U bir sheʼrida “Qovogʻingga kimdir don sepgan, kiprigingga qushlar qoʻnibdi” deb yozadi. Qarang, qanday ajoyib jozibali manzara, sehrli shoirona talqin va xalqona oʻtkir oʻrinli ifoda. Shu ikki misra orqali shoir tashbeh sanʼatining mahoratli ijodkori ekani koʻrinadi. Najmiddinning ijodida olimlarga xos tafakkur bilan noziktaʼb shoirlik oʻzaro uygʻunlashib ketadi. Shoir oʻzining butun idrok va hissiy iqtidorini soʻz ustida ishlashga safarbar qiladi. Shuning uchun ham sheʼrlarida...

Maqolaning to‘lig‘i 👇👇👇

https://oyina.uz/uz/article/3292

Бир юпанч бор эди айтарли,
Бир ишонч бор эди идраган.
Битта йўл бор эди қайтарли,
Битта гул бор эди қайтмаган.

Оппоқ қор ёққанда гупуриб,
Оҳ-зорлар оғдирди эсимдан.
Оқшомга юз бурдим тонг туриб,
Оҳ, Соғинч, сен кимнинг исмисан?..

Бу қисқа кўринган кунмиди,
Бу қистаб жон олар тундир-а?
Май тусаб турибман тўлдиру,
Ҳа, истаб юрибман ўлдира...

Ютганда энг сўнгги ютумни,
Чиққанда оғринчнинг измидан,
Айтқани, унутган отимни,
Айт, Соғинч, сен кимнинг исмисан?..

https://www.tg-me.com/Najmiddin_Ermatov

“ҚЎРБОШИЛАР ҚЎШИҒИ" театрлаштирилган шеърий консертига масофа, вақт ва бошқа сабабларга кўра кела олмаганлар учун тўлиқ видеоси тайёр бўлибди.

https://youtu.be/uPRh_QeIFdM?si=e8atezOY7raCe6y_

Ҳижронга эврилган умр йўлимда—
Менинг сен сиғмаган пешонам ҳам бор.

Шеърни Шунқор Чориев ўқиган.

https://www.tg-me.com/Najmiddin_Ermatov

***

Эртамни ушоқдек сочдим ҳавога,
Бир кун кабутарлар териб ер ахир.
Кечам танга каби тушиб қолибди ,
Сичқонлар инига судраб кетгандир.

Бугунга сиғдирдим ишқни ва сени,
Изтироб ҳам сиғди, ҳижрон ҳам бунда.
Фақат ўзимга жой қолмади ахир,
Айт, энди яшайин қайси бир кунда?...


https://www.tg-me.com/Najmiddin_Ermatov

Фаррух Жабборов Тил ва адабиёт таълими журналига бош бўлиб ўтганидан сўнг журналнинг телеграм каналида фойдали ўйинлар уюштириб бошлади. (ака ойина.уз ниям этак-чечаклигидан юришни ўргатиб, катта йўлга солиб юборганди) Галдаги соврин аввалгиларидан анча баланд. Шунчаки шеър ўқиганингиз, улашганингиз учун икки миллион сўмлик сара китоблар жамланмасига эга чиқишингиз мумкин!

https://www.tg-me.com/Najmiddin_Ermatov

Бугун акамиз, катта шоир Шодмонқул Саломнинг тувилди куни!

Зебо, қўлларингни олма қўлимдан,
Олтин киприкларинг терма йўлимдан,
Не истасанг кутгил жунун тилимдан,
Фош бўлгим келяпти менинг шу кеча.

Зебо, ҳаётимда шамол бўлиб ел,
Кўнглим қирғоғига сув ичгали кел,
Кийикдай сувга кел, сувлар тубида
Тош бўлгим келяпти менинг шу кеча.

Армондай эшилган сочинг толлари,
Исёнга ўхшайди кўзинг йўллари,
Зулфингдан хабардор, кўзингдан огоҳ,
Қош бўлгим келяпти менинг шу кеча.

Зебо, иқболимга дунё бўйлолмас,
Камол камолимга яқин келолмас,
Бу жонни олмасанг, бу жон ўлолмас,
Лош бўлгим келяпти менинг шу кеча.

Эй, ўт, оташингда уч умр кўрдим,
Ит умрим соядек ортингдан юрди.
Қуш умрим қалбингда қафасда турди,
Ошиқ умрим, мана, минг ёшга кирди,
Ёш бўлгим келяпти менинг бу кеча.

Беш дона оққанддай бешта бармоғинг,
Ёмғирли тунимни аста чертади.
Зебо, қўлларингни олма. Қўлимдан
Шу кеча ҳаётим ўтиб кетади.

Зебо, қўлларингни олма қўлимдан,
Ҳилолдай термулай тирноқларингга.
Бешта ой чиқмоқда битта тунимдан,
Беш ой ботиб кетган титроқларингга.

Зебо, қўлларингни олма қўлимдан,
Фош бўлгим келяпти менинг шу кеча...

Шодмонқул САЛОМ

https://www.tg-me.com/Najmiddin_Ermatov