Сени осон топмадим қизим.
Этим суягимдан узиб, топганман. 
Оғриқли кунларда узун тунларда
Неча бор уйқумни бузиб, топганман. 

Эски кийимларга ўралиб қолдим,
Сени маликадек юришинг учун. 
Хавотирдан ўлдим кўчага чиқсанг,
Эсон-омон уйга келишинг учун.

Мен эмас-ми жонинг оғриганида
Жони чиққудайин тепангда турган.
Битта гул берганга бинолар қўйма,
Мен эмасми, сенга умрини берган. 

Юзимизни ерга қаратма қизим.
Юзимиз офтобга кўриниб турсин.
Шундай ҳаёли бўл, шундай иболи
Битта қараганга билиниб турсин.

Қушдек оғзимда дон ташидим сенга,
Қушдек учиб кетсам чоранг йўқ болам. 
Тош отсанг ҳам нон деб териб егувчи,
Сени яна бошқа онанг йўқ, болам.

Бахтимга бахтли бўл, доғингни кўрмай.
Қошимга ўсма қўй кўнглимни кўтар.
Бир овоздан десин сени кўрганлар,
Яхши қиз туғади, яхши оналар.

✍ Рислиғой ҲОТАМОВА,
Наманган вилояти.

Муҳаммад Юсуф издошларига қўшилинг👇
@Muhammadyusufizdoshlari👈 канали,
@Muhammadyusufizdoshlariguruhi👈 гуруҳи.



Seni oson topmadim qizim.
Etim suyagimdan uzib, topganman. 
Ogʻriqli kunlarda uzun tunlarda
Necha bor uyqumni buzib, topganman. 

Eski kiyimlarga oʻralib qoldim,
Seni malikadek yurishing uchun. 
Xavotirdan oʻldim koʻchaga chiqsang,
Eson-omon uyga kelishing uchun.

Men emas-mi joning ogʻriganida
Joni chiqqudayin tepangda turgan.
Bitta gul berganga binolar qoʻyma,
Men emasmi, senga umrini bergan. 

Yuzimizni yerga qaratma qizim.
Yuzimiz oftobga koʻrinib tursin.
Shunday hayoli boʻl, shunday iboli
Bitta qaraganga bilinib tursin.

Qushdek ogʻzimda don tashidim senga,
Qushdek uchib ketsam chorang yoʻq bolam. 
Tosh otsang ham non deb terib yeguvchi,
Seni yana boshqa onang yoʻq, bolam.

Baxtimga baxtli boʻl, dogʻingni koʻrmay.
Qoshimga oʻsma qoʻy koʻnglimni koʻtar.
Bir ovozdan desin seni koʻrganlar,
Yaxshi qiz tugʻadi, yaxshi onalar.

✍ Risligʻoy HOTAMOVA,
Namangan viloyati.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈 guruhi.

https://www.tg-me.com/Muhammadyusufizdoshlari

HAYOT SOAT

✍🎤 Xolida ISMOIL,
Surxondaryo viloyati.

Muhammad Yusuf izdoshlariga qoʻshiling👇
@Muhammadyusufizdoshlari👈 kanali,
@Muhammadyusufizdoshlariguruhi👈 guruhi.

https://www.tg-me.com/Muhammadyusufizdoshlari

ГЎДАК ФАРЁДИ
(Уруш ҳаракатлари кечаётган юрт болалари тилидан)

Нега ухлаб қолдинг жим?
Ҳали қуёш ботган йўқ.
Тунмоможон осмонга
Юлдузчалар отган йўқ..

Тур онажон, жон онам!
Чўзилиб тош қотмасдинг!
Қанча хориб, чарчама
Мен ухламай ётмасдинг,

Тўшакчамдан бир қарич
тушсам
Тортиб қўярдинг.
Йиғлар бўлсам кўзларим
Ўпиб, артиб қўярдинг.

Жон онажон,
Жон она!!!
Иштончам хўл,
Қорним оч.
Кимдир тутган ширмойни
Сенга берай, кўзинг оч!

Қўлларингни уқалаб,
Юзларимга сураман?
Сал қимирла, бошингга,
Ёстиқ бўлиб тураман,
Тур онажон!
Ҳеч гўдак мустар бўлиб кутмасин!
Ухлаб қолсанг, дунёни
Қиёматлар ютмасин!

Ким суратга олиб жим,
Ким қопиб, ким алжирар.
Эртаклардан тирилиб.
Келдимикин бўжилар?

Кимдир туртиб, ким боя
Тепиб ўтди билмадинг.
Айбимиз не? Бировга
Ҳеч ёмонлик қилмовдинг...

Жилмаярдинг чиройли,
Тургин она, кулиб тур!
Югуртирмай майлига,
Қимирлаб тур, юриб тур!

Мама берган кўкрагинг
Музламасди бунчалик.
Эсламадинг эмсам ҳам.
Унутдингми шунчалик?!

Тургин она,
Тур она!
Билакчамга куч бўлгин!
Меҳринг дариғ тутмагин
Юракчамга куч бўлгин!

Уйғон она!
Жон онам
Алла айтиб алқаб тур!
Ёвга кучим етгунча
Полвоним деб, мақтаб тур!

Уйғон она!
Майлига,
Уришиб тур, уриб тур!
Эртак айтма, шеър айтма,
Қўшиқ айтма! Кулиб тур!

“Болажоним” дер эдинг,
Катта бўлай, кўр она!
Ширинсўзим, ҳаммадан.
Фақат ўзинг зўр она!

...Афсус! Анча нарсага
Ақлим етиб турибди...
Уйғонмасанг, қай қисмат
Мени кутиб турибди?

“Ҳазиллашдим” десангчи,
Лол қолдириб оламни
-Бермайман! -де, ҳеч кимга
Эркатойим, боламни...

Тур онажон!
Тур она!
Қалқиб тургин, қайтиб тур!
Қара, қуёш қон қусди.
Сен ўрнига балқиб тур!!!

Осмон катта, ер катта
Ҳаммага жой бор, она!
Тоғлар сиққан, ой сиққан
Дунёсида қол она!

Тур онажон!
Тур она!

✍Муаззам Иброҳимова, Тошкент.

Муҳаммад Юсуф издошларига қўшилинг👇
@Muhammadyusufizdoshlari👈 канали.
@Muhammadyusufizdoshlariguruhi👈 гуруҳи



GOʻDAK FARYODI
(Urush harakatlari kechayotgan yurt bolalari tilidan)

Nega uxlab qolding jim?
Hali quyosh botgan yoʻq.
Tunmomojon osmonga
Yulduzchalar otgan yoʻq..

Tur onajon, jon onam!
Choʻzilib tosh qotmasding!
Qancha xorib, charchama
Men uxlamay yotmasding,

Toʻshakchamdan bir qarich
tushsam
Tortib qoʻyarding.
Yigʻlar boʻlsam koʻzlarim
Oʻpib, artib qoʻyarding.

Jon onajon,
Jon ona!!!
Ishtoncham xoʻl,
Qornim och.
Kimdir tutgan shirmoyni
Senga beray, koʻzing och!

Qoʻllaringni uqalab,
Yuzlarimga suraman?
Sal qimirla, boshingga,
Yostiq boʻlib turaman,
Tur onajon!
Hech goʻdak mustar boʻlib kutmasin!
Uxlab qolsang, dunyoni
Qiyomatlar yutmasin!

Kim suratga olib jim,
Kim qopib, kim aljirar.
Ertaklardan tirilib.
Keldimikin boʻjilar?

Kimdir turtib, kim boya
Tepib oʻtdi bilmading.
Aybimiz ne? Birovga
Hech yomonlik qilmovding...

Jilmayarding chiroyli,
Turgin ona, kulib tur!
Yugurtirmay mayliga,
Qimirlab tur, yurib tur!

Mama bergan koʻkraging
Muzlamasdi bunchalik.
Eslamading emsam ham.
Unutdingmi shunchalik?!

Turgin ona,
Tur ona!
Bilakchamga kuch boʻlgin!
Mehring darigʻ tutmagin
Yurakchamga kuch boʻlgin!

Uygʻon ona!
Jon onam
Alla aytib alqab tur!
Yovga kuchim yetguncha
Polvonim deb, maqtab tur!

Uygʻon ona!
Mayliga,
Urishib tur, urib tur!
Ertak aytma, sheʼr aytma,
Qoʻshiq aytma! Kulib tur!

“Bolajonim” der eding,
Katta boʻlay, koʻr ona!
Shirinsoʻzim, hammadan.
Faqat oʻzing zoʻr ona!

...Afsus! Ancha narsaga
Aqlim yetib turibdi...
Uygʻonmasang, qay qismat
Meni kutib turibdi?

“Hazillashdim” desangchi,
Lol qoldirib olamni
-Bermayman! -de, hech kimga
Erkatoyim, bolamni...

Tur onajon!
Tur ona!
Qalqib turgin, qaytib tur!
Qara, quyosh qon qusdi.
Sen oʻrniga balqib tur!!!

Osmon katta, yer katta
Hammaga joy bor, ona!
Togʻlar siqqan, oy siqqan
Dunyosida qol ona!

Tur onajon!
Tur ona!

✍ Muazzam Ibrohimova, Toshkent.

Muhammad Yusuf izdoshlariga qo‘shiling👇
@Muhammadyusufizdoshlari👈 kanali,
@Muhammadyusufizdoshlariguruhi👈 guruhi.
https://www.tg-me.com/Muhammadyusufizdoshlari

Таъзия

     Ўзбекистон халқ шоири Муҳаммад Юсуфнинг укаси Миродил Юсуф ўғли Сотволдиевнинг вафоти муносабати билан унинг оиласи ва яқинларига ҳамдардлик билдирамиз.

Муҳаммад Юсуф издошлари канали


Taʼziya

     Oʻzbekiston xalq shoiri Muhammad Yusufning ukasi Mirodil Yusuf o‘g‘li Sotvoldiyevning vafoti munosabati bilan uning oilasi va yaqinlariga hamdardlik bildiramiz.

Muhammad Yusuf izdoshlari kanali

@Muhammadyusufizdoshlari👈 kanali,
@Muhammadyusufizdoshlariguruhi👈 guruhi.
https://www.tg-me.com/Muhammadyusufizdoshlari

@ҲАМДАРДЛИК

Ўзбекистон халқ шоири Муҳаммад Юсуфнинг укалари, беғубор ва самимий инсон Сотволдиев Миродилнинг вафотини эшитиб, кўнглимиз эзилди. Начора, ўлим ҳақ.
Ушбу оила аъзоларининг дардига шерикмиз. Уларга Тангридан сабр тилаб, барча яқинларига ҳамдардлик билдирамиз.
Миродилнинг руҳлари шод ва охиратлари обод бўлсин, омин!

Ҳасан АЛМАТОВ

Белгилүү акын Мухаммад Юсуфтун иниси Мирадил Юсуф уулунун дүйнө салганына байланыштуу,
маркумдун үй бүлөсүнө, туугандарына чын жүрөктөн көңүл айтабыз жана кайгысын тең бөлүшөбүз. Маркумга Жараткандын бейишин, жакындарына сабыр тилейбиз.
Жаткан жери жайлуу топурагы торко болсун!
Инна Лиллаахи ва инна илайхи ражиун!
Кыргыз акын жазуучулары атынан

Режабали КАМОЛЗОДА.
Кыргыз акын жазуучулары фондунун,
Өзбекстан жазуучулары уюмунун мүчөсү. 🇺🇿🇰🇬🤝🤲🤲🤲

Мен 2018 йилда Муҳаммад Юсуф таваллуди санаси муносабати билан Андижоннинг Марҳамат туманида ҳамда шоир улғайган уйда бўлганман. Шоирнинг қариндошлари, опалари ёки сингиллари, Миродил акани ҳам ўшанда кўрганман. Ниҳоятда дилбар феълли инсонлар эди улар. Жуда камтар, жуда ҳокисор... Худди Муҳаммад Юсуф сингари. Чунки раҳматли Муҳаммад ака ҳаётлигида ҳам жуда кўп суҳбатда бўлганман. Зомин семенарларини бирга ўтказганмиз. Ҳаммалари ҳам ажойиб инсонлар эди. Миродил Сотволдиев вафоти муносабати билан уларнинг оила аъзолари, дўст-ёрлари, қариндош уруғларига таъзия билдираман. Гўрлари тўла нур бўлсин. Омин. Шаҳло Аҳророва, фалсафа фанлари бўйича фалсафа доктори, шоира. https://www.tg-me.com/Shaxlo_Axrorova

Ушбу таъзияни ўқиб, марҳум шоиримиз хотирасига бағишланган анжуманга бориб, хонадонларини зиёрат этганларимиз ёдимга тушди. Муҳаммад Юсуф хотирасини абадийлаштириш учун жон куйдириб юрган, ҳар бир экспонат хақида теран маълумот беришган укалари, сингиллари хар бир саволимизни эътиборсиз қолдиришмаганди. Чунки улар шоиримиз билан ҳаётларининг анча қисмларини бирга ўтказишган, ҳамнафас бўлишган инсонлар эди. Бугун шундай жонли таассуротлари билан қалбимизни тўлқинлантира оладиган ажойиб инсондан айрилибмиз. Миродил Юсуф ўғли Сотволдиевнинг оиласига ҳамдардлик билдириб, Аллохимдан ушбу мусибатли синов кунларида сабр-тоқат тилайман. Илоҳим, марҳумнинг иймони саломат, охиратлари обод бўлиб, жойларини Аллоҳим жаннат боғлари тўридан насиб айласин, савобли амаллари йўлдош бўлсин.

Бу дунёда барчамиз меҳмон,
Боқийликка кетармиз бир он.
Ортимизда эзгу амаллар,
Қолар меҳр тутилган эҳсон.

Ўзбекистон Ёзувчилар уюшмаси фахрий аъзоси, Қозоғистон "Ижодкор" адабий бирлашмаси аъзоси, шоир- таржимон Баходир Оташ.

Инна лиллаҳи ва инна илайҳи рожиъун.

  Ўзбекистон халқ шоири Муҳаммад Юсуфнинг укаси Миродил Юсуф ўғли Сотволдиевнинг вафоти муносабати билан унинг оиласи ва яқинларига ҳамдардлик билдираман.

Яқинларимиз қаторида ҳамиша ардоғда бўлган, фидойи ўқитувчи, жонкуяр инсон Муродил акамизнинг вафот этганлиги, яна бир катта йўқотиш бўлди.

Аллоҳ раҳмат қилсин.
Қилган меҳнатлари, улкан совобларга йўғрилсин.
Устозимиз ҳақларига ҳамиша дуодамиз.

🥀🥀🥀@Saida_Ziyo.🥀🥀🥀

OG‘IR YO‘QOTISH…

Bugun qalblarimizni yana bir og‘riqli xabar tilka-pora qildi…
Sevimli shoirimiz, yurt faxri bo‘lgan Muhammad Yusufning suyukli ukalari — Murodil Sotvoldiyev og‘ir xastalikdan so‘ng vafot etganlari ma’lum bo‘ldi.

Bu — nafaqat bir oilaning, balki butun adabiyot muxlislari, shoirni chin dildan sevgan elning dardi.
Murodil aka oddiy inson emasdilar — ular Muhammad Yusuf ijodining yaqin guvohi, ba’zan esa sukutdagi ilhomi bo‘lgan aziz bir qalb egasi edilar.

Alloh rahmatiga olsin.
Qabringiz nurli, oxiratingiz obod bo‘lsin, Murodil aka.
Oila a’zolariga, yaqinlariga chuqur hamdardlik bildiramiz.
Yuraklarimiz siz bilan…


Murodil aka Sotvoldiyev xotirasiga

Ketdi, oramizdan sokin, beg‘ubor,
Hayot bir nafasdir — olmoqlik taqdir
Ko‘zlarda yosh to‘lib, yurakda g‘ubor.
Har kimga bitilgan ajali, haqdir.

Shoirga suyangan ukadir o‘tgan,
Qalbning daryosida,  sog‘inchla cho‘kar.
Hayot sahnasidan sokin ketgan
Yaxshilar o‘tmaydi — yodlarda yashar.



Andijon viloyati Marhamat tumani 13-umumiy o‘rta ta'lim maktabining Ma‘naviy-ma‘rifiy ishlar bo‘yicha direktor o‘rinbosari Ergasheva Shaxnoza Baxtiyor qizi

O’zbekiston xalq shoiri Muhammad Yusufning ukasi Murodil akaning bevaqt vafot etgani munosabati bilan chuqur taziya bildiraman. Har safar borganimizda Murodilla aka kutib olardi, shoirni haqqiga tilovat qilardilar. Dunyo shoshqaloq. Vaqt esa yugirik. Yaqinlariga sabr va Murodil akaning oxirati obod bo’lisin.

Mansur Yunus, O’zbekiston Yozuvchilar va Jurnalistlar uyushmasi a’zosi, filologiya fanlari doktori

МУРОДИЛ АКАМ ХОТИРАСИГА
Мирзо Карим

Устоз Муҳаммад Юсуфнинг укалари Муродил Юсупов 09.07.2025 йили 68 ёшида вафот этди. Дийдор қиёматга қолди акажон😭!

Акам деб, кўп хаёл сурар эдингиз,
Қабрин ҳар кун йўқлаб турар эдингиз.
Марҳаматга борсам, марҳамат қилиб,
Устозни эслатиб юрар эдингиз!

Беҳи тутиб толмас сўрига шохлар,
Кўнгил ўша беҳи экканни хоҳлар,
Кескин фикрлару бургут нигоҳлар,
Устозни эслатиб юрар эдингиз!

Ўзбек, туркман, қирғиз келишар жилаб,
Дуолар қилдингиз умрлар тилаб,
Қизғолдоқларни ҳам манглайин силаб,
Устозни эслатиб юрар эдингиз!

Музейлар очилди, ёқилди чироқ,
Бир дунё ёндошдан қондош яхшироқ,
Энг катта ёдгорлик мен учун бироқ,
Устозни эслатиб юрар эдингиз!

Юракдан кўп алам ўтган Мирзода,
Анжонда кўз юмди, бир устазода,
Борингиз бахт эди ёруғ дунёда,
Устозни эслатиб юрар эдингиз!

Мирзо Карим

Дилим оғрияпти, айланмайди тил,
Муҳаммад ёнига кетди Муродил.
Жигарлар топишар унда, албатта.

Тангрим, жойларини қилгин жаннатда.

Тоҳиржон Отахонов,
Марҳамат тумани.

ЧУҚУР ТАЪЗИЯ

Суғд вилояти Ўзбеклар маънавият ва маърифат маркази жамоаси Ўзбекистон халқ шоири Муҳаммад Юсуфнинг укаси Миродил Сотволдиевнинг бевақт вафот этганликлари муносабати билан уларнинг оила аъзолари ва яқинларига чуқур таъзия ва ҳамдардлик билдиради!
Илоҳим марҳумнинг охиратлари обод бўлсин.
Иннаа лиллааҳи ва иннаа илайҳи рожиъуун!

Илҳом Юсупов,
Тожикистон Республикаси, Суғд Ўзбеклар маънавият ва
маърифат маркази раиси,
педагогика фанлари номзоди

========== Ҳ А М Д А Р Д Л И К ==========

Ӯзбекистон халқ шоири Муҳаммад Юсуфнинг укаси МИРОДИЛ СОТВОЛДИЕВ вафоти муносабати билан тожикистонлик мухлислар, Суғд вилояти Ӯзбеклар маънавият ва маърифат маркази фаоллари, дӯстлар, қалам аҳли номидан марҳумнинг оила аъзоларига, яқинларига чуқур таъзия билдирамиз.


✍ Ҳаким ЗОКИР,
Тожикистон Республикаси, Суғд вилояти Ўзбеклар маркази фаоли,  "Шарқнома" журнали бош муҳаррири.

Muhammad Yusuf izdoshlari

------------------------------------ Hamdardlik

Bolalik do‘stim , O‘zbekiston xalq shoiri Muhammad Yusufning jigarbandi - ukasi Murodiljon Sotvoldiyevning vafoti munosabati bilan Mingtepalik jurnalistlar uyushmasi va barcha ijod ahli nomidan marhumning oila a'zolari va yaqinlariga chuqur ta'ziya izhor qilamiz .

Obidjon Mahmud Dovoniy ,
O‘zbekiston Jurnalistlar uyushmasi a'zosi , " Antik Dunyo " xalqaro ilmiy akademiyasi dotsenti , tarixchi - o‘lkashunos olim , jamoat arbobi .

Ўзбекистон халқ шоири Муҳаммад Юсуфнинг укаси Миродил Сотволдиевнинг вафоти муносабати билан оиласи ва яқинларига ҳамдардлик билдираман.

Қозоғистон Республикаси, Чимкент вилояти, Сайрам тумани, Қорабулоқ қишлоғи турғуни Победахон Юсупбек қизи.