ضعفي والمحرضات بتاعتي ومستنية إن شاء الله مرة على مرة أقوي دماغي وأبني المسارات الجديدة عشان مشاعري متسيطرش عليا وربنا يثبتني على التعافي.
وجزاكم الله خيرا دروس التعافي كنز ربنا يجعلها في ميزان حسنات الدكتور محمد عبد الجواد.

#ثمرات_العادات
#معسكر_واعي

ما شاء الله لا قوة إلا بالله
صدق ربي حينما قال :{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ} {العنكبوت:69}
إن الله يحب الصابرين.
أول عشر أيام من رمضان كنت متخبطة بين ٣ زلات والحمدلله خطوت خطوة جديدة بإني أعمل حجب وتقييد مرة أخرى بعد محاولة فاشلة في بداية التعافي وأركز على سلسلة ردود الأفعال وأتجنب أوقات الضعف وبعدها وضعت حدود وقواعد اللي هو الحجب وتحديد مدة للبرامج 🥰😍
والآن الحمدلله مر علي أيام كثيرة برمضان نظيفة وكانت صعبة وفيها ضغوطات لكن ربي الموفق و قبل شوي حصلت لي هفوة.
إن شاء الله أعمل على أوقات الضعف والنشاطات البديل أكثر اللي في خطة التفكير خذيها من فيديوهات مسار تعزيز التعافي للمعسكر🤩
وأجدد طرق لتشتيت الرغبات وحلول لأوقات الضغط والتوتر.

بنات التعافي رحلة حياة لاتستسلمن للإدمان ولا تتركوا رمضان يمر عليكن وما تأخذوا من نفحاته،
أنا بكمل أول ٩٠ يوم بعد أيام ادعولي ولكم الثبات 🥳
قدّروا جهودكم.

#بشريات_بطلات_واعي

أول مرة بلش رحلة تعافي جدية وبعرف سبب مشاكلي لكنت فيها سابقا كلها بسبب الادمان. الحمدلله على دخولي المعسكر ٢٥يوم نظيف مع زلة واحدة وهيدا يعتبر إنجاز بالنسبة الي لأول مرة بوصل لهيك رقم وبعرف نقاط القوة والضعف وعرفت تقنيات للتشتت وزدت انضباطي وإنجازي ورجوعي للصلاة وقراءة القرآن، ادرس بطاقتي السابقة ورجع شغفي. الحمد الله قد ما رح احكي ما رح كفي حق عادات الجديدة والمعسكر قدي بأقل من شهر غير فيني كتير للأحسن إن شاء الله رح كفي الرحلة مع واعي بعد شهر رمضان لاوصل لإقلاع التام عن الادمان.

#ثمرات_العادات
#معسكر_واعي

سلامٌ عليكن و رحمة من الله جميعاً فريق واعي 🤍
اسمي فاطم ٢٣ سنة
دخلت الإدمان من ٤ سنين سنة ٢٠١٩ و لكن من الطفولة و تم دخولى المواقع و معرفتها، استمررتُ سنة ف إنغماس.
أواخر سنة ٢٠٢٠ قررت أوقف، كنت أعرف واعي ولكن معرفش يعنى اى تعافي بالنسبة ليا ذنب، وقفت يبقى كدا أنا تمام و لكن اكتشفت في رحلة التعافي إن كنت مستبدلاها بإدمان علاقات.
بداية معرفتي بالتعافي سنة ٢٠٢٣ و لكن معرفة سطحية وهي أن أستبدل المادة بروتين صحي و عدم وجود وقت فراغ.
في رمضان سنة ٢٠٢٣ ليلة ٢١ رمضان وأنا فاكرة كلمت المشرفة وأنا ف الطريق 💚
دخلت و اتعرفت على البنات و عملت المكاشفة و عرفت أسباب الإدمان و رجعت للماضي.
بعد فترة في شهر محرم خرجت من واعي ولكن كنت مكملة تعافي و في مشاركة و بعد ٦ شهور تعافي رجعت واعي تاني بنظرة مختلفة، إن أعرف واعى و أتعرف عليه من الأول و اتبع خطواته مع معرفتى الأساسية عن التعافي.
الأول البوت كان بيشعرنى بضيق وأي بنت هتقول كدا ولكن لكل بنت هتقرأ البشرى: البوت له فائدة عظيمة و وجود الشرطيات للتنبيه على الكلام السلبي و قواعد واعي اللى هيتفهمها هيستفااد جداََ.

ممتنة لشرطية صديقة مؤخراََ لأنها ساعدتني جداََ وشرطية أخرى و سؤالها عليا دائماََ 💚💚
و الحمدلله تميت تعافي ٢٤٢ يوم بدون مشاهدة نهائي و لكن بعض زلات خيالات لأن اتبعت طريق التعافي صح.
و رمضان ٢٠٢٤ بدأت تعافي من العلاقات مع دخول المعسكر 💚

بناءََ على تجربتى:

🦋مبادئ التعافي 🦋
١- إعترف أنه إدمان و انك ضعيف قدام المادة و قدام محفزاتها و ابتعد تماماََ عن أى محفزات.
٢- تقصير الهدف بمعنى هدفي أعيش اليوم بدون إدمان و عامل مهامي و ليس هدف ال ٩٠ يوم لأنها رحلة حياة و ليس ٩٠ يوم فقط.
٣- المشاركة مع البنات ثم المشاركة بأفكارك و مشاعرك و أفعالك و ثغراتك.
٤- الخروج عن الذات و التحكمية و اطلبي العون من الله و مساعدة البنات ( لا يوجد تعافي بمفردك ).
٥- اهتم بالروحنيات + الإعتناء بالذات و الترفيه +بناء عادات + هدم عادات.
٦- اهتم باليوميات و تفريغ الدماغ من الأفكار اللي فيها كل يوم.
٧- تقبل مشاعر أعراض الإنسحاب و الصبر عليها.
٨- تقبل أصوات الإدمان و أحسن التعامل معاها بالمشاركة و التفريغ و التشتيت دون مقاومة المادة.
٩- إحترام الوقت و الصبر على التعافي.
١٠- و دا أهم مبدأ هو ( أولوية التعافي ) التعافي أهم من أي شيء في حياتك خصوصاََ أول سنة.
التعافي محتاج مجهود و يقظة ذهنية لا تضع التعافي في هامش حياتك.

الله يتم تعافينا جميعا على خير يا فتيات 💚💪

8:10:41 ص 2024/04/05

#بشريات_بطلات_واعي

اللهم لك الحمد
من أجمل الثمرات الي اكتسبتها من التعافي-و حقيقةً هي أجملها-: إني بدأت أحب نفسي و كل ما اشوف شكلي فالمرايه أبتسم تلقائي لاني جميلة بعيني مش بس خارجيا حتى من داخل و حابة هذا الشعور جداً الحمدلله.
و هذا طبعاً بفضل الله سبحانه و تعالى.

#ثمرات_العادات
#معسكر_واعي

تم بحمدالله الإنتهاء من كتاب برنامج أليكس للتعافي، أشعر بحزن لفراقه، كانت صحبة طيبة برفقته طوال الشهر الكريم، فكنت يومياََ بعد صلاة المغرب أعد فنجان شاي بالنعناع وأجلس وأقرأ وكنت أستمتع بهذة الفقرة من يومي وانتظرها من بداية استيقاظي، تعلمت من البرنامج الكثير، وأكثر شيئ أضاء في رأسي هو اعتني برعاية نفسك جيداََ، فأنا لا أرعى نفسي جيداََ! أكبت حزنها ولا أنام جيداََ ولا أهتم بصحتي وأحياناََ أعنفها لكن بعد معرفتي لهذا وخلال المعسكر الرمضاني والشهر المبارك كنت أهتم بتقسيم يومي من عبادات لصلاة لنوم لمهام المعسكر فكنت أعتني بنفسي والله أكبر فوق كل شئ لقد أتممت 36 يوماََ نظيفاََ بعادات جيدة فحتى وإن لم أكن أتمها أحياناََ كاملة فكنت لا أتركها كلها.

وبرنامج أليكس أضاف لي الكثير ، اسأل الله أن ينفعنا به ويعلمنا ما ينفعنا ويزيدنا علماََ، كتاب شامل، بسيط، غير ممل بالمرة، وبإذن الله سأعيد قراءته مرة أخرى بتدوين وتلخيص الفوائد.


شكراً جزيلاََ واعي على هذا الكتاب، شكراََ حقاََ على المجهود والترجمة، شكراً جداََ، كنتم دائماً عوناََ لنا، بارك الله فيكم وجعلكم شمعة تهدي بها قلوب الحيارى🤍🕊✨

#بشريات_بطلات_واعي

حلقة الهاربون من مسار التعافي مؤثرة جداً جداً، خلتني أحس بإني: لازم أجدد التوبة، ولازم أتعلم من المعسكر اكثر حتى اغغير من نفسي اكثر، ونفسي أتعلم حتى تكون عندي امكانية لأنصح واوعي غيري إلي مش عارف عن إدمان الإباحية وخطورته.
من قلبي شكراْ واعي ادامكم الله بصمة تغيير وحياة لكل إنسان مش عايش صح.

#ثمرات_العادات.
#معسكر_واعي.