"Amorim ball"

Amorimga "Sporting"dagi o'yinini qurish uchun "Manchester Yunayted"da qancha vaqt ketadi deb o'ylaysiz?🤔

Muhammadali

Футболда режа жуда муҳим. Бир муддат, ҳатто бир ой бир ўйинга тайёрланасиз, маълум картинада ўйинни самарали деб билиб, ижрода амалга ошишига умид қиласиз.

Яхши мураббий ўзи ишониб, тайёрланган режасидан осонликча воз кечмаслиги керак. Чунки шу асосда ҳаммасини ишлаб чиққан бўлади. Тўғрими?

Энди қаранг, Элдор Шомуродов жароҳат олиб майдонни тарк этди. Нима қилиш керак? Масалан, Абдуҳолиқов билан ўша режани то бу ишламаслигига амин бўлгунча давом этиш энг мантиқли.

Аммо Шомуродов ўрнига Машарипов тушади. Бу олдинги чизиқда барчаси ўзгаради, деганидир. Бироз мураккаб структура. Хўш, Катанец осонлик билан ўйинга қурган режасидан воз кечишга нима мажбур қилди?

Ҳа, унинг жамоасида у ишонганлар жуда кам. Сабабни аввалроқдан излаш керак. Катанец деярли бошқаларга имкон бермагани ўзини қийин аҳволга солиб қўймоқда. Ўз режаси панд еяпти. Чунки у Машариповга ишонади. Абдуҳолиқовга ишонмайди. Абдуҳолиқов ҳам ўзига ишонмайди шунинг учун. Шериклари ҳам Абдуҳолиқовга ишонишмайди шунинг учун. Эсиз.

Қани, нимадир бўлар. Омад.

@aslanov_futbol

Iskanderovning maydonda borligi qanchalik muhim ekanligini his qilyapsizmi? U hujum qanday yo'nalish olishini belgilab beryapti! Ishqilib Katanes ham shuni ko'rayotgan bo'lsin-da!

Hayot qiziq-da, u juda harakat qildi Bobur va Jamshidni tushirmaslikka, lekin taqdir majbur qildi va aynan ushbu futbolchilar uni og'ir vaziyatlardan olib chiqib ketishyapti. Men bunday o'yinlarda murabbiyni ko'p maqtamagan bo'lardim, rosti.

Avvalgi bahslarda ham penalti, individual harakatlardan keyin yuzaga kelgan gollar...

Jurnalistlar va murabbiylar futbolni bir xil ko'rmaydi, murabbiy ustun. Ammo yaqqol ko'rinib turgan narsalarni anglash uchun murabbiy bo'lish ham shartmas ba'zan

Murabbiyning ikkinchi bo'limi haqida ko'p gapiryapmiz, maqtovlar ham oshig'i bilan. Lekin birinchi bo'limlarda o'yin 0 bo'lganidan keyin, ikkinchi bo'limda butun jamoa hujumga o'tsa, albatta ikkinchi bo'limda yaxshiroq o'ynagan bo'lamiz-da. Eron bilan o'yin, endi Qatar bilan bahs.

Ammo biz qachondir birinchi bo'limdagi o'yinimizni ham tahlil qilamizmi? Birinchi bo'limlarimiz rasvoligini ham aytamizmi hech?

2-тайм учун раҳмат, йигитлар! Бешталик ҳимояга қайтгунимизча ўйнаган ўйинимиз бизнинг ҳақиқий кучимизни кўрсатди. Умид қиламанки, қачондир бу одам тўғри баҳо бера олади шогирдларининг кучига. Умид қиламанки, қачондир ўзимизнинг оёғимизга чопишни бас қилади. Умид қиламанки, қачондир бизга халақит беришни бас қилади.

Twitterdagi mashhur sahifa va bizning o‘yin

Bu ham to'g'ri fikr. Misol uchun penalti ham berishi mumkin edi bemalol

Qizil bormidi? Menimcha yo'q. Chunki Abbos bilan 3 himoyachi yuguryapti. Bittasidan o'tib ketdi ham deylik, keyingisi yetib olardi yoki yiqitardi va o'shanda qizil bo'lishi mumkin edi. Lekin buni oxirgi umid fo'li deyish qiyin.

Терма жамоа ва клуб ўртасида бир неча фарқлар бор. Энг каттаси, клубда футболчи доимий шуғулланади, йил давомида ҳафтасига камида бир учрашувда майдонга тушиш имкониятига эга. Мураббийда ўз жамоасини қуриш, турли режалар ишлаб чиқиш ва у ёки бу футболчининг ўрнини тўлдириш учун етарли вақтга эга бўлади.

Терма жамоада вазият қийинроқ. Футболчилар фақат ФИФА кунларида, расмий ўйиндан 1-2 кун олдин тўпланишади. Бир кун камида йўл учун бўлса, энг муҳим ўйин олдидан ҳам нари борса 1-2 машғулот ўташга вақт бўлиши мумкин. Айнан мана шу фактор бош мураббийни имкон қадар узунроқ таркиб билан ишлашга мажбур қилиши керак. Сабаби, у йиғиндан бунисигача футболчиларнинг спорт формасида ўзгаришлар бўлиши табиий. Кимдир жароҳат олади, бошқаси захирада қолиб кетиб, ўйин амалиётидан чиқиб қолади, кимдир аксинча, фаолиятидаги энг зўр даврини бошдан кечираётган бўлади. Яна кимдир ўз клубидан мамлакатига келиш, кейин масалан, сафар ўйинига бориш чоғида бетоб бўлиб қолиши ҳам мумкин. Қисқаси, ҳаммасини назорат қилиб бўлмайди.

Бундан ташқари, руҳий ҳолат бор. Масалан, ўша давлат паспортига эга бўлган қайсидир футболчи бирданига ўзини кўрсата бошлади. Терма жамоада клуб каби трансфер имконияти йўқлигидан келиб чиқсак, бу зўр воқеа - йўқ жойдан янги номзод пайдо бўляпти. Терма жамоа штаби дарҳол реакция бериши лозим. Ёш футболчи бирданига асосийга айланмаса ҳам, уни кузатишаётганини, сўнгги муваффақиятлари беиз кетмаётганини билиши керак. Бу ҳам туртки, янада яхшироқ ўйнашни бошлайди, терма жамоадаги қон айланиш учун жуда муҳим жараён.

Хуллас, мураббий ойда бир муҳим ўйинда жамоани олиб тушишдан ташқари, мана шундай нозик жараёнларни ҳам бошқариши, диққатли бўлиши керак, ахир у жамоасини алмаштира олмайдиган миллионлаб инсонлар учун ишлаяпти, тўғрими?

Албатта, Элдор Шомуродов бизда ягона. Шукуров каби марказни бошқарадиганлар йўқ ҳисоби. Қанийди улар доим тайёр ва зўр формада бўлишса. Лекин юқорида айтилганидек, буни назорат қилиш қийин. Шунинг учун терма жамоада майдонга тушишга тайёр футболчилар таркиби имкон қадар кенг бўлиши шарт. Юзлаб футболчилар бор, тўғри, аммо жамоага бирданига киришиб кетиши, шериклари билан тил топишиши, муҳим ўйинда хаяжонланмасдан клубда доим қилиб юрган ишини энг яхши тарзда қила олиши учун ҳам вақт керак бўлади. Мураббий нафақат машғулотлар, балким ўйинларда ўша вақтни тақдим этиш орқали ўз таркибини кучайтириб боради. Бу мураббийнинг ўзи учун керак, аввало.

Сречко Катанецни Суперлигани кузатмаслиги, у ерда сўнгги пайтларда ўзини кўрсатаётган футболчиларга эътибор бермаслиги кўп танқид қилинади. Майли, уларни қўйинг, Катанец йиғинларида доимий жалб қилинаётган футболчиларда ҳам муаммо борми? Шомуродов ва Шукуровни тўғридан тўғри алмаштириши мумкин бўлган ва муҳими, Катанец танийдиган футболчиларни кўриб чиқамиз.

Сўнгги бир йилда Ўзбекистон миллий жамоаси жами 16 та ўйинда майдонга тушди. Мана шу ўйинларда:

Бобур Абдуҳолиқов 5 ўйинда майдонга тушди. Жами 67 дақиқа ҳаракат қилди. Бундан 45 дақиқаси кечаги учрашувга тўғри келади. Бирорта ўйинда илк дақиқалардан тушмади. Ўша 5 ўйиннинг учтасида 1-3 дақиқага эга бўлди холос.
Жамшид Искандаров. 5 ўйинда майдонга тушди. Жами 69 дақиқа.
Азизбек Амонов 27 дақиқа ўйнади. 3 ўйинда синаб кўрилди.
Акмал Мозговой 3 дақиқа ўйнади.

Ана энди мана шу жами 166 дақиқалик тажриба билан биз Шимолий Кореяга қарши ўйинда сўнгги беш йилдаги энг етакчи икки футболчимизни ўрнини босишимиз керак.

Учта марказий ҳимоячи, эҳтиёткор, қўрқоқ, дурангга рози бўлиб ўйнади ва ҳоказо, майли, бу муҳим эмас. Катанецнинг энг нотўғри иши шу ерда, назаримда.

@aslanov_futbol

Украина Бош прокуратураси 2024 майида шундай бир маълумот берганди: уруш бошланганидан бери, яъни, 2022 йил февралидан то 2024 йил майига қадар (май ойини ҳам қўшиб ҳисоблаганда) Украинада бевосита урушнинг касофати деб 547 бола ҳалок бўлган. Яъни, Россиянинг ракета зарбалари, бомбардимонлари, қатлиомлари оқибатида икки йилдан кўпроқ вақт ичида 547 бола ҳалок бўлган. Икки йил деб олсак ҳам, уруш йилига 270 дан зиёд боланинг ҳаётига зомин бўлган.

Сизга бир ғалати нарсани айтайми? Осмони мусаффо, қўшнилари билан муносабатлари яхши, тинч Ўзбекистонда 2023 йилда йўл-транспорт ҳодисалари оқибатида 263 нафар бола ҳалок бўлган. Ҳа, Украинада бир йилда 270 нафар бола Россия босқини оқибатида ҳалок бўляпти, Ўзбекистонда эса тахминан шунча бола шунчаки йўлларда ўлиб кетяпти. Қайси бирини тезлик чекловига риоя қилмайдиган дабба босиб кетган, бошқа бирови эса давлат ва беқарор жамият тарбиялаган автотеррорист ҳайдовчини деб ёки шундай ҳайдовчи билан бирга ҳалок бўлган.

Ўзбекистон йўлларида бир йилда салкам 300 нафар боланинг ҳалок бўлиши – бу умуммиллий фожиа. Сифатсиз доридан салкам 70 бола шунчаки ўлиб кетганида на ҳамдардлик билдиришга, на чалажон ҳолида омон қолган болаларга тайинли ёрдам қўлини чўзишга яраган давлат бу фожиани, эҳтимол, сезмас. Балки, сезишни хоҳламас. Давлат бу фожиани сезишни хоҳламаётгани аслида жамиятнинг айби, унинг беқарорлиги белгиси. Жамиятда бу борада якдиллик бўлса эди, давлат сезишга мажбур бўларди.

Якдиллик дегани нима? Менимча, “ҳеч ким кўчага бугун бир болани босиб кетай деб чиқмайди”, деб сафсата сотмаслик; “ота-онаси қараса бўлмасмиди?” деб маҳмадоналик қилмаслик; “бола йўлни белгиланмаган жойдан кесиб ўтган” деб расмиятчилик қилмаслик ва ҳоказо. Жамиятнинг барча қатламлари мана шундай баҳонатўқарликдан қутулса, аксинча, ЙТҲга сабаб бўлаётган омиллар устида бош қотирса, муҳокама қилса, муаммоларни кўрсатса, ҳаммага яхши. Асосийси, йўлдаги ўлим камаяди.

Жамият якдил қиладиган нарсалардан яна бири – идора ва ташкилотларининг бу муаммога муносабати. Бу борада ҳар ким имконияти доирасида, қўлидан келганича нимадир қилса кифоя. Шу жиҳатдан, ЎзПФЛ жамоасининг ташаббусини олқишлайман – бир футбол ташкилоти ўлароқ, орасида ҳайдовчилар ҳам кам бўлмаган ўз аудиторияси эътиборини креатив йўл билан муаммога қаратяпти, уларни одам, хусусан, бола ўлдирмасликка чақиряпти. Бу каби тарғибот билан ҳар ким, ҳар куни шуғулланиши керак.

Шунда жамиятда, бошланишига, юқоридаги каби баҳоналарга нисбатан тоқатсизлик шаклланади, давлат эса йиллар давомида сўралаётган ислоҳотларни кечиктирмай қилишга киришади. Ҳа, ҳаммаси шундай осон. Менимча.

Ko'pchilik 2+ gol farqi bilan g'alabani tahmin qilyapti (istayapti), lekin shu termani o'z uyimizda bitta gol urib, qiyinchilik bilan yutdik. Ular esa BAA va Qatardan ochko olishga va Eronga 2 ta gol kiritishga muvaffaq bo'ldi.

Eron bilan o'yinda ko'rindi-ki, maydonning holati juda yomon. Bunday maydonda ular anchadan beri, biz esa birinchi marta o'ynaymiz.

Jismoniy tomondan raqib bizdan ustun ekanligini Toshkentdagi o'yinda ham ko'rgandik. Hatto termamiz futbolchilari ham koreyaliklardan bunday o'yin kutishmaganini, jismoniyatda ular yaxshiroq ekanligini aytishdi.

Koreyaliklar har bir o'yinda o'ligini tashlab o'ynashyapti. Bugun esa bizning ham shunday o'yin ko'rsatishdan boshqa variantimiz yo'q.

Men Iskanderovni asosiyda xohlagandim, loaqal ikkinchi bo'limda ko'rishimizga umid qilaman.