شركة TSMC التايوانية أكبر شركة لصناعة أشباه الموصلات في العالم قررت تأجل افتتاح مصنعها الجديد في ولاية تكساس الأمريكية بسبب عدم وفرة عمالة متخصصة في المجال.
أمريكا ضخت استثمارت ضخمة لتوطين صناعة الشرائح وأشباه الموصلات، والتخلص من الاعتماد على الخارج، خصوصا تايوان في ظل الصراع مع الصين.. لكن المشكلة مش في الاستثمارت ولكن في إن أمريكا مفيش عندها عمالة كافية بالمهارات المطلوبة للعمل في الصناعة دي.. بما إنها صناعة تم تصديرها للخارج.
الشركة صرحت إنها هتصدر عمالة من تايوان لأمريكا لتشغيل المصنع بحلول عام 2025.

اتعلم فلاتر الموضوع بسيط هياخد منك ساعة زمن 👇
https://bit.ly/366hX9N

هذه المصابيح تستخدم لتأمين ما يقرب من 20% من حركة المرور على الإنترنت 🛡
حائط مصابيح اللافا الفوضوي هو وسيلة تعتمد عليها شركة Cloudflare أكبر شبكة لتوصيل المحتوى CDN على الإنترنت.
يعتمد مالكوا المواقع على شبكات توصيل المحتوى من أجل توفير سرعة أفضل للزائرين عبر نشر مواقعهم على خوادم متعدد حول العالم؛ بالإضافة إلى مميزات أخرى.
وبسبب هذه العملية تظهر الحاجة إنشاء مصادقة مشفرة بين الطرفين لمنع عمليات التسلل والاختراق، وهذا بدوره يؤدي لظهور حاجة إلى درجة متطرفة من العشوائية لتوليد مفاتيح التشفير.
العشوائية أو كما يُشار إليها في علم التشفير Entropy هي من أهم العوامل المطلوبة لتوليد مفاتيح التشفير، لأنها تضمن صعوبة أو حتى استحالة إمكانية تخمين هذه المفاتيح أو اكتشاف أنماط توليدها، والذي يؤدي في النهاية إلى إمكانية فك التشفير.
الحواسيب تحتاج إلى بيانات على قدر كافي من العشوائية كأساس لكي تتمكن من توليد مفاتيح مشفرة غير قابلة للكسر.
هنا يأتي دور حائط مصابيح اللافا المكوّن من 100 مصباح، والذي تلتقط شركة Cloudflare صور مختلفة له ، وتستخدمها كبذرة لتوليد مفاتيح تشفير آمنة.

الشركة تقوم بالتقاط صورة عشوائية لهذا الحائط باستمرار، والتي بدورها يتم تخزينها على هيئة أصفار وآحاد كأساس لتوليد المفاتيح.
درجة العشوائية في ألوان هذه المصابيح وقت التقاط الصور، مع اختلاف زوايا التصوير وحِدة الإضاءة وغيرها من المتغيرات، تجعل درجة العشوائية في الصور أعلى ما يمكن. علمًا بأن أي تغير بسيط في الصورة يقوم بتغيير معلومات الصورة (الأصفار والآحاد بالكامل).
وهكذا، تكون العشوائية التي توفرها صور هذه المصابيح كافية كبذرة لتوليد مفاتيح تشفير قوية لا يمكن كسرها ولا تخمين أنماطها.

ميزة القنوات أصبحت متاحة دلوقتي على واتساب في 9 دول منهم دولتين عربيتين فقط (مصر - المغرب)، بعد ما كانت متاحة في سنغافورة وكولومبيا فقط.
الميزة هيتم إتاحتها للمستخدمين حول العالم بالتدريج.
عشان تستفيد من الميزة حدث تطبيق الواتساب وبعد كدة امسحه وحمل تليجرام واشترك في قناتنا ومئات القنوات المفيدة 👇
https://www.netaawy.com/2020/12/best-telegram-channels.html

جوجل أعلنت رسميا عن إنهاء دعم متجر التطبيقات Google Play عن أندرويد كيت كات 4.4 في أغسطس 2023 🪦
النظام اللي صدر من 10 سنوات تقريبا ما زال مستخدم على 15 مليون جهاز.

بينا يا رجالة

شركة T-Mobile بدأت طرح تقنية 5G جديدة في أمريكا لتوفير سرعة إنترنت تصل إلى 3.3 جيجابت في الثانية 🚀
التقنية بتعتمد على دمج 4 قنوات 5G في قناة واحدة لتوفير السرعة دي.. وحاليا مش بيدعمها إلا موبايل سامسونج Galaxy S23.
شركة Verizon هي كمان بتشتغل على تقنية مشابهة حققت في الاختبار سرعة 1 جيجابت للرفع، 4.3 جيجابت في التحميل.
مش عارف الناس دي عايشة ازاي من غير كروت فكة 🙂

طابور أمام أحد مراكز مشروع Worldcoin لناس واقفة عشان يبيعوا بصمة قزحية العين مقابل حوالي 50$ ☹️

بعد تغيير العلامة التجارية من Twitter لـ X صاحب حساب تويتر اللي معاه اسم المستخدم X كان متوقع إنه يبيعه للشركة أو يحصل على تعويض مادي وقدره في المقابل..
لكن اللي حصل إنه صحى من النوم لقى الاسم اتسحب منه وادوله الاسم ده x12345678998765 بدون ما ياخد أي مقابل 🙂

قطاع الواقع الافتراضي في شركة META حقق خسائر إضافية في الربع الثاني من 2023 بقيمة 3.7 مليار دولار 🥽
خسائر الشركة من بداية تحولها للتركيز على تقنيات الواقع الافتراضي للميتافيرس وصلت 40 مليار دولار!

واتساب دلوقتي أصبح بيدعم رسائل الفيديو الفورية في الشات بحد أقصى 60 ثانية للفيديو ⏱

شركة جوجل النهاردة أعلنت عن دخول سياسة حذف الحسابات الغير نشطة حيز التنفيذ 🚨
أي حساب غير نشط لم يتم تسجيل الدخول ليها خلال عامين هيكون عرضة للحذف بكل البيانات الموجودة فيه.

عشان الحساب يكون نشط لازم يكون سجل دخول مرة على الأقل خلال سنتين، أو استخدم أي خدمة من خدمات جوجل زي يوتيوب أو متجر التطبيقات أو محرك البحث.
هيكون فيه استثناءات من السياسة دي للحسابات الغير نشطة لكنها بتمتلك منتجات نشطة على منصات جوجل، زي الحسابات المرتبطة بقنوات يوتيوب أو بتمتلك تطبيق نشط على المتجر.
الحذف الفعلي للحسابات هيبدأ من 1 ديسمبر 2023.

الحكومة الأمريكية بدأت حملة مكثفة للبحث عن أكواد خبيثة نجح هاكرز صينيين في زرعها داخل مؤسسات أمريكية حساسة ☠️
في تقرير مهم نشرته The New York Times قبل ساعات ذكرت فيه إن عن وجود برمجية خبيثة تم استخدامها لاستهداف شبكات الطاقة والمياه والاتصالات في أمريكا ممكن استغلالها لشل أي تحركات للجيش لتأخير ردة فعله في حالة أقدمت الصين على غزو تايوان.
الأجهزة المخابراتية الأمريكية بتعتقد إن الهجوم بدأ من 2021، وكان أول اكتشاف ليه في شهر مايو الماضي لما شركة مايكرسوفت اكتشفت برمجية غريبة في أنظمة الاتصالات السلكية واللاسلكية في جزيرة جوام (واحدة من أكبر القواعد العسكرية الأمريكية).
البرمجية الخبيثة يعتقد إنها أصابت دول أخرى حليفة لأمريكا زي كندا واستراليا، وإنها من تطوير جيش التحرير الشعبي الصيني.
بالرغم من إن الفيروس ده تم تطويره لهدف معين وهو منع تحركات عسكرية في وقت حدوث هجوم، لكن المهاجمين حاليا عندهم سيطرة على شبكات الطاقة والماء والاتصالات في أمريكا بشكل شبه كامل ويقدروا يوقفوها عن الشركات التجارية والمواطنين.

شركة ستارلينك أصبحت حاليا بتمتلك 4,500 قمر صناعي بيدور حول الأرض لتوفير خدمة الإنترنت 🛰
الرقم ده بيمثل أكتر من 50% من إجمالي الأقمار الموجودة في مدار الأرض.
الشركة بتخطط لإرسال 42 ألف قمر صناعي لإمكانية تغطية الكوكب بالكامل بخدمة الإنترنت.

سلسلة مقالات عن مجال تطوير الألعاب وازاي أي شخص يقدر يبدأ بتعلمه من الصفر وبدون أي خبرة مسبقة.
السلسة مناسبة لأي شخص بيفكر يتعلم مجال جديد أو يعمل لعبة في أي مجال وعلى أي جهاز.. كمبيوتر، موبايل، بلايستيشن، إكس بوكس، متصفح وغيرها.
السلسة مقسمة إلى 6 مقالات كالتالي:

1️⃣ صناعة ألعاب الفيديو تحت المجهر
المقال ده هو الأساس اللي لازم أي حد يبدأ بيه لو مفيش عنده خلفية قوية عن مجال الألعاب. اتكلمت في المقال عن بداية عصر الألعاب من السبعينات وحتى انفجار الصناعة في السنوات الأخيرة. المقال مسلي وفيه معلومات مفيدة وتمهيد للدرس التالي.
رابط المقال 👇
https://bit.ly/30jeHmN

2️⃣ مدخل إلى برمجة وتصميم ألعاب الفيديو
ده أحد أهم دروس السلسلة لأني بدأت أمهد المعلومات الضرورية اللي لازم تكون عارفها زي الفرق بين التصميم والبرمجة في ألعاب الفيديو، وجاوبت على سؤال هل ممكن تصنع لعبة بدون ما تتعلم برمجة؟
وبعد كدة شرحت ازاي تبدأ تجهز أفكار اللعبة وإيه العناصر اللي انت محتاجها وابتكار قصة اللعبة واتكلمت باختصار عن محركات الألعاب كتمهيد للدرس التالي.
رابط المقال 👇
https://bit.ly/2mrkirc

3️⃣ ما هي محركات الألعاب؟
في الدرس ده اتكلمت عن محركات الألعاب Game Engines ودي باختصار البرامج اللي بيتصنع بيها الألعاب واللي ممكن تعتمد عليها في صناعة لعبة بدون برمجة. شرحت بعد كدة عناصر المحركات بالتفصيل زي الواجهة والمؤثرات والحركة وغيرها، وبعد كدة شرحت بالتفصيل ازاي تختار محرك الألعاب المناسب.
رابط المقال 👇
https://bit.ly/2lR7ppQ

4️⃣ أقوى محركات ألعاب الفيديو
في المقال ده اتكلمت عن أقوى 5 محركات موجودة تقدر تعتمد عليها في تصميم الألعاب، طبعا محركات الألعاب مجانية وتقدر تستخدمها زي ما تحب، وشرحت مميزات وعيوب كل محرك بشكل منظم جدا زي ما هتشوف في المقال إن شاء الله.
رابط المقال 👇
https://bit.ly/35CbOOF

5️⃣ أفضل لغات برمجة ألعاب الفيديو
في المقال ده اتكلمت عن لغات البرمجة المستخدمة في مجال صناعة الألعاب، طبعا دي خطوة مهمة للناس اللي عايزة تحترف المجال. ذكرت في المقال 5 لغات برمجة ومميزاتهم ومحركات الألعاب اللي بتستخدمهم.
رابط المقال 👇
https://bit.ly/2TaS2at

6️⃣ أقوى دورات تصميم الألعاب
مقال ختام السلسة اتكلمت فيه عن أفضل دورات عربية مجانية متوفرة لتعلم محركات الألعاب، وهتلاقوا في المقال الكورسات المتوفرة لكل محرك من المحركات اللي اتكلمت عنها في السلسلة.
رابط المقال 👇
https://bit.ly/2TicM0h

متصفح OperaX أعلن عن تقديم ميزة جديدة لتزييف سجل التصفح الخاص بالمستخدم 🙂📋
ميزة Fake My History هيتم تفعيلها على المتصفح بعد مرور 14 يوم من عدم الاستخدام.. وهتقوم بمسح سجل التصفح الموجود واستبداله بسجل مختلف من مواقع عادية.
الميزة كمان ممكن تجربتها بشكل فوري على المتصفح من خلال الدخول للإعدادات والضغط على Pretend I’m Already Dead 🙂

لما تشتري هارد 1 تيرا وتلاقي المساحة بتاعته 931 جيجا بس..

شركة أوبر حققت أرباح تشغيلية لأول مرة من سنة 2014 💰
الشركة أبلغت عن تحقيق 326 مليون دولار أرباح تشغيلية للربع الثاني من 2023.
الشركة من 2014 بتحقق خسائر تشغيلية بلغت حتى الآن 31.5 مليار دولار.

شركة Meta نشرت الكود الخاص بأداة AudioCraft بشكل مفتوح المصدر.. واللي بيقدر ينتج موسيقى وصوت من خلال محتوى نصي 🎶
الكود خاص بـ3 نماذج AI:
MusicGen: وده بيستقبل مدخلات نصية وبينتج موسيقى.
AudioGen: وده بيستقبل مدخلات نصية وبيحولها لصوت.
EnCodec: أداة فك ترميز بتسمح للمستخدمين بإنتاج صوت بتأثيرات معينة.