امبارح اتحكم على Roger Thomas Clark بالسجن 20 سنة بسبب دوره في تشغيل موقع Silkroad.
موقع Silkroad كان أكبر سوق لتجارة المخدرات على الدارك ويب بيربط بائعي المخدرات بالمشترين، ونجح في تحقق مبيعات تجاوزت قيمتها 1.2 مليار دولار.
روجر اللي كان معروف باسم Variety Jones كان يعتبر المدير التاني للموقع، وساهم بشكل كبير في إدارة وتطوير الموقع تقنيا، وبعد إيقاف الموقع تم تتبعه والقبض عليه في تايلاند ثم ترحيله للولايات المتحدة.
يذكر إن مؤسس الموقع روس أولبريخت كان اتحكم عليه بالسجن مدتين مدى الحياة.

الكاش باك هو وسيلة من الوسائل المميزة اللي ممكن تعتمد عليها لخفض تكلفة مشترياتك من خلال استرداد جزء من تمن المنتج المدفوع 💳
دي بتكون وسيلة من الوسائل التسويقية اللي بتستخدمها الشركات لزيادة مبيعاتها واستخدام منتجاتها، وبيكون الربح فيها بشكل متبادل مع العميل.
عوائد الكاش باك غالبا بتكون على شكل خصم على عملية الشراء التالية أو أكواد خصم أو بطاقات هدايا.. لكن فيه تطبيقات بتوفر لك الكاش باك على شكل فلوس تقدر تسحبها لمحفظة رقمية زي فودافون كاش أو من خلال فوري.. وحتى باستخدام الحسابات البنكية.
التطبيقات بتدعم أشهر مواقع التسوق المحلية زي أمازون ونون، وكمان معظم المتاجر العالمية، واستخدام الطريقة دي سهل جدا وهي إنك بتشتري المنتجات من خلال التطبيقات دي أو من خلال روابط خاصة بيهم، وتقدر بعدها تحصل على الكاش باك في حسابك وتسحبه لما توصل للحد الأدنى.
ده مقال فيه شرح للكاش باك، وأفضل تطبيقات ممكن تستخدمها لربح كاش باك على مشترياتك 👇
https://bit.ly/3rs4VjN

واحد حمل لعبة CS:GO ولعبها لمدة 31 ساعة..
فتح صندوق سكنات لقى فيه Karambit Blue Gem skin واحدة من أندر السكنات الموجودة في اللعبة..
امبارح باعها مقابل 169 ألف دولار 🤑

شات بوت جوجل Bard دلوقتي بيدعم اللغة العربية.. وكمان تقدر تتكلم معاه بالعامية 👆

بشكل رسمي جميع الهواتف اللي هتتباع داخل الاتحاد الأوروبي لازم تكون ببطارية قابلة للإزالة 🔋
القرار كمان يشمل الأجهزة اللوحية وأجهزة اللاب توب، وهيدخل حيز التنفيذ الإجباري في 2027.
الموضوع ده هيعمل صداع للشركات خصوصا آبل، وهيأثر على النحافة المستمرة للهواتف.. واحتمال نشوف زيادة في سُمك الهواتف خلال السنين القادمة.

شاشة 55 بوصة 4K ببلاش 💯
شركة Telly هتبدأ توزع شاشات 55 بوصة مجانية في أمريكا بداية من الأسبوع القادم على 250 ألف عميل سجلوا في البرنامج بتاعها.
الشاشة عبارة عن جزئين، الجزء العلوي هو الشاشة العادية، والسفلي هو شاشة بيتم عرض إعلانات عليها طول الوقت.
شروط الحصول على شاشة:
▪️ لازم تقدم كل بياناتك زي العمر، الجنس، العنوان، تاريخ المشتريات، البراندات المفضلة، نمط الشراء.
▪️ لازم المستخدم يوافق على السماح للشركة بجمع واستخدام بياناته وأي حاجة تقدر تحسن استهداف الإعلانات.
▪️ لازم دي تكون الشاشة الرئيسية في البيت (الشاشة فيها مستشعر لمعرفة عدد المشاهدين أمام الشاشة).
▪️ لازم تكون الشاشة متصلة بالإنترنت طول الوقت.
▪️ ممنوع تستخدم أي تقنيات لحجب الإعلانات.
▪️ في حالة مخالفة أي شرط بيلتزم المستخدم برد الشاشة أو بيتم خصم 1000 دولار من الكريدت كارد المرتبطة بحسابه بشكل فوري 🙂🙂🙂🙂🙂🙂

الأسبوع اللي فات تم اغتيال قائد غواصة روسية في مدينة كراسنودار في روسيا أثناء جولة الركض اليومية.
القائد ستانيسلاف رزيتسكي كان بيشارك جولات ركضه على تطبيق اللياقة البدنية Strava، ويبدو إن الشخص اللي اغتاله قدر يتتبع مكانه من خلال المعلومات اللي رزيتسكي شاركها بنفسه عبر التطبيق 🙂

جهاز الأمن الفيدرالي الروسي فرض حظر على آلاف الموظفين من استخدام هواتف آيفون وأي أجهزة تابعة لآبل في أي حاجة تتعلق بالعمل 🚫
الحكومة الروسية كانت اتهمت شركة آبل (بدون تقديم دليل) بإنها سمحت لأجهزة أمنية أمريكية بالتجسس على مسئولين روس، وإنها بتتعاون مع الحكومة لتوفير أدوات لجمع المعلومات من أجهزاتها عن مستخدمين بتستهدفهم الحكومة.

حاجات مش هتشوفها غير في مصر
رسوم الجمارك أعلى من سعر المنتج نفسه
ولسه 10% رسوم زيادة من البنك.. ده لو عرفت تدفع يعني بحدود الدفع العبيطة بتاعتهم

بسبب خطأ في كتابة عنوان نطاق المراسلات؛ عشرات الآلاف من الإيميلات الخاصة بالجيش الأمريكي بيتم إرسالها لدولة مالي 🙂
النطاق الخاص بمراسلات الجيش الأمريكي بينتهي بامتداد MIL. لكن بسبب أخطاء الكتابة فيه مئات الإيميلات بيتم إرسالها يوميا لدولة مالي اللي امتداد النطاقات بتاعتها بتنتهي بـ ML.
المشكلة تم اكتشافها من أكتر من 10 سنين من متعاقد هولندي مسئول عن إدارة نطاقات مالي، ولغاية النهاردة لم يتم حلها.
المعلومات الموجودة في الإيميلات بتشمل:
▪️ معلومات وثيقة الهوية
▪️ قوائم طواقم السفن
▪️ قوائم الموظفين في القواعد العسكرية
▪️ خرائط وصور المنشآت والقواعد
▪️ تقارير التفتيش البحري ، والعقود
▪️ مسارات الرحلات والحجوزات للقادة
▪️ الشكاوى الجنائية ضد الموظفين
▪️ وثائق دبلوماسية ومعلومات تسجيل دخول
عدد الإيميلات اللي تم إرسالها لمالي بسبب الخطأ وصلت 117 ألف إيميل، منهم إيميلات كان فيها معلومات الدخول لخوادم بتستضيف وثائق وملفات حساسة تابعة لوزارة الدفاع 🙂 🙂

تطبيق Threads هيبدأ يطبق حدود على عدد المنشورات اللي المستخدم يقدر يشوفها في اليوم لمكافحة السبام على التطبيق..
يخربيت الكريتڤيتي

أعلنت شركة Meta وشركة Microsoft عن إطلاق الجيل التالي من نموذج اللغة المفتوح Llama 2 بشكل مجاني للأبحاث والاستخدام التجاري.

نموذج Llama 2 تم تدريبه على 2 تريليون رمز، أكثر بنسبة 40% من نموذج Llama 1 السابق، ويتوفر بنسخة بعدد متغيرات 70 مليار.

يمكن استخدام Llama 2 للعديد من الأغراض، بما في ذلك إنشاء النصوص وترجمة اللغات وكتابة أنواع مختلفة من المحتوى الإبداعي والإجابة الأسئلة.

متصفح فايرفوكس نجح في تخطى متصفح كروم على مقياس سرعة استجابة التطبيقات أثناء التصفح 🐇
كروم معروف باستهلاكه الضخم للرام عشان يوفر سرعة في التصفح.. لكن دلوقتي فايرفوكس أصبح أسرع وباستهلاك رام أقل.
كل المتصفحات دلوقتي بقت أفضل من كروم.. ومفيش أي مبرر للاستمرار في استخدامه 👎

برنامج Nearby Share للويندوز خرج من مرحلة البيتا وأصبح متاح بشكل رسمي للاستخدام على الكمبيوتر لنقل الملفات من وإلى الأندرويد بسهولة 🗂
تقدر تحمل البرنامج (الرابط في أول تعليق) وتستخدمه لو نظامك ويندوز 10 أو 11 وجهازك بيدعم الواي فاي والبلوتوث.

عاجل: عطل في خدمات واتساب 🔴🔴🔴

شركة آبل بتختبر شات بوت خاص بيها مدعوم بالذكاء الاصطناعي 🤖
الظاهر إن آبل لقت نفسها اتأخرت عن حفلة الـ AI اللي الشركات التانية وبدأت تطوير شات بوت باستخدام تقنيات Google JAX وبيشتغل على خوادم جوجل السحابية.
شركات مايكروسوفت وجوجل وميتا سبقوا آبل ودخلوا بقوة خلال الفترة اللي فاتت في المجال، سواءً بنماذج AI أو بأدوت لتوليد المحتوى النصي والصور.
حسب بلومبيرج فشركة آبل بتطور الشات بوت الخاص بيها بدون وجود خطط لمعرفة ازاي هتقدر تستخدمه في منتجاتها 🙂

الأسبوع ده تم الإعلان عن وفاة كيفين ميتنيك أحد أشهر مخترقي الحواسيب عن عمر يناهز 59 عام.
كيفين اتعرف بعد قيامه جرائم خلال التسعينيات تضمنت سرقة آلاف ملفات البيانات وأرقام بطاقات الائتمان، وهجمات تخريبية ضد جهات حكومية، بالإضافة لاختراق شركات زي نوكيا وموتورولا وسرقة أسرار تجارية بملايين الدولارات.
نشاط كيفين الواسع جعله الهدف رقم 1 لمكتب التحقيقات الفيدرالي اللي نجح في القبض عليه عام 1995 واتسجن 5 سنوات، مع 3 سنوات مراقبة اتمنع فيهم يستخدم كمبيوتر أو هاتف دون إذن من ضابط المراقبة.
بعد خروجه من السجن انتهت حياته الإجرامية واتحول للعمل كمستشار أمني للشركات.
نجاح مكتب التحقيقات الفيدرالي في القبض على كيفين كان سببه الرئيسي إنه اخترق كمبيوتر شخصي خاص بالخبير الأمني الياباني تسوتومو شيمومورا، اللي خد الموضوع بشكل شخصي وكرس وقته لتتبع كيفين ميتنيك لغاية ما تم القبض عليه.

ميزة القصص Stories أصبحت متاحة حاليًا على تليجرام 🖼
حدث التطبيق واضغط على Chats لعرض الستوريز المتاحة.
الميزة متوفرة حاليا للمشتركين في تليجرام بريميوم، وغير المشتركين متاح لهم المشاهدة والتعليق فقط 🙂

يوتيوب زود سعر اشتركات البريميوم لـ 23 دولار في الشهر، 120 جنيه في مصر للخطة العائلية
14 دولار / 66 جنيه في مصر لخطة الأفراد

شات جي بي تي انخفضت قدرته على الإجابة على مسألة رياضية بسيطة خلال 3 شهور من 98% إلى 2% !!!
في دراسة نشرتها جامعة ستانفورد فيها مقارنة بين دقة إجابات ChatGPT-4 لما يتم سؤاله عن رقم 17077 هل هو عدد أولي؟
في مارس 2023 كانت إجاباته بإنه عدد أولي (الإجابة الصحيحة) بنسبة 97.6%.
بعد 3 شهور في يونيو انخفضت دقة إجابته على نفس السؤال إلى 2.4%!
______________________
ده اللي ممكن يعمله فيك التعامل مع البشر لمدة 3 شهور بس.. حتى لو كنت ذكاء اصطناعي..